ຄະນະໂຄສະນາອົບຮົມແຂວງ ຈັດຕັ້ງເຊື່ອມຊືມເອກະສານ 4 ບົດ ໃຫແກ່ຄະນະພັກຮາກຖານ, ຫນ່ວຍພັກ ຮາກຖານ ທີ່ຈະກະກຽມກອງປະຊຸມໃຫຍ່ ຂັ້ນຂອງຕົນ ໃນຕອນເຊົ້າ ຂອງວັນທີ 22 ພະຈິກ 2024, ພາຍໃຕ້ການເປັນປະທານ ຂອງທ່ານ ປອ. ສຸປານີ ສີລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ, ໂດຍການເຂົ້າຮ່ວມຂອງທ່ານ ດຣ. ວຽງສີ ສຸພັກດີ ກຳມະການພັກແຂວງ ຫົວໜ້າພະແນກສາທາ ແຂວງຈຳປາສັກ, ມີເລຂາຄະນະພັກຮາກຖານ ແລະ ເລຂາໜ່ວຍພັກຮາກຖານ, ເຂົ້າຮວ່ມທັງໝົດ 355 ສະຫາຍ, ຍິງ 220 ສະຫາຍ.
ການເຊື່ອມຊຶມໃນຄັ້ງນີ້ ແມ່ນໄດ້ດຳເນີນເປັນເວລາ 1 ຄາບເຊີ່ງບົດຮຽນທັງໝົດປະກອບມີ 4 ບົດຄື:
ບົດທີ1: ຄວາມເຂົ້າໃຈກ່ຽວກັບການດຳເນີນ ກອງປະຊຸມໃຫຍ່ 3 ຂັ້ນຂອງພັກ.
ບົດທີ 2 : ຍົກສູງຄວາມສາມາດນໍາພາ ແລະ ຄວາມເປັນແບບຢ່າງຂອງພັກ.
ບົດທີ 3: ຕັ້ງໜ້າຝຶກຝົນຫຼໍ່ຫຼອມ ຄຸນທາດການເມືອງ ແລະ ຄຸນສົມບັດສິນທຳປະຕິວັດ.
ບົດທີ 4: ເດັດດ່ຽວການແກ້ໄຂປະກົດການຫຍໍ້ທໍ້ ໃນຖັນແຖວພະນັກງານ.
ຈຸດປະສົງໃນການຈັດຕັ້ງພິທີຄັ້ງນີ້ ທ່ານປະທານ ໄດ້ຈຸດສຸມໃສ່ເນັ້ນໜັກ ແກ່ບັນດາສະມາຊິກພັກ-ພະນັກງານ ໃຫ້ມີຄວາມຮັບຮູ້ເຂົ້າໃຈ ກ່ຽວກັບຄວາມຫມາຍ ແລະ ຄວາມສໍາຄັນ ຂອງການດໍາເນີນກອງປະຊຸມໃຫຍ່ 3 ຂັ້ນຂອງພັກດັ່ງນີ້:
1. ເຂົ້າໃຈກ່ຽວກັບເນື້ອໃນ ຕ້ອງກໍາແຫນ້ນໃນການດໍາເນີນກອງປະຊຸມໃຫຍ່ 3 ຂັ້ນຂອງພັກ ແລະ ເປັນເຈົ້າການນໍາເອົາມະຕິກອງປະຊຸມ ໄປຈັດຕັ້ງຜັນຂະຫຍາຍ ໃຫ້ເກີດຜົນເປັນຈິງ.
2. ບົນພື້ນຖານຄວາມຮັບຮູ້, ເຂົ້າໃຈດັ່ງກ່າວ ເພື່ອເປັນການປັບປຸງພາຍໃນພັກ ໃຫ້ມີຄວາມປອດໃສ, ເຂັ້ມແຂງ ແລະ ຫນັກແຫນ້ນ, ຮັບປະກັນການກໍ່ສ້າງພັກຕາມ 5 ຫຼັກການ ແລະ 3 ທິດນໍາຂອງພັກໃຫ້ຖືກຕ້ອງຕາມກົດລະບຽບພັກ; ເພື່ອຄັດເລືອກບຸກຄະລາກອນ ທີ່ມີມາດຕະຖານ, ເງື່ອນໄຂຕາມທີ່ກໍານົດໄວ້ ເຊິ່ງຈະປະກອບເຂົ້າໃນການຈັດຕັ້ງເເຕ່ລະຂັ້ນ ຂອງລະບົບການເມືອງ, ເພື່ອບຸກທະລຸ ການສ້າງການຫັນປ່ຽນຢ່າງແຂງແຮງ ແລະ ເລິກເຊິ່ງ ວຽກງານພະນັກງານຂອງຂະແຫນງການ, ທ້ອງຖິ່ນ, ສາມາດຕອບສະຫນອງ ຄວາມຮຽກຮ້ອງຕ້ອງການຂອງຫນ້າທີ່ການເມືອງໃນໄລຍະໃຫມ່ ເພື່ອສ້າງຄວາມເຊື່ອຫມັ້ນ ແລະ ສັດທາ ຂອງມະຫາຊົນ ຕໍ່ການນໍາພາຂອງຄະນະພັກ ແຕ່ລະຂັ້ນ ກໍຄືພະນັກງານ-ສະມາຊິກພັກ.
