ໜ່ວຍພັກຮາກຖານຄະນະໂຄສະນາອົບຮົມແຂວງ ຈັດພິທີຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ແລະ ເລື່ອນສະມາຊິກພັກສຳຮອງເປັນສະມາຊິກພັກສົມບູນ ຂອງປະຊາຊົນປະຕິວັດລາວ
ໃນຕອນເຊົ້າຂອງ ວັນທີ 31 ຕຸລາ 2024 ຢູ່ທີ່ ຫ້ອງປະຊຸມຂອງໜ່ວຍພັກຮາກຖານຄະນະໂຄສະນາອົບຮົມແຂວງ ຮ່ວມກັບ ຄະນະພັກຮາກຖານພະແນກຖະແຫຼງຂ່າວວັດທະນະທຳ ແລະ ທ່ອງທ່ຽວ ຈັດພິທີ ຮັບເອົາມະຫາຊົນກ້າວໜ້າ ເຂົ້າເປັນສະມາຊິກສຳຮອງ 4 ສະຫາຍ ແລະ ເລື່ອນສະມາຊິກສຳຮອງ ເປັນ ສະມາຊິກພັກສົມບູນ 5 ສະຫາຍ. ໃຫ້ກຽດເປັນປະທານ ຂອງ ສະຫາຍ ປອ. ສຸປານີ ສີລິປຸນໂຍ ຄະນະປະຈຳພັກແຂວງ ຫົົວໜ້າຄະນະໂຄສະນາອົບຮົມແຂວງ, ໂດຍເຂົ້າຮ່ວມຂອງສະຫາຍ ບົວສອນ ວົງຫາຈັກ ເລຂາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງ, ມີສະຫາຍ ທອງຖິ່ນ ພົມພັກດີ ຄະນະຮາກຖານພະແນກຖະແຫຼງຂ່າວ ແລະ ວັດທະນະທຳແຂວງ, ມີ ສະຫາຍຕາງໜ້າຄະນະຈັດຕັ້ງແຂວງ, ບັນດາສະຫາຍສະມາຊິກພັກ-ພະນັກງານ ແລະ ມະຫາຊົນກ້າວໜ້າເຂົ້າຮ່ວມ ຢ່າງພ້ອມພຽງ.
ໃນພິທີນີ້ ຕາງໜ້າຄະນະຈັດຕັ້ງແຂວງກໍ່ ໄດ້ຂຶ້ນຜ່ານ ມະຕິຕົກລົງ ວ່າດ້ວຍການອະນຸມັດເລື່ອນສະມາຊິກພັກສຳຮອງ ເປັນ ສະມາຊິກພັກສົມບູນ ຈຳນວນ 5 ສະຫາຍ:
1. ສະຫາຍ ນາງ ຄອນປະດິດ ແດງໄຊຍະພູມ
2. ສະຫາຍ ນາງ ແວວຕາ ພິມມະເສນ
3. ສະຫາຍ ນາງຈຽມຄຳ ໄຊຍະຈັກ
4. ສະຫາຍ ນາງ ພິລາວັນ ເພັງສະຫັວດ
5. ສະຫາຍ ຍຸກສະໄໝ ຍົມສະໝອນ
ຈາກນັ້ນ ກໍ່ໄດ້ຮັບມະຫາຊົນກ້າວໜ້າ ເຂົ້າເປັນສະມາຊິກສຳຮອງ ຂອງສະມາຊິກພັກປະຊາຊົນປະຕິວັດລາວ ຈຳນວນ 4 ສະຫາຍ:
1. ສະຫາຍ ນາງ ວິພາວັນ ຕານຈັນທູນ
2. ສະຫາຍ ນາງ ພອນວິສິດ ແກ້ວປະເສີດ
3. ສະຫາຍ ນາງ ລັດດາວັນ ກຸນນະບຸດ
4. ສະຫາຍ ບັນດິດ ສີລາເພັດ
ຈາກນັ້ນ ປະທານກອງປະຊຸມ ກໍ່ໄດ້ມອບໃບຢັ້ງຢືນ ແລະ ໃຫ້ກຽດໂອ້ລົມ ໃຫ້ທິດເຍືອງທາງ ຕໍ່ໜ່ວຍພັກທີ່ຮັບສະມາຊິກພັກສຳຮອງ ແລະ ສົມບູນ ໃຫ້ມີຄວາມເຂັ້ມແຂງຮອບດ້ານ ຕາມທິດຊີ້ນຳຂອງພັກ ທີ່ເປັນແວ່ນແຍງ ແລະ ທິດທາງຂອງພັກ ໃຫ້ມີຄວາມເປັນເອກະພາບກັນ; ສຳລັບຜູ້ທີ່ໄດ້ເຂົ້າເປັນສະມາຊິກພັກສົມບູນໃໝ່ກໍ່ຕ້ອງໄດ້ສືບຕໍ່ຝຶກຝົນຫຼໍ່ຫຼອມຕົນເອງ ໃຫ້ກາຍເປັນຄົນທີ່ມີຄວາມຮູ້ຄວາມສາມາດ, ມີຄວາມສາມັກຄີກັນໃນການຈັດຕັ້ງປະຕິບັດໜ້າທີ່ຂອງຕົນ, ປະຕິບັດລະບຽບ, ໜ້າທີ່ ແລະ ຂໍ້ຫ້າມຂອງສະມາຊິກພັກຢ່າງເຂັ້ມງວດ.
