ເມືອງ ຊະນະສົມບູນ ແຂວງຈຳປາສັກ ຈັດພິທີ ປິດຊຸດອົບຮົມ ທິດສະດີ-ແນວທາງຂອງພັກ ໄລຍະສັ້ນຊຸດທີ I ປະຈຳປີ 2023

ລາຍລະອຽດ

ສ້າງຂື້ນເມື່ອ ວັນຈັນ, 05 ມີຖຸນາ 2023 02:29

ຂຽນໂດຍ ptcps

      ວັນທີ 31 ພຶດສະພາ 2023 ທີ່ຜ່ານມາ, ເມືອງຊະນະສົມບູນ ແຂວງຈຳປາສັກ ຈັດພິທີ ປິດຊຸດອົບຮົມທິດສະດີ-ແນວທາງຂອງພັກ ໄລຍະສັ້ນຊຸດທີ I ປະຈຳປີ 2023

   ເຊິ່ງຈັດຂື້ນຢູ່ທີ່ສະໂມສອນເມືອງ; ໂດຍພາຍໃຕ້ການໃຫ້ກຽດເປັນປະທານ ຂອງສະຫາຍ ປອ ສຸປານີ ສີລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງຈຳປາສັກ, ສະຫາຍ ສອນສະຫວັນ ສີວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງໆ ຊະນະສົມບູນ. ເຂົ້າຮ່ວມມີ ບັນດາແຂກທີ່ຖືກເຊີນຈາກກົມກອງ, ຫ້ອງການ, ກຸ່ມ-ບ້ານ ພ້ອມດ້ວຍພະນັກງານ ຫັນລົງກໍ່ສ້າງຮາກຖານແຂວງ ປະຈຳເມືອງຊະນະສົມບູນ, ນັກສຳມະນາກອນ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.

    ໃນພິທີກໍ່ໄດ້ຮັບຟັງການຜ່ານບົດສະຫຼຸບຈາກຄະນະຮັບຜິດຊອບຊຸດຝຶກອົບຮົມແລ້ວ ທ່ານປະທານພິທີກໍ່ໄດ້ໃຫ້ກຽດມອບໃບຢັ້ງຢືນໃຫ້ແກ່ຜູ້ເຂົ້າຮ່ວມຝຶກອົບຮົມທັງໝົດ ແລະ ມີຄຳເຫັນໂອ້ລົມເຊິ່ງທ່ານໄດ້ຍົກໃຫ້ເຫັນເຖິງຜົນສໍາເລັດໃນຄັ້ງນີ້ ຍັງເປັນຜົນສຳເລັດໃນຂັ້ນຕົ້ນເທົ່ານັ້ນໜ້າທີ່ອັນໜັກໜ່ວງ ແລະ ມີກຽດສະງ່າ ຂອງບັນດາສະຫາຍ ຍັງຕ້ອງໄດ້ໝູນໃຊ້ບົດຮຽນທິດສະດີທີ່ຮຽນມາ ເຂົ້າໃນພາກພຶດຕິກຳໃຫ້ມີຜົນສຳເລັດທີ່ໃຫ່ຍຫລວງ ມີປະສິດທິຜົນສູງ, ຈາກນັ້ນທ່ານປະທານກໍ່ໄດ້ກ່າວປິດພິທີຢ່າງເປັນທາງການ.

• < ຕໍ່ໄປ
• ຕໍ່ໄປ >