ປະເມີນໜ່ວຍພັກອາຫານ ແລະ ຢາ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2026


ວັນທີ 16 ພະຈິກ 2026, ໄດ້ຈັດໃຫ້ມີກອງປະຊຸມປະເມີນໜ່ວຍພັກອາຫານ ແລະ ຢາ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2026. ກອງປະຊຸມຈັດຂຶ້ນຢູ່ພະແນກສາທາລະນະສຸກ ໂດຍການເປັນປະທານຮ່ວມຂອງ ສະຫາຍ ປອ.ນັນທະສານ ວັນນະວົງ ກຳມະການພັກແຂວງ ເລຂາຄະນະພັກຮາກຖານພະແນກສາທາລະນະສຸກແຂວງຈໍາປາສັກ,ສະຫາຍ ສະຫາຍ ຄໍາປະສົງ ພົມມະວົງ ຄະນະພັກຮາກຖານ ຫົວໜ້າຂະແໜງສັງລວມຂໍ້ມູນຂ່າວສານ ຄະນະໂຄສະນາອົບຮົມແຂວງ, ສະຫາຍ ນາງ ສັງວານ ແສນສຸກ ເລຂາໜ່ວຍພັກອາຫານ ແລະ ຢາ. ມີຄະນະກຳມະການກວດກາປະເມີນຜົນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນຂັ້ນແຂວງ ພ້ອມດ້ວຍຄະນະໜ່ວຍພັກ 9 ໜ່ວຍພັກທີ່ຂຶ້ນກັບຄະນະພັກຮາກຖານພະແນກສາທາລະນະສຸກແຂວງ ແລະ ສະມາຊິພັກສົມບູນພາຍໃນໜ່ວຍພັກອາຫານ ແລະ ຢາເຂົ້າຮ່ວມ.



#ໃນກອງປະຊຸມ ໄດ້ຜ່ານບົດລາຍງານການກະກຽມກວດກາປະ ເມີນຜົນໜ່ວຍພັກປອດໃສ, ເຂັ້ມແຂງ ໜັກແໝ້ນ ປະຈໍາປີ 2026 ຂອງໜ່ວຍພັກອາຫານ ແລະ ຢາ. ຕໍ່ມາ,ຕາງໜ້າອົງການຈັດຕັ້ງມະຫາຊົນ ກໍໄດ້ລາຍງານການປະເມີນຊາວໜຸ່ມ, ແມ່ຍິງ, ກໍາມະບານ ແລະ ປະເມີນລັດຖະກອນ ໂດຍຫຍໍ້. ພ້ອມນີ້ ກໍໄດ້ຜ່ານບົດສະຫຼຸບການກໍ່ສ້າງໜ່ວຍພັກປອດໃສ, ເຂັ້ມແຂງ ແລະໜັກແໜ້ນ ປະຈໍາປີ 2026. ໜ່ວຍພັກແມ່ນໜ່ວຍພັກໜຶ່ງຂຶ້ນກັບຄະນະພັກຮາກຖານພະແນກສາທາລະນະສຸກແຂວງຈຳປາສັກ, ມີພາລະບົດບາດນຳພາວຽກງານຄຸ້ມຄອງຄຸນນະພາບອາຫານ, ຢາ ແລະ ຜະລິດຕະພັນການແພດ ໃຫ້ມີຄຸນນະພາບ ແລະ ປອດໄພຕໍ່ຜູ້ບໍລິໂພກ.
ປັດຈຸບັນ ມີສະມາຊິພັກທັງໝົດ 15 ສະຫາຍ, ຍິງ 5 ສະຫາຍ. ສາມາດຈັດປະເພດສະມາຊິກພັກ: ປະເພດແຂງ ແລະ ຈັດປະເພດເປັນໜ່ວຍພັກແຂງ. ແລະ ວາງທິດທາງແຜນການກໍ່ສ້າງ ໜ່ວຍພັກ ປອດໃສ, ເຂັ້ມແຂງ ແລະ ໜັກແໜ້ນ ປະຈຳປີ 2027 ຂອງໜ່ວຍພັກອາຫານ ແລະ ຢາ.
#ຈາກນັ້ນ, ຄະນະກຳມະການປະເມີນຜົນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນຂັ້ນແຂວງ ກໍໄດ້ປະກອບຄໍາເຫັນ ຕໍ່ບົດສະຫຼຸບ ແລະ ບົດສໍາຫຼວດການນໍາພາລວມຂອງຄະນະໜ່ວຍພັກ ເພື່ອນໍາສະເໜີຄະນະພັກ - ຂັ້ນເທິງຄົ້ນຄວ້າອະນຸມັດ ເປັນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະຈໍາປີ 2026 ໃນໂອກາດຕໍ່ໄປ. ຕອນທ້າຍກອງປະຊຸມ ສະຫາຍ ປອ.ນັນທະສານ ວັນນະວົງ ກໍາມະການພັກແຂວງ ເລຂາຄະນະພັກຮາກຖານພະແນກສາທາລະນະສຸກແຂວງ ປະທານກອງປະຊຸມ ກໍມີຄໍາເຫັນໂອ້ລົມຊີ້ທິດເຍືອງທາງ ຕື່ມອີກ.

ຂ່າວ-ພາບ: ຈັນທະວີສັກ.