ກອງບັນຊາການທະຫານເມືອງສຸຂຸມາ, ຈັດພິທີສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ75ປີ ໃນຕອນເຊົ້າຂອງວັນທີ14 ກຸມພາ 2024ນີ້, ຢູ່ທີ່ສະໂມສອນຂອງເມືອງ, ໂດຍການໃຫ້ກຽດເຂົ້າຮ່ວມເປັນປະທານຂອງ ສະຫາຍ ພົວ ສຸໄກ ພິມມະສານ ຄະນະປະຈຳພັກແຂວງ ຮອງປະທານ ຜູ້ປະຈຳການ ຄະນະກຳມະການປ້ອງກັນຊາດ-ປ້ອງກັນຄວາມສະຫົງບແຂວງ, ເລຂາຄະນະພັກ ຫົວໜ້າການທະຫານກອງບຫນຊາການທະຫານແຂວງຈຳປາສັກ, ມີສະຫາຍ ສົມເພັດ ບຸດສະດີ ກຳມະການພັກແຂວງ ເລຂາພັກເມືອງ ເຈົ້າເມືອງໆສຸຂຸມາ ທັງແມ່ນປະທານ ປກຊ-ປກສ ເມືອງສຸຂຸມາ, ມີບັນດາສະຫາຍ ໃນຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ພະນັກງານຈາກແຂວງທີ່ຫັນລົງກໍ່ສ້າງຮາກຖານປະຈຳເມືອງ, ພະນັກງານປະຕິວັດອາວຸໂສບຳນານ, ຄະນະພັກ-ຄະນະບັນຊາ, ນາຍແລະພົນທະຫານ, ນາຍແລະພົນຕຳຫຼວດ, ເລຂາຄະນະພັກຮາກຖານ6ກຸ່ມບ້ານ, ກົມກອງອ້ອມຂ້າງເມືອງ, ພ້ອມດ້ວຍນັກຮຽນເຂົ້າຮ່ວມ ທັງໝົດ 185 ສະຫາຍ, ຍິງ 05 ສະຫາຍ, ນັກຮຽນ 20 ຄົນ.
