ຄະນະໂຄສະນາອົບຮົມແຂວງຈຳປາສັກ ຕ້ອນຮັບຮອງຄະນະໂຄສະນາອົບຮົມສູນກາງພັກ ລົງມາເຄື່ອນໄຫວຢ້ຽມຢາມ

ລາຍລະອຽດ

ສ້າງຂື້ນເມື່ອ ວັນອັງຄານ, 12 ກັນຍາ 2023 03:49

ຂຽນໂດຍ ptcps

     ໃນຕອນບ່າຍຂອງວັນທີ 06 ກັນຍາ 2023 ທີ່ຫ້ອງປະຊຸມຂອງຄະນະໂຄສະນາອົບຮົມແຂວງຈຳປາສັກ, ທ່ານປອ ສຸປານີ ສິລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ໄດ້ຕ້ອນຮັບ ທ່ານນາງ ວິລະວອນ ພັນທະວົງ ຮອງຫົວໜ້າຄະນະໂຄສະນາອົບຮົມສູນກາງພັກ ພ້ອມດ້ວຍຄະນະ ເຂົ້າພົບປະຢ້ຽມຢາມ ໃນໂອກາດເຄື່ອນໄຫວວຽກງານທີ່ແຂວງຈຳປາສັກ;ມີ ຮອງຫົວໜ້າຄະນະໂຄສະນາອົບຮົມແຂວງ ແລະພະນັກງານ-ລັດຖະກອນທັງໝົດເຂົ້າຮ່ວມ.

     ໂອກາດນີ້ ທ່ານ ປອ ສຸປານີ ສີລິປຸນໂຍ ໄດ້ກ່າວຕ້ອນຮັບ ແລະ ມີຄວາມຍິນດີຕໍ່ແຜນການເຄື່ອນໄຫວ ຂອງທ່ານຮອງຄະນະໂຄສະນາອົບຮົມສູນກາງພັກ ພ້ອມດ້ວຍຄະນະ ທີ່ມາເຄື່ອນໄຫວເຮັດວຽກທີ່ແຂວງຈຳປາສັກ; ພ້ອມນີ້ທ່ານກໍ່ໄດ້ລາຍງານໂດຍຫໍ້ຍກ່ຽວກັບສະພາບລວມຂອງການເຄື່ອນໄຫວວຽກງານໂຄສະນາອົບຮົມແຂວງໃນໄລຍະຜ່ານມາ, ເຊິ່ງມີທັງດ້ານດີ, ດ້ານອ່ອນ, ສາເຫດ ແລະ ຄວາມຫຸ້ຍງຍາກໃນການເຄື່ອນໄຫວເຮັດວຽກການເມືອງ-ແນວຄິດ ໃຫ້ແກ່ເປົ້າໝາຍຕ່າງໆ, ຈາກນັ້ນ ກໍ່ໄດ້ມີການແລກປ່ຽນບົດຮຽນ ແລະ ປືກສາຫາລື ແກ້ໄຂ ພ້ອມທັງໃຫ້ທິດທາງເພື່ອເຮັດໃຫ້ການຈັດຕັ້ງປະຕິບັດວຽກງານໂຄສະນາອົບຮົມໃນຕໍ່ໜ້າມີການຫັນປ່ຽນດີຂື້ນ.

     ໃນຕ້ອນທ້າຍ ທ່ານນາງ ວິລະວອນ ພັນທະວົງ ຮອງຫົວໜ້າຄະນະໂຄສະນາອົບຮົມສູນກາງພັກ ກໍ່ໄດ້ໂອ້ລົມ ແລະ ມີຄຳເຫັນ. ກ່ອນອື່ນ ທ່ານກໍ່ໄດ້ສະແດງຄວາມຍ້ອງຍໍຊົມເຊີຍໃນການຕ້ອນຮັບການເຄື່ອນໄຫວລົງມາຢ້ຽມຢາມໃນຄັ້ງນີ້, ເຊີ່ງທ່ານກໍ່ໄດ້ມີຄຳເຫັນຕໍ່ຜົນສຳເລັດຂອງຄະນະໂຄສະນາອົບຮົມແຂວງ ທີ່ຍາດມາໄດ້ໃນໄລຍະຜ່ານມາ ເຖິງວ່າສະພາບການຫລາຍຢ່າງໄດ້ພົບຄວາມຫຸ້ຍງຍາກແຕ່ເຖິງຢ່າງໃດກໍ່ຕາມກໍ່ພ້ອມກັນປັບປຸງວຽກງານໂຄສະນາອົບຮົມໃຫ້ໄປສູ່ການຫັນປ່ຽນໃໝ່ ແລະ ສາມາດຕອບສະໜອງຕໍ່ຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໄໝ່.

• < ຕໍ່ໄປ
• ຕໍ່ໄປ >