ໃນວັນທີ 24 ກໍລະກົດ 2025 ທີ່ຜ່ານມາ, ຄະນະໂຄສະນາອົບຮົມນະຄອນ ສົມທົບກັບ ຫ້ອງການແນວລາວສ້າງຊາດ ນະຄອນ ຈັດພິທີປາຖະກະຖາ ວັນສຳຄັນຕ່າງໆຂອງພັກ-ຂອງຊາດ ເປັນຕົ້ນແມ່ນວັນເກີດປະທານ ສຸພານຸວົງ ຄົບຮອບ 116 ປີ, ວັນສ້າງຕັ້ງແນວລາວສ້າງຊາດຄົບຮອບ 75 ປີ, ປີສາມັກຄີມິດຕະພາບລາວ-ຫວຽດ ວັນເຊັນສັນຍາມິດຕະພາບ-ການຮ່ວມມື ຄົບຮອບ 48 ປີ, ວັນສ້າງຕັ້ງສາຍການທູດລາວ-ຫວຽດ ຄົບຮອບ 63 ປີ, ວັນເກີດທ່ານ ເຈເກວາຣາ ຄົບຮອບ 97 ປີ ແລະ ເຊື່ອມຊືມມະຕິກອງປະຊຸມຄົບຄະນະບໍລິຫານງານພັກນະຄອນປາກເຊ ຄັ້ງທີ 3 ສະໄຫມທີ VIII.
ໃຫ້ກຽດເຂົ້າຮ່ວມຫວນຄືນມູນເຊື້ອວັນສຳຄັນດັ່ງກ່າວ ໂດຍທ່ານ ຄອນສະຫວັນ ວັນນິວົງຄຳ ຮອງເລຂາພັກນະຄອນ ຜູ້ຮັບຜິດຊອບຊີ້ນຳວຽກງານການເມືອງ-ແນວຄິດພັກ-ພະນັກງານ, ວຽກງານປັບປຸງກົງຈັກການຈັດຕັ້ງ ແລະ ອົງການຈັດຕັ້ງມະຫາຊົນ ຂັ້ນນະຄອນ, ປະທານກວດກາ ພັກ-ລັດນະຄອນ, ມີ ທ່ານ ວິລັດ ນຽມທະຈິດ ຄະນະປະຈຳພັກນະຄອນ ຫົວໜ້າຄະນະໂຄສະນາອົບຮົມນະຄອນ, ມີ ບັນດາ ສະຫາຍຄະນະປະຈຳພັກນະຄອນ, ກຳມະການພັກນະຄອນ, ຫົວໜ້າຫ້ອງການພ້ອມຄະນະ ແລະ ພະນັກງານ, ລັດຖະກອນ ນາຍ ແລະ ພົນທະຫານ, ນາຍ ແລະ ພົນຕຳຫລວດ, ເລຂາຄະນະພັກຮາກຖານ 5 ກຸ່ມບ້ານ, ນາຍບ້ານ 6 ບ້ານໃຫ່ຍ, ນາຍບ້ານ10ບ້ານເທດສະບານ ແລະ ຄະນະກຳມະການແນວລາວສ້າງຊາດບ້ານ, ເຊີ່ງມີຈຳນວນພົນເຂົ້າຮ່ວມທັງຫມົດ 207 ສະຫາຍ, ຍິງ 86 ສະຫາຍ, ສະມາຊິກພັກ 101 ສະຫາຍ, ຍິງ 61 ສະຫາຍ.
