ໃນຕອນເຊົ້າ ຂອງວັນທີ 29 ມັງກອນ 2024 ເມືອງໂຂງ ແຂວງຈຳປາສັກ ໄດ້ຈັດພິທີປາຖະກະຖາ ວັນສ້າງຕັ້ງກອງທັບປະຊາຊົນປະຕິວັດລາວ ( 20 ມັງກອນ 1949-2024 ) ຄົບຮອບ 75 ປີ; ແລະ ວັນເກີດ ປະທານ ຄຳໄຕ ສີພັນດອນ ( 8 ກຸມພາ 1924-2024 ) ຄົບຮອບ 100 ປີ ຂຶ້ນຢູ່ທີ່ສະໂມສອນຂອງເມືອງ ພາຍໃຕ້ການເປັນປະທານ ບັນລະຍາຍເອກະສານ ຂອງ ທ່ານນາງ ຄຳພູ ລິດທິສັກ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆໂຂງ. ມີ ຄະນະພັກເມືອງ, ເລຂາຄະນະພັກຮາກຖານ 9 ກຸ່ມ 3ຈຸດ ດອນໂຂງ, ພະນັກງານຫັນລົງກໍ່ສ້າງຮາກຖານການເມືອງຂອງແຂວງ, ຄະນະພັກ-ສະມາຊິກພັກ, ພະນັກງານ-ລັດຖະກອນ, ກຳລັງ ປກຊ-ປກສ ໃນທົ່ວເມືອງເຂົ້າຮ່ວມ ມີຈຳນວນທັງໝົດ 218 ທ່ານ, ຍິງ 87 ທ່ານ, ສະມາຊິກພັກ 210 ສະຫາຍ, ຍິງ 80 ສະຫາຍ.