ໃນຕອນເຊົ້າ ຂອງວັນທີ 23 ກໍລະກົດ 2024 ຄະນະໂຄສະນາອົບຮົມແຂວງ ໄດ້ຈັດພິທີປາຖະກະຖາວັນສຳຄັນຕ່າງໆຂອງພັກ-ຂອງຊາດເຊັ່ນວ່າ: ວັນເກີດຂອງ ປະທານ ສຸພານຸວົງ ຄົບຮອບ 115 ປີ, ວັນເຊັນສົນທິສັນຍາມິດຕະພາບການຮ່ວມມືລາວ-ຫວຽດນາມ ຄົບຮອບ 47 ປີ, ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 62 ປີ, ວັນເກີດທ່ານ ເຈ ກາວາຮາ ຄົບຮອບ 96 ປີ, ຂື້ນທີ່ສະໂມສອນໃຫ່ຍຫັລກ 4 ຂອງແຂວງ, ພາຍໃຕ້ການເປັນປະທານ ຂອງທ່ານ ບົວສອນ ວົງຫາຈັກ ເລຂາໜ່ວຍພັກຮາກຖານ ຮອງຫົວໜ້າຄະນະໂຄສະນາອົບຮົມແຂວງ, ເຂົ້າຮ່ວມຮັບຟັງມີຮອງຫົວໜ້າ ແລະ ພະນັກງານທີ່ມາຈາກຂົງເຂດການເມືອງຂອງແຂວງເຂົ້າຮ່ວມ.
ຈຸດປະສົງການຈັດປາຖະກະຖາໃນຄັ້ງນີ້ ເປັນການຫວນຄືນມູນເຊື້ອວັນສຳຄັນຕ່າງໆຂອງພັກ-ຂອງຊາດ ກໍ່ເພື່ອໃຫ້ພະນັກງານທີ່ມາຈາກຂົງເຂດການເມືອງໄດ້ຮັບຮູ້ ແລະ ເຂົ້າໃຈ ກ່ຽວກັບວັນສຳຄັນຕ່າງໆ, ເຊິ່ງຜົນເດັ່ນໄປກ່ວານັ້ນ ທ່ານປະທານໄດ້ເລົ່າເຖິງຊີວິດ ແລະ ການເຄື່ອນໄຫວປະຕິວັດ, ຜົນງານ ແລະ ຄຸນງາມຄວາດີຂອງປະທານສຸພານຸວົງ.
ປະທານ ສຸພານຸວົງ ແມ່ນຜູ້ນໍາທີ່ມີຄວາມຈົງຮັກພັກດີຕໍ່ອຸດົມການປະຕິວັດຢ່າງເດັດຂາດ, ຕໍ່ສູ້ຢ່າງກ້າແກ່ນພິລະອາດຫານ ຍາມໃດກໍ່ໄດ້ຍົກສູງສະຕິລະບຽບວິໄນຕໍ່ການຈັດຕັ້ງ, ນັບຖືໝູ່ຄະນະ, ເອື້ອເຟື້ອຮັກແພງມິດສະຫາຍຢ່າງຈິງໃຈ, ດຳລົງຊິວິດຢ່າງຊື່ສັດສຸດຈະລິດ ແລະ ງ່າຍດາຍ, ທ່ານແມ່ນປັນຍາຊົນຜູ້ຍິ່ງໃຫຍ່ມີນໍ້າໃຈຮັກຊາດອັນດູດດື່ມ, ມີທັດສະນະຫລັກໝັ້ນອັນກ້າແກ່ນ, ມີນໍ້າໃຈເສຍສະຫລະອັນສູງສົ່ງເພື່ອຊາດເພື່ອປະຊາຊົນ, ຕະຫລອດຊິວິດຂອງເພີ່ນບໍ່ວ່າຈະຢູ່ໃນຕໍາແໜ່ງໃດ, ຄວາມຮັບຜິດຊອບອັນໃດ ເພີ່ນກໍ່ໄດ້ອຸທິດໝົດຈິດໝົດໃຈ, ໝົດຄວາສາມາດ ແລະ ຫົວຄິດປະດິດສ້າງຂອງຕົນໃຫ້ແກ່ພາລະກິດປົກປັກຮັກສາ ແລະ ສ້າງສາປະເທດຊາດ ເພື່ອເອກະລາດ, ອະທິປະໄຕຂອງຊາດ ແລະ ຄວາມສົມບູນພູນສຸກຂອງປະຊາຊົນເຮົາ.
ຄຳຂັວນໂຄສະນາປຸກລະດົມ
– ຮໍ່າຮຽນເອົາຄຸນສົມບັດສິນທໍາປະຕິວັດ ແລະ ແບບແຜນດຳລົງຊິວິດ ຂອງປະທານສຸພານຸວົງ.
– ປະທານ ສຸພານຸວົງ ຜູ້ນໍາທີ່ດີເດັ່ນ ແລະ ເຄົາລົບຮັກຂອງປະຊາຊົນລາວບັນດາເຜົ່າ ຍືນຍົງໃນດວງໃຈຂອງພວກເຮົາຕະຫລອດກາລະນານ.
