ໜ່ວຍພັກຮາກຖານຄະນະໂຄສະນາອົບຮົມແຂວງ ໄດ້ເປີດກອງປະຊຸມປະເມີນໜ່ວຍພັກ ປອດໃສ ເຂັ້ມແຂງ ໜັກແໜ້ນປະຈຳປີ 2024 ເຊິ່ງພິທີຈັດຂຶ້ນທີ່ຫ້ອງປະຊຸມຄະນະໂຄສະນາອົບຮົມແຂວງ ໃນຕອນບ່າຍ ຂອງວັນທີ 12 ພະຈິກ 2024 ທີ່ຜ່ານມາ ໂດຍພາຍໃຕ້ການເປັນປະທານ ຂອງ ສະຫາຍ ບົວສອນ ວົງຫາຈັກ ເລຂາໜ່ວຍພັກຮາກຖານ ຮອງຫົວໜ້າຄະນະໂຄສະນາອົບຮົມແຂວງ, ເຂົ້າຮ່ວມມີ ຄະນະກຳມະການປະເມີນຜົນຂັ້ນແຂວງ, ພ້ອມດ້ວຍພະນັກງານສະມາຊິກພັກເຂົ້າຮ່ວມຢ່າງພ້ອມພຽງ.
ໃນວາລະກອງປະຊຸມໄດ້ຜ່ານມະຕິຕົກລົງຂອງຄະນະໜ່ວຍພັກຮາກຖານ ວ່າດ້ວຍການແຕ່ງຕັ້ງຄະນະຮັບຜິດຊອບການກວດກາປະເມີນໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈໍາປີ 2024 ໂດຍກອງເລຂາ ແລະ ຮັບຟັງການລາຍງານການກະກຽມກວດກາປະເມີນຜົນໂດຍ ສະຫາຍ ບົວສອນ ວົງຫາຈັກ ເລຂາໜ່ວຍພັກຮາກຖານ ຮອງຫົວໜ້າຄະນະໂຄສະນາອົບຮົມແຂວງ, ຈາກນັ້ນ ກອງປະຊຸມຍັງໄດ້ຮັບຟັງການຜ່ານບົດສະຫຼຸບການຕີລາຄາກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2024 ໂດຍສະຫາຍ ບຸນປັນ ມະຫາລາດ ຮອງເລຂາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງ ແລະ ໄດ້ຮັບຟັງການຜ່ານບົດສຳຫຼວດການນໍາພາລວມຂອງໜ່ວຍຮາກຖານຄະນະໂຄສະນາອົບຮົມແຂວງ ໂດຍ ສະຫາຍ ປອ ວັນນະລາ ສຸດທິຈັກ ປະທານກວດກາໜ່ວຍພັກ. ຫຼັງຈາກນັ້ນ ສະຫາຍສະມາຊິກພັກ ແລະ ກຳມະການປະເມີນຜົນຂັ້ນແຂວງ ທີ່ໄດ້ເຂົ້າຮ່ວມ ກໍໄດ້ພ້ອມກັນປະກອບຄໍາຄິດ ຄໍາເຫັນຢ່າງມີບັນຍາກາດ ແລະ ກົງໄປກົງມາ, ກອງປະຊຸມໄດ້ມີຄວາມເປັນເອກະພາບປັບປຸງບາງເນື້ອໃນ ທີ່ເຫັນວ່າຍັງບໍ່ທັນສອດຄ່ອງຄົບຖ້ວນຕື່ມອີກ ແລະ ຍັງໄດ້ຮັບຮອງເອົາຜົນສໍາເລັດການກວດກາປະເມີນຜົນຂອງການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈໍາປີ 2024.
ໃນຕອນທ້າຍ ຍັງໄດ້ຮັບຟັງການໂອ້ລົມ ຂອງ ສະຫາຍ ບົວສອນ ວົງຫາຈັກ ເລຂາໜ່ວຍພັກຮາກຖານ ຮອງຫົວໜ້າຄະນະໂຄສະນາອົບຮົມແຂວງ ເຊິ່ງສະຫາຍໄດ້ເນັ້ນໜັກ ພ້ອມທັງໃຫ້ຄວາມສຳຄັນໃນການປະຕິບັດໜ້າທີ່ ຂອງສະຫາຍສະມາຊິກພັກພາຍໃນ ຄອຂ, ໃຫ້ເປັນສະມາຊິກພັກທີ່ມີຄຸນທາດການເມືອງທີ່ເຂັ້ມແຂງ, ໜັກແໜ້ນ, ພ້ອມຮັກສາມູນເຊື້ອຂອງ ໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ສົມກັບຂໍ້ແຂ່ງຂັນກັບໜ່ວຍພັກອື່ນທີ່ມີທ່າກ້າວໜ້າໃນການປ່ຽນແປງຂອງພັກໃນໄລຍະໄໝ່.
