ໃນວັນທີ 04 ພະຈິກ 2025 ໜ່ວຍກໍາມະບານຮາກຖານ ຄະນະໂຄສະນາອົບຮົມແຂວງ ສໍາເລັດການປະເມີນຂໍ້ແຂ່ງຂັນ 5 ເປັນເຈົ້າ ປະຈໍາປີ 2025, ໂດຍການເຂົ້າຮ່ວມເປັນປະທານຂອງ ສະຫາຍ ບົວສອນວົງຫາຈັກ ເລຂາໜ່ວຍພັກຮາກຖານ ຮອງຫົວໜ້າຄະນະໂຄສະນາອົບຮົມແຂວງ, ມີສະຫາຍ ຄໍາປະສົງພົມມະວົງ ປະທານໜ່ວຍກໍາມະບານ, ສະຫາຍຮອງປະທານ, ຄະນະປະທານ ແລະ ສະມາຊິກພາຍໃນໜ່ວຍ ເຂົ້າຮ່ວມຢ່າງພ້ອມພຽງ;
ໂດຍໃນກອງປະຊຸມ ໄດ້ມີການຜ່ານບົດສະຫຼຸບການຈັ້ດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ຂອງສະມາຊິກກໍາມະບານປະຈໍາປີ 2025 ເຊິ່ງໄດ້ຍົກໃຫ້ເຫັນດ້ານດີທີ່ຕັ້ງໜ້າ, ດ້ານອ່ອນຂໍ້ຄົງຄ້າງ, ບາບົດຮຽນທີ່ຖອດຖອນໄດ້ ແລະ ກໍານົດທິດທາງແຜນການໃນການຈັດຕັ້ງປະຕິບັດໃນປີຕໍ່ໜ້າ; ຈາກນັ້ນ, ບັນດາສະຫາຍສະມາຊິກພາຍໃນໜ່ວຍ ກໍໄດ້ ຜ່ານໃບປະເມີນ ແລະ ປະກອບຄຳຄິດຄຳເຫັນ, ຕຳນິສົ່ງຂ່າວ ຊ່ວຍເຫຼືອກໍ່ສ້າງ ເຊິ່ງກັນ ແລະ ກັນ ຢ່າງມີບັນຍາເກີດຟົດຟື້ນ.
ໃນໂອກາດນີ້, ສະຫາຍ ບົວສອນ ວົງຫາຈັກ ເລຂາໜ່ວຍພັກຮາກຖານ ກໍໄດ້ມີຄໍາເຫັນໂອ້ລົມ ແລະ ຊີ້ນໍາ ຕໍ່ສະມາຊິກກໍາມະບານ ເພື່ອເປັນທິດທາງໃນການສືບຕໍ່ຈັດຕັ້ງປະຕິບັດວຽກງານກໍາມະບານ ກໍ່ຄືວຽກງານວິຊາສະເພາະຂອງຕົນ ໃນຕໍ່ໜ້າ; ເຊິ່ງສະຫາຍໄດ້ເນັ້ນໜັກບາງບັນຫາສໍາຄັນດັ່ງນີ້:
– ເອົາໃຈໃສຮ່ວມຊີວິດພາຍໃນໜ່ວຍຢ່າງເປັນປະຈໍາ, ຕິດພັນກັບການເກັບເງິນສະຕິ ແລະ ສະຫຼຸບສັງລວມຢ່າງລະອຽດໃນແຕ່ລະເດືອນ.
– ສະມາຊິກທຸກສະຫາຍ ຕ້ອງເພີ່ມທະວີການຍົກລະດັບຄວາມຮູ້, ຄວາມສາມາດຂອງຕົນໃນທຸກໆດ້ານ ເພື່ອເຮັດໃຫ້ການຈັດຕັ້ງປະຕິບັດວຽກງານມີປະສິດທິພາບສູງ ຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນປັດຈຸບັນ.
– ຕັ້ງໜ້າປະຕິບັດກົດລະບຽບຂອງສໍານັກງານ ແລະ ຂອງອົງການຈັດຕັ້ງ ດ້ວຍຄວາມຮັບຜິດຊອບສູງ.