ຈຳປາສັກ, ວັນທີ 2 ສິງຫາ 2026 — ຄະນະພັກຮາກຖານ ຄະນະໂຄສະນາອົບຮົມແຂວງ ຈັດກອງປະຊຸມ ຄັ້ງທີ II ໂດຍມີຈຸດປະສົງສຳຄັນເພື່ອທົບທວນ, ກຳນົດແຜນວຽກ ແລະ ຈັດລະບຽບການແບ່ງງານພາຍໃນຄະນະພັກ ໃຫ້ມີຄວາມຈະແຈ້ງ ແລະ ເປັນເອກະພາບ.
ກອງປະຊຸມໄດ້ຮັບການເປັນປະທານໂດຍ ທ່ານ ປະດິດ ວັນນະລັດສະໝີ, ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ. ເຂົ້າຮ່ວມມີ ຄະນະພັກຮາກຖານ, ຄະນະໜ່ວຍພັກ, ຫົວໜ້າ ແລະ ຮອງຫົວໜ້າຂະແໜງການ ພາຍໃນຄະນະໂຄສະນາອົບຮົມແຂວງ.
ໃນກອງປະຊຸມ, ໄດ້ຜ່ານມະຕິຕົກລົງຂອງຄະນະປະຈຳພັກແຂວງກ່ຽວກັບການແບ່ງງານພາຍໃນຄະນະພັກຮາກຖານ ຄະນະໂຄສະນາອົບຮົມແຂວງ.
ພ້ອມກັນນັ້ນ, ບັນດາຜູ້ເຂົ້າຮ່ວມໄດ້ພິຈາລະນາຮ່າງແຜນດຳເນີນງານຂອງຄະນະພັກຮາກຖານ ແລະ ວາງແນວທາງສຳລັບການນຳພາວຽກງານໃນໄລຍະຕໍ່ໜ້າ ໃຫ້ສອດຄ່ອງກັບໜ້າທີ່ ແລະ ພາລະບົດບາດຂອງຕົນ.ແລະ ບັນດາວຽກງານທີ່ກ່ຽວຂ້ອງ ເພື່ອທົບທວນຜົນການດຳເນີນງານ, ຊອກຫາຈຸດດີ, ຂໍ້ຈຳກັດ ແລະ ກຳນົດທິດທາງແກ້ໄຂໃຫ້ເໝາະສົມ.
ການຈັດກອງປະຊຸມຄັ້ງນີ້ ເປັນພື້ນຖານສຳຄັນໃນການເສີມສ້າງການນຳພາຂອງຄະນະພັກຮາກຖານ, ສ້າງຄວາມເອກະພາບໃນການແບ່ງງານຄວາມຮັບຜິດຊອບ ແລະ ການປະສານງານພາຍໃນ ພ້ອມທັງຍົກສູງປະສິດທິຜົນໃນການນຳພາວຽກງານຂອງແຕ່ລະຂະແໜງການ ສະທ້ອນໃຫ້ເຫັນເຖິງການໃຫ້ຄວາມສຳຄັນຕໍ່ການແບ່ງງານຢ່າງຈະແຈ້ງ, ການວາງແຜນວຽກງານ ແລະ ການທົບທວນຜົນງານ ເພື່ອໃຫ້ການນຳພາວຽກງານເປັນລະບົບ, ຈະແຈ້ງ ແລະ ມີປະສິດທິຜົນ.