ຄະນະ​ໂຄສະນາ​ອົບຮົມ​ແຂວງ​ຈຳປາ​ສັກ ຈັດ​ຝຶກ​ອົບຮົມ​ເປົ້າ​ໝາຍຂະຫຍາຍ​ເຂົ້າ​ພັກ​ຊຸດ​ທີ III ປະຈຳ​ສົກ​ປີ 2015-2016

ຄະນະ​ໂຄສະນາ​ອົບຮົມ​ແຂວງ​ຈຳປາ​ສັກ ຈັດ​ຝຶກ​ອົບຮົມ​ເປົ້າ​ໝາຍຂະຫຍາຍ​ເຂົ້າ​ພັກ​ຊຸດ​ທີ III ປະຈຳ​ສົກ​ປີ 2015-2016

  ວັນ​ທີ 25-26 ກຸມພາ 2016 ຜ່ານມາ ຄະນະ​ໂຄສະນາ​ອົບຮົມ​ແຂວງ​ຈຳປາ​ສັກ ໄດ້ຈັດ​ຝຶກ​ອົບຮົມ​ເປົ້າ​ໝາຍຂະຫຍາຍ​ເຂົ້າ​ພັກ​ຊຸດ​ທີ III

​ຂື້ນ​​ ທີ່​ຫ້ອງ​ປະຊຸມພະ​ແນ​ກສຶກສາ​ທິການ ​ແລະ ກິລາ ແຂວງ​ຈຳປາ​ສັກ. ໃຫ້​ກຽດ​​ເປັນ​ປະທານ​ໂດຍ ສະຫາຍ ບົວ​ໄລ ຊາ​ພັກດີ  ກຳມະການ​ພັກ​ແຂວງ​, ຫົວໜ້າຄະນະ​ໂຄສະນາ​ອົບຮົມ​ແຂວງ​ຈຳປາ​ສັກ ​ເຂົ້າ​ຮ່ວມ​​ມີ​ບັນດາ​ສະຫາຍ​ຕາງໜ້າ ​​ຄະນະ​ພັກ, ຄະນະ​ໜ່ວຍ​ພັກ, ຄະນະ​ຮັບຜິດຊອບ ​ແລະ ນັກ​ອົບຮົມ​ ທີ່ມາ​ຈາກ 08 ຮາກ​ຖານພັກ ​ແລະ 03 ໜ່ວຍ​ພັກ​ຮາກ​ຖານ ອ້ອມ​ຂ້າງ​ແຂວງ ມີ​ຈຳນວນ​ນັກ​ອົບຮົມ​ທັງ​ໝົດ 49 ສະ​ຫາຍ, ຍິງ 23 ສະຫາຍ.

​        ໃນຊຸດຝຶກອົບຮົມຄັ້ງນີ້ ສຳມະນາກອນໄດ້ຮຽນຮູ້ກ່ຽວກັບເອກະສານ​​ດັ່ງ​ນີ້: ​

- ຕ້ອງອອກ​ແຮງ​ຝຶກ​ຝົນ​ຫຼໍ່​ຫຼອມ​ທາງ​ດ້ານ​ຄຸນ​ທາດ​ການ​ເມືອງ, ຄຸນສົມບັດ​ສິນ​ທຳ​ປະຕິວັດ.

- ຕ້ອງ​ມີ​ວິ​ໄສ​ທັດ, ມີ​ຄວາມ​ສະດຸ້ງ​ໄວ​ມີ​ຈຸດ​ຢືນ​ທີ່​ທັດສະນະ​ຫຼັກ​ໝັ້ນ​ທີ່​ຖືກຕ້ອງ.

- ຕ້ອງ​ຮູ້​ເສີມ​ຂະຫຍາຍ​ບົດຮຽນ​ແບບ​ແຜນການ​ເຄື່ອນ​ໄຫວ​ການ​ດຳລົງ​ຊີວິດ.

​       ການຮ່ຳຮຽນ​ຄັ້ງ​ນີ້ ແມ່ນເພື່ອສ້າງໃຫ້ເປົ້າໝາຍ ກາຍ​ເປັນ​ສະມາຊິກພັກ​ຜູ້ດີ​ເດັ່ນ, ​ເປັນ​ພະນັກງານ​ຫຼັກ​ແຫຼ່ງ​ແກ່ນສານ​ຂອງ​ຂະ​ແໜງ​ການ, ອົງການ​ຂອງ​ຕົນ​ໃນ​ຕໍ່ໜ້າ”.