ກອງປະຊຸມປະເມີນຜົນການຈັດຕັງປະຕິບັດຫນ້າທີວຽກງານຂອງພະນັກງານການນໍາຄະນະໂຄສະນາອົບຮົມແຂວງ ປະຈຳປີ 2025
ໃນຕອນເຊົ້າຂອງວັນທີ 04 ກຸມພາ 2026 ຢູ່ທີ່ຫ້ອງປະຊຸມຂອງຄະນະໂຄສະນາອົບຮົມແຂວງ ໄດ້ຈັດກອງປະຊຸມປະເມີນຜົນການຈັດຕັ້ງປະຕິບັດຫນ້າທີ່ວຽກງານຂອງພະນັກງານການນໍາ ( ຫົວໜ້າ ແລະ ຮອງຫົວໜ້າຄະນະໂຄສະນາອົບຮົມແຂວງ ) ປະຈຳປີ 2025. ພາຍໃຕ້ການເປັນປະທານຂອງທ່ານ ປອ ວັນນະລາ ສຸດທິຈັກ, ຮອງຫົວໜ້າຄະນະໂຄສະນາອົບຮົມແຂວງ.
ເຂົ້າຮ່ວມ ມີຄະນະກຳມະການກວດກາປະເມີນຜົນຂັ້ນແຂວງ, ບັນດາຮອງຫົວໜ້າຄະນະ, ຫົວໜ້າຂະແໜງ ແລະ ຮອງຂະແໜງເຂົ້າຮ່ວມຢ່າງພ້ອມພຽງ. ກອງປະຊຸມຄັ້ງນີ້ ຈັດຂຶ້ນເພື່ອກວດກາປະເມີນຜົນເກັບກ່ຽວຜົນງານ ການຈັດຕັ້ງປະຕິບັດຫນ້າທີ່ວຽກງານຂອງພະນັກງານການນໍາຄະນະໂຄສະນາອົບຮົມແຂວງ ປະຈຳປີ 2025.
ຈາກນັ້ນບັນດາຫົວໜ້າຂະແໜງ ແລະ ຮອງຂະແໜງ ກໍ່ໄດ້ປະກອບຄໍາເຫັນຢ່າງກົງໄປກົງມາ ດ້ວຍຄວາມຈີງໃຈຕໍ່ຄະນະນໍາແຕ່ລະທ່ານພ້ອມທັງໃຫ້ຄະແນນແຕ່ລະທ່ານຕື່ມອີກ.
ໃນຕອນທ້າຍກອງປະຊຸມ ຍັງໄດ້ຮັບຟັງການໂອ້ລົມຈາກທ່ານປະທານ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ສຳເລັດ ແລະ ຍາດມາໄດ້ໃນຫຼາຍດ້ານຕໍ່ຜົນງານດັ່ງກ່າວ ນອກນັ້ນ, ທ່ານຍັງໄດ້ເນັ້ນໜັກຫລາຍບັນຫາ ຮຽກຮ້ອງມາຍັງພະນັກງານ-ລັດຖະກອນທັງໝົດຕ້ອງໄດ້ບຸກບືນສູ້ຊົນຕໍ່ໜ້າວຽກ ພ້ອມທັງປັບປຸງແບບແຜນວິທີການນຳພາ, ວິທີການເຮັດວຽກໃຫ້ມີຄວາມສອດຄ່ອງ ແລະ ພ້ອມກັນເອົາໃຈໃສ່ປັບປຸງແກ້ໄຂຂໍ້ຄົງຄ້າງໃຫ້ດີຂື້ນ ແລະ ເພີ່ມທະວີການຈັດຕັ້ງປະຕິບັດໜ້າທີ່ວຽກງານໃນຕໍ່ໜ້າໃຫ້ສອດຄ່ອງກັບສະພາບຄວາມເປັນຈິງ, ໂດຍສະເພາະຕິດພັນກັບວຽກງານການເມືອງ-ແນວຄິດ.
