ວັນທີ 6 ເມສາ 2026, ທີ່ຄະນະໂຄສະນາອົບຮົມແຂວງ (ສຳນັກງານສະຖານີວິທະຍຸແຂວງຈຳປາສັກ) ຫ້ອງການຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ, ໃນນາມເປັນຜູ້ຄຸ້ມຄອງ ວັດຖຸຸຸຊັບສິນຂອງຂະແໜງການ ແກ້ໄຂບັນຫາ ລູກລະເບີດບໍ່ທັນແຈກ ລບຕ ໄດ້ມອບຄອມພິວເຕີ ຕັ້ງໂຕະ ທີ່ສິ້ນ ສຸດໂຄງການ (ອົງການເກັບກູ້ລະເບີດ ຮາໂລ ຫຼາດສ), ຍີ່ຫໍ້ ເລນໂນໂວ Lenovo, ຈໍານວນ 02 ຊຸດ ໃຫ້ແກ່ ວິທະຍຸກະຈາຍສຽງ ແຂວງຈຳປາສັກ ເພື່ອນໍາໃຊ້ ໃນວຽກງານ ໂຄສະນາ ການແກ້ໄຂບັນຫາລູກລະເບີດບໍ່ທັນແຕກ ຢູ່ຈຳປາສັກ.ລວມມູນຄ່າ: 60 ລ້ານກີບ. ເປັນກຽດມອບຂອງທ່ານ ບຸນເພັງ ສີສະຫວັດ ຫົວໜ້າຫ້ອງການຄະນະກຳມະການຄຸ້ມຄອງແຫ່ງຊາດ ເພື່ອແກ້ບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ, ເປັນກຽດຮັບໂດຍ ທ່ານ ປະດິດ ວັນນະລັດສະໝີ ຄະນະປະຈຳພັກແຂວງຫົວໜ້າຄະນະໂຄສະນາອົບຮົມແຂວງຈຳປາສັກ.ມີຄະນະໂຄສະນາອົບຮົມແຂວງ,ຫົວໜ້າຂະແໜງສື່ມວນຊົນ,ຄະນະຮັບຜິດຊອບໂຄງການໂຄສະນາ ການແກ້ໄຂບັນຫາລູກລະເບີດບໍ່ທັນແຕກ ລບຕ ປະຈຳແຂວງຈຳປາສັກ ພ້ອມວິຊາການກ່ຽວຂ້ອງເຂົ້າຮ່ວມ.

         ຈຸດປະສົງການມອບຄອມພິວເຕີໃນຄັ້ງນີ້,ເພື່ອອຳນວຍຄວາມສະດວກ ແລະ ເພີ່ມປະສິດທິພາບໃນວຽກງານໂຄສະນາ ໃນການແກ້ໄຂບັນຫາລູກລະເບີດບໍ່ທັນແຕກຢູ່ ແຂວງ ຈຳປາສັກໃຫ້ສູງຂື້ນມມີ ອຸປະກອນທີ່ຈຳເປັນຮັບໃຊ້ເຂົ້າໃນໜ້າທີ່ວຽກງານໃຫ້ພຽງພໍເໝາະສົມກັບຄວາມຮຽກຮ້ອງຕ້ອງການ.

ຂ່າວ,ພາບ:ເກດສະໜາ.

Bài viết ມອບຄອມພິວເຕີ ຕັ້ງໂຕະ 02 ຊຸດ ເພື່ອຊຸກຍູ້ນໍາວຽກງານ ໂຄສະນາ ໃນການແກ້ໄຂບັນຫາລູກລະເບີດບໍ່ທັນແຕກຢູ່ແຂວງຈຳປາສັກ . đã xuất hiện đầu tiên vào ngày .

ໃນຕອນເຊົ້າວັນທີ 30 ມີນາ 2026 ນີ້, ທີ່ບ້ານສຳຫຼຽງ ເມືອງສຸຂຸມາ ແຂວງຈຳປາສັກ ໄດ້ຈັດພິທີປະກາດສ້າງຕັ້ງ “ຕາແສງສຳຫຼຽງ” ຢ່າງເປັນທາງການ ເພື່ອແນໃສ່ປັບປຸງກົງຈັກການຈັດຕັ້ງ ແລະ ຍົກລະດັບປະສິດທິພາບການຄຸ້ມຄອງບໍລິຫານລັດຢູ່ຮາກຖານໃຫ້ມີຄວາມເຂັ້ມແຂງໜັກແໜ້ນ.
​ໃຫ້ກຽດເຂົ້າຮ່ວມໃນພິທີໂດຍ ສະຫາຍ ປະດິດ ວັນນະລັດສະໝີ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງຈຳປາສັກ; ສະຫາຍ ປອ ຄຳໄຕ ແກ້ວປະເສີດ ກຳມະການພັກແຂວງ, ເລຂາຄະນະບໍລິຫານງານພັກເມືອງສຸຂຸມາ; ມີບັນດາສະຫາຍຮອງເລຂາພັກເມືອງ, ຄະນະປະຈຳພັກເມືອງ, ກຳມະການພັກເມືອງ, ພ້ອມດ້ວຍການນຳແຂວງ-ເມືອງ ແລະ ແຂກທີ່ຖືກເຊີນເຂົ້າຮ່ວມຢ່າງພ້ອມພຽງ.

​ໃນພິທີ, ສະຫາຍ ພອນພິລຸນ ນໍລະສິນ ຮອງເລຂາພັກເມືອງ, ປະທານຄະນະກຳມະການປົກຄອງເມືອງສຸຂຸມາ ໄດ້ລາຍງານໃຫ້ຮູ້ວ່າ: ການສ້າງຕັ້ງຕາແສງສຳຫຼຽງໃນຄັ້ງນີ້ ແມ່ນບາດກ້າວສຳຄັນໃນການຫຍັບການບໍລິຫານລັດໃຫ້ໃກ້ຊິດກັບປະຊາຊົນ ເພື່ອຮັບປະກັນການເຄື່ອນໄຫວວຽກງານໃຫ້ມີຄວາມຄ່ອງຕົວ. ຕາແສງສຳຫຼຽງ ປະກອບມີ 9 ບ້ານຂຶ້ນກັບ ຄື: ບ້ານສຳຫຼຽງ, ໂນນແດງໃຕ້, ໂນນເອື້ອງ, ໂນນໂພ, ໂນນຄຸ້ມ, ໃໝ່ແສນສຸກ, ບ້ານແຊ, ນາຈານ ແລະ ບ້ານຜັກຕົບ.
​ສຳລັບກົງຈັກການຈັດຕັ້ງຂອງຕາແສງສຳຫຼຽງ ໄດ້ຖືກກຳນົດຢ່າງລະອຽດ ເພື່ອຮອງຮັບການປະຕິບັດໜ້າທີ່ ດັ່ງນີ້:
#. ​ດ້ານການຈັດຕັ້ງພັກ: ສ້າງຕັ້ງຄະນະພັກຮາກຖານຕາແສງ ເຊິ່ງປະກອບມີ 10 ໜ່ວຍພັກຂຶ້ນກັບ, ມີຄະນະພັກທັງໝົດ 9 ສະຫາຍ (ຄະນະປະຈຳ 3 ສະຫາຍ).
#. ​ດ້ານກົງຈັກບໍລິຫານ: ປະກອບມີ 5 ໜ່ວຍງານວິຊາສະເພາະ ຄື: ໜ່ວຍງານບໍລິຫານ-ປົກຄອງ, ເສດຖະກິດ-ການເງິນ, ວັດທະນະທຳ-ສັງຄົມ, ປກຊ-ປກສ ແລະ ໜ່ວຍງານພັກ-ອົງການຈັດຕັ້ງມະຫາຊົນ, ໂດຍມີພະນັກງານປະຈຳການທັງໝົດ 13 ສະຫາຍ (ຍິງ 2 ສະຫາຍ).
​ພ້ອມນີ້, ໃນພິທີຍັງໄດ້ຜ່ານຂໍ້ຕົກລົງວ່າດ້ວຍການແຕ່ງຕັ້ງບຸກຄະລາກອນຫຼັກແຫຼ່ງ ເພື່ອຊີ້ນຳ-ນຳພາຕາແສງ ດັ່ງນີ້:
​ສະຫາຍ ຄຳເພັດ ດວງສາ (ກຳມະການພັກເມືອງ) ເປັນປະທານຄະນະກຳມະການປົກຄອງຕາແສງສຳຫຼຽງ.
​ສະຫາຍ ບຸນໜາ ຄຳສອນ ເປັນຮອງປະທານ.
​ສະຫາຍ ພັນໂທ ຄຳຫວັນ ຈິດຈະດາ ເປັນຮອງປະທານ.
ນອກຈາກນີ້, ຍັງໄດ້ແຕ່ງຕັ້ງຫົວໜ້າໜ່ວຍງານ ແລະ ພະນັກງານຊ່ວຍວຽກ ເພື່ອປະຈຳການໃນແຕ່ລະຂົງເຂດວຽກງານຢ່າງຄົບຖ້ວນ.

​            ໃນຕອນທ້າຍ, ສະຫາຍ ປະດິດ ວັນນະລັດສະໝີ ໄດ້ໃຫ້ກຽດໂອ້ລົມຊີ້ທິດເຍືອງທາງ ໂດຍເນັ້ນໜັກໃຫ້ຄະນະບໍລິຫານງານຕາແສງຊຸດໃໝ່ ຈົ່ງຍົກສູງຄວາມຮັບຜິດຊອບໃນການຮັບໃຊ້ປະຊາຊົນ, ເພີ່ມທະວີຄວາມສາມັກຄີພາຍໃນໃຫ້ແໜ້ນແຟ້ນ ແລະ ຕັ້ງໜ້າຜັນຂະຫຍາຍແນວທາງນະໂຍບາຍຂອງພັກ-ລັດ ໃຫ້ເຂົ້າເຖິງຮາກຖານປະຊາຊົນຢ່າງທົ່ວເຖິງ. ຈາກນັ້ນ, ຄະນະປະທານໄດ້ຮ່ວມກັນຕັດແຖບຜ້າເປີດປ້າຍຫ້ອງການ ແລະ ລັ່ນຄ້ອງ 9 ບາດ ເພື່ອເປັນສິລິມຸງຄຸນໃຫ້ແກ່ການເລີ່ມຕົ້ນປະຕິບັດວຽກງານຂອງຕາແສງສຳຫຼຽງຢ່າງເປັນທາງການ.

​(ຂ່າວ-ພາບ: ປັນຍາ ແກ້ວພິລົມ)

Bài viết ເມືອງສຸຂຸມາ ປະກາດສ້າງຕັ້ງ “ຕາແສງສຳຫຼຽງ” ຢ່າງເປັນທາງການ ເພື່ອຍົກລະດັບການຄຸ້ມຄອງລັດຢູ່ຮາກຖານໃຫ້ເຂັ້ມແຂງ đã xuất hiện đầu tiên vào ngày .

ພິທີປາຖະກະຖາເນື່ອງໃນວັນສໍາຄັນຂອງພັກ, ຂອງຊາດ ຢູ່ທີ່ພະແນກແຮງງານ ແລະສະຫວັດດີການສັງຄົມ (ຮສສ) ແຂວງຈໍາປາສັກ ຈັດຂຶ້ນໃນວັນທີ 24 ມີນາ 2026 ນີ້, ໃຫ້ກຽດປາຖະກະຂອງທ່ານ ປະດິດ ວັນນະລັດສະໝີ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງຈໍາປາສັກ, ມີທ່ານ ຈັນທະບູນ ສີປະເສີດ ກໍາມະການພັກແຂວງ ຫົວໜ້າພະແນກ ຮສສ ແຂວງ, ມີຄະນະພັກ-ຄະນະນໍາ ແລະ ພະນັກງານພາຍໃນພະແນກ ຮສສ ເຂົ້າຮ່ວມຮັບຟັງ.
#ຈຸດປະສົງຂອງການຈັດພິທີປາຖະກະຖາ ກໍເພື່ອແນໃສ່ໃຫ້ຄະນະພັກ, ຄະນະນໍາ, ສະມາຊິກພັກ, ພະນັກງານຂອງພະແນກ ຮສສ ໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງຕໍ່ເນື້ອໃນວັນສໍາຄັນຕ່າງໆ ຂອງພັກ-ລັດ ເພື່ອນໍາໄປຜັນຂະຫຍາຍເຂົ້າໃນການຈັດຕັ້ງປະຕິບັດວຽກງານແຕ່ລະດ້ານໃຫ້ເກີດປະໂຫຍດສູງສຸດ.

         #ສໍາລັບເອກະສານທີ່ນໍາມາເຜີຍແຜ່ມີຄື: ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 71 ປີ (22 ມີນາ 1955-22 ມີນາ 2026 ), ການຜັນຂະຫາຍເອກະສານກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ, ເອກະສານເຊື່ອມຊຶມ ແລະ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງ, ວັນຄຽດແຄ້ນຂອງປະຊາຊົນລາວ ຄົບຮອບ 80 ປີ (21 ມີນາ 1946-21 ມີນາ 2026).

ຂ່າວ-ພາບ: ຈັນທະວີສັກ

Bài viết ພະແນກແຮງງານ ແລະ ສະຫວັດດີການສັງຄົມ ຈັດພິທີປາຖະກະຖາວັນສໍາຄັນຂອງພັກ, ຂອງຊາດ đã xuất hiện đầu tiên vào ngày .

              ໃນວັນທີ 18 ມີນາ 2026 ນີ້, ເມືອງປະທຸມພອນ ແຂວງຈຳປາສັກ ໄດ້ຈັດພິທີປະກາດສ້າງຕັ້ງ “ຕາແສງບຸ່ນ” ຢ່າງເປັນທາງການ ເຊິ່ງເປັນຕາແສງທີ 3 ຂອງເມືອງ ເພື່ອແນໃສ່ປັບປຸງກົງຈັກການຈັດຕັ້ງ ແລະ ຍົກລະດັບປະສິດທິພາບການຄຸ້ມຄອງບໍລິຫານລັດຢູ່ຮາກຖານໃຫ້ມີຄວາມເຂັ້ມແຂງ.

          ໃຫ້ກຽດເຂົ້າຮ່ວມເປັນປະທານໂດຍ ທ່ານ ປະດິດ ວັນນະລັດສະໝີ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງຈຳປາສັກ ຜູ້ຊີ້ນຳວຽກງານຮອບດ້ານເມືອງປະທຸມພອນ; ມີ ທ່ານ ສົມຈິດ ແພງສະຫວັດ ກຳມະການພັກແຂວງ, ເລຂາຄະນະບໍລິຫານງານພັກເມືອງປະທຸມພອນ; ທ່ານ ກິ່ງແກ້ວ ນະວະພົມ ຮອງເລຂາພັກເມືອງ, ປະທານຄະນະກຳມະການປົກຄອງເມືອງປະທຸມພອນ, ພ້ອມດ້ວຍການນຳແຂວງ-ເມືອງ, ອົງການປົກຄອງບ້ານ ແລະ ພໍ່ແມ່ປະຊາຊົນເຂົ້າຮ່ວມຢ່າງພ້ອມພຽງ.

            ໃນພິທີ, ທ່ານ ກິ່ງແກ້ວ ນະວະພົມ ໄດ້ລາຍງານໃຫ້ຮູ້ວ່າ: ການສ້າງຕັ້ງຕາແສງໃນຄັ້ງນີ້ ແມ່ນປະຕິບັດຕາມລັດຖະທຳມະນູນ ແລະ ກົດໝາຍວ່າດ້ວຍການປົກຄອງທ້ອງຖິ່ນ ສະບັບປັບປຸງ ປີ 2025 ທີ່ກຳນົດໃຫ້ມີການປົກຄອງ 3 ຂັ້ນ (ແຂວງ, ເມືອງ ແລະ ຕາແສງ). ສຳລັບ ຕາແສງບຸ່ນ ມີສຳນັກງານຕັ້ງຢູ່ບ້ານຫ້ວຍແມ່ສັງ (ນຳໃຊ້ຫ້ອງການກຸ່ມບ້ານບຸ່ນເດີມ), ມີເນື້ອທີ່ທັງໝົດ 32.287 ເຮັກຕາ, ປະກອບມີ 8 ບ້ານຂຶ້ນກັບ ຄື: ບ້ານໜອງບົວໃຫຍ່, ໜອງບົວນ້ອຍ, ຫ້ວຍແມ່ສັງ, ປຸ່ນໃໝ່, ພອງເພາະ, ທ່າກວາງ, ປາອາວ ແລະ ບ້ານຫ້ວຍຍາງ. ມີພົນລະເມືອງທັງໝົດ 9.822 ຄົນ, ຍິງ 4.780 ຄົນ.

​ກົງຈັກການຈັດຕັ້ງຂອງຕາແສງບຸ່ນ ໄດ້ຖືກກຳນົດຢ່າງລະອຽດ ດັ່ງນີ້:
# .​ດ້ານການຈັດຕັ້ງພັກ: ສ້າງຕັ້ງຄະນະພັກຮາກຖານຕາແສງ ມີ 16 ໜ່ວຍພັກຂຶ້ນກັບ, ປະກອບມີຄະນະພັກ 9 ສະຫາຍ (ຄະນະປະຈຳ 3 ສະຫາຍ).
#. ​ດ້ານກົງຈັກບໍລິຫານ: ມີ 5 ໜ່ວຍງານວິຊາສະເພາະ ຄື: ບໍລິຫານ-ປົກຄອງ, ເສດຖະກິດ-ການເງິນ, ວັດທະນະທຳ-ສັງຄົມ, ປກຊ-ປກສ ແລະ ພັກ-ອົງການຈັດຕັ້ງມະຫາຊົນ, ໂດຍມີພະນັກງານສັງກັດລັດປະຈຳການທັງໝົດ 14 ທ່ານ.
​ພ້ອມນີ້, ໃນພິທີຍັງໄດ້ຜ່ານຂໍ້ຕົກລົງແຕ່ງຕັ້ງບຸກຄະລາກອນຫຼັກແຫຼ່ງ ປະກອບມີ: ທ່ານ ສີທະນົນໄຊ ສີສະຫວ່າງວົງ (ກຳມະການພັກເມືອງ) ເປັນປະທານຄະນະກຳມະການປົກຄອງຕາແສງບຸ່ນ, ທ່ານ ເພັດອຸດອນ ບຸດຕະວົງ ແລະ ທ່ານ ພອນເງິນ ກິດຕິຍະລາດ ເປັນຮອງປະທານ.
​ໃນຕອນທ້າຍ, ທ່ານ ປະດິດ ວັນນະລັດສະໝີ ໄດ້ໃຫ້ກຽດໂອລົມໂດຍເນັ້ນໜັກໃຫ້ຄະນະບໍລິຫານງານຕາແສງຊຸດໃໝ່ ຈົ່ງຍົກສູງຄວາມຮັບຜິດຊອບໃນການຮັບໃຊ້ປະຊາຊົນ, ເພີ່ມທະວີຄວາມສາມັກຄີພາຍໃນ ແລະ ຜັນຂະຫຍາຍແນວທາງນະໂຍບາຍຂອງພັກ-ລັດ ໃຫ້ເຂົ້າເຖິງຮາກຖານຢ່າງທົ່ວເຖິງ. ຈາກນັ້ນ, ຄະນະປະທານໄດ້ຮ່ວມກັນຕັດແຖບຜ້າເປີດປ້າຍຫ້ອງການຢ່າງເປັນທາງການ ແລະ ລັ່ນຄ້ອງ 9 ບາດ ເພື່ອເປັນສິລິມຸງຄຸນໃນການເລີ່ມຕົ້ນປະຕິບັດງານຂອງຕາແສງບຸ່ນຢ່າງເປັນທາງການ.

​(ພາບ-ຂ່າວ: ສີສົມບູນ ວົງວຽງຄຳ)

Bài viết ເມືອງປະທຸມພອນ ປະກາດສ້າງຕັ້ງ “ຕາແສງບຸ່ນ” ຢ່າງເປັນທາງການ ເພື່ອຍົກລະດັບການຄຸ້ມຄອງລັດ-ສັງຄົມ đã xuất hiện đầu tiên vào ngày .

          ໃນວັນທີ 20 ມິນາ 2026, ເມືອງປະທຸມພອນ ແຂວງຈຳປາສັກ ໄດ້ຈັດພິທີປະກາດສ້າງຕັ້ງ “ຕາແສງນ້ຳອ້ອມ” ຢ່າງເປັນທາງການ ເພື່ອແນໃສ່ປັບປຸງກົງຈັກການຈັດຕັ້ງ ແລະ ຍົກລະດັບປະສິດທິພາບການຄຸ້ມຄອງບໍລິຫານລັດໃຫ້ມີຄວາມເຂັ້ມແຂງ.
ພິທີດັ່ງກ່າວໄດ້ຈັດຂຶ້ນໂດຍການໃຫ້ກຽດເຂົ້າຮ່ວມເປັນປະທານ ຂອງ ທ່ານ ປະດິດ ວັນນະລັດສະໝີ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງຈຳປາສັກ (ຜູ້ຊີ້ນຳວຽກງານຮອບດ້ານຂອງເມືອງປະທຸມພອນ), ທ່ານ ສົມຈິດ ແພງສະຫວັດ ກຳມະການພັກແຂວງ ເລຂາຄະນະບໍລິຫານງານພັກເມືອງ, ທ່ານ ກິ່ງແກ້ວ ນະວະພົມ ຮອງເລຂາຄະນະບໍລິຫານງານພັກເມືອງ ປະທານຄະນະກຳມະການປົກຄອງເມືອງ ພ້ອມດ້ວຍການນຳຂອງແຂວງ–ເມືອງ, ມີບັນດາອົງການປົກຄອງບ້ານ, ແຂກຖືກເຊີນ ແລະ ປະຊາຊົນ ເຂົ້າຮ່ວມ.

       ໃນໂອກາດນີ້ ທ່ານ ກິ່ງແກ້ວ ນະວະພົມ ຮອງເລຂາຄະນະບໍລິຫານງານພັກເມືອງ ປະທານຄະນະກຳມະການປົກຄອງເມືອງ ໄດ້ລາຍງານການກະກຽມຄວາມພ້ອມ ເຊີ່ງໃຫ້ຮູ້ວ່າ: ຕາແສງນໍ້າອ້ອມ, ເມືອງປະທຸມພອນ ມີທີ່ຕັ້ງສຳນັກງານຢູ່ບ້ານນໍ້າອ້ອມ ໂດຍນໍາໃຊ້ຫ້ອງການຈຸດສຸມ ນໍ້າອ້ອມ ເປັນບ່ອນປະຈຳການ ແລະ ເຮັດວຽກຂອງອົງການປົກຄອງຕາແສງ ການສ້າງຕັ້ງຕາແສງກໍ່ເພື່ອການຈັດລະບົບບໍລິຫານລັດ ແລະ ການປົກຄອງຂອງລັດໃຫ້ເປັນການບໍລິຫານລັດ ໂດຍແມ່ນພະນັກງານສັງກັດລັດ, ເປັນຜູ້ບໍລິຫານໂດຍກົງ, ການບໍລິຫານລັດ ແລະ ການປົກຄອງໂດຍລວມແລ້ວ ແມ່ນປະຕິບັດຕາມທິດຂອງພັກ ແລະ ລັດຖະບານ ທີ່ສະມາຊິກສະພາແຫ່ງ ຊາດໄດ້ຮັບຮອງເອົາ, ລັດຖະທຳມະນູນສະບັບປັບປຸງ ປີ 2025 ແລະ ກົດໝາຍການປົກຄອງທ້ອງຖິ່ນສະບັບປັບປຸງ ປີ 2025 ໂດຍກຳນົດເອົາການປົກຄອງທ້ອງຖິ່ນອອກເປັນ 3 ຂັ້ນ ຄື: ຂັ້ນແຂວງ ປະກອບມີນະຄອນຫຼວງ ແລະ ແຂວງ, ຂັ້ນເມືອງປະກອບມີເມືອງ ແລະ ນະຄອນ, ຂັ້ນຕາແສງປະກອບມີຕາແສງ ສ່ວນບ້ານແມ່ນເປັນຫົວໜ່ວຍ ຊຸມຊົນໜຶ່ງ ຂື້ນກັບຕາແສງ, ຕາແສງນໍ້າອ້ອມ ມີເນື້ອທີ່ທັງໝົດ 47,718 ເຮັກຕາ, ມີຈໍານວນບ້ານຂຶ້ນກັບທັງໝົດ 13 ບ້ານຈາກກຸ່ມສະໂນດ 7 ບ້ານ ແລະ ກຸ່ມນໍ້າອ້ອມ 6 ບ້ານຄື: ບ້ານ ຫ້ວຍໂກະ, ບ້ານ ກຽດໂງ້ງ, ບ້ານທົບສອບ, ບ້ານ ພົມມະລິ, ບ້ານ ສະໂນດ, ບ້ານ ນາທົ່ງ, ບ້ານ ທົ່ງພະ, ບ້ານນໍ້າອ້ອມ, ບ້ານເຫຼົ່າຫຍ້າ, ບ້ານ ສົມສຸກ, ບ້ານ ນາ ບອນ, ບ້ານ ໜອງເອກ, ບ້ານຫ້ວຍຕ້ອນ, ມີຈຳນວນພົນລະເມືອງ ທັງໝົດ 9,458 ຄົນ, ຍິງ 5,330 ຄົນ.

             ໃນພິທີ, ກໍ່ໄດ້ໄດ້ມີການຜ່ານຂໍ້ຕົກລົງວ່າດ້ວຍການແຕ່ງຕັ້ງບຸກຄະລາກອນຫຼັກແຫຼ່ງ ດັ່ງນີ້:
1). ທ່ານ ສົມຊາຍ ວໍລະລາດ (ກຳມະການພັກເມືອງ) ເປັນປະທານຄະນະກຳມະການປົກຄອງຕາແສງ.
2). ທ່ານ ວິເສດ ຟອງສະໝຸດ ເປັນຮອງປະທານ.
3). ທ່ານ ຮອ ອາທິດ ສາຍຈູມມະລີ ເປັນຮອງປະທານ.
#ນອກຈາກນີ້, ຍັງໄດ້ແຕ່ງຕັ້ງຫົວໜ້າໜ່ວຍງານ ແລະ ພະນັກງານຊ່ວຍວຽກ ເພື່ອປະຈຳການໃນແຕ່ລະຂົງເຂດວຽກງານຢ່າງຄົບຖ້ວນ.
#ໃນຕອນທ້າຍ, ທ່ານ ປະດິດ ວັນນະລັດສະໝີ ໄດ້ໃຫ້ກຽດໂອລົມ ແລະ ຊີ້ທິດເຍືອງທາງ ໂດຍເນັ້ນໜັກໃຫ້ຄະນະບໍລິຫານງານຕາແສງຊຸດໃໝ່ ຈົ່ງຍົກສູງຄວາມຮັບຜິດຊອບໃນການຮັບໃຊ້ປະຊາຊົນ, ສ້າງຄວາມສາມັກຄີພາຍໃນ ແລະ ຜັນຂະຫຍາຍແນວທາງນະໂຍບາຍຂອງພັກ-ລັດ ໃຫ້ເຂົ້າເຖິງຮາກຖານຢ່າງທົ່ວເຖິງ.
#ຈາກນັ້ນ, ກໍ່ໄດ້ເປີດປ້າຍຫ້ອງການຢ່າງເປັນທາງການ ແລະ ລັ່ນຄ້ອງ 9 ບາດ ເພື່ອເປັນສິລິມຸງຄຸນໃນການເລີ່ມຕົ້ນສັງກາດໃໝ່ຂອງ “ຕາແສງນ້ຳອ້ອມ”.

ພາບ–ຂ່າວ: ສີສົມບູນ ວົງວຽງຄຳ

Bài viết “ຕາແສງນ້ຳອ້ອມ” ຖືກປະກາດສ້າງຕັ້ງແລ້ວເພື່ອຍົກລະດັບການຄຸ້ມຄອງລັດ-ສັງຄົມ đã xuất hiện đầu tiên vào ngày .

              ໃນວັນທີ 12 ມີນາ 2026 ນີ້ຄະນະໂຄສະນາອົບຮົມແຂວງຈໍາປາສັກ ໄດ້ເປີດບັ້ນຝຶກອົບຮົມໃຫ້ມະຫາຊົນກ້າວໜ້າເພື່ອຂະຫຍາຍເຂົ້າພັກ ປະຊາຊົນ ປະຕິວັດລາວ, ໃຫ້ກຽດເປັນປະທານຂອງທ່ານ ບຸນປັນ ມະຫາລາດ ຮອງຫົວໜ້າຄະນະໂຄສະນາອົບຮົມແຂວງ, ມີຂະແໜງການທີ່ຂຶ້ນກັບຄະນະໂຄສະນາອົບຮົມ, ມີມະຫາຊົນກ້າວໜ້າທີ່ຂະຫຍາຍເຂົ້າພັກຈາກພະແນກການກົມກອງອ້ອມຂ້າງແຂວງ ຈໍານວນ 35 ທ່ານ, ຍິງ 16 ທ່ານເຂົ້າຮ່ວມ.

          ໃນພິທີພາຍຫຼັງປະທານກອງປະຊຸມກ່າວເປີດພິທີຢ່າງເປັນທາງການ ກໍໄດ້ເຂົ້າສູ່ການນໍາສະເໜີບັນດາຄໍາຖາມຕ່າງໆ ເພື່ອແນໃສ່ໃຫ້ມະຫາຊົນກ້າວໜ້າໄດ້ຄົ້ນຄິດ ແລະ ຮັບຟັງຄໍາຕອບຈາກວິທະຍາກອນ ຄື:
ສະເໜີຄໍາຖາມທີ 1: ພັກການເມືອງແມ່ນຫຍັງ ? ເປັນຫຍັງຈຶ່ງຕ້ອງມີພັກການເມືອງ
– ຄໍາຖາມທີ 2: ພັກປະຊາຊົນປະຕິວັດລາວໄດ້ຮັບການສ້າງຕັ້ງຂຶ້ນຄືແນວໃດ ? ພັກການເມືອງແມ່ນຫຍັງ ? ເປັນຫຍັງຈິ່ງຕ້ອງມີພັກການເມືອງ
-ຖາມທີ 3: ພັກປະຊາຊົນປະຕິວັດລາວແມ່ນພັກແນວໃດ ?
– ຄໍາຖາມທີ4: ພັກປະຊາຊົນປະຕິວັດລາວຈັດຕັ້ງຕາມຫຼັກການອັນໃດແດ່ ?
– ຄໍາຖາມທີ 5: ພັກປະຊາຊົນປະຕິວັດລາວມີລະບົບສາຍໄຍການຈັດຕັ້ງຄືແນວໃດ ?
– ຄໍາຖາມທີ 6: ພັກປະຊາຊົນປະຕິວັດລາວປະກອບດ້ວຍບຸກຄົນໃດແດ່ ?
-ຄໍາຖາມທີ 7: ພັກປະຊາຊົນປະຕິວັດລາວ ມີວັດຖຸປະສົງ ແລະ ອຸດົມການຄື ແນວໃດ ?
-ຄໍາຖາມ ທີ 8: ພັກປະຊາຊົນປະຕິວັດລາວ ມີທາດແທ້ແນວໃດ ?
– ຄໍາຖາມທີ 9: ມາດຖານຂອງສະມາຊິກພັກ ແລະ ເງື່ອນໄຂຜູ້ຈະເຂົ້າເປັນສະມາ
ຊິກພັກປະຊາຊົນປະຕິວັດລາວ ມີແນວໃດ ?
– ຄໍາຖາມທີ 10: ສະມາຊິກພັກມີໜ້າທີ່, ພັນທະ ແລະ ມີຜົນປະໂຫຍດຫຍັງແດ່?
-ຄໍາຖາມທີ 11: ຂໍ້ຫ້າມສໍາລັບສະມາຊິກພັກປະຊາຊົນປະຕິວັດລາວ ມີຫຍັງແດ່?
– ຄໍາຖາມທີ 12 ເຂົ້າເປັນສະມາຊິກພັກປະຊາຊົນປະຕິວັດລາວເພື່ອຫຍັງ ?
– ສະເໜີຄໍາຖາມທີ 13 ຖ້າໄດ້ເຂົ້າເປັນສະມາຊິກພັກປະຊາຊົນປະຕິວັດລາວ ແລ້ວຈະ
ປົກປ້ອງບົດບາດ, ກຽດສັງສີຂອງພັກເຮົາ ແນວໃດ ?
ພ້ອມນີ້ກໍໄດ້ມີການຄົ້ນຄວ້າສົນທະນາລວມ ເພື່ອທໍາຄວາມເຂົ້າໃຈຢ່າງເລິກເຊິ່ງຕໍ່ຄໍາຖາມ ແລະ ຄໍາຕອບທີ່ໄດ້ຮຽນໃນບັ້ນຝຶກອົບຮົມຄັ້ງນີ້.

ຂ່າວ-ພາບ: ຈັນທະວີສັກ.

Bài viết ເປີດບັ້ນຝຶກອົບຮົມໃຫ້ມະຫາຊົນກ້າວໜ້າເພື່ອຂະຫຍາຍເຂົ້າພັກ ປະຊາຊົນ ປະຕິວັດລາວ đã xuất hiện đầu tiên vào ngày .

               ວັນທີ 27 ກຸມພາ 2026,​ ຄະນະພັກຮາກຖານພະແນກອຸດສາຫະກຳ ແລະ ການຄ້າ ແຂວງຈຳປາສັກ​ ໄດ້ຈັດກອງປະຊຸມເຜີຍແຜ່ເອກະສານ ສໍາຄັນຂອງພັກ 4 ສະບັບ ຄື: ມະຕິກອງປະຊຸມໃຫ່ຍ ຄັ້ງທີ IX ຂອງອົງຄະນະພັກແຂວງ,​ ຜົນສໍາເລັດກອງປະຊຸມຄົບຄະນະຄັ້ງທີ 12 ຂອງຄະນະບໍລິຫານງານສູນກາງພັກສະໄໝ ທີ XI,​ ເອກະສານວັນສ້າງພັກຄອມມຸຍນິດ ຫວຽດນາມຄົບຮອບ 96 ປີ ແລະ ເອກະສານຕ້ານການສໍ້ລາດບັງຫລວງ. ​             

            ກອງປະຊຸມ​ຈັດຂຶ້ນຢູ່ຫ້ອງປະຊຸມຫ້ອງປະຊຸມຊັ້ນ 6 ອາຄານລັດວິສາຫະກິດໄຟຟ້າລາວ ສາຂາແຂວງຈຳປາສັກ​ ໂດຍ ການໃຫ້ກຽດເຂົ້າຮ່ວມເປັນປະທານ ແລະ ບັນຍາຍອກະສານ ຂອງ ສະຫາຍ ປະດິດ ວັນນະລັດສະໝີ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ,​ ສະຫາຍ ປອ.​ສີສຸກ ພົງພິຈິດ ຮອງປະທານຄະນະກວດກາພັກແຂວງ.​ ມີຄະນະພັກ – ຄະນະພະແນກ,​ ຄະນະໜ່ວຍພັກ,​ ສະມາຊິກພັກຂຶ້ນກັບຄະນະພັກຮາກຖານພະແນກອຸດສາຫະກຳ ແລະ ການຄ້າ​ ເຂົ້າຮ່ວມ.

ຈຸດປະສົງ ກໍເພື່ອຮັດໃຫ້ຄະນະພັກ – ຄະນະພະແນກ,​ ຄະນະໜ່ວຍພັກ,​ສະມາຊິກພັກຂຶ້ນກັບຄະນະພັກຮາກຖານພະແນກອຸດສາຫະກຳ ແລະ ການຄ້າແຂວງ​ ຮັບຮູ້ເຂົ້າໃຈ ແລະ ກຳແໜ້ນຢ່າງເລິກເຊິ່ງ​ແລ້ວພ້ອມກັນຈັດຕັ້ງປະຕິບັດ ແລະ ຜັນຂະຫຍາຍເນື້ອໃນຈິດໃຈບັນດາມະຕິ ແລະ ເອກກະສານທີ່ນໍາມາເຜີຍແຜ່​ ວາງອອກ ໃຫ້ເປັນຮູບປະທຳ ແລະ​ ປະກົດຜົນເປັນຈິງ.

Bài viết ຄະນະພັກຮາກຖານພະແນກອຸດສາຫະກຳ ແລະ ການຄ້າແຂວງຈຳປາສັກເຊື່ອມຊືມເອກະສານສໍາຄັນຂອງພັກ đã xuất hiện đầu tiên vào ngày .

          ໃນຕອນບ່າຍວັນທີ 25 ກຸມພາ 2026ນີ້ ຢູ່ທີ່ສະໂມສອນຂອງກອງບັນຊາການທະຫານເມືອງປະທຸມພອນ ໂດຍແມ່ນ ທ່ານ ປະດິດ ວັນນະລັດສະໝີ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ຜູ້ຊີ້ນຳວຽກງານຮອບດ້ານເມືອງປະທຸມພອນ, ທ່ານ ສົມຈິດ ແພງສະຫວັດ ກຳມະການພັກແຂວງ ເລຂາຄະນະບໍລິຫານງານພັກເມືອງປະທຸມພອນ, ມີປະທານຄະນະເມືອງ, ຄະນະນຳພະແນກການອ້ອມຂ້າງແຂວງທີ່ກ່ຽວຂ້ອງພ້ອມດ້ວຍຄະນະພັກ – ຄະນະບັນຊາ ກອງບັນຊາການທະຫານເມືອງ, ກອງພັນ 709, ກອງພັນ 608 ກອງຮ້ອຍ 809, ກອງຮ້ອຍຊາຍແດນ 519 ຕະຫຼອດຮອດນາຍ ແລະ ພົນທະຫານໃນທົ່ວກົມກອງ ເຂົ້າຮ່ວມ.

         ໃນພິທີ ທ່ານ ພັນໂທ ສາຍຍັນ ຄູນຄໍາຕັນ ຄະນະປະຈຳພັກເມືອງ ເລຂາຄະນະພັກ ຮາກຖານ ຫົວໜ້າການເມືອງ ກອງບັນຊາການທະຫານເມືອງປະທຸມພອນ ໄດ້ລາຍງານການເຄື່ອນໄຫວ ໂດຍຫຍໍ້ ຂອງກອງບັນຊາການທະຫານເມືອງປະທຸມພອນ ຍົກໃຫ້ເຫັນຜົນງານ, ດ້ານດີ, ດ້ານທີ່ຄົງຄ້າງຕ່າງໆ ເພື່ອແນໃສ່ໃຫ້ການນຳແຂວງມີທິດຊີ້ນຳເຮັດໃຫ້ການຈັດຕັ້ງປະຕິບັດວຽກງານໃຫ້ມີຜົນສຳເລັດດີຂຶ້ນກວ່າເກົ່າ ພ້ອມນີ້ທ່ານຍັງໄດ້ກ່າວສະແດງຄວາມຮູ້ບຸນຄຸນ, ທີ່ຄະນະນຳຂອງແຂວງ ແລະ ເມືອງ ທີ່ເຫັນໄດ້ຄວາມສຳຄັນ ແລະຄວາມເປັນຫ່ວງເປັນໃຍຕໍ່ອ້າຍນ້ອງທະຫານ, ເຊິ່ງການມາອວຍພອນໃນຄັ້ງນີ້ ເປັນບາດກ້າວໜຶ່ງໃນການຊຸກຍູ້ ແລະ ເປັນຂວັນກຳລັງແຮງໃນການປະຕິບັດໜ້າທີ່ຂອງອ້າຍນ້ອງນາຍ ແລະ ພົນທະຫານ, ເພື່ອປະກອບສ່ວນເຫື່ອແຮງເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ກໍ່ຄືປົກປັກຮັກສາ ເມືອງປະທຸມພອນໃຫ້ໝັ້ນຄົງຕະຫຼອດໄປ.

            ໂອກາດດັ່ງກ່າວນີ້ ທ່ານ ປະດິດ ວັນນະລັດສະໝີ ຄະນະປະຈຳພັກແຂວງ ຫົວໜ້າຄະນະໂຄສະຍາອົບຮົມແຂວງ ຜູ້ຊີ້ນຳວຽກງານຮອບດ້ານເມືອງປະທຸມພອນ ກໍໄດ້ມີຄຳເຫັນຕໍ່ພິທີມອບເຄື່ອງໃນຄັ້ງນີ້ ໂດຍທ່ານໄດ້ສະແດງຄວາມຢື້ຢາມຖາມຂ່າວຕໍ່ອ້າຍນ້ອງນາຍ ແລະ ພົນທະຫານ ຢູ່ທີ່ເມືອງປະທຸມພອນ ເຊິ່ງຍາມໃດບັນດາອ້າຍນ້ອງກຳລັງປ້ອງກັນຊາດພວກເຮົາແມ່ນໄດ້ເຮັດໜ້າທີ່ຂອງຕົນຢ່າງມີຜົນສຳເລັດ ເຊິ່ງສະແດງອອກໃນງານສຳຄັນຕ່າງໆແມ່ນມີຄວາມສະຫງົບມີຄວາມເປັນລະບຽບຮຽບຮ້ອຍ ມີຄວາມປອດໄພ 100% ໂດຍສະເພາະວຽກງານປ້ອງກັນກອງປະຊຸມໃຫ່ຍ 3 ຂັ້ນຂອງພັກ,ການປ້ອງກັນຂະບວນການ 3 ວັນປະຫັວດສາດ ແລະ ການເຮັດໜ້າທີ່ໃນການເຄື່ອນໄຫວວຽກງານກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ ແລະ ວຽກງານ 3 ສ້າງ ຕິດພັນກັບຂະບວນການຮັກຊາດ ແລະ ພັດທະນາ ແລະ ທີ່ພິເສດສຸດກໍ່ຄືການເຮັດໜ້າທີ່ວຽກງານປ້ອງກັນບັ້ນເລືອກຕັ້ງ ສສຊ ຊຸດທີX ແລະ ສສຂ ຊຸດທີ V ນັ້ນເອງກໍ່ຄືເຮັດໃຫ້ແຂວງຈຳປາສັກກໍ່ຄືຂອບເຂດເມືອງປະທຸມພອນມີຄວາມສະຫງົບ ແລະ ປອດໄພ.

             ດ້ານເຄື່ອງທີ່ນຳມາມອບປະກອບມີ, ເຄື່ອງອຸປະໂພກ ແລະ ບໍລິໂພກ ເປັນຕົ້ນ: ຢາປົວພະຍາດ, ນໍ້າດື່ມ,ປາກະປ໋ອງ,ໝີ່ ແລະ ອື່ນໆລວມມູນຄ່າ 70 ກວ່າລ້ານກີບ ເຊິ່ງແມ່ນການປະກອບສ່ວນຂອງ ພະແນກເຕັກໂນໂລຊີ ແລະ ການສື່ສານແຂວງ, ຫ້ອງວ່າການແຂວງ, ພະແນກໂຍທາທີການ ແລະ ຂົນສົ່ງແຂວງ, ພະແນກສາທາລະນະສຸກແຂວງ, ໂຮງງານຜະລິດຢາ CBF, ກຸ່ມບໍລິສັດດາວເຮືອງ, ບໍລິສັດຮອນດາ ປາກເຊ, ທະນາຄານການຄ້າຕ່າງປະເທດ ມະຫາຊົນ ແລະ ອົງການປົກຄອງເມືອງປະທຸມພອນ.

ຂຽນ:ນ. ປະພິດ ສີສົມບູນ
ພາບ: ຈັນທະວີສັກ

Bài viết ການນຳແຂວງຈຳປາສັກ ພ້ອມດ້ວຍການນຳເມືອງປະທຸມພອນ ອວຍພອນນາຍ ແລະພົນທະຫານ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ. đã xuất hiện đầu tiên vào ngày .

              ໃນວັນທີ 25 ກຸມພາ 2026 ທີ່ສະໂມສອນຫຼັກ 4 ແຂວງຈຳປາສັກໄດ້ຈັດຕັ້ງເຂົ້າຮ່ວມກອງປະຊຸມເຜີຍແຜ່, ເຊື່ອມຊຶມເອກະສານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກ ຜ່ານລະບົບວິດີໂອທາງໄກ ຈາກສູນກາງ ໂດຍເປັນກຽດເຂົ້າຮ່ວມຂອງສະຫາຍ ປອ.ອາລຸນໄຊ ສູນນະລາດ, ກຳມະການສູນກາງພັກ, ເລຂາຄະນະບໍລິຫານງານພັກແຂວງຈຳປາສັກ. ສະຫາຍ ປອ.ວັນນະໄຊ ຊາດຕະກຸນ, ກຳມະການສຳຮອງສູນກາງພັກ, ຄະນະປະຈຳພັກແຂວງເລຂາຄະນະພັກນະຄອນປາກເຊ, ມີ ຄະນະປະຈຳພັກແຂວງ, ກຳມະການພັກແຂວງ, ເລຂາພັກນະຄອນ, ເມືອງ, ພະແນກການກົມກອງອ້ອມຂ້າງ, ຕົວແທນທຸກອົງການຈັດຕັ້ສັງຄົມເຂົ້າຮ່ວມ.

             ກອງປະຊຸມເຜີຍແຜ່, ເຊື່ອມຊຶມເອກະສານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ໄຂຂຶ້ນທີ່ ຫໍປະຊຸມແຫ່ງຊາດ ນະຄອນຫຼວງວຽງຈັນ. ໃນຕອນເຊົ້າວັນທີ 25 ກຸມພາ 2026 ໂດຍເປັນປະທານຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ບັນດາສະຫາຍກົມການເມືອງ, ຄະນະເລຂາທິການສູນກາງພັກ, ບັນດາສະຫາຍກໍາມະການສູນກາງສົມບູນ, ສຳຮອງ, ບັນດາສະຫາຍເລຂາຄະນະພັກ, ບັນດາສະຫາຍລັດຖະມົນຕີ, ຮອງລັດຖະມົນຕີ ແລະ ການນຳຫຼັກແຫຼ່ງຂອງພັກ-ລັດ ເຂົ້າຮ່ວມ.

         ຈຸດປະສົງຂອງກອງປະຊຸມເຜີຍແຜ່ຄັ້ງນີ້:
1). ເພື່ອເຜີຍແຜ່ເນື້ອໃນຈິດໃຈຂອງມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ແນໃສ່ສ້າງຄວາມເຂົ້າໃຈ ແລະ ເອກະພາບໃນທົ່ວພັກ, ຮັບປະກັນເຮັດໃຫ້ມະຕິໄດ້ຮັບການຈັດຕັ້ງປະຕິບັດ ຢ່າງເປັນຮູບປະທຳ.
2). ເພື່ອເຜີຍແຜ່, ເຊື່ອມຊຶມເນື້ອໃນໂຄງການການເມືອງສະບັບທີ III ຂອງພັກ, ກໍາໃຫ້ໄດ້ເຖິງຄວາມສຳຄັນຂອງໂຄງການການເມືອງ, ເຂົ້າໃຈໃຫ້ເລິກເຊິ່ງໃນບັນດານະໂຍບາຍໃໝ່ທີ່ໂຄງການກຳນົດອອກ ເພື່ອຮັບໃຊ້ໜ້າທີ່ການເມືອງໃນໄລຍະໃໝ່, ການເລັ່ງທວງໃໝ່ ໃນເງື່ອນໄຂທີ່ພວກເຮົາສືບຕໍ່ບູລະນະລະບອບປະຊາທິປະໄຕ ປະຊາຊົນ ກ້າວຂຶ້ນສູ່ສັງຄົມນິຍົມ.
3). ເພື່ອເຊື່ອມຊຶມເນື້ອໃນຈິດໃຈສຳຄັນຂອງລາຍງານການເມືອງ ຊຶ່ງເປັນແຜນນະໂຍບາຍ ລວມຍອດແຫ່ງສະຕິປັນຍາຂອງທົ່ວພັກ, ທົ່ວກຳລັງປະກອບອາວຸດ ແລະ ທົ່ວປວງຊົນລາວທັງຊາດ ແນໃສ່ຍົກສູງບົດບາດການນຳພາທ່ີ່ເຂັ້ມແຂງຂອງພັກ, ສ້າງເສດຖະກິດເອກະລາດເປັນເຈົ້າຕົນເອງ, ບູລະນະລະບອບປະຊາທິປະໄຕ ປະຊາຊົນ ຢ່າງໜັກແໜ້ນ ກ້າວຂຶ້ນສູ່ສັງຄົມນິຍົມ.
4). ເພື່ອເຜີຍແຜ່ ແລະ ຜັນຂະຫຍາຍແຜນພັດທະນາເສດຖະກິດ-ສັງຄົມ 5 ປີແຫ່ງຊາດ ຄັ້ງທີ X ໃຫ້ເປັນແຜນງານ, ໂຄງການລະອຽດ ແລະ ບັນດາມາດຕະການຊີ້ນໍາ ໃນການຈັດຕັ້ງປະຕິ ບັດໃຫ້ເບັນລຸຕາມຄາດໝາຍທີ່ວາງໄວ້.
5). ສຳຄັນກອງປະຊຸມໄດ້ຮັບຟັງ ຄວາມເຫັນຊີ້ນໍາ ໂອ້ລົມແນະນໍາວິທີການຈັດຕັ້ງປະຕິບັດຕົວຈິງ ຈາກສະຫາຍເລຂາທິການໃຫຍ່, ປະທານປະເທດ ຕໍ່ກອງປະຊຸມອີກດ້ວຍ.
ໃນໂອກາດຈັດຕັ້ງການເຂົ້າຮ່ວມກອງປະຊຸມເຜີຍແຜ່, ເຊື່ອມຊຶມມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກຜ່ານລະບົບຖ່າຍທອດສົດ ທີ່ສະໂມສອນແຂວງ. ເພື່ອເປັນການຜັນຂະຫຍາຍເນື້ອໃນດັ່ງກ່າວ ເຂົ້າໃນວຽກງານຕົວຈິງ ສະຫາຍ ປອ.ອາລຸນໄຊ ສູນນະລາດ, ກຳມະການສູນກາງພັກ, ເລຂາຄະນະບໍລິຫານງານພັກແຂວງຈຳປາສັກ ຍັງໄດ້ໂອ້ລົມຊີນຳຕໍ່ພະນັກງານການນຳຫຼັກແຫຼ່ງຂອງແຂວງຈຳປາສັກດ້ວຍເນື້ອໃນຄວາມໝາຍ ຄວາມສຳຄັນໃນຫຼາຍດ້ານຕື່ມອີກ.

Bài viết ແຂວງຈຳປາສັກຈັດຕັ້ງເຂົ້າຮ່ວມກອງປະຊຸມເຜີຍແຜ່, ເຊື່ອມຊຶມເອກະສານກອງປະຊຸມໃຫຍ່ຜູ້ ແທນທົ່ວປະເທດຄັ້ງທີ XII ຂອງພັກ ຜ່ານລະບົບຖ່າຍທອດສົດ ທີ່ສະໂມສອນແຂວງ đã xuất hiện đầu tiên vào ngày .

          ​ໃນວັນທີ 24 ກຸມພາ 2026, ຄະນະໂຄສະນາອົບຮົມແຂວງຈຳປາສັກ ໄດ້ຈັດພິທີປະກາດການຈັດຕັ້ງພັກ-ລັດ ແລະ ອົງການຈັດຕັ້ງມະຫາຊົນຄືນໃໝ່ ພາຍຫຼັງທີ່ມີການປັບປຸງກົງຈັກການຈັດຕັ້ງ ແລະ ໂຮມຕົວເຂົ້າກັນ. ໂດຍການໃຫ້ກຽດເຂົ້າຮ່ວມ ແລະ ເປັນປະທານຂອງ ສະຫາຍ ປະດິດ ວັນນະລັດສະໝີ, ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງຈຳປາສັກ; ມີບັນດາຜູ້ຕາງໜ້າຈາກພະແນກການ, ກົມກອງ, ຂະແໜງການທີ່ກ່ຽວຂ້ອງອ້ອມຂ້າງແຂວງ, ເມືອງ, ນະຄອນ ພ້ອມດ້ວຍພະນັກງານ-ລັດຖະກອນເຂົ້າຮ່ວມຢ່າງພ້ອມພຽງ.

         1. ດ້ານວຽກງານພັກ ແລະ ຄະນະໜ່ວຍພັກ
​ຄະນະພັກຮາກຖານ: ແຕ່ງຕັ້ງ ສະຫາຍ ປະດິດ ວັນນະລັດສະໝີ ເປັນເລຂາ, ສະຫາຍ ປອ ວັນນະລາ ສຸດທິຈັກ ເປັນຮອງເລຂາ, ສະຫາຍ ນາງ ສຸກສົມພອນ ພົນອາສາ ເປັນປະທານກວດກາ; ສະຫາຍ ພອນທິບ ແກ້ວປະເສີດ ແລະ ສະຫາຍ ນະ ຂັນທະວົງ ເປັນຄະນະພັກຮາກຖານ. ພ້ອມນີ້, ໄດ້ແຕ່ງຕັ້ງ ສະຫາຍ ມົນທຽນ ໄຊຍະສິດ ແລະ ສະຫາຍ ເມທີ ພິມພະສອນ ເປັນຮອງປະທານກວດກາຄະນະພັກພັກຮາກຖານ.
​ໜ່ວຍພັກບໍລິຫານ, ຈັດຕັ້ງ, ຄົ້ນຄວ້າສັງລວມ ແລະ ຂໍ້ມູນຂ່າວສານ: ແຕ່ງຕັ້ງ ສະຫາຍ ປອ ວັນນະລາ ສຸດທິຈັກ ເປັນເລຂາ, ສະຫາຍ ນາງ ພອນທິບ ແກ້ວປະເສີດ ເປັນຮອງເລຂາ ແລະ ສະຫາຍ ຄຳປະສົງ ພົມມະວົງ ເປັນປະທານກວດກາ.
​ໜ່ວຍພັກໂຄສະນາອົບຮົມ: ແຕ່ງຕັ້ງ ສະຫາຍ ນາງ ສຸກສົມພອນ ພົນອາສາ ເປັນເລຂາ, ສະຫາຍ ສົມພອນ ວິໄລສົມ ເປັນຮອງເລຂາ ແລະ ສະຫາຍ ຄໍາໃບ ຄໍາວົງສາ ເປັນປະທານກວດກາ.
​ໜ່ວຍພັກສື່ມວນຊົນ: ແຕ່ງຕັ້ງ ສະຫາຍ ນະ ຂັນທະວົງ ເປັນເລຂາ, ສະຫາຍ ມົນທຽນ ໄຊຍະສິດ ເປັນຮອງເລຂາ ແລະ ສະຫາຍ ນາງ ເພັດສະໄໝ ສີກຸນລະບຸດ ເປັນປະທານກວດກາ.

.
2. ແຕ່ງຕັ້ງຕຳແໜ່ງບໍລິຫານ (ຫົວໜ້າ ແລະ ຮອງຂະແໜງ)
​ຂະແໜງອົບຮົມ: ແຕ່ງຕັ້ງ ສະຫາຍ ສົມພອນ ວິໄລສິນ ເປັນຫົວໜ້າ; ສະຫາຍ ເດດດາວັນ ກ້ອນກຳມະວົງ, ສະຫາຍ ຄຳພຸດ ສຸດໃຈ ແລະ ສະຫາຍ ນາງ ຄຳແພງ ໂພທິລາດ ເປັນຮອງຫົວໜ້າ.
​ຂະແໜງປາຖະກະຖາ, ໂຄສະນາ ແລະ ເຄື່ອນທີ່: ແຕ່ງຕັ້ງ ສະຫາຍ ຄຳໃບ ຄຳວົງສາ ເປັນຫົວໜ້າ; ສະຫາຍ ດວງຈັນ ຂຸນພັກດີ, ສະຫາຍ ນາງ ສົມສະໄຫວ ການຜາສຸກ ແລະ ສະຫາຍ ອິດສຸລິຍະ ຫຼວງອະໄພ ເປັນຮອງຫົວໜ້າ.
​ຂະແໜງສັງລວມ ແລະ ຂໍ້ມູນຂ່າວສານ: ແຕ່ງຕັ້ງ ສະຫາຍ ຄຳປະສົງ ພົມມະວົງ ເປັນຫົວໜ້າ; ສະຫາຍ ດໍລາ ສີສົມບຸນ, ສະຫາຍ ຄ້າ ແຈ່ມດວງຈັນ ແລະ ສະຫາຍ ນາງ ລັດສະໝີ ຈັນທະວົງ ເປັນຮອງຫົວໜ້າ.
​ຂະແໜງສື່ມວນຊົນ: ແຕ່ງຕັ້ງ ສະຫາຍ ນະ ຂັນທະວົງ ເປັນຫົວໜ້າ; ສະຫາຍ ມົນທຽນ ໄຊຍະສິດ,ສະຫາຍ ນາງ ເພັດສະໄໝ ສີກຸນລະບຸດ ແລະ ສະຫາຍ ທະນົງໄຊ ຄັນທະວະດີ ເປັນຮອງຫົວໜ້າ.
​ຂະແໜງບໍລິຫານ: ແຕ່ງຕັ້ງ ສະຫາຍ ນາງ ພອນທິບ ແກ້ວປະເສີດ ເປັນຫົວໜ້າ; ສະຫາຍ ສົມສະໜຸກ ສຸດສະດາ, ສະຫາຍ ເມທີ ພິມພະສອນ ແລະ ສະຫາຍ ຖາວອນ ຈັນດາລາສຸກ ເປັນຮອງຫົວໜ້າ.

          3. ຄະນະນຳອົງການຈັດຕັ້ງມະຫາຊົນຮາກຖານ
​ກຳມະບານຮາກຖານ: ແຕ່ງຕັ້ງ ສະຫາຍ ມົນທຽນ ໄຊຍະສິດ ເປັນປະທານ, ສະຫາຍ ຄຳປະສົງ ພົມມະວົງ ເປັນຮອງປະທານ ແລະ ສະຫາຍ ທະນົງໄຊ ຄັນທະວະດີ ເປັນປະທານກວດກາ.
​ສະຫະພັນແມ່ຍິງຮາກຖານ: ແຕ່ງຕັ້ງ ສະຫາຍ ນາງ ເພັດສະໄໝ ສີກຸນລະບຸດ ເປັນປະທານ, ສະຫາຍ ນາງ ສົມສະໄຫວ ການຜາສຸກ ເປັນຮອງປະທານ, ສະຫາຍ ນາງ ສົມສະໜິດ ທຳມະຂັນຕີ ແລະ ນາງ ທິບພະຈັນ ດວງມະນີ ເປັນຄະນະ.
​ຊາວໜຸ່ມຮາກຖານ: ແຕ່ງຕັ້ງ ສະຫາຍ ສີບັງອອນ ສິດທິເດດ ເປັນເລຂາ, ສະຫາຍ ອຸດົມສັກ ສໍພະໄຊ ເປັນຮອງເລຂາ ແລະ ສະຫາຍ ນາງ ລັດສະໝີ ຈັນທະວົງ ເປັນປະທານກວດກາ.
​ໃນຕອນທ້າຍພິທີ, ສະຫາຍ ປະດິດ ວັນນະລັດສະໝີ ໄດ້ໃຫ້ກຽດໂອ້ລົມ ແລະ ຊີ້ທິດເຍືອງທາງ ໂດຍເນັ້ນໜັກໃຫ້ຄະນະພັກ-ຄະນະນຳຊຸດໃໝ່ ຈົ່ງຍົກສູງຄວາມຮັບຜິດຊອບທາງດ້ານການເມືອງແນວຄິດ, ເພີ່ມທະວີຄວາມສາມັກຄີພາຍໃນໃຫ້ເປັນປຶກແຜ່ນ ແລະ ສຸມໃສ່ການຜັນຂະຫຍາຍມະຕິກອງປະຊຸມໃຫຍ່ຄັ້ງທີ XII ຂອງພັກໃຫ້ປະກົດຜົນເປັນຈິງ ເພື່ອຂັບເຄື່ອນວຽກງານໂຄສະນາອົບຮົມຂອງແຂວງໃຫ້ມີບາດກ້າວໃໝ່ທີ່ເຂັ້ມແຂງກວ່າເກົ່າ.

             ໃນໂອກາດທີ່ມີຄວາມໝາຍຄວາມສໍາຄັນນີ້ ທ່ານປະທານກໍ່ໃຫ້ກຽດໂອລົ້ມ ແລະ ຊີ້ທິດເຍືອງທາງໃນການເຮັດໜ້າທີ່ການເມືອງທີ່ໄດ້ຮັບການມອບໝາຍທັງສາມາດດຳລົງບົດບາດເປັນເສນາທິການທີ່ເຂັ້ມແຂງໃຫ້ແກ່ຄະນະພັກສົມກັບຄວາມເຊື່ອໝັ້ນ ແລະໄວ້ວາງໃຈຂອງການຈັດຕັ້ງຂັ້ນເທິງທີ່ໄດ້ມອບໝາຍວຽກງານທີ່ສຳຄັນທີ່ມີກຽດສະງ່າແລະໄດ້ເຮັດໃຫ້ວຽກງານດັ່ງກ່າວໄດ້ຮັບການພັດທະນາກ້າວໄປສູ່ຄວາມທັນສະໄໝຢ່າງບໍ່ຢຸດຢັ້ງ.

Bài viết ພິທີປະກາດການຈັດຕັ້ງພັກ-ລັດ ແລະ ອົງການຈັດຕັ້ງມະຫາຊົນ đã xuất hiện đầu tiên vào ngày .