ຕອນເຊົ້າວັນທີ 10 ມີຖຸນາ 2026 ນີ້, ຢູ່ທີ່ຄະນະໂຄສະນາອົບຮົມແຂວງຈຳປາສັກ ໄດ້ຈັດຊຸດຝຶກອົບຮົມເພື່ອສ້າງຄວາມເຂັ້ມແຂງກ່ຽວກັບຫຼັກການເວົ້າທີ່ດີ, ວຽກພິທີການ ແລະ ມາລະຍາດທາງສັງຄົມ ໃຫ້ແກ່ພະນັກງານ-ລັດຖະກອນ ພາຍໃນກົມກອງຂອງຕົນ. ໂດຍການໃຫ້ກຽດເຂົ້າຮ່ວມ ແລະ ເປັນປະທານຂອງ ທ່ານ ນາງ ສຸກສົມພອນ ພົນອາສາ ຮອງຫົວໜ້າຄະນະໂຄສະນາອົບຮົມແຂວງຈຳປາສັກ; ມີບັນດາຫົວໜ້າ, ຮອງຫົວໜ້າຂະແໜງການ, ຫ້ອງການ ພ້ອມດ້ວຍສະມາຊິກ 3 ອົງການຈັດຕັ້ງມະຫາຊົນ (ຊາວໜຸ່ມ, ສະຫະພັນແມ່ຍິງ, ກໍາມະບານ) ເຂົ້າຮ່ວມຢ່າງພ້ອມພຽງ.

ໃນພິທີ, ທ່ານ ນາງ ສຸກສົມພອນ ພົນອາສາ ຮອງຫົວໜ້າຄະນະໂຄສະນາອົບຮົມແຂວງ ໄດ້ກ່າວເປີດຊຸດຝຶກອົບຮົມຢ່າງເປັນທາງການ ເຊິ່ງທ່ານໄດ້ເນັ້ນໜັກວ່າ: ຈຸດປະສົງຂອງການຈັດຊຸດຝຶກອົບຮົມໃນຄັ້ງນີ້ ແມ່ນເພື່ອແນໃສ່ໃຫ້ຜູ້ເຂົ້າຮ່ວມໄດ້ຝຶກຝົນຫຼໍ່ຫຼອມ ແລະ ຮຽນຮູ້ກ່ຽວກັບຫຼັກການເວົ້າ, ສາມາດນຳໄປຜັນຂະຫຍາຍໃຫ້ກາຍເປັນຜູ້ເວົ້າທີ່ດີ, ມີຄຸນນະພາບ, ມີຄວາມຈະແຈ້ງ ແລະ ຊັດເຈນໃນທຸກຖ້ອຍຄຳ. ສາມາດສ້າງຄວາມດຶງດູດ ແລະ ຄວາມສົນໃຈໃຫ້ແກ່ຜູ້ຟັງ ເຊິ່ງມີຄວາມສຳຄັນເປັນຢ່າງຍິ່ງ ໂດຍສະເພາະແມ່ນຜູ້ທີ່ເຮັດໜ້າທີ່ວຽກງານສື່ມວນຊົນ, ວຽກງານປະຖະກະຖາ ກໍຄືການປະສານງານ ແລະ ການປາກເວົ້າທົ່ວໄປ ທັງໃນທາງການ ແລະ ບໍ່ເປັນທາງການ. ນອກຈາກນີ້, ຍັງເປັນການສ້າງໂອກາດໃຫ້ພະນັກງານ, ເອື້ອຍນ້ອງສະມາຊິກ 3 ອົງການຈັດຕັ້ງມະຫາຊົນ ໄດ້ພົບປະແລກປ່ຽນບົດຮຽນ, ສ້າງຄວາມສະໜິດສະໜົມ ແລະ ຮັດແໜ້ນຄວາມສາມັກຄີພາຍໃນຮາກຖານໃຫ້ມີຄວາມແໜ້ນແຟ້ນຍິ່ງໆຂຶ້ນ.

#ສຳລັບເນື້ອໃນບົດຮຽນທີ່ນຳມາບັນຍາຍໃນການຝຶກອົບຮົມຄັ້ງນີ້ ປະກອບມີຫຼາຍຫົວຂໍ້ທີ່ສຳຄັນ ເປັນຕົ້ນແມ່ນ: ຄວາມໝາຍຄວາມສຳຄັນຂອງການເວົ້າ, ຫຼັກການ ແລະ ເຕັກນິກການເວົ້າທີ່ດີ, ຂັ້ນຕອນການກຽມຕົວ ແລະ ການເວົ້າໃນທີ່ຊຸມຊົນ. ນອກຈາກນັ້ນ, ຜູ້ເຂົ້າຮ່ວມຍັງໄດ້ຮຽນຮູ້ກ່ຽວກັບວຽກງານພິທີການ ແລະ ມາລະຍາດທາງສັງຄົມຕື່ມອີກ ເຊິ່ງໃຫ້ກຽດຂຶ້ນບັນລະຍາຍໂດຍ ທ່ານ ນາງ ສຸກສົມພອນ ພົນອາສາ ຮອງຫົວໜ້າຄະນະໂຄສະນາອົບຮົມແຂວງຈຳປາສັກ.

Bài viết ຄະນະໂຄສະນາອົບຮົມແຂວງຈຳປາສັກ ຈັດຊຸດຝຶກອົບຮົມກ່ຽວກັບຫຼັກການເວົ້າທີ່ດີ, ວຽກພິທີການ ແລະ ມາລະຍາດທາງສັງຄົມ đã xuất hiện đầu tiên vào ngày .

                ຄະນະໂຄສະນາອົບຮົມແຂວງ ໄດ້ສໍາເລັດຊຸດຝຶກອົບຮົມໃຫ້ແກ່ເປົ້າໝາຍຂະຫຍາຍເຂົ້າເປັນສະມາຊິກ ພັກປະຊາຊົນ ປະຕິວັດລາວ ຊຸດທີ IV ປະຈໍາປີ 2025, ພາຍໃຕ້ການເປັນປະທານຂອງ ສະຫາຍ ປະດິດ ວັນນະລັດສະໝີ ຄະນະປະຈໍາພັກແຂວງຫົວໜ້າຄະນະໂຄສະນາອົບຮົມແຂວງ, ມີສະຫາຍຄະນະພັກຮາກຖານ, ຄະນະໜ່ວຍພັກຮາກຖານ, ບັນດາສະຫາຍຄະນະຮັບຜິດຊອບຊຸດຝຶກອົບຮົມ ແລະ ນັກສໍາມະນາກອນເຂົ້າຮ່ວມຢ່າງພ້ອມພຽງ, ການຝຶກອົບຮົມໃນຄັ້ງນີ້ ໄດ້ຈັດຂຶ້ນທີ່ຫ້ອງປະຊຸມສະຖານີວິທະຍຸກະຈຽງສຽງແຂວງຈໍາປາສັກ ແລະ ໄດ້ດໍາເນີນເປັນເວລາ 2 ວັນ ນັບແຕ່ວັນທີ 18-19 ທັນວາ 2025 ຈຶ່ງໄດ້ສໍາເລັດລົງຢ່າງຈົບງາມ.

            ສະຫາຍ ສົມພອນ ວິໄລສົມ ຫົວໜ້າຂະແໜງອົບຮົມ ໃນນາມຄະນະຮັບຜິດຊອບຊຸດອົບຮົມ ໄດ້ສະຫຼຸບໃຫ້ຮູ້ວ່າ: ຈຸດປະສົງຂອງຊຸດອົບຮົມ ແມ່ນເພື່ອເຮັດໃຫ້ມະຫາຊົນຜູ້ທີ່ຈະຂະຫຍາຍເຂົ້າເປັນສະມາຊິກພັກ ຮັບຮູ້, ເຂົ້າໃຈກ່ຽວກັບປະຫວັດ, ຄວາມເປັນມາ, ອຸດົມການ ແລະ ທາດແທ້ຂອງພັກປະຊາຊົນປະຕິວັດລາວ; ເຂົ້າໃຈກ່ຽວກັບມາດຕະຖານ, ເງື່ອນໄຂມະຫາຊົນຜູ້ທີ່ຈະເຂົ້າເປັນສະມາຊິກພັກ, ຜົນປະໂຫຍດທີ່ສະມາຊິກພັກໄດ້ຮັບ ແລະ ເມື່ອໄດ້ເຂົ້າເປັນສະມາຊິກພັກປະຊາຊົນປະຕິວັດລາວແລ້ວ ຈະປົກປ້ອງບົດບາດ, ກຽດສັກສີຂອງພັກຄືແນວໃດ; ບົນພື້ນຖານຄວາມຮັບຮູ້, ເຂົ້າໃຈດັ່ງກ່າວ ເຮັດໃຫ້ມະຫາຊົນຜູ້ທີ່ຈະເຂົ້າເປັນສະມາຊິກພັກ ຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ມີມາດຕະຖານ, ເງື່ອນໄຂຄົບຖ້ວນ ແລະ ມີຄວາມຕື່ນຕົວສະໝັກໃຈເຂົ້າເປັນສະມາ ຊິກພັກປະຊາຊົນປະຕິວັດລາວ ເພື່ອເພີ່ມກໍາລັງແຮງສູ້ຮົບໃຫ້ແກ່ພັກນັບມື້ຫຼາຍຂຶ້ນ; ເຊິ່ງບັນດານັກສໍາມະນາກອນ ໄດ້ພ້ອມກັນຄົ້ນຄວ້າ ເຖິງບັນຫາພື້ນຖານທາງດ້ານທິດສະດີ ທີ່ປະກອບດ້ວຍບັນດາເນື້ອໃນເອກະສານສໍາຄັນໃນ 13 ຫົວຂໍ້ຄໍາຖາມ ແລະ 13 ຫົວຂໍ້ຄໍາຕອບຄື:1. ພັກການເມືອງແມ່ນຫຍັງ ແລະ ເປັນຫຍັງຈຶ່ງມີພັກການເມືອງ? 2. ພັກປະຊາຊົນ ປະຕິວັດລາວ ໄດ້ຮັບການສ້າງຕັ້ງຂຶ້ນແນວໃດ? 3. ພັກປະຊາຊົນ ປະຕິວັດລາວ ແມ່ນພັກແນວໃດ?. 4. ພັກປະຊາຊົນ ປະຕິວັດລາວ ຈັດຕັ້ງຕາມຫຼັກການອັນໃດແດ່?. 5. ພັກປະຊາຊົນ ປະຕິວັດລາວ ມີລະບົບສາຍໃຍການຈັດຕັ້ງຄືແນວໃດ?. 6. ພັກປະຊາຊົນ ປະຕິວັດລາວ ປະກອບດ້ວຍບຸກຄົນຄືແນວໃດແດ່?. 7. ພັກປະຊາຊົນ ປະຕິວັດລາວ ມີວັດຖຸປະສົງ ແລະ ອຸດົມການຄືແນວໃດ? 8. ພັກປະຊາຊົນ ປະຕິວັດລາວ ມີທາດແທ້ແນວໃດ? 9. ມາດຕະຖານ ແລະ ເງື່ອນໄຂຂອງສະມາຊິກພັກ ແລະ ເງື່ອນໄຂມະຫາຊົນທີ່ຈະ ຂະຫຍາຍເຂົ້າເປັນສະມາຊິກພັກ ປະຊາຊົນ ປະຕິວັດລາວ ມີແນວໃດ? 10. ສະມາຊິກພັກມີໜ້າທີ່, ພັນທະ ແລະ ມີຜົນປະໂຫຍດຫຍັງແດ່? 11. ຂໍ້ຫ້າມສໍາລັບສະມາຊິກພັກປະຊາຊົນ ປະຕິວັດລາວມີຫຍັງແດ່? 12. ເຂົ້າເປັນສະມາຊິກພັກ ປະຊາຊົນ ປະຕິວັດລາວ ເພື່ອຫຍັງ? 13. ຖ້າໄດ້ເຂົ້າເປັນສະມາຊິກພັກ ປະຊາຊົນ ປະຕິວັດລາວ ແລ້ວຈະປົກປ້ອງບົດບາດ, ກຽດ ສັກສີຂອງພັກເຮົາຄືແນວໃດ?; ບັນດາສະຫາຍຄູ-ອາຈານ ທີ່ຂຶ້ນຫ້ອງບັນລະຍາຍເອກະສານແມ່ນມາຈາກ ຄະນະໂຄສະນາອົບຮົມແຂວງທັງໝົດ, ການບັນລະຍາຍເອກະສານສ່ວນໃຫຍ່ ແມ່ນໄດ້ເນັ້ນໜັກໃສ່ບັນດາເນື້ອໃນພື້ນຖານ ພ້ອມທັງອະທິບາຍສົມທຽບໃສ່ພຶດຕິກຳ ແລະ ທິດສະດີເພື່ອເຮັດໃຫ້ ບັນດາສະຫາຍນັກສໍາມະນາກອນເຂົ້າໃຈຈະແຈ້ງ, ເຊິ່ງເປົ້າໝາຍທີ່ໄດ້ຮັບການອະນຸມັດເຂົ້າຝຶກອົບຮົມໃນຄັ້ງນີ້ມີຈໍານວນທັງໝົດ 33 ສະຫາຍ, ຍິງ 14 ສະຫາຍ ມາຈາກ 04 ຮາກຖານ 05 ໜ່ວຍພັກຮາກຖານທີ່ຂື້ນກັບ, ອາຍຸກະສຽນຂອງຜູ້ເຂົ້າຝຶກອົບຮົມໃນຄັ້ງນີ້ຕໍ່າສຸດ 28 ປີ, ສູງສຸດ 51, ປີ ລະດັບດ້ານວິຊາສະເພາະຕໍ່າສຸດ ຊັ້ນສູງ ແລະ ສູງສຸດປະລິນຍາໂທ; ຜ່ານການຄົ້ນຄວ້າ-ຮໍ່າຮຽນມາເປັນເວລາ 02 ວັນ ທາງຄະນະຮັບຜິດຊອບຊຸດອົບຮົມ ສາມາດຕີລາຄາປະເມີນຄວາມຮັບຮູ້ເຂົ້າໃຈຂອງນັກຝຶກອົບຮົມໄດ້ປະມານ 95% ແລະ ສາມາດໄດ້ຮັບໃບຢັ້ງຢືນທັງໝົດ 33 ສະຫາຍ, ຍິງ 14 ສະຫາຍ.

            ນະໂອກາດສໍາຄັນນີ້, ສະຫາຍ. ປະດິດ ວັນນະລັດສະໝີ ຫົວໜ້າຄະນະໂຄສະນາອົບຮົມແຂວງ ປະທານກອງປະຊຸມ ໄດ້ມີຄໍາເຫັນຊີ້ນໍາຕໍ່ຊຸດຝຶກອົບຮົມ ວ່າ: ຜົນສໍາເລັດລັ່ນຝືກອົບຮົມໃນຄັ້ງນີ້, ຍັກເປັນພຽງແຕ່ຜົນສໍາເລັດໃນຂັ້ນຕົ້ນເທົ່ານັ້ນ ໜ້າທີ່ອັນໜັກໜ່ວງແຕ່ມີກຽດສະວ່າຂອງບັນດາສະຫາຍຍັງຕ້ອງໄດ້ໝຸນໃຊ້ບົດຂຽນທິດສະດີທີ່ໄດ້ຮຽນມາເຂົ້າໃນພາກພຶດຕິກຳໃຫ້ມີຜົນສໍາເລັດທີ່ໃຫຍ່ຫລວງ ແລະ ມີປະສິດທິຜົນສູງ. ຈາກນັ້ນປະທານກໍ່ໄດ້ກ່າວປິດພິທີຢ່າງເປັນທາງການ.

Bài viết ພິທີປິດຊຸດຝຶກອົບຮົມເປົ້າໝາຍຂະຫຍາຍເຂົ້າເປັນສະມາຊິກພັກ ຊຸດທີ IV ປະຈໍາປີ 2025 đã xuất hiện đầu tiên vào ngày .

         ໂດຍໃນກອງປະຊຸມ ໄດ້ມີການຜ່ານບົດສະຫຼຸບການຈັ້ດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ຂອງສະມາຊິກກໍາມະບານປະຈໍາປີ 2025 ເຊິ່ງໄດ້ຍົກໃຫ້ເຫັນດ້ານດີທີ່ຕັ້ງໜ້າ, ດ້ານອ່ອນຂໍ້ຄົງຄ້າງ, ບາບົດຮຽນທີ່ຖອດຖອນໄດ້ ແລະ ກໍານົດທິດທາງແຜນການໃນການຈັດຕັ້ງປະຕິບັດໃນປີຕໍ່ໜ້າ; ຈາກນັ້ນ, ບັນດາສະຫາຍສະມາຊິກພາຍໃນໜ່ວຍ ກໍໄດ້ ຜ່ານໃບປະເມີນ ແລະ ປະກອບຄຳຄິດຄຳເຫັນ, ຕຳນິສົ່ງຂ່າວ ຊ່ວຍເຫຼືອກໍ່ສ້າງ ເຊິ່ງກັນ ແລະ ກັນ ຢ່າງມີບັນຍາເກີດຟົດຟື້ນ.
ໃນໂອກາດນີ້, ສະຫາຍ ບົວສອນ ວົງຫາຈັກ ເລຂາໜ່ວຍພັກຮາກຖານ ກໍໄດ້ມີຄໍາເຫັນໂອ້ລົມ ແລະ ຊີ້ນໍາ ຕໍ່ສະມາຊິກກໍາມະບານ ເພື່ອເປັນທິດທາງໃນການສືບຕໍ່ຈັດຕັ້ງປະຕິບັດວຽກງານກໍາມະບານ ກໍ່ຄືວຽກງານວິຊາສະເພາະຂອງຕົນ ໃນຕໍ່ໜ້າ; ເຊິ່ງສະຫາຍໄດ້ເນັ້ນໜັກບາງບັນຫາສໍາຄັນດັ່ງນີ້:
– ເອົາໃຈໃສຮ່ວມຊີວິດພາຍໃນໜ່ວຍຢ່າງເປັນປະຈໍາ, ຕິດພັນກັບການເກັບເງິນສະຕິ ແລະ ສະຫຼຸບສັງລວມຢ່າງລະອຽດໃນແຕ່ລະເດືອນ.
– ສະມາຊິກທຸກສະຫາຍ ຕ້ອງເພີ່ມທະວີການຍົກລະດັບຄວາມຮູ້, ຄວາມສາມາດຂອງຕົນໃນທຸກໆດ້ານ ເພື່ອເຮັດໃຫ້ການຈັດຕັ້ງປະຕິບັດວຽກງານມີປະສິດທິພາບສູງ ຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນປັດຈຸບັນ.
– ຕັ້ງໜ້າປະຕິບັດກົດລະບຽບຂອງສໍານັກງານ ແລະ ຂອງອົງການຈັດຕັ້ງ ດ້ວຍຄວາມຮັບຜິດຊອບສູງ.

Bài viết ໜ່ວຍກໍາມະບານຮາກຖານ ສໍາເລັດປະເມີນການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ປະຈໍາປີ 2025 đã xuất hiện đầu tiên vào ngày .

         ໃນວັນທີ 28 ຕຸລາ 2025 ອົງການຈັດຕັ້ງມະຫາຊົນ ສະຫະພັນແມ່ຍິງ ແລະ ຊາວໜຸ່ມ ຄະນະໂຄສະນາອົບຮົມແຂວງ ຈັດກອງປະຊຸມປະເມີນຂໍ້ແຂ່ງຂັນຂອງຕົນ ປະຈໍາປີ 2025, ໂດຍການເຂົ້າຮ່ວມເປັນປະທານຂອງ ສະຫາຍ ນາງ ພອນທິບ ແກ້ວປະເສິດ ປະທານກວດກາໜ່ວຍພັກຮາກຖານຄະນະໂຄສະນາອົບຮົມແຂວງ, ມີບັນດາສະຫາຍຄະນະປະທານໜ່ວຍສະຫະພັນແມ່ຍິງ, ບັນດາສະຫາຍໃນຄະນະໜ່ວຍຊາວໜຸ່ມ ແລະ ສະມາຊິກຂອງຕົນເຂົ້າຮ່ວມຢ່າງພ້ອມພຽງ;

        ໂດຍໃນກອງປະຊຸມ ໄດ້ມີການຜ່ານບົດສະຫຼຸບການຈັ້ດຕັ້ງປະຕິບັດຂໍ້ແຂ່ງຂັນ ປະຈໍາປີ 2025 ເຊິ່ງໄດ້ຍົກໃຫ້ເຫັນດ້ານດີທີ່ຕັ້ງໜ້າ, ດ້ານອ່ອນຂໍ້ຄົງຄ້າງ, ບາງບົດຮຽນທີ່ຖອດຖອນໄດ້ ແລະ ກໍານົດທິດທາງແຜນການໃນການຈັດຕັ້ງປະຕິບັດໃນປີຕໍ່ໜ້າ; ຈາກນັ້ນ, ບັນດາສະຫາຍສະມາຊິກພາຍໃນໜ່ວຍ ກໍໄດ້ປະກອບຄຳຄິດຄຳເຫັນ ເພື່ອປັບປຸງເນື້ອໃນບົດສະຫຼຸບ, ຜ່ານໃບປະເມີນ, ຕຳນິສົ່ງຂ່າວ ຊ່ວຍເຫຼືອກໍ່ສ້າງ ເຊິ່ງກັນ ແລະ ກັນ; ພ້ອມທັງເອກະພາບກັນໃຫ້ຄະແນນ ຈັດປະເພດແກ່ສະມາຊິກແຕ່ລະສະຫາຍ ຢ່າງມີບັນຍາເກີດຟົດຟື້ນ.

        ໃນຕອນທ້າຍ ສະຫາຍ ນາງ ພອນທິບ ແກ້ວປະເສິດ ປະທານກວດກາໜ່ວຍພັກຮາກຖານຄະນະໂຄສະນາອົບຮົມແຂວງ ກໍໄດ້ມີຄໍາເຫັນໂອ້ລົມ ແລະ ຊີ້ນໍາ ຕໍ່ສະມາຊິກຂອງສອງອົງການຈັດຕັ້ງມະຫາຊົນດັ່ງກ່າວ ເພື່ອເປັນທິດທາງໃນການຈັດຕັ້ງປະຕິບັດຂໍ້ແຂງ ກໍ່ຄືວຽກງານວິຊາສະເພາະຂອງຕົນ ໃນຕໍ່ໜ້າ.

Bài viết ອົງການຈັດຕັ້ງສະຫະພັນແມ່ຍິງ ແລະ ຊາວໜຸ່ມ ປະເມີນການຈັດຕັ້ງປະຕິບັດຂໍ້ແຂ່ງຂັນ 3 ດີ, 4 ບຸກ ປະຈໍາປີ 2025 đã xuất hiện đầu tiên vào ngày .

           ໃນວັນທີ 13 ສິງຫາ 2025 ນີ້, ຄະນະປະທານບໍລິຫານງານສະຫະພັນກຳມະບານແຂວງ ເຊີ່ງນຳໂດຍ ທ່ານ ສອນສະຫັວນ ສີວິໄລ ກຳມະການພັກແຂວງ ປະທານຄະນະບໍລິຫານງານສະຫະພັນກຳມະບານແຂວງ ໄດ້ເຂົ້າພົບ ແລະ ມອບຫຼຽນກາກຳມະບານລາວ ທີ່ເປັນຫຼຽນກາສູງສຸດຂອງສະຫະພັນກຳມະບານລາວ ແດ່ທ່ານ ປອ ສຸປານີ ສິລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງຈຳປາສັກ ໃນຜົນງານການປະກອບສ່ວນເຂົ້າໃນວຽກງານກຳມະບານ ສະໄໝທີ VIII.

Bài viết ຫົວໜ້າຄະນະໂຄສະນາອົບຮົມແຂວງຈຳປາສັກ ໄດ້ຮັບຫຼຽນກາສູງສຸດຂອງກຳມະບານລາວ đã xuất hiện đầu tiên vào ngày .