ໃນວັນທີ 28 ກໍລະກົດ 2025 ທີ່ຜ່ານມາ, ຄະນະໂຄສະນາອົບຮົມເມືອງຊະນະສົມບູນ ສົມທົບກັບ ຄະນະພັກຮາກຖານກຸ່ມ IV ຂອງເມືອງ ໄດ້ຈັດພິທີເຜີຍແຜ່, ເຊື່ອມຊືມເອກະສານການເມືອງ – ແນວຄິດ ເພື່ອດຳເນີນຊີວິດການເມືອງໃນທົ່ວພັກ ແລະ ເອກະສານນິຕິກຳຂອງສູນກາງພັກ ໃຫ້ແກ່ບັນດາສະຫາຍສະມາຊິກພັກ, ພະນັກງານທົ່ວກຸ່ມ IV ຂອງເມືອງ; ໂດຍການເປັນປະທານຂອງ ສະຫາຍ ນາງ ພູໄພທອງ ພີມມະວົງສາ ເລຂາຄະນະບໍລິຫານງານພັກເມືອງຊະນະສົມບູນ, ມີ ສະຫາຍ ບຸນເພັງ ສີລິວັດ ຄະນະປະຈຳພັກເມືອງ ຮອງປະທານຄະນະກຳມະການປົກຄອງເມືອງ, ຜູ້ຊີ້ນຳວຽກງານຂົງເຂດວັດທະນະທຳ – ສັງຄົມ ແລະ ການປົກຄອງເມືອງ ທັງເປັນຜູ້ຊີ້ນຳວຽກງານຮອບດ້ານກຸ່ມ IV, ສະຫາຍ ສຸກສະຫວັນ ສີປະເສິດ ກຳມະການພັກເມືອງ ເລຂາຄະນະພັກຮາກຖານກຸ່ມ IV, ມີບັນດາສະຫາຍສະມາຊິກພັກ, ພັກພະນັກງານທົ່ວກຸ່ມດັ່ງກ່າວເຂົ້າຮ່ວມມີຈຳນວນ 182 ສະຫາຍ, ຍິງ 150 ສະຫາຍ, ສະມະຊິກພັກສຳຮອງ 31 ສະຫາຍ, ຍິງ 10 ສະຫາຍ.
