ໃນວັນທີ 21 ສິງຫາ 2024 ທີ່ຜ່ານມາ, ຄະນະໂຄສະນາອົບຮົມເມືອງປາກຊ່ອງ ໄດ້ຈັດພິທີປາຖະກະຖາວັນສຳຄັນຕ່າງໆຂອງພັກຂອງຊາດມີ:ວັນຍຶດອຳນາດທົ່ວປະເທດ ສປປລາວ (23 ສິງຫາ 1945 – 23 ສິງຫາ 2024)ຄົບຮອບ79 ປີ, ວັນລັດຖະທຳມະນູນ (15 ສິງຫາ 1991 – 15 ສິງຫາ 2024) ຄົບຮອບ 33 ປີ, ວັນສ້າງຕັ້ງເເນວລາວສ້າງຊາດ (13 ສິງຫາ 1950 – 13 ສິງຫາ 2024) ຄົບຮອບ74 ປີ, ວັນສ້າງຕັ້ງມວນຊົນ (13 ສິງຫາ 1950 – 13 ສິງຫາ 2024) ຄົບຮອບ74ປີ.
ພິທີຈັດຂື້ນທີ່ສະໂມສອນຂອງເມືອງໃຫ້ກຽດເຂົ້າຮ່ວມຫວນຄືນມູນເຊື້ອອັນສຳຄັນດັ່ງກ່າວໂດຍ ທ່ານ ພິມພອນ ພັນດານຸວົງ ກຳມາການພັກເເຂວງ ເລຂາພັກເມືອງ ເຈົ້າເມືອງໆປາກຊ່ອງ, ທ່ານ ຊັບພະທິບ ໄຊຍະວົງ ເລຂາພັກເມືອງ ຜູ້ຊີ້ນຳວຽກງານການເມືອງ-ແນວຄິດ, ມີ ທ່ານ ກີ່ງເເກ້ວ ເພັດນ້ຳໂຂງ ຄະນະປະຈຳພັກເມືອງ ຫົວໜ້າຄະນະໂຄສະນາອົບຮົມເມືອງ, ມີບັນດາທ່ານ ຄະນະປະຈຳພັກເມືອງ,ກຳມະການພັກເມືອງ, ຫົວໜ້າຫ້ອງການ, ຄະນະຫ້ອງການ, ນາຍ ເເລະ ພົນທະຫານ, ນາຍ ເເລະ ພົນຕຳຫຼວດ ເລຂາຄະນະພັກຮາກຖານພ້ອມດ້ວຍພະນັກງານສະມາຊິກພັກ ວິຊາການເຂົ້າຮ່ວມທັງຫມົດ 81 ສະຫາຍ ຍິງ 17 ສະຫາຍ.
