ຄະນະໂຄສະນາອົບຮົມແຂວງ ປິດຊຸດຝຶກອົບຮົມເປົ້າໝາຍທີ່ຈະຂະຫຍາຍເຂົ້າພັກ ຊຸດທີ V ປະຈຳປີ 2023

ລາຍລະອຽດ

ສ້າງຂື້ນເມື່ອ ວັນພະຫັດ, 19 ຕຸລາ 2023 07:24

ຂຽນໂດຍ ptcps

      ໃນຕອນບ່າຍ ຂອງວັນທີ 28 ກັນຍາ 2023 ຄະນະໂຄສະນາອົບຮົມແຂວງ ໄດ້ຈັດພິທີປິດຊຸດຝຶກອົບຮົມເປົ້າໝາຍທີ່ຈະຂະຫຍາຍເຂົ້າພັກ ຊຸດທີ V ປະຈຳປີ 2023  ຢູ່ທີ່ສະໂມສອນຫຼັກ 4  

     ໂດຍໃຫ້ກຽດເປັນປະທານ ແລະ ມອບໃບຍັ້ງຢືນຂອງ ສະຫາຍ ບຸນປັນ ມະຫາລາດ ຮອງເລຂາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງຈຳປາສັກ. ເຂົ້າຮ່ວມມີຄະນະພັກຮາກຖານ, ໜ່ວຍພັກຮາກຖານ, ພ້ອມດ້ວຍຄະນະຮັບຜິດຊອບຊຸດຝຶກອົບຮົມ ແລະ ມະຫາຊົນກ້າວໜ້າຈຳນວນທັງໝົດ 44 ສະຫາຍ, ຍິງ 15 ສະຫາຍ; ເຊິ່ງມາຈາກ 12 ຮາກຖານ ແລະ 14 ໜ່ວຍພັກຮາກຖານເຂົ້າຮ່ວມ.

      ໃນພິທີ ກໍ່ໄດ້ຮັບຟັງການຜ່ານບົດສະຫຼຸບຈາກຄະນະຮັບຜິດຊອບຊຸດຝຶກອົບຮົມແລ້ວ ທ່ານປະທານພິທີ ກໍ່ໄດ້ໃຫ້ກຽດມອບໃບຢັ້ງຢືນໃຫ້ແກ່ຜູ້ເຂົ້າຮ່ວມຝຶກອົບຮົມທັງໝົດ ແລະ ມີຄຳເຫັນໂອ້ລົມ, ເຊິ່ງທ່ານໄດ້ຍົກໃຫ້ເຫັນເຖິງຜົນສໍາເລັດໃນຄັ້ງນີ້ ຍັງເປັນຜົນສຳເລັດໃນຂັ້ນຕົ້ນເທົ່ານັ້ນ ໜ້າທີ່ອັນໜັກໜ່ວງ ແລະ ມີກຽດສະງ່າຂອງບັນດາສະຫາຍຍັງຕ້ອງໄດ້ໝູນໃຊ້ບົດຮຽນທິດສະດີທີ່ຮຽນມາເຂົ້າໃນພາກພຶດຕິກຳໃຫ້ມີຜົນສຳເລັດທີ່ໃຫ່ຍຫລວງ ມີປະສິດທິຜົນສູງພາຍຫັລງສຳເລັດການຝຶກອົບຮົມແລ້ວມອບໃຫ້ສະຫາຍຄະນະພັກຮາກຖານ, ໜ່ວຍພັກຮາກຖານ ຕິດຕາມກວດກາບັນດາມະຫາຊົນຜູ້ກ້າວໜ້າໃນທຸກເງຶ່ອນໄຂ ແລະ ມະຫາຊົນພວກເຮົາ ຕ້ອງໄດ້ເອົາໃຈໃສ່ບຸກບືນຝືກຝົນຫລໍ່ຫຼອມຕົນເອງຕື່ມອີກຈາກນັ້ນທ່ານປະທານກໍ່ໄດ້ກ່າວປິດພິທີຢ່າງເປັນທາງການ.

• < ຕໍ່ໄປ
• ຕໍ່ໄປ >