Bài viết ຄໍາຂັວນກອງປະຊຸມໃຫ່ຍຜູ້ແທນທົ່ວປະເທດ ນັບແຕ່ຄັ້ງທີ I-XII ຂອງພັກປະຊາຊົນປະຕິວັດລາວ đã xuất hiện đầu tiên vào ngày .
]]>ກອງປະຊຸມໃຫຍ່ຜູ້ແທນທົ່ວປະເທດ ຂອງພັກປະຊາຊົນ ປະຕິວັດລາວ ແມ່ນເຫດການການເມືອງ ທີ່ມີຄວາມໝາຍສຳຄັນສູງສຸດ ເຊິ່ງເປັນການຮ່ວມຊຸມນຸມເພື່ອສະຫຼຸບຕີລາຄາການນຳພາ, ວາງແຜນທາງຍຸດທະສາດໃນການພັດທະນາປະເທດຊາດ ແລະ ເລືອກຕັ້ງຄະນະບໍລິຫານງານຊຸດໃໝ່. ນີ້ແມ່ນຂໍ້ມູນສະຫຼຸບໂດຍຫຍໍ້ກ່ຽວກັບປະຫວັດການຈັດກອງປະຊຸມໃຫຍ່ ແຕ່ຄັ້ງທີ I ຈົນເຖິງປັດຈຸບັນ:< ປະຫວັດຄວາມເປັນມາໂດຍຫຍໍ້ >
ຄໍາຂັວນກອງປະຊຸມໃຫ່ຍຜູ້ແທນທົ່ວປະເທດ ນັບແຕ່ຄັ້ງທີ I-XII ຂອງພັກປະຊາຊົນປະຕິວັດລາວ
ກອງປະຊຸມໃຫຍ່ ຄັ້ງທີ I (ປີ 1955) ເປັນກອງປະຊຸມສ້າງຕັ້ງ “ພັກປະຊາຊົນລາວ” (ຊື່ໃນເວລານັ້ນ) ໂດຍມີ ທ່ານ ໄກສອນ ພົມວິຫານ ເປັນເລຂາທິການໃຫຍ່ຄົນທຳອິດ.
ສະຖານທີ່: ແຂວງຫົວພັນ ພາຍໃຕ້ຄຳຂັວນ:
*. ເນື້ອໃນຈິດໃຈ: “ເຕົ້າໂຮມທຸກກຳລັງຮັກຊາດ, ຕີຊະນະຈັກກະພັດລ່າເມືອງຂຶ້ນຝຣັ່ງ ແລະ ແທດເສີຍ (ລູກມື), ຕ້ານການແຊກແຊງຂອງຈັກກະພັດອາເມລິກາ, ສ້າງຕັ້ງປະເທດລາວ ທີ່ສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ.”
ກອງປະຊຸມໃຫຍ່ ຄັ້ງທີ II (ປີ 1972) ໄດ້ປ່ຽນຊື່ພັກມາເປັນ “ພັກປະຊາຊົນ ປະຕິວັດລາວ” ຈົນເຖິງປັດຈຸບັນ ແລະ ວາງທິດທາງປົດປ່ອຍຊາດ.
ສະຖານທີ່: ແຂວງຫົວພັນ ພາຍໃຕ້ຄຳຂັວນ:
*. ເນື້ອໃນຈິດໃຈ: “ເພີ່ມທະວີຄວາມສາມັກຄີທົ່ວປວງຊົນ, ເສີມຂະຫຍາຍກຳລັງແຮງແຫ່ງຄວາມເປັນເຈົ້າການ, ເດັດດ່ຽວຕີຊະນະສົງຄາມຮຸກຮານຂອງຈັກກະພັດອາເມລິກາ ແລະ ລູກມື, ປົດປ່ອຍປະເທດຊາດ, ເຮັດໃຫ້ການປະຕິວັດຊາດ ປະຊາທິປະໄຕ ສຳເລັດຜົນໃນທົ່ວປະເທດ.”
ກອງປະຊຸມໃຫຍ່ ຄັ້ງທີ III (ປີ 1982) ເປັນກອງປະຊຸມໃຫຍ່ຄັ້ງທຳອິດຫຼັງຈາກສະຖາປະນາ ສປປ ລາວ (ປີ 1975) ເພື່ອວາງແນວທາງປົກປັກຮັກສາ ແລະ ສ້າງສາລະບົບໃໝ່.
ສະຖານທີ່: ນະຄອນຫຼວງວຽງຈັນ (ເປັນຄັ້ງທຳອິດຫຼັງສະຖາປະນາ ສປປ ລາວ) ພາຍໃຕ້ຄຳຂັວນ:
*. ເນື້ອໃນຈິດໃຈ: “ປົກປັກຮັກສາເອກະລາດ, ອະທິປະໄຕ ແລະ ສ້າງສາພັດທະນາປະເທດຊາດ ຕາມເສັ້ນທາງສັງຄົມນິຍົມ, ເສີມຂະຫຍາຍລະບອບຜະເດັດການປະຕິວັດ, ຫັນປ່ຽນໄປສູ່ການຜະລິດໃຫຍ່ສັງຄົມນິຍົມ ເທື່ອລະກ້າວ.”
ກອງປະຊຸມໃຫຍ່ ຄັ້ງທີ IV (ປີ 1986) ເປັນຂີດໝາຍປະຫວັດສາດທີ່ສຳຄັນ ເພາະແມ່ນຈຸດເລີ່ມຕົ້ນຂອງ “ແນວທາງປ່ຽນແປງໃໝ່ຈິນຕະນາການ” ຮອບດ້ານທີ່ມີຫຼັກການ ໂດຍສະເພາະແມ່ນການຫັນປ່ຽນດ້ານເສດຖະກິດ.
ສະຖານທີ່: ນະຄອນຫຼວງວຽງຈັນ ພາຍໃຕ້ຄຳຂັວນ:
*. ເນື້ອໃນຈິດໃຈ: “ປ່ຽນແປງໃໝ່ຢ່າງມີຫຼັກການ ແລະ ຮອບດ້ານ” (ນີ້ແມ່ນຈຸດເລີ່ມຕົ້ນຂອງແນວທາງຈິນຕະນາການໃໝ່, ຫັນປ່ຽນຈາກເສດຖະກິດເກື້ອກູນ ໄປສູ່ເສດຖະກິດຕະຫຼາດ ທີ່ມີການຄຸ້ມຄອງຂອງລັດ).
ກອງປະຊຸມໃຫຍ່ ຄັ້ງທີ V – X (ປີ 1991 – 2016): ແມ່ນໄລຍະການສືບຕໍ່ບູລະນະແນວທາງປ່ຽນແປງໃໝ່, ຊຸກຍູ້ການພັດທະນາເສດຖະກິດ-ສັງຄົມ, ເປີດກວ້າງການທູດ ແລະ ດຶງດູດການລົງທຶນຈາກຕ່າງປະເທດ.
ສະຖານທີ່: ນະຄອນຫຼວງວຽງຈັນ ພາຍໃຕ້ຄຳຂັວນ:
*. ກອງປະຊຸມໃຫຍ່ ຄັ້ງທີ V ເນື້ອໃນຈິດໃຈ: “ສືບຕໍ່ບູລະນະລະບອບປະຊາທິປະໄຕປະຊາຊົນ, ເພີ່ມທະວີຄວາມສາມັກຄີທົ່ວປວງຊົນ, ຊຸກຍູ້ການປ່ຽນແປງໃໝ່ຢ່າງຮອບດ້ານ, ສ້າງປະເທດລາວ ໃຫ້ມີສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ.”
*. ກອງປະຊຸມໃຫຍ່ ຄັ້ງທີ VI ເນື້ອໃນຈິດໃຈ: ເພີ່ມທະວີຄວາມສາມັກຄີທົ່ວປວງຊົນ, ຍົກສູງບົດບາດນຳພາຂອງພັກ, ຊຸກຍູ້ຂະບວນການປ່ຽນແປງໃໝ່ໃຫ້ແຂງແຮງ, ສ້າງປະຖົມປັດໄຈໃຫ້ແກ່ການຫັນເປັນອຸດສາຫະກຳ ແລະ ທັນສະໄໝ.”
*. ກອງປະຊຸມໃຫຍ່ ຄັ້ງທີ VII ເນື້ອໃນຈິດໃຈ: ເພີ່ມທະວີຄວາມສາມັກຄີທົ່ວປວງຊົນ, ຍົກສູງຄວາມສາມາດນຳພາ ແລະ ສູ້ຮົບຂອງພັກ, ສືບຕໍ່ພາລະກິດປ່ຽນແປງໃໝ່ຢ່າງຮອບດ້ານ, ສ້າງປະຖົມປັດໄຈເພື່ອການຫັນເປັນອຸດສາຫະກຳ ແລະ ທັນສະໄໝ, ນຳພາປະເທດຊາດຫຼຸດພົ້ນອອກຈາກສະຖານະພາບຄວາມທຸກຍາກ ແລະ ດ້ອຍພັດທະນາ.”
*. ກອງປະຊຸມໃຫຍ່ ຄັ້ງທີ VIII ເນື້ອໃນຈິດໃຈ: ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເສີມຂະຫຍາຍກຳລັງແຮງມະຫາສາມັກຄີທົ່ວປວງຊົນ, ຢຶດໝັ້ນຈຸດໝາຍປ່ຽນແປງໃໝ່ຢ່າງຮອບດ້ານ, ພັດທະນາເສດຖະກິດ-ສັງຄົມ ໃຫ້ກ້າວຂຶ້ນຢ່າງໄວວາ ແລະ ຍືນຍົງ, ຍູ້ແຮງການຫຼຸດພົ້ນອອກຈາກຄວາມດ້ອຍພັດທະນາ.
*. ກອງປະຊຸມໃຫຍ່ ຄັ້ງທີ IX ເນື້ອໃນຈິດໃຈ: ເພີ່ມທະວີຄວາມສາມັກຄີທົ່ວປວງຊົນ, ເຊີດຊູຄວາມເປັນຜູ້ນຳພາຂອງພັກ, ບຸກທະລຸທັງ 4 ດ້ານ (ຈິນຕະນາການ, ຊັບພະຍາກອນມະນຸດ, ກົນໄກການບໍລິຫານ, ຄວາມທຸກຍາກ), ສ້າງພື້ນຖານໃຫ້ແກ່ການຫັນເປັນອຸດສາຫະກຳ ແລະ ທັນສະໄໝ, ນຳພາປະເທດຊາດຫຼຸດພົ້ນອອກຈາກສະຖານະພາບດ້ອຍພັດທະນາໃນປີ 2020.”
*. ກອງປະຊຸມໃຫຍ່ ຄັ້ງທີ X ເນື້ອໃນຈິດໃຈ: “ເພີ່ມທະວີຄວາມສາມັກຄີທົ່ວປວງຊົນ, ຍຶດໝັ້ນແນວທາງປ່ຽນແປງໃໝ່ຢ່າງມີຫຼັກການ, ຍົກສູງຄວາມສາມາດນຳພາຂອງພັກ, ສ້າງລັດແຫ່ງກົດໝາຍທີ່ສັກສິດ, ຍູ້ແຮງການພັດທະນາແບບຍືນຍົງ, ນຳພາປະເທດຊາດຫຼຸດພົ້ນອອກຈາກສະຖານະພາບດ້ອຍພັດທະນາ ແລະ ກ້າວໄປສູ່ຈຸດໝາຍສັງຄົມນິຍົມ.”
*. ກອງປະຊຸມໃຫຍ່ ຄັ້ງທີ XI (ປີ 2021) ຈັດຂຶ້ນພາຍໃຕ້ສະພາບການທ້າທາຍຂອງໂລກ (ໂດຍສະເພາະແມ່ນການລະບາດຂອງໂຄວິດ-19) ເພື່ອວາງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX.
ສະຖານທີ່: ນະຄອນຫຼວງວຽງຈັນ ພາຍໃຕ້ຄຳຂັວນ:
*. ເນື້ອໃນຈິດໃຈ (ຄຳຂວັນລວມ): “ເພີ່ມທະວີຄວາມສາມັກຄີປອງດອງຂອງປະຊາຊົນລາວບັນດາເຜົ່າ, ຍຶດໝັ້ນແນວທາງປ່ຽນແປງໃໝ່ຢ່າງມີຫຼັກການ, ເຊີດຊູນ້ຳໃຈຮັກຊາດ, ເສີມຂະຫຍາຍພະລັງແຮງຂອງລະບອບປະຊາທິປະໄຕປະຊາຊົນ, ສ້າງການຫັນປ່ຽນຢ່າງແຂງແຮງ, ເລິກເຊິ່ງ ແລະ ຮອບດ້ານ ເພື່ອຮັບປະກັນໃຫ້ປະເທດຊາດມີສະຖຽນລະພາບຢ່າງໜັກແໜ້ນ, ເສດຖະກິດ-ສັງຄົມຂະຫຍາຍຕົວຢ່າງຕໍ່ເນື່ອງ, ຄຸນນະພາບຊີວິດຂອງປະຊາຊົນໄດ້ຮັບການຍົກສູງຂຶ້ນ, ສ້າງບາດກ້າວບຸກທະລຸໃນການນຳພາປະເທດຊາດຫຼຸດພົ້ນອອກຈາກສະຖານະພາບດ້ອຍພັດທະນາ ແລະ ກ້າວຂຶ້ນສູ່ຈຸດໝາຍສັງຄົມນິຍົມຢ່າງມີສະຖຽນລະພາບ.”
ກອງປະຊຸມໃຫຍ່ ຄັ້ງທີ XII (ປີ 2026) ເປັນກອງປະຊຸມໃຫຍ່ຄັ້ງຫຼ້າສຸດທີ່ຫາກໍຈັດຂຶ້ນ ເພື່ອປະເມີນຜົນການຈັດຕັ້ງປະຕິບັດໄລຍະຜ່ານມາ ແລະ ວາງທິດທາງຍຸດທະສາດໃໝ່ໃນການນຳພາປະເທດຊາດກ້າວຂຶ້ນຢ່າງໜັກແໜ້ນ.
ສະຖານທີ່: ນະຄອນຫຼວງວຽງຈັນ ພາຍໃຕ້ຄຳຂັວນ ( ບົດລາຍງານການເມືອງ) :
ກອງປະຊຸມໃຫຍ່ດໍາເນີນ “ຍົກສູງບົດບາດການນໍາພາທີ່ເຂັ້ມແຂງຂອງພັກ. ຕັ້ງໜ້າສ້າງເສດຖະກິດເອກະລາດເປັນເຈົ້າຕົນເອງສຶບຕໍ່ບູລະນະລະບອບປະຊາທິປະໄຕປະຊາຊົນ. ໃຫ້ໜັກແໜ້ນກ້າວຂື້ນສູ່ສັງຄົມນິຍົມ.
*. ແຜນພັດທະນາເສດຖະກິດສັງຄົມ ( 5 ປີ ) 2026-2030 ພາຍໃຕ້ຄໍາຂວັນ: ຕັ້ງໜ້າສ້າງເສດຖະກິດເອກະລາດເປັນເຈົ້າຕົນເອງນໍາໃຊ້ທຸກທ່າແຮງຢ່າງປະສິດທິຜົນ. ພັດທະນາເສດຖະກິດ-ສັງຄົມ ຕາມທິດວ່ອງໄວ ສີຂຽວ ແລະ ຍືນຍົງຕາມກຳນົດ 6 ເປົ້າໝາຍໃຫ່ຍ.
Bài viết ຄໍາຂັວນກອງປະຊຸມໃຫ່ຍຜູ້ແທນທົ່ວປະເທດ ນັບແຕ່ຄັ້ງທີ I-XII ຂອງພັກປະຊາຊົນປະຕິວັດລາວ đã xuất hiện đầu tiên vào ngày .
]]>Bài viết ການປົກປັກຮັກສາ ແລະ ສ້າງສາພັດທະນາ ແຂວງຈຳປາສັກ ພາຍໃຕ້ຮົ່ມທຸງໄຊຂອງພັກ ແລະ ພາຍໃຕ້ເນື້ອໃນຄຳຂວັນຂອງແຕ່ລະສະໄໝ ຄັ້ງທີ I- IX đã xuất hiện đầu tiên vào ngày .
]]>ຄໍາຂັວນຂອງກອງປະຊຸມໃຫ່ຍຂອງອົງຄະນະພັກແຂວງຈໍາປາສັກຄັ້ງທີ I-IX
ຄຳຂວັນ ຫຼື ທິດທາງໜ້າທີ່ລວມຂອງກອງປະຊຸມໃຫຍ່ອົງຄະນະພັກແຂວງຈຳປາສັກ ແຕ່ລະສະໄໝ (ຄັ້ງທີ I ຫາ IX )
ແມ່ນການສະຫຼຸບລວມເອົາເນື້ອໃນຈິດໃຈ, ວິໄສທັດ ແລະ ເປົ້າໝາຍຍຸດທະສາດໃນການພັດທະນາເສດຖະກິດ-ສັງຄົມກໍ່ຄືການປ້ອງກັນຊາດ-ປ້ອງກັນຄວາມສະຫງົບ ຂອງແຂວງໃນແຕ່ລະໄລຍະ.
ກອງປະຊຸມຄັ້ງທີ I ຂອງອົງຄະນະພັກແຂວງ (1984-1989 )
ໄຂຂຶ້ນ ວັນທີ 12-22 ມີນາ 1984 ພາຍໃຕ້ເນື້ອໃນຄຳຂວັນ:
ເນື້ອໃນຈິດໃຈຫຼັກ: ສຸມໃສ່ການຟື້ນຟູເສດຖະກິດຫຼັງສົງຄາມ, ຫັນປ່ຽນກົນໄກການຄຸ້ມຄອງໃໝ່, ປັບປຸງຮາກຖານການເມືອງໃຫ້ໜັກແໜ້ນ ແລະສ້າງປະຖົມປັດໄຈໃຫ້ແກ່ການກ້າວຂຶ້ນສັງຄົມນິຍົມ ເທື່ອລະກ້າວ.
ກອງປະຊຸມຄັ້ງທີ II ຂອງອົງຄະນະພັກແຂວງ ( 1989-1994 )
ໄຂຂຶ້ນ ວັນທີ 24 ຕຸລາ 1989 ພາຍໃຕ້ເນື້ອໃນຄຳຂວັນ:
ເນື້ອໃນຈິດໃຈຫຼັກ: ເພີ່ມທະວີຄວາມສາມັກຄີທົ່ວປວງຊົນ, ຍູ້ແຮງການຜະລິດກະສິກຳ-ປ່າໄມ້ ຕິດພັນກັບການຫັນເປັນອຸດສາຫະກຳເບົາ, ປັບປຸງຊີວິດການເປັນຢູ່ຂອງປະຊາຊົນ ແລະ ສະກັດກັ້ນທຸກກົນອຸບາຍທຳລາຍເພພັງຂອງອິດທິກຳລັງປໍລະປັກ.
ກອງປະຊຸມໃຫຍ່ ຄັ້ງທີ III ຂອງອົງຄະນະພັກແຂວງ ( 1994-2000 )
ໄຂຂຶ້ນ ວັນທີ 20-24 ສິງຫາ 1994 ພາຍໃຕ້ເນື້ອໃນຄຳຂວັນ:
ເນື້ອໃນຈິດໃຈຫຼັກ: ບຸກທະລຸທາງດ້ານຈິນຕະນາການເສດຖະກິດ, ເປີດກວ້າງການຮ່ວມມືກັບຕ່າງປະເທດ, ຫັນເສດຖະກິດທຳມະຊາດໄປສູ່ເສດຖະກິດສິນຄ້າ ແລະ ສ້າງຄວາມເຂັ້ມແຂງໃຫ້ແກ່ລະບົບການເມືອງແຕ່ຮາກຖານ.
ກອງປະຊຸມໃຫຍ່ ຄັ້ງທີ IV ຂອງອົງຄະນະພັກແຂວງ ( 2001-2005 )
ໄຂຂຶ້ນ ວັນທີ 28 ທັນວາ 2000 ພາຍໃຕ້ເນື້ອໃນຄຳຂວັນ:
ເນື້ອໃນຈິດໃຈຫຼັກ: ສືບຕໍ່ບູລະນະລະບອບປະຊາທິປະໄຕປະຊາຊົນ, ຊຸກຍູ້ການເຕີບໂຕທາງເສດຖະກິດຢ່າງຕໍ່ເນື່ອງ, ແກ້ໄຂຄວາມທຸກຍາກຂອງປະຊາຊົນບັນດາເຜົ່າ ແລະ ຫັນເອົາກຳລັງລົງກໍ່ສ້າງຮາກຖານການເມືອງຢ່າງແຂງແຮງ.
ກອງປະຊຸມໃຫຍ່ ຄັ້ງທີ V ຂອງອົງຄະນະພັກແຂວງ ( 2005-2010 )
ໄຂຶ້ນ ວັນທີ 21-23 ພະຈິກ 2005 ພາຍໃຕ້ເນື້ອໃນຄຳຂວັນ:
ເນື້ອໃນຈິດໃຈຫຼັກ: ເພີ່ມທະວີຄວາມສາມັກຄີທົ່ວປວງຊົນ, ຍົກສູງຄວາມສາມາດນຳພາຂອງພັກ, ຂຸດຄົ້ນທຸກທ່າແຮງບົ່ມຊ້ອນເພື່ອພັດທະນາເສດຖະກິດ-ສັງຄົມໃຫ້ຂະຫຍາຍຕົວຢ່າງໄວ ແລະ ໝັ້ນທ່ຽງ, ຮັບປະກັນສະຖຽນລະພາບທາງການເມືອງຢ່າງໜັກແໜ້ນ.
ກອງປະຊຸມໃຫຍ່ ຄັ້ອງງທີ VI ຂອງອົງຄະນະພັກແຂວງ ( 2010-2015 )
ໄຂຂຶ້ນ ວັນທີ 21 ກັນຍາ 2010 ພາຍໃຕ້ເນື້ອໃນຄຳຂວັນ:
ເນື້ອໃນຈິດໃຈຫຼັກ: ຍົກສູງຄວາມສາມາດນຳພາ ແລະ ສີລະທຳປະຕິວັດຂອງພັກ, ເປີດກວ້າງການຮ່ວມມື ແລະ ດຶງດູດການລົງທຶນ, ພັດທະນາພື້ນຖານໂຄງລ່າງ, ສ້າງແຂວງຈຳປາສັກໃຫ້ເປັນສູນກາງເສດຖະກິດຂອງ 4 ແຂວງພາກໃຕ້.
ກອງປະຊຸມໃຫຍ່ ຄັ້ງທີ VII ຂອງອົງຄະນະພັກແຂວງ ( 2015-2020 )
ໄຂຂຶ້ນວັນທີ 22-24 ກໍລະກົດ 2015 ພາຍໃຕ້ເນື້ອໃນຄຳຂວັນ:
ຄຳຂວັນລວມ: “ເພີ່ມທະວີຄວາມສາມັກຄີເປັນເອກະພາບ, ຍົກສູງຄວາມສາມາດນຳພາ ແລະ ລັກສະນະຕໍ່ສູ້ຂອງອົງຄະນະພັກ, ສ້າງຈຸດພິກຂຸ້ນໃໝ່ໃນການພັດທະນາເສດຖະກິດ-ສັງຄົມ, ແກ້ໄຂຄວາມທຸກຍາກຂອງປະຊາຊົນຢ່າງຂາດຕົວ, ສ້າງແຂວງຈຳປາສັກໃຫ້ມັ່ງຄັ່ງເຂັ້ມແຂງ.”
ກອງປະຊຸມໃຫຍ່ ຄັ້ງທີ VIII ( 2020-2025 )
ໄຂຂຶ້ນ ວັນທີ 29-30 ຕຸລາ 2020 ພາຍໃຕ້ເນື້ອໃນຄຳຂວັນ:
ຄຳຂວັນລວມ: “ເພີ່ມທະວີຄວາມສາມັກຄີທົ່ວປວງຊົນ, ຍົກສູງຄວາມສາມາດນຳພາຂອງພັກ, ບຸກທະລຸໃນການພັດທະນາ, ຮັບປະກັນໃຫ້ແຂວງມີສະຖຽນລະພາບ, ເສດຖະກິດຂະຫຍາຍຕົວຢ່າງຕໍ່ເນື່ອງ ແລະ ຍືນຍົງ, ຍົກລະດັບຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ເຊື່ອມໂຍງກັບພາກພື້ນ ແລະ ສາກົນ.”
ກອງປະຊຸມໃຫ່ຍ ຄັງທີ IX ( 2025-2030 )
ໄຂຂຶ້ນ ວັນທີ 24-25 ກັນຍາ 2025 ພາຍໃຕ້ເນື້ອໃນຄຳຂວັນ:
ພາຍໃຕ້ຄຳຂັວນ: ຍົກສູງຄວາມສາມາດນຳພາຂອງພັກ ເພີ່ມທະວີການຄຸ້ມຄອງລັດ ຄຸ້ມຄອງສັງຄົມດ້ວຍກົດໝາຍເສີມຂະຫຍາຍກຳລັງແຮງງານລວມສ້າງເສດຖະກິດເອກະລາດເປັນ ເຈົ້າຕົນເອງຢ່າງແຂງແຮງ, ສ້າງແຂວງຈຳປາສັກເພື່ອສູນກາງພັດທະນາຂອງພາຍໃຕ້ ເຮັດໃຫ້ປວງປະຊາຢູ່ດີກິນດີ.
*. ທິດທາງແຜນພັດທະນາເສດຖະກິດ–ສັງຄົມ 5ປີ ຄັ້ງທີ X ( 2026-2030 ) ຂອງແຂວງຈຳປາສັກ ພາຍໃຕ້ຄຳຂັວນ: ຍູ້ແຮງພັດທະນາເສດຖະກິດ–ສັງຄົມ ໃຫ້ຂະຫຍາຍຕົວ ແລະ ມີປະສິດທິພາບ ນຳໃຊ້ທຸກທ່າແຮງບົ່ມຊ້ອນຢ່າງມີປະສິດທິຜົນ. ຕາມທິດສີຂຽວ ແລະ ຍືນຍົງ. ຕັ້ງໜ້າເສດຖະກິດເອກະສາດເປັນເຈົາຕົນເອງ.
#.ໝາຍເຫດ: ໃນໄລຍະກອງປະຊຸມໃຫ່ຍ ຄັ້ງທີ I ຫາ IV (ໄລຍະປີ 1970-1990 ປາຍ), ເນື້ອໃນມັກຈະຖືກກຳນົດເປັນ “ທິດທາງໜ້າທີ່ລວມ” ທີ່ມີເນື້ອໃນຍາວ ແລະ ກວມລວມ, ກ່ອນທີ່ໄລຍະຫຼັງ (ຄັ້ງທີ V-IX) ຈະມີການສະຫຼຸບຫຍໍ້ໃຫ້ເປັນ “ຄຳຂວັນ” ທີ່ກະທັດຮັດ ແລະ ຊັດເຈນຂຶ້ນ ເພື່ອປຸກລະດົມຂະບວນການແຂ່ງຂັນຮັກຊາດ ແລະ ພັດທະນາ.
Bài viết ການປົກປັກຮັກສາ ແລະ ສ້າງສາພັດທະນາ ແຂວງຈຳປາສັກ ພາຍໃຕ້ຮົ່ມທຸງໄຊຂອງພັກ ແລະ ພາຍໃຕ້ເນື້ອໃນຄຳຂວັນຂອງແຕ່ລະສະໄໝ ຄັ້ງທີ I- IX đã xuất hiện đầu tiên vào ngày .
]]>Bài viết ສະຫາຍ ທອງລຸນ ສີສຸລິດ ເລຂາທິການໃຫຍ່ ປະທານປະເທດແຫ່ງ ສປປ ລາວ ພົບປະໂອ້ລົມພະນັກງານຫຼັກແຫຼ່ງແຂວງຈໍາປາສັກ đã xuất hiện đầu tiên vào ngày .
]]>
ວັນທີ 10 ມິຖຸນາ 2026, ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດແຫ່ງ ສປປ ລາວ ພ້ອມຄະນະ ໄດ້ເດີນທາງມາເຄື່ອນໄຫວວຽກງານຢູ່ແຂວງຈໍາປາສັກ ແລະ ໄດ້ພົບປະໂອ້ລົມພະນັກງານຫຼັກແຫຼ່ງແຂວງຈໍາປາສັກ. ການພົບປະຄັ້ງນີ້ ຈັດຂຶ້ນຢູ່ຫ້ອງປະຊຸມໃຫຍ່ສະໂມສອນແຂວງ ໂດຍມີສະຫາຍ ອາລຸນໄຊ ສູນນະລາດ ກຳມະການສູນກາງພັກ ເລຂາຄະບໍລິຫານງານພັກແຂວງ ປະທານສະພາປະຊາຊົນແຂວງຈໍາປາສັກ, ບັນດາສະຫາຍການນໍາພັກ – ລັດ ຈາກສູນກາງ, ບັນດາສະຫາຍຮອງເລຂາຄະນະບໍລິຫານງານພັກແຂວງ, ຄະນະກຳມະການປົກຄອງແຂວງ, ກໍາມະການພັກແຂວງ, ເລຂາຄະນະບໍລິຫານງານພັກເມືອງ, ຄະນະກໍາມະການປົກຄອງເມືອງ, ພະນັກງານອາວຸໂສບໍານານ, ອະດີດການນໍາແຂວງ, ການນໍາພະແນກການກົມກອງ, ສະຖາບັນການສຶກສາ ອ້ອມຂ້າງແຂວງ ແລະ ຂະແໜງການທີ່ກ່ຽວຂ້ອງ ເຂົ້າຮ່ວມ.
ໂອກາດນີ້, ສະຫາຍ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານພັກແຂວງ ປະທານສະພາປະຊາຊົນ ແຂວງ ກໍໄດ້ກ່າວຕ້ອນຮັບ ແລະ ລາຍງານສະພາບການນໍາພາ – ຊີ້ນໍາ ວຽກງານ ຮອບດ້ານຂອງແຂວງ ໃນໄລຍະຜ່ານມາ ໃຫ້ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປ ລາວ ຮັບຊາບໂດຍສັງເຂບ.
ຈາກນັ້ນ, ສະຫາຍທອງລຸນ ສີສຸລິດເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປ ລາວ ກໍໄດ້ໃຫ້ກຽດມີຄໍາເຫັນໂອ້ລົມ, ເນື້ອໃນສໍາຄັນ ສະຫາຍໄດ້ເນັ້ນໜັກໃຫ້ຄະນະພັກ - ຄະນະກໍາມະການປົກຄອງແຂວງ ສືບຕໍ່ສຸມໃສ່ຊອກຄົ້ນທ່າແຮງທີ່ບົ່ມຊ້ອນຂອງແຂວງ ແລ້ວສືບຕໍ່ວາງມາດຕະການໃນການພັດທະນາ ໂດຍນໍາໃຊ້ທ່າແຮງດັ່ງກ່າວປະກອບສ່ວນໃນການພັດທະນາເສດຖະກິດ - ສັງຄົມໃຫ້ຈະເລີນເຕີບໂຕ; ຍົກສູງບົດບາດການນໍາພາຂອງຄະນະພັກ - ຄະນະກໍາມະການປົກຄອງແຕ່ລະຂັ້ນ, ເພີ່ມທະວີຄວາມເປັນແບບຢ່າງຂອງສະມາຊິກພັກ - ພະນັກງານ ເພື່ອສ້າງຄວາມເຊື່ອໝັ້ນໃຫ້ແກ່ປະຊາຊົນ, ນໍາພາ - ຊີ້ນໍາແກ້ໄຂບັນຫາກຍຸ້ງຍາກຫຼ້າຫຼັງ ເພື່ອນໍາເອົາຜົນປະໂຫຍດມາໃຫ້ປະຊາຊົນ, ສາມາດພັດທະນາຊີວິດການເປັນຢູ່ຂອງປະຊາຊົນບັນດາເຜົ່າຊາວແຂວງຈໍາປາສັກ ໃຫ້ນັບມື້ດີຂຶ້ນ; ຮັກສາໄດ້ ຄວາມສາມັກຄີພາຍໃນຄະນະພັກ - ຄະນະກໍາມະການປົກຄອງແຂວງ ໃຫ້ເປັນປຶກແຜ່ນແໜ້ນໜາ, ນໍາພາ - ຊີ້ນໍາວຽກງານ ປກຊ - ປກສ ໃຫ້ແຂງແຮງກວ່າເກົ່າ ເພື່ອຮັບປະກັນໃຫ້ແຂວງມີຄວາມສະຫງົບທາງດ້ານການເມືອງ, ມີຄວາມເປັນລະບຽບຮຽບຮ້ອຍທາງສັງຄົມ; ເອົາໃຈໃສ່ປັບປຸງກົງຈັກການຈັດຕັ້ງຂັ້ນຕາແສງ ໃຫ້ມີຄວາມໜັກແໜ້ນເຂັ້ມແຂງ ທາງດ້ານການເມືອງ, ແນວຄິດ, ການຈັດຕັ້ງ ແລະ ແບບແຜນວິທີເຮັດວຽກ; ປຸກລະດົມຂົນຂວາຍໃຫ້ທົ່ວປວງຊົນ ມີສະຕິຕື່ນຕົວ, ປະກອບສ່ວນໃນການແຂ່ງຂັນຂະບວນການຮັກຊາດ ແລະ ພັດທະນາ, ມີສະຕິລະວັງຕົວຕໍ່ກົຮອຸບາຍມ້າງເພທໍາລາຍຂອງສັດຕູ, ຕ້ານ ແລະ ສະກັດກັ້ນ ປາກົດການຫຍໍ້ທໍ້ຕ່າງໆໃນສັງຄົມ ເປັນຕົ້ນແມ່ນ ບັນຫາຢາເສບຕິດ, ບັນຫາອຸບັດເຫດຕາມທ້ອງຖະໜົນ, ການຕົວະຍົວະຫຼອກລວງໃນສື່ສັງຄົມອອນລາຍ, ສະແກມເມີ ແລະ ອື່ນໆໃຫ້ຫຼຸດໜ່ອຍຖືຍລົງ. ນອກນັ້ນ, ກໍເອົາໃຈໃສ່ເປີດກວ້າງການພົວພັນຮ່ວມມືກັບພາຍນອກ ເພື່ອດຶງດູດການລົງທຶນ ຈາກຕ່າງປະເທດ ມາປະກອບສ່ວນໃນການພັດທະນາເສດຖະກິດ - ສັງຄົມຂອງແຂວງ ໃຫ້ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ.
ຂ່າວ-ພາບ: ທູນທອງໃຈ
Bài viết ສະຫາຍ ທອງລຸນ ສີສຸລິດ ເລຂາທິການໃຫຍ່ ປະທານປະເທດແຫ່ງ ສປປ ລາວ ພົບປະໂອ້ລົມພະນັກງານຫຼັກແຫຼ່ງແຂວງຈໍາປາສັກ đã xuất hiện đầu tiên vào ngày .
]]>Bài viết ຫົວໜ້າຄະນະໂຄສະນາອົບຮົມແຂວງ ຮ່ວມຂະບວນປູກຕົ້ນໄມ້ຢູ່ເມືອງ ປະທຸມພອນ đã xuất hiện đầu tiên vào ngày .
]]>
ໃນຕອນເຊົ້າຂອງ ວັນທີ 9 ມິຖຸນາ 2026, ເມືອງປະທຸມພອນ ໄດ້ຈັດພິທີສະເຫຼີມສະຫຼອງ ວັນປູກຕົ້ນໄມ້ແຫ່ງຊາດ 1 ມິຖຸນາ 2026 ແລະ ວັນສິ່ງແວດລ້ອມໂລກ 5 ມິຖຸນາ 2026 ຂຶ້ນຢູ່ ທີ່ໂຮງຮຽນປະຖົມສົມບູນ ບ້ານຫຼັກສີ່ສິບ
ໃຫ້ກຽດເຂົ້າຮ່ວມເປັນປະທານໃນພິທີໂດຍ ທ່ານ ປະດິດ ວັນນະລັດສະໝີ ກຳມະການປະຈຳພັກແຂວງ ຫົວໜ້າຄະນະໂຄສະນາອົງຮົມແຂວງ(ຜູ້ຊີ້ນຳວຽກງານຮອບດ້ານເມືອງປະທຸມພອນ), ທ່ານ ສົມຈິດ ແພງສະຫວັດ ກຳມະການພັກແຂວງ ເລຂາຄະນະບໍລິຫານງານພັກເມືອງປະທຸມພອນ. ພ້ອມດ້ວຍບັນດາທ່ານຮອງເລຂາພັກເມືອງ, ຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການອ້ອມຂ້າງເມືອງ, ບໍລິສັດດັກລັກຣັບເບີຈຳກັດ(ຜູ້ສະໜັບສະໜູນການຈັດງານ), ກຳລັງປກສ-ປກຊ, ຄະນະກຳມະການປົກຄອງ 5 ຕາແສງ, ບັນດາແຂກທີ່ຖຶກເຊີນ, ພະນັກງານ-ລັດຖະກອນ, ອົງການປົກຄອງບ້ານຫຼັກສີ່ສິບ ພ້ອມດ້ວຍຄູ-ອາຈານ ແລະ ນັກຮຽນ ເຂົ້າຮ່ວມພິທີຢ່າງພ້ອມພຽງ.
ການຈັດກິດຈະກຳໃນຄັ້ງນີ້ ມີຈຸດປະສົງເພື່ອສືບສານປະເພນີອັນດີງາມໃນການອະນຸລັກ ແລະ ຟື້ນຟູຊັບພະຍາກອນປ່າໄມ້, ສ້າງຈິດສຳນຶກໃຫ້ພາກສ່ວນຕ່າງໆ ແລະ ປະຊາຊົນ ໃຫ້ເຫັນຄວາມສຳຄັນຂອງການປົກປັກຮັກສາສິ່ງແວດລ້ອມ, ການເພີ່ມພື້ນທີ່ສີຂຽວ ແລະ ການຮ່ວມມືກັນຮັບມືກັບການປ່ຽນແປງສະພາບດິນຟ້າອາກາດ.
#ໃນໂອກາດນີ້ ທ່ານ ປະດິດ ວັນນະລັດສະໝີ ໄດ້ເນັ້ນໜັກໃຫ້ທຸກຂະແໜງການ, ອົງການຈັດຕັ້ງ ແລະ ປະຊາຊົນ ສືບຕໍ່ປຸກຈິດສຳນຶກໃນການຮັກສາປ່າໄມ້, ອະນຸລັກທຳມະຊາດ, ຫຼຸດຜ່ອນການທຳລາຍສິ່ງແວດລ້ອມ ແລະ ຮ່ວມກັນປູກຕົ້ນໄມ້ໃຫ້ຫຼາຍຂຶ້ນ ເພື່ອສ້າງຄວາມຂຽວງາມ ແລະ ຄວາມຍືນຍົງໃຫ້ແກ່ສັງຄົມ.
ຫຼັງຈາກສຳເລັດພິທີເປີດ ບັນດາຜູ້ເຂົ້າຮ່ວມໄດ້ພ້ອມໃຈກັນປູກຕົ້ນໄມ້ພາຍໃນບໍລິເວນໂຮງຮຽນ ເພື່ອປະກອບສ່ວນໃນການອະນຸລັກສິ່ງແວດລ້ອມ, ສ້າງພູມສັນຖານສີຂຽວ ແລະ ສົ່ງເສີມໃຫ້ນັກຮຽນໄດ້ຮຽນຮູ້ເຖິງຄຸນຄ່າຂອງຕົ້ນໄມ້ ແລະ ທຳມະຊາດ. ບັນຍາກາດຂອງກິດຈະກຳເປັນໄປດ້ວຍຄວາມຄຶກຄື້ນ, ສາມັກຄີ ແລະ ຮັບຜິດຊອບຕໍ່ການອະນຸລັກສິ່ງແວດລ້ອມຮ່ວມກັນ.
#ຂ່າວ-ພາບ: ສີສົມບູນ ວົງວຽງຄຳ
Bài viết ຫົວໜ້າຄະນະໂຄສະນາອົບຮົມແຂວງ ຮ່ວມຂະບວນປູກຕົ້ນໄມ້ຢູ່ເມືອງ ປະທຸມພອນ đã xuất hiện đầu tiên vào ngày .
]]>Bài viết ຈັດພິທີສະເຫຼີມສະຫຼອງວັນປູກຕົ້ນໄມ້ແຫ່ງຊາດ, ວັນເດັກນ້ອຍສາກົນ ແລະ ວັນສິ່ງແວດລ້ອມ ປະຈຳປີ 2026 ຢ່າງຟົດຟື້ນ ພ້ອມຕັ້ງເປົ້າປູກໄມ້ໃຫ້ໄດ້ 120 ເຮັກຕາ ໃນເຂດອຸທິຍານແຫ່ງຊາດດົງຫົວສາວ đã xuất hiện đầu tiên vào ngày .
]]>
ໃນວັນທີ 13 ມິຖຸນາ 2026 ນີ້, ຢູ່ທີ່ຈຸດບ້ານນໍ້າພາກ (ເຂດອຸທິຍານແຫ່ງຊາດດົງຫົວສາວ) ແລະ ຢູ່ທີ່ຈຸດພູດິນ ບ້ານກຽດໂງ້ງ (ເຂດອຸທິຍານແຫ່ງຊາດ ເຊປຽນ) ເມືອງປະທຸມພອນ ແຂວງຈຳປາສັກ,ພະແນກກະສິກຳ ແລະ ສິ່ງແວດລ້ອມແຂວງ ຈຳປາສັກ ຮ່ວມກັບ ກອງຄຸມຄອງອຸທິຍານແຫ່ງຊາດດົງຫົວສາວ, ກອງຄຸ້ມຄອງອຸທິຍານແຫ່ງຊາດ ເຊປຽນ, ອົງການປົກຄອງເມືອງປະທຸມພອນ, ອົງການກອງທຶນອະນຸລັກທຳມະຊາດໂລກ ປະຈຳ ສປປ ລາວ (WWF-Laos) ແລະ ບໍລິສັດ ລາວຮາຍຊຽງ ຊັບພະຍາກອນທຳມະຊາດ ຈຳກັດຜູ້ດຽວ ໄດ້ຮ່ວມກັນຈັດພິທີສະເຫຼີມສະຫຼອງວັນປູກຕົ້ນໄມ້ແຫ່ງຊາດ ຄົບຮອບ 46 ປີ (1 ມິຖຸນາ 1980 – 2026) ຕິດພັນກັບວັນເດັກນ້ອຍສາກົນ, ວັນສິ່ງແວດລ້ອມໂລກ ຄົບຮອບ 53 ປີ ແລະ ວັນສິ່ງແວດລ້ອມແຫ່ງຊາດ ຄົບຮອບ 27 ປີ (5 ມິຖຸນາ) ພາຍໃຕ້ຄຳຂວັນ “ເຖິງເວລາແລ້ວ ພວກເຮົາຕ້ອງໃສ່ໃຈຕໍ່ສະພາບພູມອາກາດ ໃຫ້ສົດໃສ ແລະ ສົດຊື່ນ” (#NowForClimate).
ໃຫ້ກຽດເຂົ້າຮ່ວມ ແລະ ກ່າວເປີດພິທີໂດຍ ທ່ານ ປະດິດ ວັນນະລັດສະໝີ, ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງຈຳປາສັກ, ໂດຍມີ ທ່ານ ສົມຈິດ ແພງສະຫວັດ, ກຳມະການພັກແຂວງ, ເລຂາພັກເມືອງ, ປະທານສະພາປະຊາຊົນປະຈຳເມືອງປະທຸມພອນ; ທ່ານ ຄຳ ນີລະວົງ, ກຳມະການພັກແຂວງ, ຫົວໜ້າພະແນກກະສິກຳ ແລະ ສິ່ງແວດລ້ອມແຂວງ, ພ້ອມດ້ວຍບັນດາການນຳແຂວງ, ເມືອງ, ຜູ້ຕາງໜ້າຈາກພາກທຸລະກິດ, ຕະຫຼອດຮອດພໍ່ແມ່ປະຊາຊົນ ແລະ ນ້ອງນ້ອຍນັກຮຽນ ເຂົ້າຮ່ວມຢ່າງພ້ອມພຽງ.
ໃນພິທີ, ທ່ານ ປະດິດ ວັນນະລັດສະໝີ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ ໄດ້ກ່າວເນັ້ນໜັກເຖິງຄວາມສຳຄັນຂອງປ່າໄມ້ ທີ່ເປັນຊັບພະຍາກອນອັນລໍ້າຄ່າ ແລະ ຕິດພັນກັບການດຳລົງຊີວິດຂອງປະຊາຊົນ. ການປົກປັກຮັກສາປ່າໄມ້ ແລະ ສິ່ງແວດລ້ອມ ແມ່ນວຽກງານຍຸດທະສາດທີ່ສຳຄັນ ຕາມທິດທາງພັດທະນາສີຂຽວ ແລະ ຍືນຍົງ ໂດຍສຸມໃສ່ຍຸດທະສາດການເພີ່ມເນື້ອທີ່ປົກຫຸ້ມຂອງປ່າໄມ້ໃຫ້ບັນລຸ 70% ໃນປີ 2030. ຄຽງຄູ່ກັນນັ້ນ, ທ່ານຍັງໄດ້ຮຽກຮ້ອງໃຫ້ເອົາໃຈໃສ່ພັດທະນາຊັບພະຍາກອນມະນຸດ ໂດຍສະເພາະແມ່ນເດັກນ້ອຍ ແລະ ເຍົາວະຊົນ ໃຫ້ມີຄຸນນະພາບ, ມີສະຕິຮັກ ແລະ ຫວງແຫນທຳມະຊາດ ເພື່ອສ້າງຄົນຮຸ່ນໃໝ່ທີ່ຈະກາຍເປັນຜູ້ສືບທອດທີ່ດີຂອງຊາດໃນອະນາຄົດ ດັ່ງຄຳຂວັນທີ່ວ່າ “ປູກຕົ້ນໄມ້ໃນວັນນີ້ ເພື່ອລູກຫຼານໃນວັນໜ້າ, ເດັກນ້ອຍທີ່ດີໃນວັນນີ້ ຄືຜູ້ໃຫຍ່ທີ່ມີຄຸນນະພາບໃນອະນາຄົດ”.
ໂອກາດດຽວກັນ, ທ່ານ ຄຳ ນີລະວົງ ຫົວໜ້າພະແນກກະສິກໍາ ແລະ ສິ່ງແສດລ້ອມ ໄດ້ມີຄໍາເຫັນໃຫ້ຮູ້ກ່ຽວກັບແຜນການຟື້ນຟູ ແລະ ປູກປ່າ ໂດຍສະເພາະໃນເຂດອຸທິຍານແຫ່ງຊາດດົງຫົວສາວ (ເຊິ່ງມີເນື້ອທີ່ທັງໝົດ 99.795 ເຮັກຕາ, ກວມເອົາເຂດເມືອງປະທຸມພອນ 57.42%). ໃນໄລຍະປີ 2025 ຜ່ານມາ ສາມາດປູກໄມ້ໄດ້ 5 ເຮັກຕາ ແລະ ຟື້ນຟູປ່າແບບທຳມະຊາດໄດ້ 1.500 ເຮັກຕາ. ສໍາລັບປີ 2026 ນີ້, ອຸທິຍານແຫ່ງຊາດດົງຫົວສາວ ມີແຜນການທີ່ຈະປູກໄມ້ທັງໝົດ ຈຳນວນ 120 ເຮັກຕາ ໂດຍຈະເລີ່ມປູກຢູ່ບ້ານນໍ້າພາກ 3 ເຮັກຕາ, ບ້ານສົມສຸກ ແລະ ບ້ານນາບອນ ບ້ານລະ 5 ເຮັກຕາ, ພ້ອມທັງສົ່ງເສີມປະຊາຊົນປູກຕົ້ນໝາກຈອງ ແລະ ຮ່ວມມືກັບເຂື່ອນໄຟຟ້ານໍ້າປາກຊ່ອງ ປູກໄມ້ໃນບໍລິເວນອ່າງຮັບນໍ້າຕື່ມອີກ 16 ເຮັກຕາ.
#ພ້ອມນີ້ທ່ານ ສົມພານ ແກ້ວຫານາມ, ຫົວໜ້າກອງຄຸ້ມຄອງອຸທິຍານແຫ່ງຊາດ ເຊປຽນ ໄດ້ຂຶ້ນລາຍງານການກະກຽມຄວາມພ້ອມ ໂດຍຍົກໃຫ້ເຫັນວ່າ: ໃນທົ່ວແຂວງຈຳປາສັກ ມີເນື້ອທີ່ປ່າໄມ້ທັງໝົດ 1.062.648 ເຮັກຕາ, ກວມ 69,23% ຂອງເນື້ອທີ່ທົ່ວແຂວງ. ສຳລັບແຜນການປູກໄມ້ໃນປີ 2026 ນີ້, ອຸທິຍານແຫ່ງຊາດ ເຊປຽນ ມີແຜນການປູກໄມ້ໃນເຂດອຸທິຍານໃຫ້ໄດ້ 15 ເຮັກຕາ, ຟື້ນຟູປ່າແບບທຳມະຊາດ ແລະ ປູກເສີມກ້ອງປ່າໃຫ້ໄດ້ 785 ເຮັກຕາ. ສະເພາະຂະບວນການປູກໄມ້ເນື່ອງໃນວັນປູກຕົ້ນໄມ້ແຫ່ງຊາດຄັ້ງນີ້ ແມ່ນໄດ້ຮ່ວມກັບ ອົງການ WWF-Laos ປູກໃນພື້ນທີ່ກຳນົດ 8 ເຮັກຕາ ຢູ່ຈຸດພູດິນ ບ້ານກຽດໂງ້ງ, ນຳໃຊ້ເບ້ຍໄມ້ທັງໝົດ 10,000 ເບ້ຍ (ມີ 11 ຊະນິດໄມ້ ເປັນຕົ້ນແມ່ນ ໄມ້ດູ່, ໄມ້ແຄນ, ໄມ້ແຕ້ຂ່າ, ໄມ້ຂະຍຸງ, ໄມ້ຍາງ ແລະ ໄມ້ໝາກຈອງ). ນອກຈາກນີ້, ຍັງມີແຜນປູກຢູ່ເຂດອຸທິຍານແຫ່ງຊາດດົງຫົວສາວ ອີກຈຳນວນ 120 ເຮັກຕາ, ໃນນັ້ນປູກຢູ່ບ້ານນຳ້ພາກ 3 ເຮັກຕາ (ໂດຍການສະໜັບສະໜູນ ຈາກບໍລິສັດ ລາວຮາຍຊຽງ ຊັບພະຍາກອນທຳມະຊາດ ຈຳກັດຜູ້ດຽວ), ບ້ານສົມສຸກ ແລະ ບ້ານນາບອນ ບ້ານລະ 5 ເຮັກຕາ ພ້ອມທັງສົ່ງເສີມປະຊາຊົນປູກໄມ້ ແລະ ຮ່ວມກັບເຂື່ອນໄຟຟ້ານໍ້າປາກຊ່ອງ ປູກໃນເຂດອ່າງຮັບນໍ້າອີກ 16 ເຮັກຕາ.
ໃນຕອນທ້າຍຂອງພິທີ ຍັງໄດ້ມີການມອບເບ້ຍໄມ້ ແລະ ໃບກຽດຕິຄຸນ ໃຫ້ແກ່ຜູ້ສະໜັບສະໜູນຫຼັກ ເປັນຕົ້ນແມ່ນ ອົງການ WWF-Laos, ບໍລິສັດ ໄຟຟ້າແສງຕາເວັນ ບ້ານໂພນສະອາດ (ຈະເລີນເຊກອງ) ແລະ ບໍລິສັດ ລາວຮາຍຊຽງ ຊັບພະຍາກອນທຳມະຊາດ ຈຳກັດຜູ້ດຽວ. ພ້ອມດຽວກັນນັ້ນ, ຄະນະປະທານກໍ່ໄດ້ຮ່ວມກັນມອບຂອງຂວັນວັນເດັກ ໃຫ້ແກ່ນ້ອງນ້ອຍນັກຮຽນ ແລະ ນຳພາຜູ້ເຂົ້າຮ່ວມທັງໝົດ ລົງມືປູກຕົ້ນໄມ້ ເພື່ອສ້າງຂະບວນການສະເຫຼີມສະຫຼອງວັນສຳຄັນດັ່ງກ່າວ ໃຫ້ມີບັນຍາກາດຟົດຟື້ນ ແລະ ມີຄວາມໝາຍເລິກເຊິ່ງ. ຫຼັງຈາກນີ້, ທາງຄະນະຮັບຜິດຊອບ ຈະໄດ້ມອບໝາຍຄວາມຮັບຜິດຊອບ ໃຫ້ແກ່ອົງການຈັດຕັ້ງທ້ອງຖິ່ນ, ພາກສ່ວນກ່ຽວຂ້ອງ ແລະ ປະຊາຊົນ ໃນການຕິດຕາມ, ບົວລະບັດຮັກສາ ແລະ ປູກສ້ອມແຊມຕົ້ນໄມ້ທີ່ຕາຍ ເພື່ອຮັບປະກັນໃຫ້ຕົ້ນໄມ້ທີ່ປູກໃນມື້ນີ້ ສາມາດຈະເລີນເຕີບໂຕກາຍເປັນຜືນປ່າທີ່ອຸດົມສົມບູນ ແລະ ຂຽວສົດງົດງາມໃນອະນາຄົດ.
ຂ່າວ-ພາບ: ຈັນທະວີສັກ
Bài viết ຈັດພິທີສະເຫຼີມສະຫຼອງວັນປູກຕົ້ນໄມ້ແຫ່ງຊາດ, ວັນເດັກນ້ອຍສາກົນ ແລະ ວັນສິ່ງແວດລ້ອມ ປະຈຳປີ 2026 ຢ່າງຟົດຟື້ນ ພ້ອມຕັ້ງເປົ້າປູກໄມ້ໃຫ້ໄດ້ 120 ເຮັກຕາ ໃນເຂດອຸທິຍານແຫ່ງຊາດດົງຫົວສາວ đã xuất hiện đầu tiên vào ngày .
]]>Bài viết ຄະນະໂຄສະນາອົບຮົມແຂວງຈຳປາສັກ ຈັດຊຸດຝຶກອົບຮົມກ່ຽວກັບຫຼັກການເວົ້າທີ່ດີ, ວຽກພິທີການ ແລະ ມາລະຍາດທາງສັງຄົມ đã xuất hiện đầu tiên vào ngày .
]]>
ຕອນເຊົ້າວັນທີ 10 ມີຖຸນາ 2026 ນີ້, ຢູ່ທີ່ຄະນະໂຄສະນາອົບຮົມແຂວງຈຳປາສັກ ໄດ້ຈັດຊຸດຝຶກອົບຮົມເພື່ອສ້າງຄວາມເຂັ້ມແຂງກ່ຽວກັບຫຼັກການເວົ້າທີ່ດີ, ວຽກພິທີການ ແລະ ມາລະຍາດທາງສັງຄົມ ໃຫ້ແກ່ພະນັກງານ-ລັດຖະກອນ ພາຍໃນກົມກອງຂອງຕົນ. ໂດຍການໃຫ້ກຽດເຂົ້າຮ່ວມ ແລະ ເປັນປະທານຂອງ ທ່ານ ນາງ ສຸກສົມພອນ ພົນອາສາ ຮອງຫົວໜ້າຄະນະໂຄສະນາອົບຮົມແຂວງຈຳປາສັກ; ມີບັນດາຫົວໜ້າ, ຮອງຫົວໜ້າຂະແໜງການ, ຫ້ອງການ ພ້ອມດ້ວຍສະມາຊິກ 3 ອົງການຈັດຕັ້ງມະຫາຊົນ (ຊາວໜຸ່ມ, ສະຫະພັນແມ່ຍິງ, ກໍາມະບານ) ເຂົ້າຮ່ວມຢ່າງພ້ອມພຽງ.
ໃນພິທີ, ທ່ານ ນາງ ສຸກສົມພອນ ພົນອາສາ ຮອງຫົວໜ້າຄະນະໂຄສະນາອົບຮົມແຂວງ ໄດ້ກ່າວເປີດຊຸດຝຶກອົບຮົມຢ່າງເປັນທາງການ ເຊິ່ງທ່ານໄດ້ເນັ້ນໜັກວ່າ: ຈຸດປະສົງຂອງການຈັດຊຸດຝຶກອົບຮົມໃນຄັ້ງນີ້ ແມ່ນເພື່ອແນໃສ່ໃຫ້ຜູ້ເຂົ້າຮ່ວມໄດ້ຝຶກຝົນຫຼໍ່ຫຼອມ ແລະ ຮຽນຮູ້ກ່ຽວກັບຫຼັກການເວົ້າ, ສາມາດນຳໄປຜັນຂະຫຍາຍໃຫ້ກາຍເປັນຜູ້ເວົ້າທີ່ດີ, ມີຄຸນນະພາບ, ມີຄວາມຈະແຈ້ງ ແລະ ຊັດເຈນໃນທຸກຖ້ອຍຄຳ. ສາມາດສ້າງຄວາມດຶງດູດ ແລະ ຄວາມສົນໃຈໃຫ້ແກ່ຜູ້ຟັງ ເຊິ່ງມີຄວາມສຳຄັນເປັນຢ່າງຍິ່ງ ໂດຍສະເພາະແມ່ນຜູ້ທີ່ເຮັດໜ້າທີ່ວຽກງານສື່ມວນຊົນ, ວຽກງານປະຖະກະຖາ ກໍຄືການປະສານງານ ແລະ ການປາກເວົ້າທົ່ວໄປ ທັງໃນທາງການ ແລະ ບໍ່ເປັນທາງການ. ນອກຈາກນີ້, ຍັງເປັນການສ້າງໂອກາດໃຫ້ພະນັກງານ, ເອື້ອຍນ້ອງສະມາຊິກ 3 ອົງການຈັດຕັ້ງມະຫາຊົນ ໄດ້ພົບປະແລກປ່ຽນບົດຮຽນ, ສ້າງຄວາມສະໜິດສະໜົມ ແລະ ຮັດແໜ້ນຄວາມສາມັກຄີພາຍໃນຮາກຖານໃຫ້ມີຄວາມແໜ້ນແຟ້ນຍິ່ງໆຂຶ້ນ.
#ສຳລັບເນື້ອໃນບົດຮຽນທີ່ນຳມາບັນຍາຍໃນການຝຶກອົບຮົມຄັ້ງນີ້ ປະກອບມີຫຼາຍຫົວຂໍ້ທີ່ສຳຄັນ ເປັນຕົ້ນແມ່ນ: ຄວາມໝາຍຄວາມສຳຄັນຂອງການເວົ້າ, ຫຼັກການ ແລະ ເຕັກນິກການເວົ້າທີ່ດີ, ຂັ້ນຕອນການກຽມຕົວ ແລະ ການເວົ້າໃນທີ່ຊຸມຊົນ. ນອກຈາກນັ້ນ, ຜູ້ເຂົ້າຮ່ວມຍັງໄດ້ຮຽນຮູ້ກ່ຽວກັບວຽກງານພິທີການ ແລະ ມາລະຍາດທາງສັງຄົມຕື່ມອີກ ເຊິ່ງໃຫ້ກຽດຂຶ້ນບັນລະຍາຍໂດຍ ທ່ານ ນາງ ສຸກສົມພອນ ພົນອາສາ ຮອງຫົວໜ້າຄະນະໂຄສະນາອົບຮົມແຂວງຈຳປາສັກ.
Bài viết ຄະນະໂຄສະນາອົບຮົມແຂວງຈຳປາສັກ ຈັດຊຸດຝຶກອົບຮົມກ່ຽວກັບຫຼັກການເວົ້າທີ່ດີ, ວຽກພິທີການ ແລະ ມາລະຍາດທາງສັງຄົມ đã xuất hiện đầu tiên vào ngày .
]]>Bài viết ແຂວງຈຳປາສັກ ຈັດຊຸດຝຶກອົບຮົມການເກັບກຳຫາງສຽງສັງຄົມ ໃຫ້ເມືອງປາກຊ່ອງ ເພື່ອຍົກສູງຂີດຄວາມສາມາດ “ນັກຮົບແນວຄິດ” đã xuất hiện đầu tiên vào ngày .
]]>
ປາກຊ່ອງ, ແຂວງຈຳປາສັກ: ໃນຕອນເຊົ້າວັນທີ 10 ມິຖຸນາ 2026 ນີ້, ຢູ່ທີ່ສະໂມສອນເມືອງປາກຊ່ອງ, ຄະນະໂຄສະນາອົບຮົມແຂວງຈຳປາສັກ ຮ່ວມກັບ ຄະນະໂຄສະນາອົບຮົມເມືອງປາກຊ່ອງ ໄດ້ເປີດຊຸດຝຶກອົບຮົມວຽກງານເກັບກຳສະພາບແນວຄິດ ແລະ ຫາງສຽງສັງຄົມ ປະຈຳປີ 2026 ໃຫ້ແກ່ພະນັກງານ-ລັດຖະກອນຫຼັກແຫຼ່ງພາຍໃນເມືອງ ໂດຍມີຜູ້ເຂົ້າຮ່ວມທັງໝົດ 57 ທ່ານ (ຍິງ 19 ທ່ານ).
ກອງປະຊຸມຄັ້ງນີ້ ໃຫ້ກຽດເຂົ້າຮ່ວມ ແລະ ເປັນປະທານໂດຍ ທ່ານ ປະດິດ ວັນນະລັດສະໝີ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງຈຳປາສັກ; ເຂົ້າຮ່ວມມີ ທ່ານ ແສງເດືອນ ສົມສະຫວັນ ຮອງເລຂາພັກເມືອງ, ຜູ້ຊີ້ນຳວຽກງານການເມືອງ-ແນວຄິດ, ຫົວໜ້າຄະນະຈັດຕັ້ງເມືອງປາກຊ່ອງ, ພ້ອມດ້ວຍບັນດາຫົວໜ້າ-ຮອງຫົວໜ້າຫ້ອງການອ້ອມຂ້າງເມືອງ, ຄະນະກຳມະການປົກຄອງຕາແສງ, ວິທະຍາກອນ ແລະ ນັກສຳມະນາກອນເຂົ້າຮ່ວມຢ່າງພ້ອມພຽງ.
ໃນພິທີກ່າວເປີດ, ທ່ານ ປະດິດ ວັນນະລັດສະໝີ ໄດ້ເນັ້ນໜັກເຖິງສະພາບແວດລ້ອມສາກົນ ແລະ ພາກພື້ນທີ່ມີການຜັນແປໄປຢ່າງສັບສົນ ຕິດພັນກັບຄວາມຫຍຸ້ງຍາກດ້ານເສດຖະກິດ-ການເງິນພາຍໃນປະເທດ, ອັດຕາເງິນເຟີ້ ແລະ ລາຄາສິນຄ້າທີ່ສູງຂຶ້ນ. ໂດຍສະເພາະແມ່ນກົນອຸບາຍ “ຫັນປ່ຽນໂດຍສັນຕິ” ຂອງກຸ່ມຄົນບໍ່ດີ ທີ່ສວຍໃຊ້ສື່ສັງຄົມອອນລາຍ ໂຈມຕີບັນຫາອ່ອນໄຫວ ເພື່ອສ້າງຄວາມບໍ່ສະຫງົບ ແລະ ບິດເບືອນແນວຄິດຂອງພະນັກງານ ແລະ ປະຊາຊົນ.
”ຖ້າພວກເຮົາຫາກນິ້ງນອນເສີຍ ບໍ່ເພີ່ມທະວີຄວາມຮັບຜິດຊອບໃນການຕິດຕາມ ແລະ ເກັບກຳສະພາບແນວຄິດ-ຫາງສຽງສັງຄົມໃຫ້ວ່ອງໄວ ແລະ ທັນການ, ກໍຈະເຮັດໃຫ້ການແກ້ໄຂບັນຫາບໍ່ຖືກຈຸດ ແລະ ບໍ່ແທດກັບຄວາມເປັນຈິງ ຍ້ອນກຳບໍ່ໄດ້ກົກປາຍສາເຫດ” ທ່ານ ປະດິດ ວັນນະລັດສະໝີ ກ່າວ.
ຊຸດອົບຮົມຄັ້ງນີ້,ສຳມະນາກອນທັງໝົດໄດ້ຮ່ວມກັນຄົ້ນຄວ້າຮ່ຳຮຽນໃນ 4 ບົດເອກະສານສຳຄັນ ຄື:
ບາງບັນຫາພື້ນຖານກ່ຽວກັບວຽກງານຫາງສຽງສັງຄົມ: ຈຳແນກຄວາມແຕກຕ່າງລະຫວ່າງ “ຫາງສຽງສັງຄົມ” ກັບ “ຂ່າວລື”, ພ້ອມທັງກຳຮູບແບບ, ພາລະບົດບາດ ແລະ ຫຼັກການຕ່າງໆ.
ວິທີການເກັບກຳ ແລະ ການນຳໃຊ້ຫາງສຽງສັງຄົມ: ເຕັກນິກການເກັບກຳຂໍ້ມູນເພື່ອຮັບໃຊ້ວຽກງານການເມືອງ-ແນວຄິດ.
ຕາໜ່າງເພື່ອນຮ່ວມງານ: ການສ້າງຕາໜ່າງ, ມາດຖານຄຸນທາດການເມືອງ, ວິທີການຂຽນ ແລະ ລະບອບການລາຍງານ.
ວຽກງານຄົ້ນຄວ້າສັງລວມ: ວິທີການຂຽນບົດສະຫຼຸບລາຍງານ ແລະ ທັດສະນະທີ່ຈຳເປັນສຳລັບຜູ້ເຮັດວຽກງານສັງລວມຂໍ້ມູນ.
ຊຸດຝຶກອົບຮົມຄັ້ງນີ້ ເນັ້ນໃສ່ຮູບແບບການບັນຍາຍຕິດພັນກັບການແລກປ່ຽນຄຳຄິດຄຳເຫັນຢ່າງກົງໄປກົງມາ. ໃນຕອນທ້າຍພິທີ, ຍັງໄດ້ມີການມອບໃບຢັ້ງຢືນໃຫ້ແກ່ນັກສຳມະນາກອນທັງ 57 ທ່ານ ທີ່ສຳເລັດການຝຶກອົບຮົມໃນຄັ້ງນີ້ ເພື່ອນຳເອົາຄວາມຮູ້ ແລະ ທັກສະດ້ານວິຊາສະເພາະ ໄປຈັດຕັ້ງປະຕິບັດເຂົ້າໃນວຽກງານຕົວຈິງຢູ່ຮາກຖານກົມກອງຂອງຕົນ ໃຫ້ມີຄວາມໄວ, ຊັດເຈນ ແລະ ມີປະສິດທິພາບສູງສຸດ.
ຂ່າວ: ທ. ສອນໄຊ ຈັນທະວີ
Bài viết ແຂວງຈຳປາສັກ ຈັດຊຸດຝຶກອົບຮົມການເກັບກຳຫາງສຽງສັງຄົມ ໃຫ້ເມືອງປາກຊ່ອງ ເພື່ອຍົກສູງຂີດຄວາມສາມາດ “ນັກຮົບແນວຄິດ” đã xuất hiện đầu tiên vào ngày .
]]>Bài viết ເມືອງປະທຸມພອນ ປັກໝຸດຄວາມສຳເລັດ 5 ປີ ວຽກງານ “3 ສ້າງ” ພ້ອມສືບຕໍ່ແຜນພັດທະນາຊົນນະບົດ ມຸ່ງສູ່ປີ 2030 đã xuất hiện đầu tiên vào ngày .
]]>
ເມືອງປະທຸມພອນ ປັກໝຸດຄວາມສຳເລັດ 5 ປີ ວຽກງານ “3 ສ້າງ” ພ້ອມສືບຕໍ່ແຜນພັດທະນາຊົນນະບົດ ມຸ່ງສູ່ປີ 2030 [ເມືອງປະທຸມພອນ, ແຂວງຈຳປາສັກ] – ເມື່ອວັນທີ 20 ພຶດສະພາ 2026 ທີ່ຜ່ານມານີ້, ຢູ່ທີ່ຫ້ອງປະຊຸມຫ້ອງວ່າການເມືອງປະທຸມພອນ ໄດ້ມີການຈັດກອງປະຊຸມຄັ້ງສຳຄັນ ເພື່ອສະຫຼຸບຜົນງານຮອບດ້ານໃນໄລຍະ 5 ປີຜ່ານມາ (2021-2025) ແລະ ວາງທິດທາງກ້າວເດີນໃໝ່ໃນໄລຍະ 5 ປີຕໍ່ໜ້າ (2026-2030) ຂອງວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ-ແກ້ໄຂຄວາມທຸກຍາກ ແລະ ວຽກງານ “3 ສ້າງ”.
ກອງປະຊຸມໃນຄັ້ງນີ້ ໄດ້ຮັບກຽດເປັນປະທານໂດຍ ສະຫາຍ ສົມຈິດ ແພງສະຫວັດ ກຳມະການພັກແຂວງ, ເລຂາຄະນະບໍລິຫານງານພັກເມືອງປະທຸມພອນ. ພ້ອມທັງມີຄະນະນຳເມືອງ, ກໍາລັງ ປກສ-ປກຊ, ຫົວໜ້າຫ້ອງການ ແລະ ອົງຄະນະພັກຕາແສງ ເຂົ້າຮ່ວມຢ່າງພ້ອມພຽງເພື່ອຮ່ວມກັນວາງແຜນພັດທະນາບ້ານເກີດ.
ຈຸດສຸມ ແລະ ບາດກ້າວສຳຄັນໃນກອງປະຊຸມ: ໄດ້ທົບທວນອະດີດ ມຸ່ງສູ່ອະນາຄົດ: ກອງປະຊຸມໄດ້ຮ່ວມກັນຕີລາຄາສູງຕໍ່ຜົນງານ 5 ປີ (2021-2025) ທີ່ສາມາດສ້າງການປ່ຽນແປງໃຫ້ແກ່ທ້ອງຖິ່ນ, ພ້ອມທັງຜ່ານແຜນການປີ 2026 ທີ່ຈະເປັນຂັ້ນໄດກ້າວໄປສູ່ເປົ້າໝາຍໃຫຍ່ໃນປີ 2030.
ສະຫາຍ ແກ້ວຕາ ຍະວົງສາ ຮອງເລຂາພັກເມືອງ ໄດ້ຜ່ານບົດແນະນຳເລກທີ 03/ຄຈພຂ ເພື່ອເນັ້ນການຫັນເອົາຜົນສຳເລັດຂອງວຽກງານ 3 ສ້າງ ແລະ ການແກ້ໄຂຄວາມທຸກຍາກໄປປະຕິບັດໃຫ້ເກີດດອກອອກຜົນຕົວຈິງ. ຫັນພະນັກງານລົງສູ່ຮາກຖານ: ມີມະຕິຕົກລົງແຕ່ງຕັ້ງຄະນະຮັບຜິດຊອບ ແລະ ສົ່ງພະນັກງານວິຊາການລົງໄປຊ່ວຍວຽກຢູ່ຂັ້ນຕາແສງ ແລະ ບ້ານ ເພື່ອສ້າງຄວາມເຂັ້ມງວດ ແລະ ໃກ້ຊິດກັບປະຊາຊົນຫຼາຍຂຶ້ນ.
ໃນຕອນທ້າຍ, ກອງປະຊຸມໄດ້ຮັບຟັງຄຳໂອ້ລົມອັນມີຄວາມໝາຍຈາກ ສະຫາຍ ປະດິດ ວັນນະລັດສະໝີ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ (ຜູ້ຊີ້ນຳວຽກງານຮອບດ້ານເມືອງປະທຸມພອນ) ເຊິ່ງສະຫາຍໄດ້ເນັ້ນໜັກໃຫ້:
“ທຸກຂະແໜງການ ແລະ ທຸກຕາແສງ ຕ້ອງປະສານງານກັນຢ່າງໃກ້ຊິດ, ຍົກສູງຄວາມຮັບຜິດຊອບ ແລະ ເອົາໃຈໃສ່ຂັບເຄື່ອນວຽກງານ 3 ສ້າງ ໃຫ້ເປັນຮູບປະທຳ ເພື່ອຍົກລະດັບຊີວິດການເປັນຢູ່ຂອງປະຊາຊົນໃຫ້ດີຂຶ້ນຢ່າງແທ້ຈິງ.” ບົດສະຫຼຸບ ແລະ ແຜນການໃນຄັ້ງນີ້ ຖືເປັນເຂັມທິດຊີ້ນຳເສັ້ນທາງໃໝ່ ທີ່ຈະພາເມືອງປະທຸມພອນກ້າວໄປຂ້າງໜ້າຢ່າງໝັ້ນຄົງ ແລະ ຫຼຸດພົ້ນຈາກຄວາມທຸກຍາກຢ່າງຍືນຍົງ!
ຂ່າວ: ສີສົມບູນ ວົງວຽງຄຳ
ພາບ: ນາງ ລັດສະໝີ
Bài viết ເມືອງປະທຸມພອນ ປັກໝຸດຄວາມສຳເລັດ 5 ປີ ວຽກງານ “3 ສ້າງ” ພ້ອມສືບຕໍ່ແຜນພັດທະນາຊົນນະບົດ ມຸ່ງສູ່ປີ 2030 đã xuất hiện đầu tiên vào ngày .
]]>Bài viết ພິທີບົ່ງຕົວແຕ່ງຕັ້ງກຳມະການພັກເມືອງ ແລະ ປະກາດຍົກຍ້າຍ, ແຕ່ງຕັ້ງພະນັກງານນຳພາ-ຄຸ້ມຄອງພາຍໃນເມືອງປະທຸມພອນ đã xuất hiện đầu tiên vào ngày .
]]>
ພິທີປະກາດແຕ່ງຕັ້ງກຳມະການພັກເມືອງ ແລະ ປະກາດຍົກຍ້າຍ-ແຕ່ງຕັ້ງພະນັກງານນຳພາ ແລະ ຄຸ້ມຄອງ ພາຍໃນເມືອງປະທຸມພອນ ໄດ້ຈັດຂຶ້ນໃນຕອນເຊົ້າ ວັນທີ 22 ພຶດສະພາ 2026 ທີ່ສະໂມສອນເມືອງປະທຸມພອນ ໂດຍມີ ສະຫາຍ ປະດິດ ວັນນະລັດສະໝີ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ ຜູ້ຊີ້ນຳວຽກງານຮອບດ້ານຢູ່ເມືອງປະທຸມພອນ ເປັນປະທານ.
ເຂົ້າຮ່ວມພິທີມີ ສະຫາຍ ສົມຈິດ ແພງສະຫວັດ ກຳມະການພັກແຂວງ, ເລຂາພັກເມືອງ ປະທານສະພາປະຊາຊົນປະຈຳເຂດເລືອກຕັ້ງເມືອງປະທຸມພອນ, ສະຫາຍ ກິ່ງແກ້ວ ນະວະພົມ ຮອງເລຂາພັກເມືອງ ປະທານຄະນະກຳມະການປົກຄອງເມືອງ ພ້ອມດ້ວຍບັນດາຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ ແລະ ພະນັກງານຫຼັກແຫຼ່ງ ເຂົ້າຮ່ວມຢ່າງພ້ອມພຽງ.
ໃນພິທີ, ສະຫາຍ ແສງອາທິດ ຂັນດາລາ ຮອງຫົວໜ້າຄະນະຈັດຕັ້ງແຂວງຈຳປາສັກ ໄດ້ຜ່ານມະຕິຕົກລົງຂອງຄະນະປະຈຳພັກແຂວງ ວ່າດ້ວຍການແຕ່ງຕັ້ງ ສະຫາຍ ສົມຊາຍ ພັນທະວົງ ເປັນກຳມະການພັກເມືອງປະທຸມພອນ ໂດຍມີ ສະຫາຍ ປະດິດ ວັນນະລັດສະໝີ ເປັນຜູ້ມອບຂໍ້ຕົກລົງ.
ນອກຈາກນັ້ນ ຍັງໄດ້ຜ່ານຂໍ້ຕົກລົງຂອງຄະນະປະຈຳສະພາປະຊາຊົນແຂວງ ວ່າດ້ວຍການສ້າງຕັ້ງກົງຈັກ ແລະ ແຕ່ງຕັ້ງບຸກຄະລາກອນ ໂດຍແຕ່ງຕັ້ງ ສະຫາຍ ວັນດີ ອັກຄະວົງ ເປັນຮອງຫົວໜ້າຄະນະ ທັງເປັນຫົວໜ້າຫ້ອງການຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງປະທຸມພອນ.
ພິທີດັ່ງກ່າວ ຍັງໄດ້ຜ່ານມະຕິການຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຫຼາຍຕຳແໜ່ງ ຄື:
ຍົກຍ້າຍ ສະຫາຍ ແຂກແກ້ວ ວົງປະເສີດ ໄປປະຈຳຢູ່ຫ້ອງການໂຄສະນາອົບຮົມເມືອງ ພ້ອມແຕ່ງຕັ້ງເປັນຫົວໜ້າຄະນະໂຄສະນາອົບຮົມເມືອງ.
ຍົກຍ້າຍ ສະຫາຍ ບຸນໃສ ແສງຈັນ ໄປປະຈຳຢູ່ຫ້ອງການຍຸຕິທຳເມືອງ ແລະ ແຕ່ງຕັ້ງເປັນຮອງຫົວໜ້າຫ້ອງການຍຸຕິທຳເມືອງ.
ແຕ່ງຕັ້ງ ສະຫາຍ ສີຍາ ໄຊຍະວົງ ເປັນວ່າການເລຂາຄະນະບໍລິຫານງານຊາວໜຸ່ມ ປປລ ເມືອງ.
ແຕ່ງຕັ້ງ ສະຫາຍ ນາຄອນ ສັງໂສພອນ ເປັນຮອງເລຂາຊາວໜຸ່ມ ປປລ ເມືອງ.
ຂະນະດຽວກັນ ທີ່ປະຊຸມຍັງໄດ້ຜ່ານຂໍ້ຕົກລົງອະນຸມັດໃຫ້ ສະຫາຍ ບົວສອນ ຮອງຫົວໜ້າຫ້ອງການອຸດສາຫະກຳ ແລະ ການຄ້າເມືອງ ອອກພັກການຮັບອຸດໜູນບຳນານ ໃນງວດທີ 2 ປີ 2026 ອາຍຸກະສຽນ 59 ປີ, ອາຍຸການ 40 ປີ.
ໃນຕອນທ້າຍຂອງພິທີ, ສະຫາຍ ປະດິດ ວັນນະລັດສະໝີ ຄະນະປະຈໍາພັກແຂວງ ຫົວໜ້າຄະນະໂຄສະນາອົມແຂວງ ໄດ້ກ່າວໂອລົມ ແລະ ຊີ້ນຳທິດທາງໃຫ້ແກ່ຄະນະພັກ, ອົງການປົກຄອງ ພ້ອມທັງພະນັກງານ-ລັດຖະກອນ ເພື່ອນຳໄປເປັນແນວທາງໃນການພັດທະນາເສດຖະກິດ-ສັງຄົມ ຂອງເມືອງໃຫ້ບັນລຸຜົນສຳເລັດຕາມເປົ້າໝາຍ.
ຂ່າວ: ນາງ ປະພິດ
Bài viết ພິທີບົ່ງຕົວແຕ່ງຕັ້ງກຳມະການພັກເມືອງ ແລະ ປະກາດຍົກຍ້າຍ, ແຕ່ງຕັ້ງພະນັກງານນຳພາ-ຄຸ້ມຄອງພາຍໃນເມືອງປະທຸມພອນ đã xuất hiện đầu tiên vào ngày .
]]>Bài viết ກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານໂຄສະນາອົບຮົມ ປະຈໍາປີ 2025 ແລະ ທິດທາງແຜນການວຽກງານຈຸດສຸມປີ 2026 đã xuất hiện đầu tiên vào ngày .
]]>ປະຈໍາປີ 2025 ແລະ ທິດທາງແຜນການວຽກງານຈຸດສຸມປີ 2026
ໃນຕອນບ່າຍຂອງວັນທີ 19 ພຶດສະພາ 2026 ນີ້ ກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານໂຄສະນາອົບຮົມ ປະຈໍາປີ 2025 ແລະ ທິດທາງແຜນການຈຸດສຸມປີ 2026 ເຊິ່ງໄດ້ຈັດຂຶ້ນທີ່ຫ້ອງປະຊຸມຂອງຄະນະໂຄສະນາອົບຮົມແຂວງ, ພາຍໃຕ້ການເປັນປະທານຂອງ ທ່ານ ປະດິດ ວັນນະລັດສະໝີ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ. ມີບັນດາຮອງຫົວໜ້າຄະນະໂຄສະນາອົບຮົມແຂວງ, ຫົວໜ້າຄະນະໂຄສະນາອົບຮົມ 9 ເມືອງ, 1 ນະຄອນ ຫົວໜ້າຂະແໜງ, ຮອງຂະແໜງ ພ້ອມດ້ວຍພະນັກງານທັງໝົດເຂົ້າຮ່ວມຢ່າງພ້ອມພຽງ.
ໃນກອງປະຊຸມທ່ານ ນາງ ສຸກສົມພອນ ພົນອາສາ ຮອງຫົວຫນ້າຄະນະໂຄສະນາອົບຮົມແຂວງ ໄດ້ຜ່ານບົດສະຫຼຸບຕີລາຄາການຈັດຕັ້ງປະຕິບັດວຽກງານໂຄສະນາອົບຮົມປະຈໍາປີ 2025 ແລະ ທິດທາງແຜນການວຽກງານຈຸດສຸມປີ 2026.
ຕໍ່ມາທ່ານ ຄໍາປະສົງ ພົມມະວົງ ຫົວໜ້າຂະແໜງຄົ້ນຄ້ວາສັງລວມ ແລະ ຂໍ້ມູນຂ່າວສານ ກໍ່ໄດ້ຜ່ານຮ່າງແຜນຍຸດທະສາດວຽກງານໂຄສະນາອົບຮົມແຂວງຈໍາປາສັກແຕ່ນີ້ຮອດປີ 2030 ຈາກນັ້ນກໍ່ໄດ້ຜ່ານຂໍ້ຕົກລົງຂອງຫົວໜ້າຄະນະໂຄສະນາອົບຮົມແຂວງເລກທີ 191/ຄອຂ.ຈສ, ລົງວັນທີ 19 ພຶດສະພາ 2026 ວ່າດ້ວຍການປັບປຸງສັບຊ້ອນພະນັກງານຫຼັຫແຫຼ່ງ ແລະ ວິຊາການພາຍໃນຄະນະໂຄສະນາອົບແຂວງ. ໃນໂອກາດດຽວກັນ ປະທານກອງປະຊຸມກໍ່ໄດ້ມີຄໍາຖາມເຈາະຈີ້ມ ພ້ອມທັງສະເໜີໃຫ້ບັນດາຫົວໜ້າຄະນະໂຄສະນາອົບຮົມເມືອງ-ນະຄອນໄດ້ປະກອບຄໍາເຫັນຕໍ່ຮ່າງບົດສະຫຼຸບ ແລະ ທິດທາງແຜນການຕໍ່ຮ່າງແຜນຍຸດທະສາດ ເພື່ອຖອດຖ້ອນບົດຮຽນດ້ານວິຊາການເຊິ່ງກັນ ແລະ ກັນ.
ໃນຕອນທ້າຍປະທານກອງປະຊຸມກໍ່ໄດ້ມີຄໍາເຫັນ ແລະ ໂອ້ລົ້ມ ໃນການຕີລາຄາຄືນ, ຫມາກຜົນ-ຜົນງານໃນໄລຍະຫນຶ່ງປີຜ່ານມາເຫັນໄດ້ວ່າ: ຄະນະໂຄສະນາອົບຮົມແຂວງ ໄດ້ມີຜົນສໍາເລັດທີ່ໂດດເດັ່ນໃນຫຼາຍດ້ານໃນການເປັນເສນາທິການ ດ້ານການເມືອງ-ແນວຄິດໃຫ້ແກ່ຄະນະບໍລິຫານງານພັກແຂວງ, ຄະນະປະຈໍາພັກແຂວງ ແລະ ການປະສານງານວຽກງານໃຫ້ແກ່ຄະນະພັກ. ພ້ອມກັນນັ້ນ ຍົກສູງຄວາມສາມາດນໍາພາຂອງພັກເປັນຫນຶ່ງໃນຫນ້າທີ່ໃຈກາງ, ຄະນະໂຄສະນາອົບຮົມແຂວງ ໃນຖານະເປັນເສນາທິການໂດຍກົງດ້ານວຽກງານການເມືອງ-ແນວຄິດ ຈະຕ້ອງໄດ້ເພີ່ມທະວີຄວາມ ຂໍ້ແຂງໃນທຸກດ້ານ ເພື່ອຕອບສະຫນອງຄວາມຮຽກຮ້ອງຕ້ອງການໃນການນໍາພາ-ຊີ້ນໍາຂອງການນໍາແຂວງ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XII ຂອງພັກ ແລະ ມະຕິກອງປະຊຸມຂັ້ນຕ່າງໆຂອງແຂວງໃຫ້ປະກົດຜົນເປັນຈິງ.
Bài viết ກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານໂຄສະນາອົບຮົມ ປະຈໍາປີ 2025 ແລະ ທິດທາງແຜນການວຽກງານຈຸດສຸມປີ 2026 đã xuất hiện đầu tiên vào ngày .
]]>