ຄະນະ​ໂຄສະນາ​ອົບຮົມ​ແຂວງ​ຈຳປາ​ສັກ​ເປີດ​ຊຸດ​ຝຶກ​ອົບຮົມ​ວຽກ​ງານ​ໂຄສະນາ-ປາຖະກະຖາ​

ຄະນະ​ໂຄສະນາ​ອົບຮົມ​ແຂວງ​ຈຳປາ​ສັກ​ເປີດ​ຊຸດ​ຝຶກ​ອົບຮົມ​ວຽກ​ງານ​ໂຄສະນາ-ປາຖະກະຖາ​

​    ໃນ​​ວັນ​ທີ 26 ສິງຫາ 2015 ຜ່ານ​ມາ. ທີ່​ຫ້ອງ​ປະຊຸມ 406 ​ແຂວງ​ຈຳປາ​ສັກ ​ໄດ້ເປີດ​ຊຸດ​ຝຶກ​ອົບຮົມ​ວຽກ​ງານ​ໂຄສະນາ-ປາຖະກະຖາ​

ໃຫ້​ແກ່​ພະນັກງານ​ທົ່ວ​ແຂວງ​ຈຳປາ​ສັກ ​ຂຶ້ນ ​​ໃຫ້ກຽດເຂົ້າ​ຮວ່ມ​​ເປັນ​ຄະນະ​ປະທານກອງ​ປະຊຸມ​ໂດຍ ທ່ານ ສີ​ປະ​ເສີດ ​ແສນ​ສະຫວັດ  ຮອງຫົວໜ້າ​ຄະນະ​ໂຄສະນາ​ອົບຮົມ​ສູນ​ກາງ​ພັກ, ທ່ານ ​ເມກ​ສະຫວັນ ພົມ​ພິທັກ ຮອງ​ເລຂາ​​ພັກ​ແຂວງ,ປະທານ​ຄະນະ​ສະມາຊິກສະພາ​​ແຫ່ງ​ຊາດ​ປະຈຳເຂດ​ເລືອກ​ຕັ້ງ​ທີ 15, ທ່ານ ບົວ​ໄລ  ຊາ​ພັກດີ ກຳມະການ​ພັກ​ແຂວງ, ຫົວໜ້າຄະນະ​ໂຄສະນາ​ອົບຮົມ​ແຂວງ ​ແລະ ມີ​ນັກ​ວິທະຍາກອນຈາກ​ສູນ​ກາງ ​ແລະ ​ແຂວງ, ​ມີນັກ​ສຳ​ມະ​ນາກ​ອນຈາກພະ​ແນ​ກການ, ອົງການອ້ອມ​ຂ້າງ​​ແຂວງ ​ແລະ ຈາກ​ຄະນະ​ໂຄສະນາ​ອົບຮົມ​ເມືອງ 10 ​ເມືອງ ຈຳ ນວນ 74 ສະຫາຍ; ຍິງ 24 ສະຫາຍ. ການ​ຝຶກ​ອົບຮົມ​ໃນ​ຄັ້ງ​ນີ້ ​​ໄດ້​ດຳ​ເນີນ​ໄປ​ໃນ​ເວລາ 2 ວັນ ຄື: ວັນ​ທີ 26-27 ສິງຫາ 2015 ຊື່​ງປະກອບ​ມີ 4 ​ເອກະສານ​ຄື: ບັນຫາ​ພື້ນຖານ​ວຽກ​ງານ​ໂຄສະນາ, ຝຶກ​ຝົນ​ຄວາມ​ສາມາດ​ໃນ​ການ​ຂຽນ​ເອກະສານ, ຄຸນ​ລັກສະນະ​ສີ​ລະ​ປະ​ໃນ​ການ​ປາກ​ເວົ້າ​ຂອງ​ນັກ​ປາຖະກະຖາ, ບັນດາ​ນິຕິ​ກຳ ​ແລະ ບາງ​ບົດຮຽນ​ໃນ​ການ​ເຄື່ອນ​ໄຫວ​ປາຖະກະຖາ.