ຫວນຄືນມູນເຊື້ອ, ໄຊຊະນະຂອງພາລະກິດແຫ່ງການຕໍ່ສູ້ປົດປ່ອຍຊາດໃນເມື່ອກ່ອນ ແລະ ຜົນສຳເລັດໃນພາລະກິດປົກປັກຮັກສາ ແລະ ສ້າງສາປະເທດຊາດ ພາຍໃຕ້ການນຳພາ-ຊີ້ນຳຂອງພັກ-ລັດເຮົາ.
ພະແນກການເງິນແຂວງຈຳປາສັກ ຈັດພິທີປາຖະກະຖາ ວັນຊາດ ທີ 2 ທັນວາ ຄົບຮອບ 49 ປີ ແລະ ວັນເກີດຂອງທ່ານ ປະທານ ໄກສອນ ພົມວິຫານ ຄົບຮອບ 104 ປີ, ເຊິ່ງໄດ້ຈັດຂື້ນໃນຕອນເຊົ້າຂອງວັນທີ 13 ທັນວາ 2024 ທີ່ຫ້ອງປະຊຸມວິທະຍາໄລການເງິນພາກໃຕ້. ໂດຍພາຍໃຕ້ການໃຫ້ກຽດເປັນປະທານ ຂອງທ່ານ ພິມພອນ ພັນດານຸວົງ ກຳມະການພັກແຂວງ ຫົວໜ້າພະແນກການເງິນແຂວງ, ທ່ານ ບົວສອນ ວົງຫາຈັກ ຮອງຫົວໜ້າຄະນະໂຄສະນາອົບຮົມແຂວງ, ເຂົ້າຮ່ວມມີ ຄະນະພັກ, ຄະນະພະແນກ, ຫົວໜ້າຂະແໜງ-ຮອງຂະແໜງ, ພະນັກງານ-ລັດຖະກອນ ທີ່ມາຈາກ ຫ້ອງພາສີ, ຫ້ອງຄັງເງິນ, ຫ້ອງສ່ວຍສາອາກອນ, ຈຳນວນເຂົ້າຮ່ວມທັງໝົດ 118 ທ່ານ, ຍິງ 44 ທ່ານ.
ໃນພິທີ ທ່ານ ບົວສອນ ວົງຫາຈັກ ຮອງຫົວໜ້າຄະນະໂຄສະນາອົບຮົມແຂວງ ກໍ່ໄດ້ໃຫ້ກຽດຂື້ນບັນລະຢາຍເອກະສານ ວັນຊາດ ທີ 2 ທັນວາ ຄົບຮອບ 49 ປີ, ເຊິ່ງທ່ານກໍ່ໄດ້ຍົກໃຫ້ເຫັນມູນເຊື້ອໄຊຊະນະຂອງພາລະກິດແຫ່ງການຕໍ່ສູ້ປົດປ່ອຍຊາດ ໃນເມື່ອກ່ອນ ແລະ ຜົນສຳເລັດ ໃນພາລະກິດປົກປັກຮັກສາ ແລະ ສ້າງສາປະເທດຊາດ ພາຍໃຕ້ ການນຳພາ-ຊີ້ນຳຂອງພັກ-ລັດເຮົາ. ເຊິ່ງໄດ້ຖືເອົາໂອກາດນີ້ເປັນການເພີ່ມທະວີສຶກສາອົບຮົມພະນັກງານ, ສະມາຊິກພັກ, ລັດຖະກອນກ່ຽວກັບນ້ຳໃຈຮັກຊາດ, ມູນເຊື້ອສາມັກຄີປອງດອງບັນດາເຜົ່າ, ນ້ຳໃຈຕໍ່ສູ້ອັນພິລະອາດຫານຂອງກອງທັບ ແລະ ປະຊາຊົນຜູ້ຮັກຊາດ.
ຈາກນັ້ນ ທ່ານ ພິມພອນ ພັນດານຸວົງ ກຳມະການພັກແຂວງ ຫົວໜ້າພະແນກການເງິນແຂວງ ກໍ່ໃຫ້ກຽດຂື້ນບັນລະຍາຍເອກະສານ ວັນເກີດຂອງປະທານ ໄກສອນ ພົມວິຫານ ຄົບຮອບ 104 ປີ, ເຊິ່ງທ່ານກໍ່ໄດ້ຍົກໃຫ້ເຫັນຊີວິດ ແລະ ການເຄຶ່ອນໄຫວຜົນງານ ແລະ ຄຸນງາມຄວາມດີ ປະທານ ໄກສອນ ແມ່ນລູກຮັກຫຼານແພງຂອງປະຊາຊົນລາວບັນດາເຜົ່າ, ແມ່ນຜູ້ຮັກຊາດ, ນັກປະຕິວັດຢ່າງຍິ່ງໃຫຍ່ຂອງຊາດ ຂອງວິລະບຸລຸດ, ຜູ້ນຳຂອງ ພັກ-ລັດ ທີ່ປີຊາສາມາດສະຫຼາດສ່ອງໃສ ແລະ ສະດຸ້ງໄວ. ເພິ່ນທັງເປັນນັກທິດສະດີ ແລະ ພຶດຕິກຳ, ເປັນນັກປຸກລະດົມຂົນຂວາຍ ແລະ ເປັນນັກໂຄສະນາປາຖະກະຖາ ທີ່ດີເລີດ, ເປັນນັກຍຸດທະສາດ, ນັກອອກແບບຍຸດໂທບາຍ ແລະ ວິທິປະຕິວັດທີ່ສະຫຼາດຄ່ອງແຄ້ວ.
ປະທານ ໄກສອນ ພົມວິຫານ ເປັນສັນຍາລັກ ແລະ ເປັນແກ່ນສານຂອງຄວາມສາມັກຄີພາຍໃນພັກ ແລະ ໃນຊາດ ຍາມໃດເພິ່ນໄດ້ເອົາໃຈໃສ່ສ້າງ ແລະ ເພິ່ມທະວີຄວາມສາມັກຄີປອງດອງລະຫວ່າງເຜົ່າ, ຄວາມເປັນປຶກແຜ່ນພາຍໃນຊາດ ແລະ ຄວາມເປັນເອກະພາບພາຍໃນພັກ ແລະ ຈຸດປະສົງໃນການຈັດປາຖະກະຖາໃນຄັ້ງນີ້ ເປັນການຫວນຄືນມູນເຊື້ອວັນສຳຄັນຕ່າງໆ ຂອງພັກ-ຂອງຊາດ ເພື່ອເຮັດໃຫ້ພະນັກງານສະມາຊິກພັກ ໄດ້ຮັບຮູ້, ເຂົ້າໃຈ ເຖິງເນື້້ອໃນວັນສຳຄັນດັ່ງກ່າວ.
#ຄໍາຂວັນໂຄສະນາ-ປຸກລະດົມ
ຊົມເຊີຍ ວັນສ້າງຕັ້ງ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 49 ປີ ຢ່າງສຸດໃຈ!
ນໍ້າໃຈວັນຊາດ ທີ 2 ທັນວາ ໝັ້ນຍືນ
ສາທາລະນະລດັ ປະຊາທປິະໄຕ ປະຊາຊົນລາວ ໝັ້ນຍືນ !
ປະທານ ໄກສອນ ພົມວິຫານ ຍືນຍົງໃນພາລະກິດປະຕິວັດ ຂອງພວກເຮົາຕະຫຼອດໄປ
ຮໍ່າຮຽນເອົາແບບຢ່າງ ຄຸນສົມບັດສິນທໍາປະຕິວັດ ແລະ ແບບແຜນດຳລົງຊີວິດຂອງປະທານ ໄກສອນ ພົມວິຫານ.
