ຄະນະໂຄສະນາອົບຮົມເມືອງປາກຊ່ອງ ແຂວງຈຳປາສັກຈັດພິທີ ປາຖະກະຖາ 4 ວັນປະຫວັດສາດຂອງພັກ ຂອງຊາດ

ລາຍລະອຽດ

ສ້າງຂື້ນເມື່ອ ວັນພຸດ, 30 ສິງຫາ 2023 03:08

ຂຽນໂດຍ ptcps

      ໃນຕອນເຊົ້າ ຂອງວັນທີ 23 ສີງຫາ 2023  ຄະນະໂຄສະນາອົບຮົມເມືອງປາກຊ່ອງ ແຂວງຈຳປາສັກ ຈັດພິທີ ປາຖະກະຖາ 4 ວັນປະຫວັດສາດ ຂອງພັກ ຂອງຊາດ ສາກົນຄື:

   ວັນລັດຖະທຳມະນູນ ແຫ່ງ ສ ປປ ລາວ (15.8.1991-15.8.2023) ຄົບຮອບ 32 ປີ, ວັນຢືດອໍານາດທົ່ວປະເທດ ສ ປປ ລາວ( 23.8.1945-23.8.2023) ແລະ (23.8.1975-23.8.2023) ຄົບຮອບ 78 ປີ ແລະ ຄົບຮອບ 48 ປີ, ວັນສ້າງຕັ້ງອາຊຽນ( 8.8.1967-8.8.2023) ຄົບຮອບ 56 ປີ, ວັນເກີດ ທ່ານ ຟີແດນ (13.8.1962-13.8.2023) ຄົບຮອບ 97 ປີ. ຢູ່ທີ່ສະໂມສອນເມືອງປາກຊ່ອງ ໂດຍພາຍໃຕ້ການເປັນປະທານ ຂອງທ່ານ ຊັບພະທິບ ໄຊຍະວົງ ຮອງເລຂາພັກເມືອງ ພ້ອມທັງບັນລະຍາຍ 2 ເອກະສານຄື: ວັນຢືດອໍານາດທົ່ວປະເທດ ສ ປປ ລາວ ( 23.8.1945-23.8.2023) ແລະ (23.8.1975-23.8.2023) ຄົບຮອບ 78 ປີ ແລະ ຄົບຮອບ 48 ປີ ແລະ ວັນລັດຖະທຳມະນູນ ແຫ່ງ ສ ປປ ລາວ (15.8.1991-15.8.2023) ຄົບຮອບ 32 ປີ, ທ່ານ ກີງແກ້ວ ເພັດນ້ຳໂຂງ ຄະນະປະຈຳພັກເມືອງ ຫົວໜ້າໂຄສະນາອົບຮົມເມືອງປາກຊ່ອງ ບັນລະຍາຍ 2 ເອກະສານຄື: ວັນສ້າງຕັ້ງ ອາຊຽນ ( 8.8.1967-8.8.2023) ຄົບຮອບ 56 ປີ ແລະ ວັນເກີດ ທ່ານ ຟີແດນ ກາສໂຕຮຣຸດ (13.8.1962-13.8.2023) ຄົບຮອບ 97 ປີ. ເຊີ່ງຜູ້ເຂົ້າຮ່ວມຮັບຟັງ ປາຖະກະຖາໃນຄັ້ງນີ້ມີ: ຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ກອງກໍ່ສ້າງຮາກຖານແຂວງ, ເລຂາຄະນະພັກຮາກຖານ 10 ກຸ່ມ, 4 ບ້ານໃຫຍ່, 2 ກຳລັງປະກອບອາວຸດ ພ້ອມດ້ວຍພະນັກງານອ້ອມຂ້າງທົ່ວເມືອງ, ມີຈໍານວນຄົນເຂົ້າຮ່ວມທັງໝົດ 75 ທ່ານ, ຍິງ 24 ທ່ານ.

• < ຕໍ່ໄປ
• ຕໍ່ໄປ >