ໃນຕອນບ່າຍຂອງວັນທີ 13 ພຶດສະພາ 2026 ນີ້ ຢູ່ທີ່ຫ້ອງປະຊຸມຂອງ ຄະນະໂຄສະນາອົບຮົມແຂວງຈຳປາສັກ ໄດ້ຈັດພິທີຮັບຮອງເອົາສະມາຊິກພັກສຳຮອງ 2 ສະຫາຍ ເຂົ້າເປັນສະມາຊິກພັກສົມບູນ; ພາຍໃຕ້ການໃຫ້ກຽດເຂົ້າຮ່ວມ ແລະ ເປັນປະທານຂອງສະຫາຍ ປອ ວັນນະລາ ສຸດທິຈັກ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງຈຳປາສັກ, ເຂົ້າຮ່ວມມີ ສະຫາຍ ສະມາຊິກພັກ-ພະນັກງານພາຍໃນຄະນະໂຄສະນາອົບຮົມແຂວງ ເຂົ້າຮ່ວມ.
ໃນພິທີສະຫາຍ ຖາວອນ ຈັນດາລາສຸກ ຕ່າງໜ້າຈັດຕັ້ງພິທີ ກໍ່ໄດ້ຂື້ນຜ່ານມະຕິຂອງຄະນະປະຈໍາພັກແຂວງ ວ່າດ້ວຍການອະນຸມັດ ເລຶ່ອນສະມາຊິກພັກສໍາຮອງ ຂື້ນເປັນສະມາຊິກພັກສົມບູນເຊິ່ງປະກອບມີລາຍຊື່ຄື :
ເຫັນດີໃຫ້ສະຫາຍ ນາງ ພອນວິຊິດ ແກ້ວປະສີດ ເລຶອນຂື້ນເປັນສະມາຊິກພັກສົມບູນ.
ເຫັນດີໃຫ້ສະຫາຍ ນາງ ວິພະວັນ ຕານຈັນທູນ ເລຶອນຂື້ນເປັນສະມາຊິກພັກສົມບູນ.
ໃນຕອນທ້າຍ ສະຫາຍ ປອ ວັນນະລາ ສຸດທິຈັກ ປະທານກອງປະຊຸມ ກໍ່ໄດ້ມີຄຳເຫັນໂອ້ລົມຄະນະຫນ່ວຍພັກ, ສະມາຊິກພັກ-ພະນັກງານ ຕະຫຼອດຮອດສະມາຊິກພັກໃຫມ່ທັງ 2 ສະຫາຍ ເພື່ອເປັນການຊຸກຍູ້ ການຊີ້ນໍາຂອງຄະນະຫນ່ວຍພັກ ແລະ ຊຸກຍູ້ ການປະຕິບັດ ຫນ້າທີ່ຂອງສະມາຊິກພັກທຸກສະຫາຍ ຄຽງຄູ່ກັບການຂະຫຍາຍໜ່ວຍພັກ, ສະມາຊິກພັກ ໃຫ້ມີຄວາມເຂັ້ມແຂງຮອບດ້ານ ຕາມທິດຊີ້ນຳຂອງພັກ ທີ່ເປັນແວ່ນແຍງ ແລະ ທິດທາງຂອງພັກ ໃຫ້ມີຄວາມເປັນເອກະພາບກັນ ແລະ ເປັນໜ່ວຍພັກ ປອດໃສ, ເຂັ້ມແຂງ ແລະ ໜັກແໜ້ນ.
