ໃນຕອນເຊົ້າ ວັນທີ 28 ມິຖຸນາ 2024 ຢູ່ທີ່ສະໂມສອນຂອງເມືອງປະທຸມພອນ ຈັດພິທີປິດຊຸດຝຶກອົບຮົມ ທິດສະດີການເມືອງ-ແນວທາງຂອງພັກ ໄລຍະສັ້ນ 15 ວັນ ຮຸ່ນທີ II; ໂດຍການເປັນປະທານຂອງ ສະຫາຍ ປອ ສຸປານີ ສິລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົບແຂວງຈຳປາສັກ, ມີສະຫາຍ ນາງ ຄຳມອນ ຊາມົນຕີ ຮອງເລຂາພັກເມືອງ(ຜູ້ຊີ້ນຳວຽກງານການເມືອງແນວຄິດພັກ ແລະ ພະນັກງານ), ສະຫາຍ ຄຳຜາງ ບົວແກ້ວສະຫວັນ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງ, ມີບັນດາຄະນະຮັບຜິດຊອບຂັ້ນແຂວງ- ເມືອງ, ແຂກທີ່ຖືກເຊີນ, ຄູອາຈານ ແລະ ບັນດານັກສຳມະນາກອນເຂົ້າຮ່ວມ 98 ສະຫາຍ, ຍິງ 38 ສະຫາຍ.
