ແຂວງ​ ຈຳປາ​ສັກ​ຈັດ​ຕັ້ງ​ເຊື່ອມ​ຊຶມມະຕິ​ກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ ​ແລະ ມະຕິ VII ຂອງ​ແຂວງ ຊຸດ​ທີ I

ແຂວງ​ ຈຳປາ​ສັກ​ຈັດ​ຕັ້ງ​ເຊື່ອມ​ຊຶມມະຕິ​ກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ ​ແລະ ມະຕິ VII ຂອງ​ແຂວງ ຊຸດ​ທີ I 

   ໃນວັນ​ທີ 23 – 25 ພຶດສະພາ 2016 ຜ່ານມາ. ​ແຂວງ ຈໍາປາສັກ ໄດ້ຈັດ​ຕັ້ງ​ເຊື່ອມ​ຊຶມມະຕິ​ກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ ​ແລະ ມະຕິ

VII ຂອງ​ແຂວງ ຊຸດ​ທີ I. ຂື້ນ​ທີ່​ສະ​ໂມ​ສອນ​ຫຼັກ 4 ​​ໃຫ້​ກຽດເຂົ້າຮ່ວມ​ເປັນປະທານໂດຍ ທ່ານ ປອ ບຸນ​ຖອງ ດີ​ວິ​ໄຊ ​ເລຂາ​ພັກ​ແຂວງ ​ເຈົ້າ​ແຂວງ​ຈຳປາ​ສັກ. ຊຶ່ງມີ ຮອງເລຂາພັກ ແຂວງ, ພ້ອມດ້ວຍ​ພະນັກງານຫຼັກ​ແຫຼ່ງມາ​ຈາກ​ເມືອງ, ອ້ອມ​ຂ້າງ​ແຂວງ, ປກສ - ປກຊ, ສະ​ຖາ​ບັນ​ການ​ສຶກສາ ​ແລະ ລັດ​ວິ​ສາ​ຫະກິດ ລວມທັງ​ໝົດ 328 ທ່ານ; ຍິງ 38 ທ່ານ.

​    ໃນ​ພິທີ​ ທ່ານ ປອ ບຸນ​ຖອງ ດີ​ວິ​ໄຊ ​ເລຂາ​ພັກ​ແຂວງ, ​ເຈົ້າ​ແຂວງ​ຈຳປາ​ສັກ ​​ໄດ້ກ່າວວ່າ: ຜົນສຳ​ເລັດ​ໃນ​ການຈັດ​ຕັ້ງ​ເຊື່ອມ​ຊຶມມະຕິ​ກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ ​ແລະ ມະຕິ VII ຂອງ​ແຂວງ. ​ເປັນ​ພຽງ​ຜົນ ສຳ​ເລັດ​ຂັ້ນ​ຕົ້ນ​ເທົ່າ​ນັ້ນ, ໜ້າ​ທີ່​ອັນ​ໜັກໜ່ວງ​​ແມ່ນຕ້ອງ​ນຳ​ເອົາ​ເນື້ອ​ໃນ​ຈິດ​ໃຈ​ມະຕິ X ຂອງ​ພັກ ​ແລະ ມະ​ຕິ VII ຂອງ​ແຂວງ ​ໄປ​ຈັດ​ຕັ້ງ​ຜັນ​ຂະຫຍາຍ ​ແລະ ໝູນໃຊ້ເຂົ້າໃນການ​ປະຕິບັດວຽກ​ງານ​ຕົວ​ຈິງ ​ໃຫ້​ມີ​ຜົນສຳ​ເລັດ​ທີ່​ໃຫຍ່​ຫຼວງ ​ແລະ ມີ​ປະສິດທິ​ຜົນ​ສູງ.