ຄະນະໂຄສະນາອົບຮົມເມືອງຈຳປາສັກ ໄດ້ມີພິທີວາງພວງມະລາຢູ່ໜ້າອະນຸສອນສະຖານ ນັກຮົບນິລະນາມ ແລະ ວາງກະຕ່າດອກໄມ້ທູບທຽນຕໍ່ໜ້າອະນຸສອນສະຖານ ປະທານ ໄກສອນ ພົມວິຫານ ແລະ ຈັດຊຸມນຸມສະເຫຼີມສະຫຼອງ ວັນສະຖາປານາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 49 ປີ ( 2 ທັນວາ 1975 – 2 ທັນວາ 2024 ) ແລະ ວັນຄ້າຍວັນເກີດຂອງ ປະທານ ໄກສອນ ພົມວິຫານ ຄົບຮອບ 104 ປີ ( 13 ທັນວາ 1920 – 13 ທັນວາ 2024 ) ໃນຕອນເຊົ້າ ຂອງວັນທີ 29 ພະຈິກ 2024; ໂດຍ ໃຫ້ກຽດເປັນປະທານ ຂອງທ່ານ ສະຫວາດ ແກ້ວບັນດິດ ກຳມະການພັກແຂວງ ເລຂາພັກເມືອງ ເຈົ້າເມືອງໆຈຳປາສັກ, ມີຮອງເລຂາພັກເມືອງ, ຄະນະປະຈຳພັກເມືອງ ກຳມະການພັກເມືອງ, ຫົວໜ້າຫ້ອງການ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ, ພະນັກງານລັດຖະກອນພາຍໃນເມືອງເຂົ້າຮ່ວມ ເຊິ່ງມີຈຳນວນພົນທັງໝົດ 274 ທ່ານ ຍິງ 112 ທ່ານ.
