ພະແນກແຜນການ ແລະ ການລົງທຶນ ລົງຮ່ວມວຽກ ກັບ ຄະນະໂຄສະນາອົບຮົມແຂວງ ຄົ້ນຄ້ວາຈັດຕັ້ງປະຕິບັດ ແຜນງານ/ໂຄງການ ຊ່ວຍເຫຼືອທາງການເພື່ອພັດທະນາ (ຊກພ), ຍຸດທະສາດ ການຍາດແຍ່ງທຶນ ຊກພ ແລະ ຍຸດທະສາດການຮ່ວມມື ລາວ-ຫວຽດນາມ.

ລາຍລະອຽດ

ສ້າງຂື້ນເມື່ອ ວັນອັງຄານ, 12 ກັນຍາ 2023 04:29

ຂຽນໂດຍ ptcps

    ໃນຕອນເຊົ້າຂອງວັນທີ 11 ກັນຍາ 2023 ທີ່ຫ້ອງປະຊຸມຂອງຄະນະໂຄສະນາອົບຮົມແຂວງ ຮ່ວມເຮັດວຽກ ກັບ ພະແນກແຜນການ ແລະ ການລົງທືນແຂວງ ວຽກງານຄົ້ນຄ້ວາຈັດຕັ້ງປະຕິບັດ ແຜນງານ/ໂຄງການ ຊ່ວຍເຫຼືອທາງການເພື່ອພັດທະນາ (ຊກພ), ຍຸດທະສາດ ການຍາດແຍ່ງທຶນ ຊກພ ແລະ ຍຸດທະສາດການຮ່ວມມື ລາວ-ຫວຽດນາມ.

     ໂດຍໃຫ້ກຽດເປັນທານ ຂອງທ່ານ ປອ ວັນນະລາ ສຸດທິຈັກ ຮອງຄະນະໂຄສະນາອົບຮົມແຂວງ, ມີທ່ານ ແສງພອນ ບຸດດາສອນ ຫົວໜ້າຂະແໜງຮ່ວມມືສາກົນ ພ້ອມດ້ວຍຄະນະ ແລະ ຫົວໜ້າຂະແໜງ, ຮອງຂະແໜງຈາກຄະນະຄະນະໂຄສະນາອົບຮົມແຂວງເຂົ້າຮ່ວມ.

    ຈຸດປະສົງໃນການເຮັດວຽກຮ່ວມໃນຄັ້ງນີ້ ກໍ່ເພື່ອເປັນການຊຸກຍູ້, ຕິດຕາມ ການຈັດຕັ້ງປະຕິບັດແຜນງານ/ໂຄງການ ຊ່ວຍເຫລືອທາງການເພື່ອການພັດທະນາ  ຍຸດທະສາດການຍາດແຍ່ງທືນ ຮອດປີ 2030  ແລະ ການຮ່ວມມືລາວ-ຫວຽດນາມ ເພື່ອການພັດທະນາ ຮອດປີ 2030 ແລະ ການຮ່ວມມື ລາວ-ຈີນ ເປັນເອກະພາບດ້ານຕົວເລກການລາຍງານຕ່າງໆໃຫ້ຊັດເຈນ ແລະ ສະເໜີທືນການຊ່ວຍເຫຼືອຈາກຄູ່ຮ່ວມພັດທະນາ ແລ້ວສະຫຼຸບລາຍງານລະອຽດໃຫ້ການນຳແຂວງຮັບຊາບກ່ຽວກັບແຫຼ່ງທຶນ 2 ພາກສ່ວນດັ່ງນີ້: ພາກສ່ວນທີ I ມີ 3 ໂຄງການຕົ້ນຕໍ ມູນຄ່າ 1,078,645,000 ກີບ ແລະ ພາກສ່ວນທີ II ມີ 8 ໂຄງການສຳຮອງ ມູນຄ່າ 4,588,999,000 ກີບ. ໂດຍມີການແລກປ່ຽນກັບຫົວໜ້າຂະແໜງ, ຮອງຂະແໜງຮ່ວມມືສາກົນ ຂອງພະແນກແຜນການ ແລະ ການລົງທຶນແຂວງຈຳປາສັກ ເຊິ່ງໄດ້ສັງລວມຄຳແນະນຳຢ່າງລະອຽດ.

• ຕໍ່ໄປ >