ໃນຕອນເຊົ້າຂອງວັນທີ 26 ມີຖຸນາ ປີ 2024 ແຂວງຈໍາປາສັກໄດ້ຈັດກອງປະຊຸມເຜີຍແຜ່ເຊື່ອມຊືມ ແລະ ຜັນຂະຫຍາຍມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ ຄັ້ງທີ 8 ສະໄໝທີ XI ມະຕິວ່າດ້ວຍການສ້າງເສດຖະກິດ ເອກະລາດ ເປັນເຈົ້າຕົນເອງໃນໄລຍະໃໝ່ ໃນທົ່ວແຂວງຈຳປາສັກ, ຂຶ້ນທີ່ສະໂມສອນຫຼັກ 4 ຂອງແຂວງ. ໃຫ້ກຽດເປັນປະທານຂອງ ສະຫາຍ ອາລຸນໄຊ ສູນນະລາດ ກຳມະການສູນກາງພັກ ເລຂາພັກແຂວງ ເຈົ້າແຂວງໆ ຈຳປາສັກ,
ເຂົ້າຮ່ວມມີ ທ່ານ ສະນັ່ນ ສີພາພົມມະຈັນ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ, ມີ ຄະນະປະຈຳພັກແຂວງ, ກຳມະການພັກແຂວງ, ຫົວໜ້າພະແນກການກົມກອງອອ້ມຂ້າງແຂວງ, ກຳລັງ ປກສ-ປກຊ, ການນຳນະຄອນ ແລະ ເມືອງ, ພະນັກງານຫຼັກແຫຼ່ງເຂົ້າຮ່ວມ ຈຳນວນ 448 ສະຫາຍ, ຍິງ 43 ສະຫາຍ.
ໃນອກາດນີ້ ສະຫາະນັ່ນ ສີພາ ພົມມະຈັນ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ ໄດ້ຂຶ້ນຜ່ານມະຕິ ວ່າດ້ວຍການຮັບຮອງ ເອົາການເລືອກຕັ້ງ ເຈົ້າແຂວງຈຳປາສັກ, ສະບັບເລກທີ 10/ສພຂ.ຈສ ລົງວັນທີ 21 ພຶດສະພາ 2024. ຈາກນັ້ນ ສະຫາຍເລຂາພັກແຂວງ ກໍ່ໄດ້ຂຶ້ນເຜີຍແຜ່ເອກະສານສູນກາງພັກ ແລະ ລັດຖະບານ:
- ມະຕິກອງປະຊຸມຄົບ ຄະນະຄັ້ງທີ 8 ຂອງຄະນະບໍລິຫານງານສູນກາງພັກສະໄໝ ທີ XI;
- ມະຕິຂອງກົມການເມືອງສູນກາງພັກ ສະບັບເລກທ 04/ ກມສພ ວ່າດວ້ຍການສ້າງເສດຖະກິດ ເອກະລາດ ເປັນເຈົ້າຕົນເອງໃນໄລຍະໃໝ່.
- ມະຕິຂອງລັດຖະບານ ສະບັບເລກທີ 05/ລບ ວ່າດ້ວຍການແບ່ງຄວາມຮັບຜິດຊອບໃນການຈັດຕັ້ງປະຕິບັດ ວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງໃນໄລຍະໃໝ່ ການຜັນຂະຫຍາຍມະຕິຂອງສູນກາງພັກ-ລັດຖະບານ ມາເປັນຂອງອົງຄະນະພັກ-ອົງການປົກຄອງແຂວງ.
ສະຫາຍເລຂາ ພັກແຂວງໄດ້ຕີລາຄາສູງຄວາມໝາຍຄວາມສຳຄັນຂອງບັນດາມະຕິທີ່ເຜີຍແຜ່ ເພື່ອໃຫ້ພະນັກງານການນຳຫຼັກແຫຼ່ງ ໄດ້ຮັບຮູ້ ເຂົ້າໃຈ ແລະ ກຳໄດ້ເນື້ອໃນຢ່າງເລິກເຊີ່ງພ້ອມກັນນຳໄປສືບຕໍ່ຜັນຂະຫຍາຍ ແລະ ຈັດຕັ້ງປະຕິບັດໃຫ້ໄດ້ຜົນດີ ພ້ອມນີ້ກໍ່ໄດ້ມີຄຳເຫັນເນັ້ນໜັກໃຫ້ຄະນະພັກ ອຳນາດການປົກຄອງແຂວງ ກໍ່ຄືທົ່ວແຂວງຈຳປາສັກໃຫ້ເຂົ້າໃຈ ແລະ ນຳໄປຈັດຕັ້ງປະຕິບັດ ເພື່ອແບ່ງຄວາມຮັລຜິດຊອບ ຄະນະພັກຄະນະນຳ ຕ້ອງເປັນເປັນແບບຢ່າງໃນການຈັດຕັ້ງປະຕິບັດຂອງ ( ສອຈ ) ພະແນກການຕ້ອງກໍານົດເປັນແຜນງານ ຈັດຕັ້ງປະຕິບັດລະອຽດ ອົງການຈັດຕັງມະຫາຊົນຕ້ອງເຕົ້າໂຮມຄວາມສາມັກຄີ ປຸກລະດົມຂົນຂວາຍ ເປັນກຳລັງໃນການຈັດຕັ້ງປະຕິບັດ.
#ໃນຕອນທ້າຍ ທ່ານ ອາລຸນໄຊ ສູນນະລາດ ເຈົ້າແຂວງຈຳປາສັກ ກໍ່ໄດ້ຮ່ວມຈັບມືກັບບັນດາຄະນະພັກຄະນະນຳ ທົ່ວແຂວງຈຳປາສັກ ເພື່ອຮ່ວມກັນຈັດຕັ້ງປະຕິບັດ (ສອຈ) ໃຫ້ມີຜົນສຳເລັດພາໃຫ້ເສດຖະກິດຂອງແຂວງຈຳປາສັກ ຂະຫຍາຍຕົວດີຂຶ້ນ.
