ໃນຕອນເຊົ້າ ຂອງວັນທີ 08 ພຶດສະພາ 2024 ທີ່ຜ່ານມາ, ກົມໂຄສະນາຄະນະໂຄສະນາອົບຮົມສູນກາງພັກ ເຊິ່ງນໍາໂດຍ ທ່ານ ໂພເມກ ວິໄລສັກ ຫົວໜ້າກົມໂຄສະນາ ພ້ອມດ້ວຍຄະນະ ໄດ້ເຂົ້າພົບປະຄະນະພັກ-ຄະນະນຳ ຂອງເມືອງປາກຊ່ອງ ແຂວງຈຳປາສັກ; ໃຫ້ກຽດຕ້ອນຮັບ ໂດຍ ທ່ານ ຊັບພະທິບ ໄຊຍະວົງ ຮອງເລຂາພັກເມືອງ ຜູ້ຊີ້ນຳວຽກງານ ການເມືອງ-ແນວຄິດ, ເຂົ້າຮ່ວມ ມີ ທ່ານ ບົວສອນ ວົງຫາຈັກ ເລຂໜ່ວຍພັກ ຮອງຫົວໜ້າ ຄະນະໂຄສະນາອົບຮົມແຂວງ ພ້ອມດ້ວຍຄະນະເຂົ້າຮ່ວມ.
ໃນໂອກາດດັ່ງກ່າວ ທ່ານ ໂພເມກ ວິໄລສັກ ຫົວໜ້າກົມໂຄສະນາ ໄດ້ແຈ້ງຈຸດປະສົງໃນການມາເຮັດວຽກງານຄັ້ງນີ້ ແມ່ນລົງເກັບກຳຂໍ້ມູນການຜັນຂະຫຍາຍແນວທາງແຜນນະໂຍຂອງພັກໂດຍສະເພາະ ແມ່ນມະຕິ ທີ XI ຂອງພັກ ໃນການພັດທະນາເຂດຈຸດສຸມ, ບ້ານ ແລະ ກຸ່ມບ້ານພັດທະນາ ກໍ່ຄືບຸກຄົນດີເດັ່ນໃນການຈັດຕັ້ງປະຕິບັດໜ້າທີ່-ວຽກງານ, ກໍ່ຄື ການພັດທະນາຄອບຄົວ ແລະ ບັນຫາທີ່ພົ້ນເດັ່ນອື່ນໆ ເພື່ອມາຂຽນບົດອອກວາລະສານໂຄສະນາ, ເກັບກຳສະພາບການນຳໃຊ້ ແຈກຢາຍ ແລະ ຄຸນປະໂຫຍດຂອງປື້ມວາລະສານໂຄສະນາ ເພື່ອມີທິດປັບປຸງແກ້ໄຂໃຫ້ດີຂື້ນເທື່ອລະບາດກ້າວ.
ຈາກນັ້ນ ທ່ານ ຊັບພະທິບ ໄຊຍະວົງ ຮອງເລຂາພັກເມືອງ ຜູ້ຊີ້ນໍາວຽກງານການເມືອງ-ແນວຄິດ ໄດ້ກ່າວຕ້ອນຮັບ ແລະ ມີຄວາມຍິນດີຕໍ່ແຜນການເຄື່ອນໄຫວຂອງກົມໂຄສະນາ ທີ່ມາເຄື່ອນໄຫວເຮັດວຽກງານໃນຄັ້ງນີ້, ພ້ອມທັງລາຍງານໂດຍສັງເຂບກ່ຽວກັບສະພາບລວມຂອງການເຄື່ອນໄຫວວຽກງານ ການເມືອງ-ແນວຄິດ ໃນໄລຍະຜ່ານມາ, ພ້ອມດງວກັນນັ້ນກໍ່ໄດ້ລົງໄປຢ້ຽມຢາມຄອບຄົວຕົວແບບໃນການຜະລິດກາເຟ ທີ່ບ້ານ ທົ່ງກະຕ່າຍ ເມືອງ ປາກຊ່ອງ ແຂວງ ຈໍາປາສັກ.
