ໃນອາທິດທີ່ຜ່ານມາ, ຄະນະໂຄສະນາອົບຮົມແຂວງ ເຄື່ອນໄຫວສ້າງຂະບວນການເພື່ອຂໍານັບຮັບຕ້ອນກອງປະຊຸມໃຫຍ່ອົງຄະນະພັກແຂວງຈໍາປາສັກ ຄັ້ງທີ IX , ເຊິ່ງມີຫຼາຍກິດຈະກໍາ ເປັນຕົ້ນ: ການເຄື່ອນໄຫວໂຄສະນາສຶກສາອົບຮົມການເມືອງ-ແນວຄິດ ແກ່ພະນັກງານ, ສະມາຊິກພັກ, ການປະດັບປະດາສໍານັກງານອົງການ, ການຮ່ວມຂະບວນການອະນາໄມລວມຕາມເສັ້ນທາງຫຼວງ, ຂະບວນການແຂ່ງຂັນກິລາ ຊິງຂັນທ່ານເຈົ້າແຂວງ, ການເຄື່ອນໄຫວສໍາພາດຕົວແບບທີ່ປະກອບຄໍາເຫັນຕໍ່ກອງປະຊຸມໃຫຍ່, ການສ້າງສະປອດໂຄສະນາຜ່ານສື່ສິ່ງພິມ , ສື່ເອເລັກໂຕນິກ ແລະ ສື່ສັງຄົມອ່ອນລາຍຕ່າງໆຂອງອົງການ, ການຕິດພາບວາງສະແດງການເຄື່ອນໄຫວວຽກງານຂອງອົງຄະນະພັກແຂວງ; ເຊິ່ງນໍາພາໂດຍ ສະຫາຍ ປອ ສຸປານີ ສິລິປຸນໂຍ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ ພ້ອມດ້ວຍສະຫາຍໃນຄະນະ, ຫົວໜ້າຂະແໜງ-ຮອງຂະແໜງ ແລະ ພະນັກງານທັງໝົດພາຍໃນອົງການເຂົ້າຮ່ວມຢ່າງເປັນຂະບວນຟົດຟື້ນ.
