ໃນວັນທີ 20 ສິງຫາ 2026 ນີ້, ພະແນກໂຍທາທິການ ແລະ ຂົນສົ່ງ (ຍທຂ) ແຂວງຈຳປາສັກ ໄດ້ຈັດກອງປະຊຸມເຜີຍແຜ່ກົດລະບຽບພັກ ປະຊາຊົນ ປະຕິວັດລາວ ສະໄໝທີ XII ພ້ອມທັງຮັບຟັງການປາຖະກາຖາ ເນື່ອງໃນໂອກາດວັນສ້າງຕັ້ງກະຊວງໂຍທາທິການ ແລະ ຂົນສົ່ງ ຄົບຮອບ 75 ປີ (13 ກໍລະກົດ 1951 – 13 ກໍລະກົດ 2026) ແລະ ວັນຄ້າຍວັນເກີດຂອງ ທ່ານ ເຈ ເກວາຣາ ຄົບຮອບ 98 ປີ (14 ມິຖຸນາ 1928 – 14 ມິຖຸນາ 2026).

ໃຫ້ກຽດເຜີຍແຜ່ ແລະ ປາຖະກາຖາໂດຍ ທ່ານ ປະດິດ ວັນນະລັດສະໝີ, ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງຈຳປາສັກ ແລະ ທ່ານ ປອ. ສິດທິພອນ ບຸດຕິວົງ, ກຳມະການພັກແຂວງ, ຫົວໜ້າພະແນກໂຍທາທິການ ແລະ ຂົນສົ່ງແຂວງ. ໂດຍມີ ຄະນະພັກ, ຄະນະພະແນກ, ຕະຫຼອດຮອດພະນັກງານ-ລັດຖະກອນ ພາຍໃນພະແນກ ຍທຂ ແຂວງ ເຂົ້າຮ່ວມຢ່າງພ້ອມພຽງ.

ກອງປະຊຸມໃນຄັ້ງນີ້ ຈັດຂຶ້ນເພື່ອເຊື່ອມຊຶມ ແລະ ກຳແໜ້ນເອກະສານກົດລະບຽບພັກ ສະໄໝທີ XII ໃຫ້ພະນັກງານ-ລັດຖະກອນ ໄດ້ນຳໄປຈັດຕັ້ງປະຕິບັດຢ່າງຖືກຕ້ອງ, ພ້ອມທັງເປັນການທົບທວນຄືນມູນເຊື້ອ, ປະວັດສາດຄວາມເປັນມາ ແລະ ຜົນງານການເຄື່ອນໄຫວທີ່ສໍາຄັນ ຂອງຂະແໜງການໂຍທາທິການ ແລະ ຂົນສົ່ງ ໃນໄລຍະ 75 ປີຜ່ານມາ, ລວມທັງຮຽນຮູ້ຮູບແບບການເຄື່ອນໄຫວປະຕິວັດ ແລະ ນ້ຳໃຈຕໍ່ສູ້ອັນອາດຫານຂອງ ທ່ານ ເຈ ເກວາຣາ ນັກປະຕິວັດຜູ້ຍິ່ງໃຫຍ່.

ຂ່າວ-ພາບ: ວົງສະແຫວງ

Bài viết ພະແນກ ຍທຂ ແຂວງຈຳປາສັກ ເຜີຍແຜ່ກົດລະບຽບພັກ ສະໄໝທີ XII ພ້ອມຈັດປາຖະກາຖາວັນສຳຄັນຂອງພັກ-ຂອງຊາດ đã xuất hiện đầu tiên vào ngày .

ນະຄອນ​ປາກເຊ, ວັນທີ 21 ສິງຫາ 2026 — ຮາກຖານພັກພະແນກສາທາລະນະສຸກແຂວງຈຳປາສັກ ໄດ້ຈັດກອງປະຊຸມເຊື່ອມຊຶມ ແລະ ເຜີຍແຜ່ບັນດາເອກະສານຫຼັກມູນຂອງພັກ ສະໄໝທີ XII ໂດຍມຸ່ງເນັ້ນຍົກລະດັບຄວາມຮັບຮູ້, ສ້າງຄວາມປອດໃສຂາວສະອາດໃຫ້ແກ່ສະມາຊິກພັກ ແລະ ເພີ່ມທະວີຄວາມເຂັ້ມແຂງໃຫ້ແກ່ການຈັດຕັ້ງຮາກຖານ ເພື່ອຮັບປະກັນການປະຕິບັດໜ້າທີ່ການເມືອງໃນໄລຍະໃໝ່.

​ກອງປະຊຸມດັ່ງກ່າວ ຈັດຂຶ້ນພາຍໃຕ້ການເປັນປະທານຂອງ ສະຫາຍ ປະດິດ ວັນນະລັດສະໝີ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງຈຳປາສັກ, ໂດຍມີ ສະຫາຍ ດຣ. ຈັນສະໝອນ ທະນະບົວສີ ຮອງເລຂາຄະນະພັກຮາກຖານ, ຮອງຫົວໜ້າພະແນກສາທາລະນະສຸກແຂວງ, ສະຫາຍ ດຣ ນາງ ສັງວານ ແສນສຸກ ປະທານກວດກາຄະນະພັກຮາກຖານ, ຮອງຫົວໜ້າພະແນກສາທາລະນະສຸກແຂວງ, ພ້ອມດ້ວຍຄະນະພັກຮາກຖານ, ເລຂາ-ຮອງເລຂາ ຈາກ 10 ໜ່ວຍພັກຂຶ້ນກັບ ແລະ ສະມາຊິກພັກທົ່ວພະແນກ ເຂົ້າຮ່ວມຢ່າງພ້ອມພຽງ.

​            ໃນກອງປະຊຸມ, ຜູ້ເຂົ້າຮ່ວມໄດ້ຮັບຟັງການເຜີຍແຜ່ເອກະສານຍຸດທະສາດ ແລະ ບົດບາດການນຳພາຂອງພັກ ຈາກປະທານກອງປະຊຸມ ເຊິ່ງປະກອບມີເນື້ອໃນສຳຄັນຄື: ​ກົດລະບຽບຂອງພັກ ສະໄໝທີ XII ​ເອກະສານເສີມຂະຫຍາຍມູນເຊື້ອ ແລະ ຍົກສູງບົດບາດການນຳພາຂອງພັກ,​ ແນວທາງການຫັນປ່ຽນວຽກງານພະນັກງານໃນເງື່ອນໄຂປັດຈຸບັນ.

​           ພ້ອມດຽວກັນນີ້, ສະຫາຍ ສົມພອນ ວິໄລສົມ ຄະນະພັກຮາກຖານ, ຫົວໜ້າຂະແໜງອົບຮົມ ຄະນະໂຄສະນາອົບຮົມແຂວງ ຍັງໄດ້ຂຶ້ນເຜີຍແຜ່ເອກະສານສະກັດກັ້ນ ແລະ ແກ້ໄຂປະກົດການຫຍໍ້ທໍ້ພາຍໃນພັກ ພ້ອມທັງເນັ້ນໜັກເລື່ອງການຝຶກຝົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສິນທຳປະຕິວັດ ໃຫ້ແກ່ສະມາຊິກພັກທຸກສະຫາຍມີຄວາມຮັບຮູ້, ເຂົ້າໃຈຕໍ່ບັນດາເນື້ອໃນມະຕິກອງປະຊຸມໃຫຍ່ ຄັ້ງທີ XII ຂອງພັກຢ່າງເລິກເຊິ່ງ, ເຮັດໃຫ້ສະມາຊິກພັກມີຄວາມປອດໃສຂາວສະອາດ ແລະ ການຈັດຕັ້ງຂອງພັກມີຄວາມເຂັ້ມແຂງ, ໜັກແໜ້ນ ເພື່ອສືບຕໍ່ເຮັດໜ້າທີ່ການເມືອງຂອງພັກ ສ້າງຄວາມເຊື່ອໝັ້ນ ແລະ ຍົກສູງປະສິດທິພາບໃນການບໍລິການປະຊາຊົນໃຫ້ມີຄວາມເຂັ້ມແຂງຍິ່ງຂຶ້ນ.

ຂ່າວ-ພາບ: ຖາວອນ ຈັນດາລາສຸກ
__________
#ໜັງສືພິມຈຳປາໃໝ່
ບກ: ມົນທຽນ ໄຊຍະສິດ

Bài viết ຮາກຖານພັກພະແນກສາທາລະນະສຸກແຂວງຈຳປາສັກ ເຜີຍແຜ່ເຊື່ອມຊຶມບັນດາເອກະສານຫຼັກມູນຂອງພັກ ສະໄໝທີ XII đã xuất hiện đầu tiên vào ngày .

ເນື່ອງໃນໂອກາດວັນສື່ມວນຊົນ ແລະ ການພິມຈຳໜ່າຍແຫ່ງຊາດ ຄົບຮອບ 76 ປີ (13 ສິງຫາ 1950 – 13 ສິງຫາ 2026), ທ່ານ ພອນສະຫວັດ ສັນຕິສຸກ ພະນັກງານອາວຸໂສບຳນານ ອະດີດຜູ້ອຳນວຍການສະຖານີວິທະຍຸກະຈາຍສຽງແຂວງຈຳປາສັກ ໄດ້ໃຫ້ທັດສະນະ ແລະ ບົດຮຽນອັນລ້ຳຄ່າ ກ່ຽວກັບເສັ້ນທາງການເຕີບໃຫຍ່ຂອງວຽກງານສື່ມວນຊົນລາວເວົ້າລວມ,ເວົ້າສະເພາະແມ່ນວຽກງານສື່ມວນຊົນຂອງແຂວງຈຳປາສັກ.

ເມື່ອຫວນຄືນກັບໄປໃນໄລຍະແຫ່ງການຕໍ່ສູ້ ແລະ ການຫັນປ່ຽນປະຫວັດສາດຂອງປະເທດຊາດ, ວິທະຍຸກະຈາຍສຽງ ບໍ່ພຽງແຕ່ເປັນຊ່ອງທາງ ຮັບຮູ້ຂໍ້ມູນຂ່າວສານເທົ່ານັ້ນ, ແຕ່ຍັງເປັນ “ເງົາທຽມຂ້າງ” ຂອງການປະຕິວັດ ທີ່ຄຽງບ່າຄຽງໄຫຼ່ກັບປະຊາຊົນມາໂດຍຕະຫຼອດ.

ທ່ານ ໄດ້ໃຫ້ທັດສະນະວ່າ: ​ໃນ ເງື່ອນໄຂປະຈຸບັນ ທີ່ເຕັກໂນໂລຊີ ແລະ ສື່ສັງຄົມອອນລາຍ (Social Media) ເຊັ່ນ Facebook ແລະ TikTok ໄດ້ເຂົ້າມາມີບົດບາດສຳຄັນ ແລະ ກາຍເປັນສິ່ງທ້າທາຍອັນໃຫຍ່ຫຼວງຕໍ່ສື່ການກະຈາຍສຽງແບບດັ້ງເດີມ, ທ່ານ ພອນສະຫວັດ ສັນຕິສຸກ ໄດ້ຝາກ 3 ຂໍ້ສະເໜີແນະ ອັນຊົງຄຸນຄ່າ ມາຍັງອົງການຈັດຕັ້ງສື່ມວນຊົນທຸກຂັ້ນ ແລະ ຄົນຮຸ່ນໜຸ່ມວ່າ:
​ສື່ມວນຊົນລາວ ຕ້ອງກ້າຫານ ປັບຕົວໃຫ້ທັນກັບຍຸກສະໄໝ ແລະ ປະເທດອ້ອມຂ້າງ ໂດຍການລົງໄປສຶກສາເບິ່ງ ບົດຮຽນຕົວຈິງ ເພື່ອນຳມາພັດທະນາເນື້ອໃນໃຫ້ມີຄວາມທັນສະໄໝ.
​ການສ້າງ ແລະ ບຳລຸງສ້າງບຸກຄະລາກອນ.

ວຽກງານສື່ມວນຊົນ ແມ່ນ ວຽກທີ່ຕ້ອງໃຊ້ທັງຄວາມຮູ້, ຄວາມສາມາດ ແລະ “ພອນສະຫວັນ” ພ້ອມທັງຕ້ອງຜ່ານການຝຶກຝົນຫຼໍ່ຫຼອມຕົວຈິງ; ບໍ່ສາມາດເອົາຄົນຈາກຂະແໜງການອື່ນ ມາທົດແທນໄດ້ທັນທີ.
​ພັກ ແລະ ລັດ ຕ້ອງສຸມທຶນຮອນເຂົ້າໃສ່ວຽກງານຂໍ້ມູນຂ່າວສານ ເພື່ອໃຫ້ສາມາດແຂ່ງຂັນ ແລະ ກ້າວໄປຂ້າງໜ້າໄດ້ຢ່າງໝັ້ນຄົງ.

​”ຕອນທ້າຍ, ທ່ານຍັງໄດ້ຝາກຄວາມຫວັງໄວ້ກັບນ້ອງໆ ລູກຫຼານຄົນຮຸ່ນໜຸ່ມ ທີ່ກຳລັງປະຕິບັດໜ້າທີ່ສື່ມວນຊົນໃນປັດຈຸບັນ ຈົ່ງສືບຕໍ່ ຍຶດໝັ້ນແນວທາງການປະຕິວັດ ແລະ ປະຕິບັດຕາມທິດຊີ້ນຳ,ຄຳໂອ້ລົມຂອງ ທ່ານ ທອງລຸນ ສີສຸລິດ ເລຂາທິການໃຫຍ່ ພັກປະຊາຊົນປະຕິວັດລາວ ປະທານປະເທດ ແຫ່ງ ສປປ ລາວ ທີ່ວ່າ: ສື່ມວນຊົນແມ່ນຜູ້ປາກອອກແສງ,ຜູ້ແທງເຖິງໃຈ,ຜູ້ສະດຸ້ງໄວເມື່ອໄດ້ອ່ານ,ຜູ້ກ້າຜ່ານອຸປະສັກ,ຜູ້ຮັກຄວາມຈິງ,ຜູ້ຍິງຖືກເປົ້າ.

ພ້ອມນັ້ນ,ທ່ານຍັງໄດ້ ຝາກຄຳອວຍພອນເຖິງນັກສື່ມວນຊົນລາວທຸກທົ່ວໜ້າ ຈົ່ງມີສະຂະພາບເຂັ້ມແຂງ,ມີຄວາມຜາສຸກ ແລະ ພັດທະນາວິຊາຊີບຂອງຕົນຢ່າງບໍ່ຢຸດຢັ້ງ.

#ໜັງສືພິມຈຳປາໃໝ່
ບກ: ມົນທຽນ ໄຊຍະສິດ

Bài viết ທ່ານ ພອນສະຫວັດ ສັນຕິສຸກ ອະດີດຜູ້ອຳນວຍການວິທະຍຸ ໃຫ້ທັດສະນະ ຕໍ່ວັນສື່ມວນຊົນ ແລະ ການພິມຈຳໜ່າຍຄົບຮອບ 76 ປີ đã xuất hiện đầu tiên vào ngày .

ປາກເຊ, ແຂວງຈຳປາສັກ – ວັນທີ 17 ສິງຫາ 2026
​ເນື່ອງໃນໂອກາດວັນສື່ມວນຊົນ ແລະ ການພິມຈຳໜ່າຍ (13 ສິງຫາ 1950 – 13 ສິງຫາ 2026) ຄົບຮອບ 76 ປີ, ທ່ານ ຂັນຄຳ ແກ່ນບຸດຕາ ພະນັກງານອາວຸໂສບຳນານ ອະດີດຜູ້ອຳນວຍການສະຖານີໂທລະພາບແຂວງຈຳປາສັກ ຮຸ້ນບຸກເບີກ, ອະດີດຄະນະພະແນກຖະແຫຼງຂ່າວ-ວັດທະນະທຳແຂວງ ແລະ ອະດີດຫົວໜ້າພະແນກພົວພັນການຕ່າງປະເທດແຂວງຈຳປາສັກ ໄດ້ບອກເລົ່າເຖິງເບື້ອງຫຼັງປະຫວັດສາດການສ້າງຕັ້ງ ແລະ ພັດທະນາສື່ມວນຊົນທ້ອງຖິ່ນ ທີ່ເຕັມໄປດ້ວຍຄວາມມານະອົດທົນຜ່ານຜ່າອຸປະສັກ ແລະ ວິໄສທັດອັນຕັ້ງໜ້າ.

ການຫວນຄືນສູ່ຮາກເຫງົ້າແຫ່ງການສື່ສານໃນອດີດ ບໍ່ພຽງແຕ່ສະທ້ອນໃຫ້ເຫັນເຖິງການເຕີບໃຫຍ່ຂະຫຍາຍຕົວຂອງວົງການສື່ມວນຊົນລາວຕະຫຼອດໄລຍະ 76 ປີຜ່ານມາ, ແຕ່ຍັງເປັນເຂັມຊີ້ທິດເຍືອງທາງໃຫ້ເຫັນເຖິງສິ່ງທ້າທາຍອັນໃຫຍ່ຫຼວງຂອງສື່ທ້ອງຖິ່ນໃນຍຸກແຫ່ງການຫັນປ່ຽນດິຈິຕອນ ແລະ ປັນຍາປະດິດ (AI).

ເມື່ອຫວນຄືນອະດີດກັບໄປເມື່ອ 31 ປີກ່ອນ (1995), ພະແນກຖະແຫຼງຂ່າວ-ວັດທະນະທຳແຂວງ ພາຍໃຕ້ການຊີ້ນຳຈາກສູນກາງ ໄດ້ລິເລີ່ມສ້າງຕັ້ງສະຖານີໂທລະພາບແຂວງຈຳປາສັກ ແລະ ໜັງສືພິມຈຳປາໃໝ່ຂຶ້ນ ເພື່ອຕອບສະໜອງຄວາມຮຽກຮ້ອງຕ້ອງການຂອງປະຊາຊົນຊາວແຂວງຈຳປາສັກ ທີ່ຢາກເຂົ້າເຖິງສື່ທີ່ມີທັງພາບ ແລະ ສຽງ ເຊິ່ງເປັນເຄື່ອງມືກ້າວໜ້າໃນເວລານັ້ນ.

ສະຖານີໂທລະພາບແຂວງຈຳປາສັກໄດ້ດຳລົງບົດບາດເປັນເຄື່ອງມືອັນແຫຼມຄົມ, ເປັນປາກກະບອກສຽງຂອງພັກ-ລັດ, ເປັນສື່ກາງລາຍງານຂ່າວ ແລະ ເວທີສະແດງຄວາມຄິດຄວາມເຫັນຂອງປະຊາຊົນ.

ທ່ານ ຂັນຄຳ ແກ່ນບຸດຕາ ເວົ້າວ່າ: ສິ່ງທີ່ສ້າງຄວາມປະທັບໃຈເປັນພິເສດໃນໄລຍະຜ່ານມາຄືການໄດ້ຮັບມອບໝາຍຈາກການຈັດຕັ້ງ ແລະ ຄວາມຮູ້ສຶກພາກພູມໃຈທຸກຄັ້ງທີ່ໄດ້ປະຕິບັດໜ້າທີ່, ໂດຍສະເພາະການຖ່າຍທອດສົດ (Live/Real-time) ບັນຍາກາດກອງປະຊຸມສຳຄັນ ແລະ ງານບຸນປະເພນີຕ່າງໆ ເພື່ອຕອບສະໜອງຄວາມຕ້ອງການຮັບຊົມຂອງປະຊາຊົນຢ່າງວ່ອງໄວທັນເວລາ ພ້ອມທັງໄດ້ຮັບຄວາມຮ່ວມມື ແລະ ຄວາມເປັນຫ່ວງເປັນໃຍຈາກພໍ່ແມ່ປະຊາຊົນເປັນຢ່າງດີ.

​ເຖິງຢ່າງໃດກໍ່ຕາມ, ທ່ານ ຂັນຄຳ ແກ່ນບຸດຕາ ໄດ້ສະແດງຄວາມເປັນຫ່ວງເປັນຢ່າງຍິ່່ງວ່າ: ສື່ມວນຊົນລາວໃນລະດັບທ້ອງຖິ່ນຍັງມີຄວາມອ່ອນນ້ອຍ ແລະ ຍັງບໍ່ມີຄວາມສາມາດພຽງພໍທີ່ຈະແຂ່ງຂັນກັບສື່ຕ່າງປະເທດໄດ້. ໃນຍຸກປັດຈຸບັນທີ່ເຕັກໂນໂລຊີ ແລະ ສື່ສັງຄົມອອນລາຍກາຍເປັນວິຖີຊີວິດ, ການບໍລິໂພກສື່ທີ່ເປີດກວ້າງໄຮ້ການຄວບຄຸມ ຖ້າສື່ຂອງເຮົາບໍ່ເຂັ້ມແຂງ ກໍ່ຈະຖືກສື່ອື່ນຍຶດພື້ນທີ່ໄປ.

ນອກຈາກນີ້, ການບໍລິໂພກສື່ໂດຍບໍ່ມີການເລືອກເຟັ້ນ ປະກອບກັບການເຂົ້າມາຂອງລະບົບປັນຍາປະດິດ (AI) ຍິ່ງເຮັດໃຫ້ເກີດຄວາມສັບສົນ ແລະ ຍາກທີ່ຈະຈຳແນກຜິດ-ຖືກ.
​
​ເນື່ອງໃນໂອກາດວັນສື່ມວນຊົນລາວ ຄົບຮອບ 76 ປີ, ທ່ານ ຂັນຄຳ ແກ່ນບຸດຕາ ໃນຖານະພະນັກງານບຳານ ແລະ ອະດີດນັກຮົບສື່ມວນຊົນ ໄດ້ສະແດງຄວາມພາກພູມໃຈທີ່ເຫັນສື່ລາວເຕີບໃຫຍ່ຈາກຄວາມຍາກລຳບາກໃນຍຸກຕໍ່ສູ້ປົດປ່ອຍຊາດ ຈົນກ້າວສູ່ຄວາມທັນສະໄໝໃນປັດຈຸບັນ, ພ້ອມທັງສະແດງຄວາມຮູ້ບຸນຄຸນຕໍ່ການນຳພາຂອງພັກ-ລັດ
​ພ້ອມດຽວກັນນັ້ນ, ເພິ່ນໄດ້ຝາກຂໍ້ຄິດແກ່ສື່ມວນຊົນຕ້ອງເອົາໃຈໃສ່ພັດທະນາໃນຕໍ່ໜ້າ ເພື່ອກ້າວໄປສູ່ຄວາມເປັນມືອາຊີບ:
​ຍຶດໝັ້ນອຸດົມຄະຕິ ແລະ ຈັນຍາບັນ: ນັກສື່ມວນຊົນຕ້ອງມີອຸດົມການທີ່ຖືກຕ້ອງ ແລະ ມີຈັນຍາບັນຈັນຍາທຳທີ່ໜັກແໜ້ນ.
​ພັດທະນາສີມື ແລະ ຄວາມວ່ອງໄວ: ຕ້ອງມີຄວາມຮູ້ຄວາມສາມາດ, ເຮັດວຽກຢ່າງມືອາຊີບ ແລະ ວ່ອງໄວທັນເທດການ.

ພ້ອມດຽວກັນກໍຮຽກຮ້ອງມາຍັງພັກ ແລະ ລັດຖະບານຕ້ອງລົງທຶນທີ່ເໝາະສົມ ທັງດ້ານການກໍ່ສ້າງບຸກຄະລາກອນ, ອຸປະກອນເຕັກນິກທີ່ທັນສະໄໝ ແລະ ປະກອບພາຫະນະຮັບໃຊ້ ເພື່ອຍົກສູງຄຸນນະພາບສື່ລາວໃຫ້ສາມາດແຂ່ງຂັນກັບຕ່າງປະເທດໄດ້. ພ້ອມດຽວກັນສັ່ນ,ສື່ມວນຊົນເອງກໍຄວນມີການຊອກຫາແຫຼ່ງລາຍຮັບຈາກການໂຄສະນາຈາກໂຄງການຕ່າງໆ ເເພື່ອຊ່ວຍຄ້ຳຊູດ້ານການໃຊ້ຈ່າຍບໍລິຫານ.

​ໃນຕອນທ້າຍ, ທ່ານຍັງໄດ້ຝາກອວຍພອນມາຍັງນັກຮົບສື່ມວນຊົນທຸກຄົນມີສຸຂະພາບເຂັ້ມແຂງ, ປະສົບຜົນສຳເລັດໃນໜ້າທີ່ອັນມີກຽດ ແລະ ມີຄວາມສຸກສົມຫວັງທຸກປະການ.

ບກ: ມົນທຽນ ໄຊຍະສິດ

Bài viết ທ່ານ ຂັນຄຳ ແກ່ນບຸດຕາ ພະນັກງານອາວຸໂສບຳນານ ໃຫ້ທັດສະນະ ເນື່ອງໃນໂອກາດວັນສື່ມວນຊົນ ແລະ ການພິມຈຳໜ່າຍ ຄົບຮອບ 76 ປີ ​ đã xuất hiện đầu tiên vào ngày .

ທ່ານ ສີປະເສີດ ແສນສະຫັວດ ໄດ້ຮຽກຮ້ອງມາຍັງສື່ມວນຊົນລາວ ຈົ່ງພ້ອມກັນສືບຕໍ່ເຮັດໜ້າທີ່ເປັນກະບອກສຽງສຳຄັນໃຫ້
ແກ່ພັກ-ລັດ ແລະ ປະຊາຊົນບັນດາເຜົ່າ ເພື່ອໂຄສະນາແນວທາງນະໂຍປາຍຂອງພັກ, ແຜນພັດ ທະນາເສດຖະກິດ-ສັງຄົມ , ລະບຽບກົດໝາຍຂອງລັດ, ພ້ອມທັງເປັນເວທີໃຫ້ຂໍ້ມູນຂ່າວສານ ສິ່ງສຳຄັນຕ້ອງເຮັດໄປຕາມ 4 ລັກສະນະຄື, ນຳພາສຶກສາອົບຮົມ,ລັກສະນະຕົວຈິງ,ລັກສະນະມະຫາຊົນ,ໃຫ້ແຂງແຮງເພື່ອແນໄສ່ເຮັດໃຫ້ວຽກສື່ທວ່ງທັນກັບສາກົນແລະໃຫ້ທັນກັບຍຸກສະໄໝ ດັ່ງບາງຕອນທ່ານກ່າວວ່າ(ສຽງທ່ານສີປະເສີດ)

#ຄະນະໂຄສະນາອົບຮົມແຂວງຈຳປາສັກ
ຂຽນ:ນ.ປະພິດ ສີສົມບູນ. ພາບ:ທ.ຍຸກສະໃໝ ຍົມສະໝອນ

Bài viết ທ່ານ ສີປະເສີດ ແສນສະຫວັດ ສະແດງທັດສະນະຕໍ່ວັນສື່ມວນຊົນລາວ ແລະ ການພິມຈຳໜ່າຍ đã xuất hiện đầu tiên vào ngày .

ກອງປະຊຸມຄົບຄະນະບໍລິຫານງານພັກເມືອງ ຄັ້ງທີ 7 ສະໄໝທີ IX ຂອງ ເມືອງປະທຸມພອນ ໄດ້ຈັດຂຶ້ນລະຫວ່າງວັນທີ 5-6 ສິງຫາ 2026 ຢູ່ທີ່ຫ້ອງປະຊຸມວ່າການເມືອງ, ໂດຍເປັນປະທານຂອງ ສະຫາຍ ປະດິດ ວັນນະລັດສະໝີ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ (ຜູ້ຊີ້ນຳວຽກງານຮອບດ້ານຂອງ ເມືອງປະທຸມພອນ), ມີ ສະຫາຍ ສົມຈິດ ແພງສະຫວັດ ກຳມະການພັກແຂວງ ເລຂາຄະນະບໍລິຫານງານພັກເມືອງ ຫົວໜ້າຄະນະສະມາຊິກສະພາປະຊາຊົນແຂວງຈຳປາສັກ ປະຈຳເຂດເລືອກຕັ້ງເມືອງປະທຸມພອນ, ມີ ບັນດາຮອງເລຂາພັກເມືອງ, ຄະນະປະຈຳພັກເມືອງ ແລະ ກຳມະການພັກເມືອງ ເຂົ້າຮ່ວມຢ່າງພ້ອມພຽງ.

ກອງປະຊຸມຄັ້ງນີ້ດຳເນີນໄປດ້ວຍຄວາມຈິງຈັງ ແລະ ຮັບຜິດຊອບສູງ ໂດຍໄດ້ສຸມໃສ່ການປະເມີນຜົນການນຳພາຈັດຕັ້ງປະຕິບັດວຽກງານໃນໄລຍະ 6 ເດືອນຕົ້ນປີ 2026, ກຳນົດທິດທາງວຽກງານໃນ 6 ເດືອນທ້າຍປີ ແລະ ພິຈາລະນາບັນຫາສຳຄັນຫຼາຍດ້ານຂອງເມືອງ.
#ວາລະທີ 1: ເຜີຍແຜ່ ແລະ ເຊື່ອມຊຶມເອກະສານ
#ກອງປະຊຸມໄດ້ເຜີຍແຜ່ ແລະ ເຊື່ອມຊຶມບັນດາເອກະສານສຳຄັນ ປະກອບມີ:
1). ຜົນສຳເລັດຂອງກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 5 ສະໄໝທີ IX.
2). ຜົນສຳເລັດກອງປະຊຸມສະໄໝວິສາມັນ ເທື່ອທີ 1 ຂອງສະພາແຫ່ງຊາດ ຊຸດທີ X.
#ວາລະທີ 2: ຮັບຟັງບົດລາຍງານ ແລະ ປຶກສາຫາລື
#ກອງປະຊຸມໄດ້ພິຈາລະນາ ແລະ ຜ່ານຮ່າງບົດລາຍງານສຳຄັນຫຼາຍສະບັບ ໂດຍເນັ້ນໜັກໃນການຕີລາຄາການນຳພາຈັດຕັ້ງປະຕິບັດມະຕິກອງປະຊຸມຄັ້ງທີ 6 ສະໄໝທີ IX ຄວບຄູ່ກັບການສະຫຼຸບຜົນວຽກງານຮອບດ້ານ 6 ເດືອນຕົ້ນປີ ແລະ ວາງແຜນວຽກງານ 6 ເດືອນທ້າຍປີ 2026.
ນອກຈາກນັ້ນ ຍັງໄດ້ລາຍງານ ແລະ ປຶກສາຫາລືໃນຫຼາຍຂົງເຂດ ເຊັ່ນ:
1). ການພັດທະນາເສດຖະກິດ-ສັງຄົມ ແລະ ການປະຕິບັດແຜນງົບປະມານແຫ່ງລັດ.
2). ການຈັດເກັບລາຍຮັບເຂົ້າງົບປະມານຂອງບັນດາຂະແໜງການໃນຂັ້ນເມືອງ.
3). ມາດຕະການປ້ອງກັນ ແລະ ແກ້ໄຂບັນຫາສະແກມເມີ.
4). ການປັບປຸງກົງຈັກການຈັດຕັ້ງພັກ-ລັດ ຕະຫຼອດຮອດຂັ້ນບ້ານ ແລະ 5). ການເສີມສ້າງຄວາມເຂັ້ມແຂງໃຫ້ຄະນະປົກຄອງຕາແສງ.
5). ການຕິດຕາມບັນດາໂຄງການຊ່ວຍເຫຼືອ ແລະ ໂຄງການພັດທະນາຕ່າງໆ.
6). ການຄຸ້ມຄອງກອງທຶນຊ່ວຍເຫຼືອເຊິ່ງກັນ ແລະ ກັນ ຂອງກຳມະບານ.
7). ການເຜີຍແຜ່ກົດໝາຍ, ການສ້າງຈິດສຳນຶກເຄົາລົບກົດໝາຍ ແລະ ການໄກ່ເກ່ຍຂໍ້ຂັດແຍ່ງຢູ່ຮາກຖານ.
8). ການຈົດທະບຽນຫັນປ່ຽນປະເພດທີ່ດິນ ແລະ ການຈັດເກັບຄ່າທຳນຽມ.
9). ຄວາມຄືບໜ້າການລົງທຶນຂອງພາກເອກະຊົນ ຕາມ MOU ໂດຍສະເພາະໂຄງການປູກໄມ້ໃຫ້ໝາກແບບຍືນຍົງຂອງບໍລິສັດຊຸນດາ ແລະ ໂຄງການປູກໄມ້ວິກ-ໄມ້ກະຖິນນາລົງ ຂອງບໍລິສັດຄຳແສນ.
10). ການສະກັດກັ້ນ ແລະ ແກ້ໄຂບັນຫາການຊື້-ຂາຍໄມ້ຜິດລະບຽບ ຢູ່ຕາແສງພະໂພ.
ພາຍຫຼັງການລາຍງານ ປະທານກອງປະຊຸມໄດ້ຊັກຖາມເຈາະຈິ້ມບັນຫາສຳຄັນໃນແຕ່ລະຂະແໜງການ ພ້ອມເປີດກວ້າງໃຫ້ບັນດາຜູ້ເຂົ້າຮ່ວມສະເໜີຄວາມຄິດເຫັນ ແລະ ແນວທາງແກ້ໄຂບັນຫາຢ່າງສ້າງສັນ.
#ວາລະທີ 3: ວຽກງານພາຍໃນພັກ
#ກອງປະຊຸມໄດ້ດຳເນີນການສຳຫຼວດກວດກາບຸກຄົນພາຍໃນຄະນະພັກ, ຮັບຟັງລາຍງານຜົນການກວດກາພາຍໃນ ແລະ ພິຈາລະນາຜ່ານຮ່າງມະຕິກອງປະຊຸມຄົບຄະນະບໍລິຫານງານພັກເມືອງ ຄັ້ງທີ 7 ສະໄໝທີ IX.
ໃນຕອນທ້າຍກອງປະຊຸມ ສະຫາຍ ປະດິດ ວັນນະລັດສະໝີ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ (ຜູ້ຊີ້ນຳວຽກງານຮອບດ້ານຂອງ ເມືອງປະທຸມພອນ), ໄດ້ໂອ້ລົມຊີ້ນຳ ໂດຍເນັ້ນໜັກໃຫ້ ຄະນະພັກເມືອງ ແລະ ທຸກພາກສ່ວນ ສືບຕໍ່ຍົກສູງຄວາມຮັບຜິດຊອບ, ເພີ່ມທະວີຄວາມສາມັກຄີ, ສຸມໃສ່ແກ້ໄຂບັນຫາຄົງຄ້າງ, ຜັນຂະຫຍາຍມະຕິກອງປະຊຸມໃຫ້ເປັນຮູບປະທຳ ເພື່ອບັນລຸເປົ້າໝາຍການພັດທະນາຂອງເມືອງໃນປີ 2026.
ຈາກນັ້ນ ກອງປະຊຸມໄດ້ປິດລົງດ້ວຍບັນຍາກາດແຫ່ງຄວາມສາມັກຄີ, ຄວາມຮັບຜິດຊອບ ແລະ ຄວາມມຸ່ງໝັ້ນສູງ ເພື່ອຮ່ວມກັນຜັນຂະຫຍາຍມະຕິກອງປະຊຸມໃຫ້ເກີດໝາກຜົນຕົວຈິງ ແລະ ສ້າງພື້ນຖານອັນເຂັ້ມແຂງໃຫ້ແກ່ການພັດທະນາເສດຖະກິດ-ສັງຄົມ, ຄວາມສະຫງົບຮຽບຮ້ອຍ ແລະ ການສ້າງພັກໃຫ້ເຂັ້ມແຂງຂອງ ເມືອງປະທຸມພອນ ຕໍ່ໄປ.

ເພຈ: ໂຄສະນາ-ອົບຮົມ ເມືອງປະທຸມພອນ

Bài viết ເມືອງປະທຸມພອນ ສຳເລັດກອງປະຊຸມຄົບຄະນະບໍລິຫານງານພັກເມືອງ ຄັ້ງທີ 7 ສະໄໝທີ IX ພ້ອມວາງທິດທາງຂັບເຄື່ອນວຽກງານ 6 ເດືອນທ້າຍປີ 2026 ຢ່າງເຂັ້ມແຂງ đã xuất hiện đầu tiên vào ngày .

ໃນວັນທີ 05 ສິງຫາ 2026 ນີ້, ຢູ່ທີ່ຫ້ອງປະຊຸມຂອງຄະນະໂຄສະນາອົບຮົມແຂວງຈໍາປາສັກ ໄດ້ຈັດພິທີເປີດຊຸດຮຽນທິດສະດີ-ແນວທາງຂອງພັກ ໄລຍະສັ້ນ ຊຸດທີ I ຂຶ້ນຢ່າງເປັນທາງການ ໂດຍການເປັນປະທານຂອງສະຫາຍ ປະດິດ ວັນນະລັດສະໝີ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ. ເຂົ້າຮ່ວມພິທີມີບັນດາສະຫາຍຮອງຫົວໜ້າຄະນະໂຄສະນາອົບຮົມແຂວງ, ຫົວໜ້າຂະແໜງ, ຮອງຂະແໜງ ພ້ອມດ້ວຍຄູ-ອາຈານ ແລະ ນັກສໍາມະນາກອນເຂົ້າຮ່ວມຢ່າງພ້ອມພຽງ.

ພິທີເປີດຊຸດຮຽນໃນຄັ້ງນີ້ ມີຈຸດປະສົງເພື່ອຍົກຮ່າງລະດັບຄວາມຮູ້, ຄວາມເຂົ້າໃຈ ກ່ຽວກັບທິດສະດີມາກ-ເລນິນ, ມູນເຊື້ອຂອງພັກ, ນະໂຍບາຍ ແລະ ແນວທາງການເມືອງຂອງພັກໃນໄລຍະໃໝ່ ໃຫ້ແກ່ພະນັກງານ-ລັດຖະກອນ. ທັງນີ້ ກໍເພື່ອເປັນການຝຶກຝົນຫຼໍ່ຫຼອມທັດສະນະ ນະໂຍບາຍ, ຄຸນສົມບັດປະຕິວັດ, ເພີ່ມພູນຄວາມສາມາດໃນການນໍາເອົາເນື້ອໃນຈິດໃຈແນວທາງຂອງພັກ ໄປຈັດຕັ້ງປະຕິບັດເຂົ້າໃນວຽກງານຕົວຈິງ ຢູ່ຕາມພະແນກການ ແລະ ທ້ອງຖິ່ນຂອງຕົນ ໃຫ້ມີປະສິດທິພາບສູງຂຶ້ນ.

ໃນໂອກາດດັ່ງກ່າວ, ສະຫາຍ ປະດິດ ວັນນະລັດສະໝີ ປະທານກອງປະຊຸມ ໄດ້ໃຫ້ກຽດໂອ້ລົມ ແລະ ເນັ້ນໜັກໃຫ້ບັນດານັກຮຽນທຸກສະຫາຍ ຈົ່ງເອົາໃຈໃສ່ຍົກສູງຄວາມຮັບຮອບຊອບ, ຕັ້ງໃຈຄົ້ນຄວ້າຮ່ຳຮຽນ, ປະຕິບັດກົດລະບຽບຂອງຊຸດຮຽນຢ່າງເຂັ້ມງວດ. ພ້ອມດຽວກັນນັ້ນ, ກໍໃຫ້ແລກປ່ຽນຄວາມຄິດຄວາມເຫັນກັບຄູ-ອາຈານ ເພື່ອໃຫ້ສາມາດກຳອັນເປັນແກ່ນສານຂອງທິດສະດີ, ແລ້ວນຳໄປໝູນໃຊ້ເຂົ້າໃນການປະຕິບັດໜ້າທີ່ວຽກງານໃຫ້ເກີດຜົນປະໂຫຍດສູງສຸດ.
ຊຸດຮຽນທິດສະດີ-ແນວທາງຂອງພັກ ໄລຍະສັ້ນ ຊຸດທີ I ນີ້ ຈະໄດ້ດໍາເນີນໄປເປັນເວລາ 15 ວັນຈິ່ງສໍາເລັດ, ໂດຍມີນັກຮຽນເຂົ້າຮ່ວມທັງໝົດ 20 ສະຫາຍ, ຍິງ 12 ສະຫາຍ. ເນື້ອໃນຫຼັກສູດຈະປະກອບມີຫຼາຍບົດຮຽນທີ່ສໍາຄັນກ່ຽວກັບການສ້າງສາ ແລະ ພັດທະນາປະເທດຊາດ.

Bài viết ພິທີເປີດຊຸດຮຽນທິດສະດີ-ແນວທາງຂອງພັກ ໄລຍະສັ້ນ ຊຸດທີ I ໃຫ້ແກ່ພະນັກງານນໍາພາ-ຄຸ້ມຄອງຂອງຄະນະໂຄສະນາອົບຮົມແຂວງ đã xuất hiện đầu tiên vào ngày .

ໃນວັນທີ 31 ກໍລະກົດ 2026 ນີ້, ຄະນະໂຄສະນາອົບຮົມແຂວງຈຳປາສັກ ໄດ້ຈັດພິທີປະກາດພະນັກງານນຳພາ-ຄຸ້ມຄອງ ອອກພັກການຮັບອຸດໜູນບຳນານຢ່າງເປັນທາງການ, ທີ່ສຳນັກງານຫ້ອງວ່າການປົກຄອງແຂວງຈຳປາສັກ ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ປະດິດ ວັນນະລັດສະໝີ, ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ. ເຂົ້າຮ່ວມໃນພິທີ ມີຄະນະນຳຈາກພະແນກການທີ່ກ່ຽວຂ້ອງຂອງແຂວງ, ຄະນະໂຄສະນາອົບຮົມແຂວງ, ຫົວໜ້າ-ຮອງຫົວໜ້າຂະແໜງ ພ້ອມດ້ວຍພະນັກງານວິຊາການເຂົ້າຮ່ວມຢ່າງພ້ອມພຽງ.

Bài viết ຄະນະໂຄສະນາອົບຮົມແຂວງຈຳປາສັກ ຈັດພິທີປະກາດພະນັກງານນຳພາ-ຄຸ້ມຄອງ ອອກພັກການຮັບອຸດໜູນບຳນານ ຢ່າງສົມກຽດ đã xuất hiện đầu tiên vào ngày .

          ​ພິທີປະກາດພະນັກງານອອກພັກການຮັບອຸດໜູນບຳນານຄັ້ງນີ້ ແມ່ນເປັນການປະຕິບັດຕາມຂໍ້ຕົກລົງຂອງປະທານຄະນະກຳມະການປົກຄອງແຂວງຈຳປາສັກ ວ່າດ້ວຍການອະນຸມັດໃຫ້ພະນັກງານ-ລັດຖະກອນ ອອກພັກການຮັບອຸດໜູນບຳນານ ຈຳນວນ 5 ທ່ານ ທີ່ໄດ້ທຸ້ມເທເຫື່ອແຮງ ແລະ ສະຕິປັນຍາ ເຂົ້າໃນພາລະກິດຮັບໃຊ້ຊາດມາຢ່າງຍາວນານ, ເຊິ່ງປະກອບມີ:
​ທ່ານ ບຸນປັນ ມະຫາລາດ, ຮອງຫົວໜ້າຄະນະໂຄສະນາອົບຮົມແຂວງ (ອາຍຸການ 40 ປີ)
​ທ່ານ ສຸພົນ ພົນຊຽງສາ, ສັງກັດຂະແໜງສື່ມວນຊົນ-ຖະແຫຼງຂ່າວ (ອາຍຸການ 42 ປີ)
​ທ່ານ ອິດສຸລິຍະ ຫຼວງອາໄພ, ຮອງຫົວໜ້າຂະແໜງໂຄສະນາປາຖະກະຖາ (ອາຍຸການ 42 ປີ)
​ທ່ານ ນາງ ທອງໃສ ສຸກຈະເລີນ, ວິຊາການຂະແໜງສື່ມວນຊົນ-ຖະແຫຼງຂ່າວ(ອາຍຸການ 30 ປີ)
​ທ່ານ ບຸນເຄນ ຂັນທອງ, ສັງກັດຂະແໜງສື່ມວນຊົນ-ຖະແຫຼງຂ່າວ (ອາຍຸການ 32 ປີ)

            ໃນໂອກາດອັນມີຄວາມໝາຍສຳຄັນກ່ອນເຂົ້າຮັບອຸດໜູນບຳນານນີ້, ທ່ານ ບຸນປັນ ມະຫາລາດ ໄດ້ຕາງໜ້າໃຫ້ພະນັກງານຮັບບຳນານ ທັງ 5 ທ່ານ ຂຶ້ນສະແດງຄວາມຮູ້ສຶກຕໍ່ພະນັກງານລັດຖະກອນ ແລະ ການຈັດຕັ້ງ. ທ່ານໄດ້ກ່າວສະແດງຄວາມກະຕັນຍູ ແລະ ຮູ້ບຸນຄຸນຢ່າງສູງຕໍ່ ພັກ-ລັດ ທີ່ໄດ້ອົບຮົມບຳລຸງ, ກໍ່ຮ່າງສ້າງຕົວ ແລະ ໃຫ້ໂອກາດແກ່ທຸກທ່ານໄດ້ຮັບໃຊ້ປະເທດຊາດຕະຫຼອດໄລຍະການປະຕິບັດໜ້າທີ່ຕະຫຼອດໄລຍະຜ່ານມາ; ພ້ອມດຽວກັນທ່ານຍັງໄດ້ມອບພາລະໜ້າທີ່ອັນຊົງກຽດໃຫ້ແກ່ພະນັກງານຮຸ່ນສືບທອດ ໃຫ້ຕັ້ງໜ້າສືບຕໍ່ຝຶກຝົນຫຼໍ່ຫຼອມຕົນເອງ ແລະ ປະຕິບັດໜ້າທີ່ວຽກງານໃຫ້ປະສົບຜົນສຳເລັດຕາມການຈັດຕັ້ງມອບໝາຍໃຫ້.
​ຈາກນັ້ນ, ທ່ານ ປະດິດ ວັນນະລັດສະໝີ ໄດ້ໃຫ້ກຽດມອບຂໍ້ຕົກລົງ ແລະ ເງິນນະໂຍບາຍອຸດໜູນບຳນານໃຫ້ແກ່ແຕ່ລະທ່ານ. ບັນຍາກາດພາຍໃນພິທີເປັນໄປຢ່າງອົບອຸ່ນ ແລະ ເຕັມໄປດ້ວຍຄວາມສາມັກຄີຮັກແພງ, ໂດຍຕົວແທນຈາກຂະແໜງການຕ່າງໆພາຍໃນຄະນະໂຄສະນາອົບຮົມແຂວງຍັງໄດ້ຜັດປ່ຽນກັນຂຶ້ນມອບກະຕ່າຂອງຂວັນ ເພື່ອສະແດງຄວາມຊົມເຊີຍ ແລະ ຂອບໃຈຕໍ່ຜົນງານ, ຄຸນງາມຄວາມດີ ທີ່ທຸກທ່ານໄດ້ສ້າງໄວ້.

         ຕອນທ້າຍຂອງພິທີ, ຜູ້ເຂົ້າຮ່ວມຍັງໄດ້ຮັບຟັງການໂອ້ລົມ ແລະ ໃຫ້ທິດຊີ້ນຳຈາກ ທ່ານ ປະດິດ ວັນນະລັດສະໝີ ເພື່ອເປັນເຂັມຊີ້ທິດເຍືອງທາງໃຫ້ແກ່ພະນັກງານບຳນານ ພ້ອມທັງພະນັກງານລັດຖະກອນພາຍໃນຄະນະໂຄສະນາອົບຮົມແຂວງ ຈົ່ງສືບຕໍ່ປະຕິບັດໜ້າທີ່ທີ່ການຈັດຕັ້ງມອບໝາຍໃຫ້ໃຫ້ມີຄວາມເຂັ້ມແຂງ ແລະ ເຕີບໃຫຍ່ຂະຫຍາຍໂຕຍິ່ງໆຂຶ້ນ.
__________
#ໜັງສືພິມຈຳປາໃໝ່
ບກ: ມົນທຽນ ໄຊຍະສິດ

Bài viết ຄະນະໂຄສະນາອົບຮົມແຂວງຈຳປາສັກ ຈັດພິທີປະກາດພະນັກງານນຳພາ-ຄຸ້ມຄອງ ອອກພັກການຮັບອຸດໜູນບຳນານ ຢ່າງສົມກຽດ đã xuất hiện đầu tiên vào ngày .

ໃນໂອກາດນີ້, ທ່ານ ຄຳໄຫຼ ລາດຊາບັນດິດ ໄດ້ລາຍງານຜົນການຈັດຕັ້ງປະຕິບັດວຽກງານ 6 ເດືອນຕົ້ນປີ 2026, ໂດຍໄດ້ຍົກໃຫ້ເຫັນຜົນສຳເລັດ, ຂໍ້ຄົງຄ້າງ ແລະ ທິດທາງແຜນການໃນຕໍ່ໜ້າ.
​ຈາກນັ້ນ, ທ່ານ ປະດິດ ວັນນະລັດສະໝີ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດທີ່ຍາດມາໄດ້, ພ້ອມທັງມີຄຳເຫັນຊີ້ນຳໃຫ້ເອົາໃຈໃສ່ 3 ວຽກງານຈຸດສຸມ ຄື:
​ວຽກງານການເມືອງ-ແນວຄິດ: ສືບຕໍ່ເອົາໃຈໃສ່ວຽກງານການເມືອງແນວຄິດ, ຜັນຂະຫຍາຍ ແລະ ເຜີຍແຜ່ບັນດາມະຕິ, ຄຳສັ່ງ ແລະ ນິຕິກຳຂອງພັກ-ລັດ ໃຫ້ເຂົ້າເຖິງພະນັກງານ, ສະມາຊິກພັກ ແລະ ປະຊາຊົນຢ່າງກວ້າງຂວາງ.
​ຍົກສູງຄຸນນະພາບວິຊາສະເພາະ: ເອົາໃຈໃສ່ວຽກງານປະຖະກະຖາ, ຝຶກອົບຮົມ, ແລະ ສົ່ງເສີມການນຳໃຊ້ເທັກໂນໂລຢີດິຈິຕອນ ເພື່ອເຂົ້າໃນວຽກງານ (AI) ໃຫ້ສອດຄ່ອງກັບຍຸກໃໝ່.
​ການພັດທະນາຕາໜ່າງຂ່າວສານ: ສ້າງ ແລະ ພັດທະນານັກຂ່າວຂັ້ນຮາກຖານ (ຕາແສງ ແລະ ບ້ານ) ເພື່ອຍົກສູງຄຸນນະພາບການໂຄສະນາຂ່າວສານໃຫ້ທັນສະພາບຕົວຈິງ.

​ການລົງຢ້ຽມຢາມຄັ້ງນີ້ ເປັນການຊຸກຍູ້ ແລະ ຍົກສູງປະສິດທິພາບວຽກງານໂຄສະນາອົບຮົມຂອງເມືອງບາຈຽງຈະເລີນສຸກ ໃຫ້ເຂັ້ມແຂງ ແລະ ມີປະສິດທິຜົນສູງຍິ່ງຂຶ້ນຕາມທິດທາງຂອງພັກໄລຍະໃໝ່.

ຂ່າວ-ພາບ: ນາງ ອຳໄພວັນ.
ບກ: ນາງ ສຸດານີ ວຽງປະເສີດ.

Bài viết ຄະນະໂຄສະນາອົບຮົມແຂວງຈຳປາສັກ ລົງຢ້ຽມຢາມ ແລະ ຊຸກຍູ້ວຽກງານໂຄສະນາອົບຮົມ ເມືອງບາຈຽງຈະເລີນສຸກ đã xuất hiện đầu tiên vào ngày .