ໃນວັນທີ 11 ພືດສະພາ 2024 ທີ່ຜ່ານມາ, ຄະນະພັກຮາກຖານສາຂາທະນາຄານ ແຂວງຈຳປາສັກ ໄດ້ຈັດພິທີເຜີຍແຜ່ເອກະສານຂອງຄະນະໂຄສະນາອົບຮົມສູນກາງພັກ ຢູ່ທີ່ຫ້ອງປະຊຸມຊັ້ນ 6 ສາຂາທະນາຄານແຫ່ງ ສປປ ລາວ ພາກໃຕ້; ໂດຍການເປັນປະທານ ຂອງທ່ານ ບຸນປັນ ມະຫາລາດ ຮອງເລຂາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງ, ໃຫ້ກຽດເປັນປະທານຮ່ວມ ໂດຍທ່ານ ໄຊລືຊາ ຜຸຍຍະວົງ ຮັກສາການເລຂາ ຄະນະພັກຮາກຖານ ຫົວໜ້າທະນາຄານ ແຫ່ງສປປ ລາວ ປະຈຳພາກໃຕ້. ເຂົ້າຮ່ວມມີທ່ານ ສົມພອນ ວິໄລສົມ ຫົວໜ້າຂະແໜງອົບຮົມ ພ້ອມນີ້ມີສະຫາຍສະມາຊິກພັກ ຈາກ 6 ໜ່ວຍພັກ ທີ່ຂື້ນກັບຄະນະພັກຮາກຖານຈຳນວນທັງໝົດ 107 ສະຫາຍ ຍິງ 49 ສະຫາຍ.
