ກອງປະຊຸມຄົ້ນຄວ້າປຶກສາຫາລື ການກະກຽມ ແລະ ສະເຫຼີມສະຫຼອງ ວັນຊາດທີ 2 ທັນວາ ຄົບຮອບ 50 ປີ ໄດ້ຈັດຂຶ້ນໃນຕອນເຊົ້າຂອງວັນທີ 19 ພະຈິກ 2025 ທີ່ຄະນະໂຄສະນາອົບຮົມແຂວງ, ໂດຍການເປັນປະທານຂອງ ທ່ານ ປະດິດ ວັນນະລັດສະໝີ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ ໃນນາມຄະນະຮັບຜິດຊອບຊີ້ນໍາລວມ; ມີບັນດາທ່ານໃນຄະນະຮັບຜິດຊອບຂັ້ນແຂວງ ທີ່ໄດ້ຮັບການແຕ່ງຕັ້ງ ເຂົ້າຮ່ວມ.
ກອງປະຊຸມໄດ້ຮັບຟັງການລາຍງານຫຍໍ້ການກະກຽມຄວາມພ້ອມໃນແຕ່ລະດ້ານ ນັບແຕ່ໄດ້ຮັບການແຕ່ງຕັ້ງຈົນຮອດປັດຈຸບັນ, ພ້ອມນັ້ນ ກໍຕົກລົງເອກະພາບໃຫ້ແຕ່ລະອະນຸກໍາມະການຂຶ້ນແຜນວຽກ, ແຜນດໍາເນີນງານ, ແຜນງົບປະມານຂອງຕົນ ພ້ອມທັງມີການແບ່ງງານ, ແບ່ງຄວາມຮັບຜິດຊອບ ໃຫ້ຈະແຈ້ງ ແລະ ນໍາພາເຂົ້າສູ່ການປະຕິບັດໃຫ້ທ່ວງທັນຕໍ່ກໍານົດເວລາ ໂດຍມີການສະຫຼຸບລາຍງານ ແລະ ຂໍທິດຊີ້ນໍາຈາກຂັ້ນເທິງຢ່າງເປັນປະຈໍາໃນແຕ່ລະໄລຍະ.