ຄະນະໂຄສະນາອົບຮົມເມືອງໂຂງ ແຂວງຈຳປາສັກ ຈັດພິທີເປີດຊຸດຝືກອົບຮົມທິດສະດີການເມືອງ-ແນວທາງຂອງພັກໄລຍະສັ້ນ ຊຸດທີ 1 ປະຈຳປີ 2023

ລາຍລະອຽດ

ສ້າງຂື້ນເມື່ອ ວັນພະຫັດ, 19 ຕຸລາ 2023 06:56

ຂຽນໂດຍ ptcps

      ໃນຕອນເຊົ້າ ຂອງວັນທີ 27 ກັນຍາ 2023 ຄະນະໂຄສະນາອົບຮົມເມືອງໂຂງ ແຂວງຈຳປາສັກ ຈັດພິທີເປີດຊຸດຝືກອົບຮົມທິດສະດີການເມືອງ-ແນວທາງຂອງພັກໄລຍະສັ້ນ ຊຸດທີ 1 ປະຈຳປີ 2023 

ພິທີ ໄດ້ຈັດຂຶ້ນທີ່ສະໂມສອນຂອງເມືອງ; ໂດຍໃຫ້ກຽດເປັນປະທານຄັ້ງນີ້ ຂອງສະຫາຍ ພູວັນ ສີສຸພົນ ຮອງເລຂາພັກເມືອງ ຜູ້ຊີ້ນຳວຽກງານການເມືອງແນວຄິດພັກ-ພະນັກງານ, ມີ ສະຫາຍ ນາງ ຈັນເພັງ ບຸນສາລີ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງ, ມີສະຫາຍຕ່າງໜ້າຄະນະໂຄສະນາອົບຮົມແຂວງຈຳປາສັກ, ຫົວໜ້າ-ຮອງຫົວໜ້າ ຫ້ອງການກົມກອງອ້ອມຂ້າງ, ສະຫາຍຮອງຫົວໜ້າຄະນະໂຄສະນາອົບຮົມເມືອງ ພ້ອມດ້ວຍນັກສຳມະນາກອນ ເຂົ້າຮ່ວມທັງໝົດ 41 ສະຫາຍ, ຍິງ 7 ສະຫາຍ.
       ເພື່ອເປັນການປະຕິບັດຕາມການປັບປຸງໂຄງການຫຼັກສູດການຮຽນ-ການສອນ ຈາກຄະນະໂຄສະນາອົບຮົມສູນກາງພັກ ໃຫ້ກະທັດຮັດໜັກແໜ້ນທ່ວງທັນ ກັບພະນັກງານຫຼັກແຫຼ່ງນຳພາໃນທຸກອົງກອນ ທີ່ຮັບຮູ້ເຂົ້າໃຈຕໍ່ທິດສະດີການເມືອງ-ແນວທາງຂອງພັກ ໃຫ້ນັບມື້ຫຼາຍຂື້ນ. 

     ໂອກາດດຽວກັນນີ້, ໃນພິທີຍັງໄດ້ຮັບຟັງການຜ່ານມະຕິຕົກລົງຂອງຄະນະໂຄສະນາອົບຮົມແຂວງ ສະບັບເລກທີ 827/ຄອຂ.ຈສ, ລົງວັນທີ 25 ກັນຍາ 2023 ວ່າດ້ວຍການເປີດຊຸດອົບຮົມທິດສະດີ-ແນວທາງຂອງພັກໄລຍະສັ້ນຊຸດທີ 1 ປະຈຳປີ 2023; ຮັບຟັງການຜ່ານມະຕິຕົກຂອງຄະນະປະຈຳພັກເມືອງວ່າດ້ວຍການອະນຸມັດເປົ້າໝາຍເຂົ້າຮຽນທິດສະດີການເມືອງ-ແນວທາງຂອງພັກ ລະບົບກໍ່ສ້າງ 15 ວັນ ຊຸດທີ 1 ປະຈຳປີ 2023, ຮັບຟັງການຜ່ານສະຕິຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບລວມ, ມະຕິຕົກລົງວ່າດ້ວຍການແຕ່ງຕັ້ງບັນດາສະຫາຍການນຳຂັ້ນເມືອງ ເປັນຄູອາຈານສິດສອນ, ພ້ອມຮັບຟັງການຜ່ານກົດລະບຽບຊົ່ວຄາວໃນບັ້ນດຳເນີນການຮຽນ-ການສອນ ໃຫ້ແກ່ບັນດາສະຫາຍນັກສຳມະນາກອນຮັບຮູ້ເຂົ້າໃຈພ້ອມຮັບຟັງການມີຄຳເຫັນຊີ້ນຳຈາກສະຫາຍປະທານພິທີ.

• < ຕໍ່ໄປ
• ຕໍ່ໄປ >