ນະຄອນປາກເຊຈັດພິທີປາຖະກະຖາວັນສຳຄັນຕ່າງໆຂອງພັກ, ຂອງຊາດ ແລະ ສາກົນເປັນຕົ້ນແມ່ນ ວັນຊາດຈີນ ຄົບຮອບ 76ປີ (1/10/1949-1/1/10/2025), ວັນສ້າງຕັ້ງການທູດລາວຄົບຮອບ80ປີ (12/10/1945-12/10/2025) ແລະ 50 ປີ (12/10/1975-12/10/2025), ວັນປະກາດເອກະລາດ ຄົບຮອບ 80 ປີ (12/10/1954), ວັນລະນຶກວັນສາກົນ ແລະ ສັບປະດາແຫ່ງຊາດ ເພື່ອລົບລ້າງຄວາມທຸກຍາກຂອງ ສປປລາວ ຄົບຮອບ 38 ປີ ( 17/10/1987-17/10/2025 ແລະ ຄົບຮອບ 22 ປີ (17-24/10/2003-17-24/10/2025), ວັນມະຫາປະຕິວັດ ເດືອນຕຸລາລັດເຊຍ ຄົບຮອບ 108 ປີ (7/11/1917-7/10/2025) ແລະ ວັນເກີດທ່ານ ຟຣີດຣິກ ອັງແກນ ຄົບຮອບ 205 ປີ (28/11/1820-28/11/2025).
ພິທີດັ່ງກ່າວຈັດຂື້ນໃນວັນທີ 20 ພະຈິກ 2025 ທີ່ສະໂມສອນນະຄອນປາກເຊ ໂດຍໃຫ້ກຽດເຂົ້າຮ່ວມ ແລະ ບັນຍາຍເອກະສານຂອງທ່ານ ຄອນສະຫວັນ ວັນນິວົງຄຳ ຮອງເລຂາຄະນະບໍລິຫານງານພັກນະຄອນປາກເຊ ປະທານກວດກາພັກ-ລັດນະຄອນປາກເຊ ແລະ ທ່ານ ວິລັດ ນຽມທະຈິດ ຄະນະປະຈຳພັກນະຄອນ ຫົວໜ້າຄະນະໂຄສະນາອົບຮົມນະຄອນປາກເຊ, ມີຫົວໜ້າຫ້ອງການ, ຄະນະຫ້ອງການ, ພະນັກງານ-ລັດຖະກອນ ແລະ ນາຍບ້ານທົ່ວນະຄອນປາກເຊເຂົ້າຮ່ວມຮັບຟັງ.
ໃນໂອກາດດັ່ງກ່າວ ທ່ານ ຄອນສະຫວັນ ວັນນິວົງຄຳ ຮອງເລຂາຄະນະບໍລິຫານງານພັກນະຄອນ, ປະທານກວດກາພັກ-ລັດ ນະຄອນໄດ້ຍົກໃຫ້ເຫັນເຖິິງບັນດາເຫດການສໍາຄັນພາຍນອກ ແລະ ພາຍໃນທີ່ສ້າງເງື່ອນໄຂໃຫ້ແກ່ການປະກາດເອກະ ລາດ12ຕຸລາ1945, ການສືບຕໍ່ເສີມຂະຫຍາຍມູນເຊື້ອວັນປະກາດເອກະລາດ, ພ້ອມທັງຍົກໃຫ້ເຫັນປະຫວັດຄວາມເປັນມາຂອງວັນການທູດລາວ, ຜົນສໍາເລັດໃນການເປີດກວ້າງການພົວພັນສາກົນຂອງ ສປປລາວ. ຈາກນັ້ນ ທ່ານ ວິລັດ ນຽມທະຈິດ ຄະນະປະຈຳພັກນະຄອນ ຫົວໜ້າຄະນະໂຄສະນາອົບຮົມນະຄອນປາກເຊ ໄດ້ຍົກໃຫ້ເຫັນເຖິິງການກຳເນີດການປະຕິວັດເດືອນຕຸລາລັດເຊຍ, ຄວາມໝາຍ ແລະ ຜົນສະທ້ອນຂອງການປະຕິວັດເດືອນຕຸລາລັດເຊຍ, ຜົນສະທ້ອນ ແລະ ການຊ່ວຍເຫຼືອຂອງສະຫະພາບໂຊຫວຽດຕໍ່ລາວ, ຄວາມຮັບຮູ້ທີ່ຖືກຕ້ອງຕໍ່ການປະຕິວັດຕຸລາລັດເຊຍໃນເງື່ອນໄຂໃໝ່, ຍົກໃຫ້ເຫັນເຖິງຄວາມເປັນມາ ແລະ ມູນເຊື້ອ ສປ ຈີນ, ຜົນງານໃນການສ້າງສາພັດທະນາປະເທດຊາດໃນໄລຍະຜ່ານມາ, ການພົວພັນລະຫວ່າງ ສປປ ລາວ ກັບ ສປ ຈີນ, ປະຫວັດຄວາມເປັນມາຂອງວັນສາກົນ ແລະ ສັບປະດາແຫ່ງຊາດເພື່ອລົບລ້າງຄວາມທຸກຍາກ17-24 ຕຸລາ, ຜົນສໍາເລັດໃນການພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນລາວ ພ້ອມທັງຍົກໃຫ້ເຫັນເຖິິງຊິວິດ ແລະ ການເຄື່ອນໄຫວ, ຜົນງານ, ຄຸນງາມຄວາມດີຂອງທ່ານ ຟຣິດຣິກ ອັງແກນອີກດ້ວຍ.
ເຊີ່ງມີຜູ້ເຂົ້າຮ່ວມຮັບຟັງທັງຫມົດ 151 ສະຫາຍ ຍິງ 75 ສະຫາຍ, ສະມາຊິກພັກ 134 ສະຫາຍ ຍິງ 68 ສະຫາຍ.