ກອງປະຊຸມ ແຜນເຄື່ອນໄຫວລົງຕິດຕາມ, ກວດກາ, ຊຸກຍູ້-ຊີ້ນຳ ວຽກງານການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ຂອງເມືອງປາກຊ່ອງ, ຕິດພັນກັບການຈັດຕັ້ງປະຕິບັດ 02 ວາລະແຫ່ງຊາດ ແລະ ວາລະຂອງແຂວງ

ລາຍລະອຽດ

ສ້າງຂື້ນເມື່ອ ວັນສຸກ, 19 ພຶດສະພາ 2023 04:55

ຂຽນໂດຍ ptcps

      ວັນທີ 4 ພຶດສະພາ​ 2023,​ ທ່ານ​ ປອ.​ວິໄລວົງ​ ບຸດດາຄໍາ​ ກໍາມະການ​ສູນກາງ​ພັກ​ ເລຂາ​ພັກ​ແຂວງ​ ເຈົ້າແຂວງ​ຈໍາປາສັກ​ ພ້ອມຄະນະ​ ໄດ້ລົງເຄື່ອນໄຫວຢ້ຽມຢາມ,​ ກວດກາ,​ ຊຸກຍູ້​ -​ ຊີ້ນໍາ​ການຈັດຕັ້ງ​ປະຕິບັດ​ແຜນ​ພັດທະນາ​ເສດຖະກິດ​ -​ ສັງຄົມ​ ແລະ​ ການຈັດຕັ້ງ​ປະຕິບັດ​ 2 ວາລະແຫ່ງຊາດ ຢູ່ເມືອງປາກຊ່ອງ

     ມີທ່ານ ສະນັ່ນ ສີພາພົມມະຈັນ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ​ ຜູ້ຊີ້ນໍາວຽກງານກໍ່ສ້າງຮາກຖານການເມືອງ, ບັນດາທ່ານຄະນະປະຈໍາພັກແຂວງ, ກໍາມະການພັກແຂວງ, ຫົວໜ້າ​ພະແນກການກົມກອງທີ່ກ່ຽວຂ້ອງຂອງແຂວງຮ່ວມຕິດຕາມ.​

    ການ​ເຄື່ອນໄຫວ​ຄັ້ງນີ້​ ຈັດຂຶ້ນ​ຢູ່ສະໂມສອນ​ເມືອງ,​ ໃຫ້ກຽດຕ້ອນຮັບ​ ແລະ​ ຮ່ວມ​ເຮັດວຽກ​ ມີທ່ານ​ ພິມພອນ ພັນດານຸວົງ ກໍາມະການພັກແຂວງ​ ເລຂາ​ພັກ​ເມືອງ​ ເຈົ້າເມືອງໆປາກຊ່ອງ ພ້ອມດ້ວຍ​ຮອງເລຂາພັກ​ເມືອງ,​ ຄະນະ​ປະຈໍາພັກເມືອງ,​ ກໍາມະການພັກເມືອງ,​ ພະນັກງານ​ຫັນລົງກໍ່ສ້າງຮາກຖານການເມືອງຂອງແຂວງ​ ປະຈໍາ​ເມືອງປາກຊ່ອງ,​ ຫົວໜ້າ​ຫ້ອງ​ການ​ -​ ຮອງຫົວໜ້າ​ຫ້ອງການ​ຕ່າງໆ​ອ້ອມຂ້າງ​ເມືອງ,​ ເລຂາຄະນະພັກຮາກຖານຊີ້ນໍາກຸ່ມບ້ານ​ພາຍໃນເມືອງ​ ເຂົ້າຮ່ວມ.​
    ໃນໂອກາດນີ້​ ທ່ານ​ ພິມພອນ ພັນດານຸວົງ ກໍາມະການພັກແຂວງ​ ເລຂາ​ພັກ​ເມືອງ​ ເຈົ້າເມືອງໆປາກຊ່ອງ ໄດ້ລາຍງານການນໍາພາຈັດຕັ້ງປະຕິບັດແຜນ​ພັດທະນາ​ເສດຖະກິດ​-​ສັງຄົມ​ ໄລຍະ​ 3 ເດືອນ​ ປີ​ 2023​ ແລະ​ ການຈັດຕັ້ງ​ປະຕິບັດ​ 2 ວາລະແຫ່ງຊາດ.​ ພ້ອມທັງຜ່ານແຜນການວຽກງານຈຸດສຸມການນຳພາ​-ຊີ້ນຳແຕ່ລະດ້ານ ຂອງຄະນະພັກເມືອງ ແຕ່ນີ້ຮອດທ້າຍປີ 2023.

     ຕໍ່ມາ​ ທ່ານ​ ປອ.​ວິໄລວົງ​ ບຸດດາຄໍາ​ ກໍາມະການ​ສູນກາງ​ພັກ​ ເລຂາ​ພັກ​ແຂວງ​ ເຈົ້າແຂວງ​ຈໍາປາສັກ​ ແລະ​ ການນໍາແຂວງ,​ ການນໍາພະແນກການທີ່ກ່ຽວຂ້ອງຂອງແຂວງ ກໍມີຄໍາເຫັນ​ ເພື່ອປະກອບສ່ວນຊຸກຍູ້ໃຫ້ແກ່ການພັດທະນາເສດຖະກິດ​-ສັງຄົມ ຂອງເມືອງປາກຊ່ອງ ໃຫ້ມີຄວາມເຂັ້ມແຂງຮອບດ້ານ ສາມາດສ້າງໃຫ້ຊີວິດການເປັນຢູ່ຂອງປະຊາຊົນມີຄວາມຮັ່ງມີອຸດົມສົມບູນ.
    ຕອນທ້າຍ​ ເຈົ້າ​ແຂວງ​ຈໍາປາສັກ​ ຍັງໄດ້ມອບຊຸດອຸປະກອນຮັບໃຊ້ກອງປະຊຸມທາງໄກ,​ ຄອບພິວເຕີໂນດບຸກ ແລະ​ ງົບປະມານຈໍານວນໜຶ່ງ ໃຫ້ແກ່ການນໍາເມືອງປາກຊ່ອງ ເພື່ອປະກອບສ່ວນຮັບໃຊ້ວຽກງານກໍ່ສ້າງຮາກຖານການເມືອງ ພາຍໃນເມືອງດັ່ງກ່າວ.​

• < ຕໍ່ໄປ
• ຕໍ່ໄປ >