ໃນຄັ້ງວັນທີ 26 ມັງກອນ 2024 ເມືອງຈຳປາສັກ ແຂວງຈຳປາສັກ ໄດ້ຈັດພິທີປະກາດບັນລຸຄາດໝາຍເປັນຫົວໜ່ວຍເຂັ້ມແຂງຮອບດ້ານ ເຊິ່ງເປັນໜຶ່ງໃນ 6 ເມືອງທຳອິດ ຂອງແຂວງຈຳປາສັກ ທີ່ຖືກຮັບຮອງເປັນຫົວໜ່ວຍເຂັ້ມແຂງ ຮອບດ້ານ ຕາມແນວທາງນະໂຍບາຍຂອງພັກ ໃນໄລຍະສ້າງສາພັດທະນາປະເທດຊາດໃນໄລຍະໃໝ່ ໂດຍພາຍໃຕ້ການເປັນປະທານ ຂອງທ່ານ ປອ ສຸປານີ ສີລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ, ເຂົ້າຮ່ວມ ມີທ່ານ ສະຫວາດ ແກ້ວບັນດິດ ກຳມະການພັກແຂວງ ເລຂາພັກເມືອງ ເຈົ້າເມືອງໆຈຳປາສັກ, ມີທ່ານ ຄຳຕັນ ຊົມພັນດອນ ກຳມະການພັກແຂວງ ຫົວໜ້າພະແນກພາຍໃນແຂວງ, ມີທ່ານ ເຈົ້າເມືອງ 8 ເມືອງ 1 ນະຄອນ, ຫົວໜ້າກົມກອງອ້ອມຂ້າງແຂວງ, ຄະນະປະຈຳພັກເມືອງ, ກຳມະການພັກເມືອງ, ຄະນະພັກຮາກຖານກຸ່ມບ້ານ, ນາຍບ້ານຕ່າງໜ້າການຈັດຕັ້ງບ້ານທຸກພາກສ່ວນ ພາຍໃນ 77 ບ້ານເຂົ້າຮ່ວມ, ເຊີ່ງມີຈຳນວນພົນທັງໝົດ 341 ທ່ານ, ຍິງ 130 ທ່ານ.