ຄະນະໂຄສະນາອົບຮົມແຂວງຈຳປາສັກ ລົງເຄື່ອນໄຫວຊຸກຍູ້ ວຽກງານໂຄສະນາອົບຮົມ ຢູ່ທີ່ 3ເມືອງ

ລາຍລະອຽດ

ສ້າງຂື້ນເມື່ອ ວັນພະຫັດ, 19 ຕຸລາ 2023 05:15

ຂຽນໂດຍ ptcps

     ໃນວັນທີ 19-20 ກັນຍາ 2023 ຄະນະໂຄສະນາອົບຮົມແຂວງ ໄດ້ລົງເຄື່ອນໄຫວຊຸກຍູ້ ວຽກງານໂຄສະນາອົບຮົມຢູ່ທີ່ 3 ເມືອງ: ເມືອງສຸຂຸມາ, ເມືອງຈຳປາສັກ ແລະ ເມືອງປະທຸມພອນ, 

     ເຊິ່ງນຳໂດຍ ທ່ານ ບຸນປັນ ມະຫາລາດ ຮອງຫົວໜ້າຄະນະໂຄສະນາອົບຮົມແຂວງ, ພ້ອມດ້ວຍຫົວໜ້າຂະແໜງ-ຮອງຂະແໜງຄະນະໂຄສະນາອົບຮົມແຂວງ. ເຊິ່ງເມືອງສຸຂຸມາໄດ້ໃຫ້ກຽດຕ້ອນຮັບ ຂອງທ່ານ ນາງ ຂ່າຍແກ້ວ ສິງຫາວົງ ຮອງເລຂາພັກເມືອງ ຜູ້ຊີ້ນໍາວຽກງານການເມືອງ-ແນວຄິດ ວຽກພັກ-ພະນັກງານ ພ້ອມດ້ວຍຄະນະນຳຂອງເມືອງ; ເມືອງຈຳປາສັກ ຕ້ອນຮັບໂດຍ ທ່ານ ສະຫວາດ ແກ້ວບັນດິດ ເລຂາຄະນະບໍລິຫານງານພັກເມືອງ ເຈົ້າເມືອງຈຳປາສັກ; ເມືອງປະທຸມພອນ ຕ້ອນຮັບໂດຍ ທ່ານ ວຽງສະໄໝ ສີລິພອນພັນ ເລຂາຄະນະບໍລິຫານງານພັກເມືອງ ເຈົ້າເມືອງໆປະທຸມພອນ.
      ຈຸດປະສົງໃນການລົງພົບປະເມືອງໃນຄັ້ງນີ້ ກໍ່ເພື່ອປະສານສົມທົບກັບບັນດາເມືອງ ໃນການແຈກຢາຍປື້ມປະຫວັດສາດຂອງແຂວງຈຳປາສັກ ແລະ ເອກະສານຝຶກອົບຮົມ ໃຫ້ແກ່ຄະນະພັກ-ຄະນະນຳ ຂອງອົງການປົກຄອງຂອງແຕ່ລະເມືອງ.

• < ຕໍ່ໄປ
• ຕໍ່ໄປ >