ໃນຕອນເຊົ້າ ຂອງວັນທີ 15 ສິງຫາ 2025 ພິທີປິດຊຸດຝືກອົບຮົມທິດສະດີ-ແນວທາງຂອງພັກໄລຍະສັ້ນ ວັນຮຸ່ນທີ IV ປີ2025 ໄດ້ຈັດຂື້ນທີ່ສະໂມສອນນະຄອນປາກເຊ ໃຫ້ກຽດເຂົ້າຮ່ວມເປັນປະທານຂອງສະຫາຍ ຄອນສະຫວັນ ວັນນີວົງຄຳ ຮອງເລຂາພັກນະຄອນ ຜູ້ຊີ້ນຳວຽກງານການເມືອງ-ແນວຄິດ, ວຽກພັກ-ພະນັກງານ, ວຽກງານອົງການຈັດຕັ້ງມະຫາຊົນ ຂັ້ນນະຄອນ, ປະທານກວດກາພັກ-ລັດນະຄອນ.
ມີສະຫາຍ ບຸນປັນ ມະຫາລາດ ຮອງຄະນະໂຄສະນາອົບຮົມແຂວງ ຈຳປາສັກ, ສະຫາຍ ວິລັດ ນຽມທະຈິດ ຄະນະປະຈຳພັກນະຄອນ ຫົວໜ້າຄະນະໂຄສະນາອົບຮົມນະຄອນ, ມີບັນດາສະຫາຍຄະນະປະຈຳພັກນະຄອນ, ກຳມະການພັກນະຄອນ, ຫົວໜ້າຫ້ອງການ, ຮອງຫົວຫນ້າຫ້ອງການ, ສະຫາຍເລຂາຄະນະພັກຮາກຖານ, ເລຂາໜ່ວຍພັກອ້ອມຂ້າງນະຄອນປາກເຊ ແລະ ນັກວິທະຍາກອນ, ນັກສຳມະນາກອນເຂົ້າຮ່ວມ.
