ອີງຕາມ ດຳລັດຂອງລັດຖະບານ ສະບັບເລກທີ 16/ລບ, ລົງວັນທີ 22/4/2019 ວ່າດ້ວຍການແຂ່ງຂັນ-ຍ້ອງຍໍ, ແຈ້ງການຂອງກະຊວງພາຍໃນ ສະບັບເລກທີ 21/ພນ, ລົງວັນທີ 31 ມັງກອນ 2025 ແລະ ແຈ້ງການຂອງເຈົ້າແຂວງຈໍາປາສັກ ກ່ຽວກັບການສະຫຼຸບ, ຕີລາຄາຂະບວນການແຂ່ງຂັນ ຮັກຊາດ ແລະ ພັດທະນາ (2021-2025) ແລະ ທິດທາງແຜນການ (2026-2030).

          ໃນຕອນເຊົ້າວັນທີ 18 ມິຖຸນາ 2025 ຢູ່ທີຄະນະໂຄສະນາອົບຮົມແຂວງ ໄດ້ຈັດກອງປະຊຸມສະຫຼຸບ, ຕີລາຄາຂະບວນການແຂ່ງຂັນ ຮັກຊາດ ແລະ ພັດທະນາ 2021-2025 ຂຶ້ນ, ໂດຍການເປັນປະທານ ນໍາພາຂອງ ທ່ານ ສຸປານີ ວິລິປຸ່ນໂຍ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ, ມີບັນດາທ່ານໃນຄະນະ ແລະ ພະນັກງານ-ລັດຖະກອນ ເຂົ້າຮ່ວມທັງໝົດ.
# ຈຸດປະສົງ ແມ່ນເພື່ອຄົ້ນຄວ້າຄັດເລືອກເປົ້າໝາຍ ບຸກຄົນດີເດັ່ນ ທີ່ມີຜົນງານໃນການປະຕິບັດໜ້າທີ່ວຽກງານວິຊາສະເພາະ ຂອງພະນັກງານ-ລັດຖະກອນ ພາຍໃຕ້ຄໍາຂວັນ ປຸກລະດົມ “ຮັກຊາດ ແລະ ພັດທະນາ ທົ່ວແຂວງຈໍາປາສັກ ແລະ ຕິດພັນກັບການສະເຫຼີມສະຫຼອງສາມວັນປະຫວັດສາດ, ການຄົ້ນຄວ້າເປົ້າໝາຍຕ້ອງໃຫ້ຖືກກັບຜົນງານຕົວຈິງ ແລະ ຄົ້ນໃຫ້ເຫັນວຽກດີຄົນເດັ່ນ, ຫຼີກເວັ້ນການຄັດເລືອກທີ່ເຫັນແກ່ຖານະຕຳແໜ່ງ, ໝູ່ຄູ່, ພັກພວກ ແລະ ເພື່ອເປັນການເສີມຂະຫຍາຍຊຸກຍູ້ດ້ານຕັ້ງໜ້າ, ຊຸກຍູ້ຂະບວນການໃຫ້ຟົດຟື້ນແຂງແຮງ.

Bài viết ຄະນະໂຄສະນາອົບຮົມແຂວງ ສະຫຼຸບ, ຕີລາຄາຂະບວນການແຂ່ງຂັນ ຮັກຊາດ ແລະ ພັດທະນາ 2021-2025. đã xuất hiện đầu tiên vào ngày .

       ໃນຕອນເຊົ້າຂອງວັນທີ 13 ມິຖຸນາ 2025 ຄະນະພັກຮາກຖານພະແນກສາທາລະນະສຸກແຂວງ ຈັດພິທີປາຖະກະຖາວັນສໍາຄັນຂອງພັກຂອງຊາດ ໃຫ້ແກ່ສະມາຊິກພັກ, ພະນັກງານໃນຂອບເຂດຄວາມຮັບຜິດຊອບຂອງໂຕ, ເຊິ່ງໄດ້ຈັດຂຶ້ນທີ່ຫ້ອງປະຊຸມວິທະຍາໄລວິທະຍາສາດແລະສຸຂະພາບ; ພາຍໃຕ້ການເປັນປະທານເຜີຍແຜ່ເອກະສານ ຂອງ ສະຫາຍ ບົວສອນ ວົງຫາຈັກ ເລຂາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງຈໍາປາສັກ.
ມີ ຄະນະພັກຮາກຖານ, ຄະນະໜ່ວຍພັກ ແລະ ສະມາຊິກພັກຈາກໜ່ວຍທີ່ຂຶ້ນກັບ ເຂົ້າຮ່ວມຢ່າງພ້ອມພຽງ.

            ເອກະສານປາຖະກະຖາໃນຄັ້ງນີ້ ປະກອບດ້ວຍ: ວັນເກີດ ທ່ານ ກາກມາກ ຄົບຮອບ 207 ປີ, ວັນໄຊຊະນະບັ້ນຮົບດຽນບຽນຟູ ຄົບຮອບ 71 ປີ, ວັນໄຊຊະນະຂອງໂຊວຽດເໜືອຟາດສິດ ເຢຍລະມັນໃນສົງຄາມໂລກ ຄັ້ງທີ II ຄົບຮອບ 80 ປີ, ການຜ່າວົງປິດລ້ອມຂອງກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 66 ປີ, ວັນເກີດປະທານ ໂຮ່ຈິມິນ ຄົບຮອບ 135 ປີ ແລະ ວິລະກຳໂຕນຄຸກຢ່າງ ມະຫັດສະຈັນຂອງບັນດາຜູ້ນໍາຂອງພັກ ແລະ ແນວລາວຮັກຊາດ ຄົບຮອບ 65 ປີ. ທັງນີ້ ກໍ່ເພື່ອເຮັດໃຫ້ພະນັກງານ, ສະມາຊິກພັກ ໄດ້ຮັບຮູ້ເຂົ້າໃຈເຖິິງມູນເຊື້ອ ແລະ ຄວາມໝາຍຄວາມສໍາຄັນ ຂອງວັນດັ່ງກ່າວ ທັງເປັນການສຶກສາອົບຮົມໃຫ້ສະມາຊິກພັກມີຄຸນມາດການເມືອງທີ່ໜັກແໜ້ນ.

Bài viết ຄະນະພັກຮາກຖານພະແນກສາທາລະນະສຸກແຂວງ ຈັດພິທີປາຖະກະຖາວັນສໍາຄັນຂອງພັກຂອງຊາດ đã xuất hiện đầu tiên vào ngày .

         ໃນວັນທີ 12 ມີຖຸນາ 2025 ຄະນະໂຄສະນາອົບຮົມນະຄອນປາກເຊ ໄດ້ເປີດຊຸດຝຶກອົບຮົມມະຫາຊົນກ້າວໜ້າທີ່ຈະຂະຫຍາຍເຂົ້າເປັນສະມາຊິກພັກ ຊຸດທີ I ປະຈຳປີ 2025, ເຊິ່ງໄດ້ຈັດຂື້ນທີ່ຫ້ອງປະຊຸມນ້ອຍ ສະໂມສອນນະຄອນປາກເຊ. ໂດຍໃຫ້ກຽດເປັນປະທານຂອງ ສະຫາຍ ວິລັດ ນຽມທະຈິດ ຄະນະປະຈຳພັກນະຄອນ ຫົວໜ້າຄະນະໂຄສະນາອົບຮົມນະຄອນປາກເຊ, ເຂົ້າຮ່ວມມີສະຫາຍ ນາງ ກົງແສງ ສີຫານາດ ຮອງຫົວຫນ້າຄະນະໂຄສະນາອົບຮົມນະຄອນ ພ້ອມດ້ວຍ ແຂກທີ່ຖືກເຊື້ອເຊີນ ແລະ ນັກສຳມະນາກອນທັງໝົດເຂົ້າຮ່ວມຈຳນວນ 35 ສະຫາຍ, ຍິງ 20 ສະຫາຍ ເຊິ່ງມາຈາກ 15 ຫນ່ວຍພັກ ອອ້ມຂ້າງນະຄອນປາກເຊ.

ພິທີຝຶກຊຸດອົບຮົມດັ່ງກ່າວ ແມ່ນຈະໄດ້ດຳເນີນເປັນເວລາ 01 ວັນ ແລະ ເອກະສານທີ່ນຳໃຊ້ເຂົ້າໃນການອົບຮົມໃນຄັ້ງນີ້ມີ 13 ຄໍາຖາມ-ຄໍາຕອບ ເຊິ່ງປະກອບມີເອກະສານຄວາມຮູ້ເບື່ອງຕົ້ນ ເພື່ອເຮັດໃຫ້ມະຫາຊົນຜູ້ທີ່ຈະຂະຫຍາຍເຂົ້າເປັນສະມາຊິກພັກ ໄດ້ຮັບຮູ້, ເຂົ້າໃຈກ່ຽວກັບປະຫວັດ, ຄວາມເປັນມາ, ອຸດົມການ ແລະ ທາດແທ້ຂອງພັກປະຊາຊົນປະຕິວັດລາວ, ເຂົ້າໃຈກ່ຽວກັບມາດຕະຖານ, ເງື່ອນໄຂມະຫາຊົນຜູ້ທີ່ຈະເຂົ້າເປັນສະມາຊິກພັກ, ຜົນປະໂຫຍດທີ່ສະມາຊິກພັກໄດ້ຮັບ ແລະ ເມື່ອໄດ້ເຂົ້າເປັນສະມາຊິກພັກປະຊາຊົນປະຕິວັດລາວແລ້ວ ຈະປົກປ້ອງບົດບາດ, ກຽດສັກສີຂອງພັກຄືແນວໃດ. ບົນພື້ນຖານຄວາມຮັບຮູ້, ເຂົ້າໃຈດັ່ງກ່າວ ເຮັດໃຫ້ມະຫາຊົນຜູ້ທີ່ຈະເຂົ້າເປັນສະມາຊິກພັກ ຕອ້ງໄດ້ຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ມີມາດຖານ, ເງື່ອນໄຂຄົບຖ້ວນ ແລະ ມີຄວາມຕື່ນຕົວສະໝັກໃຈເຂົ້າເປັນສະມາຊິກພັກປະຊາຊົນປະຕິວັດລາວ ເພື່ອເພີ່ມກໍາລັງແຮງສູ້ຮົບໃຫ້ແກ່ພັກນັບມື້ຫຼາຍຂຶ້ນ.

#ຂ່າວພາບໂດຍ: ຄະນະໂຄສະນາອົບຮົມນະຄອນປາກເຊ

Bài viết ນະຄອນປາກເຊ ເປີດຊຸດຝຶກອົບຮົມມະຫາຊົນກ້າວໜ້າ ທີ່ຈະຂະຫຍາຍເຂົ້າເປັນສະມາຊິກພັກ ຊຸດທີ I ປະຈຳປີ 2025 đã xuất hiện đầu tiên vào ngày .

            ໃນຕອນເຊົ້າ ຂອງວັນທີ 10 ມິຖຸນາ 2025 ຄະນະໂຄສະນາອົບຮົມປາກຊ່ອງ ໄດ້ຈັດຕັ້ງກອງປະຊຸມ ເຜີຍແຜ່, ເຊື່ອມຊືມເອກະສານການເມືອງ-ແນວຄິດໃຫ້ສະມາຊິກພັກ, ພະນັກງານ ເພື່ອດຳເນີນຊິວິການເມືອງໃນທົ່ວພັກ ແລະ ເອກະສານນິຕິກຳຂອງສູນກາງພັກ,ຂອງແຂວງ ກອງປະຊຸມໄດ້ຈັດຂຶ້ນທີ່ສະໂມສອນເມືອງປາກຊ່ອງ ໃຫ້ກຽດເປັນປະທານຂອງ ທ່ານ ບຸນລິດ ເທບບຸນສູງ ເລຂາພັກເມືອງ ເຈົ້າເມືອງໆ ປາກຊ່ອງ ມີ ທ່ານ ຄຳຂອດ ຮອງເລຂາ ຊີ້ນຳວຽກງານອົງການປົກຄອງເມືອງ ມີ ທ່ານ ແສງເດືອນ ສົມສະຫວັນ ຮອງເລຂາ ຊີ້ນຳວຽກງານ ການເມືອງ-ແນວຄິດ ມີ ທ່ານ ບຸນລຽບ ແກ້ວວົງສາ ກຳມະກາພັກເມືອງ ຫົວໜ້າ ປະທານກວດກາພັກເມືອງ, ມີ ທ່ານ ພາບ ໝື່ນຫຼວງ ຫົວໜ້າຄະນະໂຄ
ສະນາອົບຮົມເມືອງ, ມີບັນດາສະຫາຍເລຂາ ຄະນະພັກຮາກຖານ 10 ກຸ່ມ, ເລຂາໜ່ວຍພັກ, ຮອງໜ່ວຍພັກ, ຫົວຫນ້າຫ້ອງການ, ຮອງຫົວຫນ້າຫ້ອງການ, ເຂົ້າຮ່ວມຮັບຟັງຢ່າງພ້ອມພຽງ.

#ຂ່າວພາບໂດຍ:ຄະນະໂຄສະນາອົບຮົມເມືອງປາກຊ່ອງ.

Bài viết ຄະນະໂຄສະນາອົບຮົມເມືອງປາກຊ່ອງ ຈັດຕັ້ງກອງປະຊຸມເຜີຍແຜ່, ເຊື່ອມຊືມເອກະສານການເມືອງ-ແນວຄິດໃຫ້ແກ່ສະມາຊິກພັກ-ພະນັກງານ đã xuất hiện đầu tiên vào ngày .

ເນຶ່ອງໃນໂອກາດການເຄຶ່ອນໄຫວຊຸກຍູ້ວຽກງານໂຄສະນາເຜີຍແຜ່ຂໍ້ມູນຂ່າວສານຜ່ານຊື່ເອເລັກໂຕນິກ(ເວັບໄຊ) ທີ່ ແຂວງຈໍາປາສັກ, ໃນຕອນບ່າຍ ຂອງວັນທີ 9 ມິຖຸນາ 2025 ທ່ານ ນາງ ວິລະວອນ ພັນທະວົງ ຄະນະປະຈຳ ຮອງຫົວໜ້າຄະນະໂຄສະນາອົບຮົມສູນກາງພັກ ຜູ້ຊີ້ນຳວຽກງານຂໍ້ມູນຂ່າວສານ ແລະ ຝຶກອົບຮົມ, ທ່ານ ວັນຕຸລາ ຮັກນຸດ ຄະນະພັກ ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ ພ້ອມດ້ວຍຫົວໜ້າ ແລະ ຮອງຫົວໜ້າຄະນະໂຄສະນາອົບຮົມແຂວງ ໄດ້ເຂົ້າພົບປະ ແລະ ເຮັດຮ່ວມກັບທ່ານ ອະລຸນໄຊ ສູນນະລາດ ເລຂາພັກແຂວງ,ເຈົ້າແຂວງຈຳປາສັກ.

ໂອກາດນີ້ທ່ານ.ນາງ ວິລະວອນ ພັນທະວົງ ຮອງຫົວໜ້າຄະນະໂຄສະນາອົບຮົມສູນກາງພັກ ກໍ່ໄດ້ລາຍງານກ່ຽວກັບຈຸດປະສົງໃນການລົງມາເຄຶ່ອນໄຫວເຮັດວຽກໃນຄັ້ງນີ້ກໍ່ເພື່ອຍົກສູງຄຸນນະພາບວຽກງານໂຄສະນາອົບຮົມເວົ້່າລວມ,ເວົ້າສະເພາະກໍ່ຄືການນໍາໃຊ້ຊື່ທີ່ທັນສະໄໝ(ເວັບໄຊ໋) ເຂົ້າໃນວຽກງານໂຄສະນານັບແຕ່ສູນກາງຮອດທ້ອງຖິ່ນເພື່ອສ້າງບາດກ້າວຫັນປຽ່ນໄໝ່ຂອງວຽກງານການເມືອງ-ແນວຄິດຕາມທິດຍົກສູງຄຸນນະພາບວຽກງານວິຊາສະເພາະ ແລະ ຫັນວຽກງານໂຄສະນາອົບຮົມໃຫ້ເປັນທັນສະໄໝເທື່ອລະກ້າວ ແລະ ແທດເໝາະກັບຍົກ4.0 ແລະ ເພື່ອຍົກລະດັບຄວາຍຮູ້ໃຫ້ກັບພະນັກງານວິຊາການຂອງຄະນະໂຄສະນາອົບຮົມແຂວງ,ເມືອງໃຫ້ນັບມື້ສູງຂື້ນ ແລະ ມີຄວາມເຂົ້າໃຈເລິກເຊິ່ງເຖິງບົດບາດຂອງເຕັກໂນໂລຊີຂ່າວສານໃນປະຈຸບັນ.

# ຈາກນັ້ນ, ທ່ານ ອະລຸນໄຊ ສູນນະລາດ ເຈົ້າແຂວງຈຳປາສັກ ກໍ່ໄດ້ສະແດງຄວາມຍິນດີໃນການລົງມາເຄຶ່ອນໄຫວເຮັດວຽກໃນຄັ້ງນີ້ເຊິ່ງທ່ານກໍ່ໄດ້ລາຍງານໂດຍຫໍ້ຍກ່ຽວກັບການນໍາພາ-ຊີ້ນໍາວຽກງານໃນແຕ່ລະດ້ານໃນການຈັດຕັ້ງຜັນຂະຫຍາຍມະຕິຂອງສູນກາງພັກ, ຂອງອົງຄະນະພັກແຂວງ, ແຜນພັດທະນາເສດຖະກິດສັງຄົມໃນໄລຍະຜ່ານມາທີ່ມີຜົນສຳເລັດ, ພົ້ນເດັ່ນ ແລະ ໄດ້ຖືເອົາວຽກງານການສຶກສາອົບຮົມການເມືອງ-ແນວຄິດເປັນກົກ ແລະ ມີຄວາມສາມັກຄີເປັນປຶກແຜ່ນພ້ອມກັນຍົກສູງຄວາມຮັບຜິດຊອບວຽກງານກ່ນເມືອງ-ແນວຄິດໃຫ້ດີຂື້ນເທື່ອລະກ້າວ.

Bài viết ທ່ານຮອງຫົວໜ້າຄະນະໂຄສະນາອົບຮົມສູນກາງພັກ ພົບປະ ແລະ ເຮັດວຽກຮ່ວມກັບ ສະຫາຍເລຂາພັກແຂວງຈຳປາສັກ đã xuất hiện đầu tiên vào ngày .

            ເພື່ອຍົກສູງຄຸນນະພາບວຽກງານໂຄສະນາອົບຮົມເວົ້າລວມ ເວົ້າສະເພາະ ກໍຄື ການນໍາໃຊ້ສື່ທີ່ທັນສະໄໝ (ເວັບໄຊ) ເຂົ້າໃນວຽກງານໂຄສະນາ ນັບແຕ່ສູນກາງຮອດທ້ອງຖິ່ນ ເພື່ອສ້າງບາດກ້າວຫັນປ່ຽນໃໝ່ ຂອງວຽກງານ ການເມືອງ-ແນວຄິດຕາມທິດຍົກສູງຄຸນນະພາບວຽກງານວິຊາສະເພາະ ແລະ ຫັນວຽກງານໂຄສະນາ ອົບຮົມ ໃຫ້ເປັນ ທັນສະໄໝເທື່ອລະກ້າວ ແລະ ແທດເໝາະກັບຍຸກ 4.0, ແນໃສ່ເຮັດໃຫ້ພະນັກງານ ຂອງຄະນະໂຄສະນາອົບຮົມແຂວງ, ເມືອງມີຄວາມຮູ້, ຄວາມ ສາມາດທາງດ້ານວຽກງານສື່ທີ່ທັນສະໄໝ ເຊັ່ນ: ການພັດທະນາເວັບໄຊ, ການຄຸ້ມຄອງລະບົບເວັບໄຊ ເພື່ອເຮັດ ໃຫ້ການນໍາໃຊ້ສື່ສະດວກວ່ອງໄວທັນເຫດການ ແລະມີຄວາມເຂົ້າໃຈເລີກເຊິ່ງເຖິງບົດບາດຂອງເຕັກໂນໂລມຊີຂໍ້ມູນຂ່າວສານໃນປັດຈຸບັນ.

           ໃນວັນທີ 09 ມິຖຸນາ 2025 ຄະນະໂຄສະນາອົບຮົມສູນກາງພັກ ນໍາໂດຍ ທ່ານ ນ. ວິລະວອນ ພັນທະວົງ ຄະນະປະຈໍາພັກ, ຮອງຄະນະໂຄສະນາອົບຮົມສູນກາງພັກ, ທ່ານ ວັນຕຸລາຮັກນຸດ ຄະນະພັກ, ຫົວໜ້າກົມຂໍ້ມູນຂ່າວສານ ພ້ອມດ້ວຍພະນັກງານ ໄດ້ລົງເຄື່ອນໄຫວວຽກງານ ຢູ່ແຂວງຈໍາປາສັກໂດຍໄດ້ຮັບການຕ້ອນຮັບຢ່າງອົບຮົມອຸ່ນຈາກຄະນະໂຄສະນາອົບຮົມແຂວງ ຈໍາປາສັກ.

         ໃນກອງປະຊຸມ ທ່ານ ວັນນະລາ ສຸດທິຈັກ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ໄດ້ຂຶ້ນລາຍງານສະພາບລວມແລະການເຄື່ອນໄຫວວຽກງານໂຄສະນາຜ່ານສື່ເອເລັກໂຕນິກໃນໄລຍະຜ່ານມາ ນັບທັງຜົນສໍາເລັດ,ດ້ານດີ, ດ້ານຄົງຄ້າງ ແລະ ທິດທາງແຜນການໃນຕໍ່ໜ້າ,ພ້ອມນັ້ນກອງປະຊຸມຍັງໄດ້ຮັບຟັງການເຜີຍແຜ່ບົດຮຽນກ່ຽວກັບການການໂຄສະນາເຜີຍແຜ່ຂໍ້ມູນຂ່າວສານຜ່ານສື່ແບບໃໝ່ ຈາກທ່ານຫົວໜ້າກົມຂໍ້ມູນຂ່າວສານແລະຝຶກອົບຮົມ ,ໃນຕອນທ້າຍ ຂອງກອງປະຊຸມ ທ່ານຮອງຫົວໜ້າຄະນະໂຄສະນາອົບຮົມສູນກາງພັກ ກໍຍັງໄດ້ໃຫ້ກຽດໂອ້ລົມເພື່ອເປັນທິດສໍາລັບການເຄື່ອນໄຫວວຽກງານໂຄສະນາອົບຮົມກໍ່ຄືວຽກງານຂໍ້ມູນຂ່າວສານໃນຕໍ່ໜ້າ ເພື່ອການຫັນເປັນທັນສະໄໝ.

           ໃນໂອກາດດຽວກັນ ຄະນະໂຄສະນາອົບຮົມແຂວງ ຍັງໄດ້ຮັບການຕິດຕາມກວດກາດ້ານເຕັນນິກຕ່າງໆຈາກຄະນະວິຊາການຂອງກົມ ເປັນຕົ້ນ ກວດກາເຕັກນິກເວັບໄຊ, ເຕັກນິກດ້ານໄອທີ, ລະບົບເຄືອຄ່າຍອິນເຕີເນັດ ແລະ ການຈັດສັນຫ້ອງສະໝຸດ ຫຼືອີບຸກ.   ຈາກນັ້ນ, ທ່ານຮອງຫົວໜ້າຄະນະໂຄສະນາອົບຮົມສູນກາງພັກ ພ້ອມດ້ວຍຄະນະຈາກກົມຂໍ້ມູນຂ່າວສານ ແລະຄະນະໂຄສະນາອົບຮົມແຂວງ ບັງໄດ້ລົງຕິດຕາມ ຊຸກຍູ້ວຽກງານຢູ່ຄະນະໂຄສະນາອົບຮົມເມືອງບາຈຽງຈະເລີນວຸກອີກດ້ວຍ

Bài viết ທ່ານ ນ. ວິລະວອນ ພັນທະວົງ ຮອງຫົວໜ້າຄະນະໂຄສະນາອົບຮົມສູນກາງພັກ ຜູ້ຊີ້ນຳວຽກງານຂໍ້ມູນຂ່າວສານ ແລະ ຝຶກອົບຮົມ ລົງເຄື່ອນໄຫວວຽກງານ ຢູ່ແຂວງຈໍາປາສັກ đã xuất hiện đầu tiên vào ngày .