ຫົວໜ້າຄະນະໂຄສະນາອົບຮົມແຂວງ ລົງຊີ້ນຳ-ຊຸກຍູ້ວຽກງານຢູ່ເມືອງໂພນທອງ
ວັນທີ 6 ຕຸລາ 2026, ສະຫາຍ ປະດິດ ວັນນະລັດສະໝີ ຄະນະປະຈຳພັກແຂວງ, ຮັກສາການເລຂາພັກແຂວງ ຫົວໜ້າຄະນະໂຄສະນາອົບຮົມແຂວງຈຳປາສັກ, ໄດ້ລົງເຄື່ອນໄຫວຊີ້ນຳ ແລະ ຊຸກຍູ້ວຽກງານໂຄສະນາອົບຮົມຢູ່ເມືອງໂພນທອງ ເພື່ອຕິດຕາມ, ຊີ້ນຳ ແລະ ເສີມສ້າງການດຳເນີນວຽກງານໂຄສະນາອົບຮົມໃນທ້ອງຖິ່ນ.
ໃນໂອກາດນີ້, ສະຫາຍ ປະດິດ ວັນນະລັດສະໝີ ໄດ້ຮັບການຕ້ອນຮັບຈາກ ສະຫາຍ ບຸນທັນ ໄຊຍະແສງ ກຳມະການພັກແຂວງ, ເລຂາຄະນະບໍລິຫານງານພັກເມືອງ, ຫົວໜ້າຄະນະສະມາຊິກສະພາປະຊາຊົນແຂວງປະຈຳເຂດເລືອກຕັ້ງເມືອງໂພນທອງ ພ້ອມດ້ວຍບັນດາສະຫາຍຮອງເລຂາພັກເມືອງ, ຄະນະປະຈຳພັກເມືອງ, ການນຳເມືອງ ແລະ ຜູ້ຕາງໜ້າຈາກພາກສ່ວນຕ່າງໆທີ່ກ່ຽວຂ້ອງ.
ການລົງຊີ້ນຳ-ຊຸກຍູ້ຄັ້ງນີ້ ເປັນອີກບາດກ້າວສຳຄັນໃນການຕິດຕາມ ແລະ ເສີມສ້າງວຽກງານໂຄສະນາອົບຮົມຢູ່ຮາກຖານ ໃຫ້ສາມາດຕອບສະໜອງຕໍ່ພາລະກິດການເມືອງ ແລະ ວຽກງານໂຄສະນາອົບຮົມໃນແຕ່ລະໄລຍະໄດ້ຢ່າງເໝາະສົມ.
