ຄະນະໂຄສະນາອົບຮົມແຂວງຈຳປາສັກ ເຜີຍແຜ່, ເຊື່ອມຊຶມຜົນສຳເລັດກອງປະຊຸມ ຄົບຄະນະກາງສະໄໝທີ VIII ຂອງອົງຄະນະບໍລິຫານງານພັກແຂວງຈຳປາສັກ

ລາຍລະອຽດ

ສ້າງຂື້ນເມື່ອ ວັນອັງຄານ, 22 ສິງຫາ 2023 02:03

ຂຽນໂດຍ ptcps

     ໃນຕອນເຊົ້າ ຂອງວັນທີ 17 ສິງຫາ 2023, ຄະນະໂຄສະນາອົບຮົມແຂວງຈຳປາສັກ ເຜີຍແຜ່ເຊື່ອມຊຶມຜົນສຳເລັດກອງປະຊຸມ ຄົບຄະນະກາງສະໄໝ ທີ VIII ຂອງຄະນະບໍລິຫານງານພັກແຂວງ ຕິດພັນກັບການຈັດຕັ້ງປະຕິບັດ ມະຕິກອງປະຊຸມໃຫ່ຍ ຜູ້ແທນທົ່ວປະເທດ ຄັ້ງທີ XI ຂອງພັກ ໃນໄລຍະກາງສະໄໝທີ່ຜ່ານມາ ແລະ ທິດທາງ ນຳພາປະຕິບັດຄາດໝາຍສູ້ຊົນແຕ່ລະດ້ານຮອດທ້າຍສະໄໝ. 

   ເຊິ່ງພາຍໃຕ້ການໃຫ້ກຽດເຂົາຮ່ວມເປັນປະທານເປີດກອງປະຊຸມ ຂອງທ່ານ ສະນັ່ນ ສີພາພົມມະຈັນ ຮອງເລຂາພັກແຂວງ ຜູ້ຊີ້ນຳວຽກງານການເມືອງ-ແນວຄິດ ຫົວໜ້າຄະນະຈັດຕັ້ງແຂວງ, ມີ ທ່ານ ປອ ສຸປານີ ສີລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ມີ ຄະນະພັກ-ຄະນະນຳຂອງແຂວງ, ຫົວໜ້າຂະແໜງ-ຮອງຂະແໜງ ພະແນກການອ້ອມຂ້າງແຂວງ ເຂົ້າຮ່ວມທັງໝົດ 169 ທ່ານ, ຍິງ 62 ທ່ານ.

     ໃນພິທີ ກອງປະຊຸມທີ່ມີຄວາມໝາຍຄວາມສຳຄັນນີ້, ທ່ານປະທານ ກໍ່ໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງ ຕໍ່ຄວາມເອົາໃຈໃສ່ ຂອງຄະນະພັກແຂວງ ໃນການກະກຽມ ແລະ ດຳເນີນກອງປະຊຸມກາງສະໄໝຂອງຕົນ ຕາມແຜນການທີ່ວາງໄວ້ ແລະ ຖືໂອກາດນີ້ ນຳເອົາຄວາມເປັນຫ່ວງເປັນໄຍ, ຄວາມສາມັກຄີຮັກແພງອັນສະໜິດສະໜົມຂອງກົມການເມືອງ ແລະ ຄະນະເລຂາທິການສູນກາງພັກ ມາຍັງບັນດາສະຫາຍຜູ້ແທນກອງປະຊຸມ ແລະ ແຂກຖືກເຊີນທີ່ມີກຽດ ທີ່ໄດ້ຕັ້ງໜ້າເຂົ້າຮ່ວມກອງປະຊຸມໃນຄັ້ງນີ້; ນຳເອົາຄວາມຢື້ຢາມຖາມຂ່າວ, ຄວາມເປັນຫ່ວງເປັນໄຍ ແລະ ຄວາມສາມັກຄີຮັກແພງອັນອົບອຸ່ນ ໄປຍັງບັນດາສະຫາຍສະມາຊິກພັກ, ພະນັກງານ, ກຳລັງປ້ອງກັນຊາດ-ປ້ອງກັນຄວາມສະຫງົບ, ພະນັກງານປະຕິວັດອາວຸໂສ, ບຳນານ, ວິລະຊົນແຫ່ງຊາດ-ນັກຮົມແຂ່ງຂັນ ແລະ ປະຊາຊົນບັນດາເຜົ່າໃນທົ່ວແຂວງຈຳປາສັກ.

   ຈາກນັ້ນກອງປະຊຸມ ກໍ່ໄດ້ດຳເນີນຢ່າງຕໍ່ເນື່ອງ ໂດຍທ່ານ ປອ ສຸປານີ ສີລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ໄດ້ຂຶ້ນບັນລະຍາຍ ເອກະສານເຜີຍແຜ່ຜົນສຳເລັດກອງປະຊຸມ ຄົບຄະນະກາງສະໄໝ ທີ VIII ຂອງຄະນະບໍລິຫານງານພັກແຂວງ ເຊິ່ງໄດ້ຊີ້ນຳ ແລະ ສະຫຼຸບ ຕີລາຄາໃນໄລຍະຂອງກອງປະຊຸມຢ່າງມີຜົນສຳເລັດ ແລະ ສືບຕໍ່ຕິດພັນແນວທາງປ່ຽນແປງໃໝ່ທີ່ມີຫຼັກການຂອງພັກ, ບູລະນະລະບອບປະຊາທິປະໄຕປະຊາຊົນ, ຮັກສາບົດບາດ ແລະ ຍົກສູງຄວາມສາມາດນຳພາ ຂອງຄະນະພັກແຕ່ລະຂັ້ນ, ເສີມຂະຫາຍຜົນສຳເລັດແຫ່ງການນຳພາ-ຊີ້ນຳ ໄປຄຽງຄູ່ກັບການ ນຳພາ-ແກ້ໄຂ ຈຸດອ່ອນ-ຂໍ້ຄົງຄ້າງ ໃນທຸກຂົງເຂດວຽກງານ, ຕິດພັນກັບການຜັນຂະຫາຍຜົນສຳເລັດຂອງການຈັດຕັ້ງປະຕິບັດ ວາລະຂອງແຂວງ ຕາມເນື້ອໃນວາລະແຫ່ງຊາດ ໃຫ້ມີການຫັນປ່ຽນແປງຢ່າງແຂງແຮງ ເລິກເຊິ່ງ, ຮອບດ້ານ ແລະ ມີປະສິດທິຜົນສູງກ່ວາເກົ່າ.

• < ຕໍ່ໄປ
• ຕໍ່ໄປ >