ພິທີປິດຊຸດຝຶກອົບຮົມວຽກງານ ໂຄສະນາອົບຮົມ 5 ແຂວງພາກໃຕ້ປະຈໍາປີ 2023 ທີ່ແຂວງຈໍາປາສັກ

ລາຍລະອຽດ

ສ້າງຂື້ນເມື່ອ ວັນພຸດ, 15 ມີນາ 2023 04:02

ຂຽນໂດຍ ptcps

ໃນວັນທີ 8 ມີນາ 2023 ຄະນະໂຄສະນາອົບຮົມສູນກາງພັກ ຈັດພິທີຝຶກອົບຮົມວຽກງານໂຄສະນາອົບຮົມ 5 ແຂວງພາກໃຕ້ ປະຈໍາປີ 2023 ເຊິ່ງຈັດຂຶ້ນທີ່ແຂວງຈໍາປາສັກ; ພາຍໃຕ້ການເປັນປະທານກ່າວປິດ ແລະ ມອບໃບຢັ້ງຢືນໃນຄັ້ງນີ້ ໂດຍທ່ານ ສະນັ່ນ ສີພາພົມມະຈັນ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງຜູ້ຊີ້ນຳວຽກງານແນວຄິດ

ໃຫ້ກຽດເຂົ້າຮ່ວມຂອງທ່ານ ປອ ສຸປານີ ສີລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ແລະ ຄະນະຮັບຜິດຊອບຊຸດຝຶກອົບຮົມທີ່ມາຈາກສູນກາງ, ນັກສຳມະນາກອນ 5 ແຂວງພາກໃຕ້ເຂົ້າຮ່ວມ.

ໃນພິທີ ທ່ານ ຄຳກອງ ທຳມະເທວາ ຫົວໜ້າກົມອົບຮົມ ຕ່າງໜ້າຄະນະຮັບຜິດຊອບຊຸດອົບຮົມ ກໍໄດ້ຂຶ້ນຜ່ານບົດສະຫຼຸບຕີລາຄາຜົນໄດ້ຮັບດ້ານດີ ແລະ ຂໍ້ຄົງຄ້າງໃນການຈັດຊຸດອົບຮົມໃນຄັ້ງນີ້ ເຊິ່ງທ່ານໄດ້ລາຍງານວ່າ : ຊຸດຝຶກອົບຮົມໄດ້ດຳເນີນມາ ແຕ່ວັນທີ 3-8 ເຊິ່ງມີຜູ້ເຂົ້າຮ່ວມຝຶກອົບຮົມທັງໝົດ 63 ທ່ານ ຍິງ 19 ທ່ານ. ເນື້ອໃນຮັບໃຊ້ຊຸດຝຶກອົບຮົມປະກອບດ້ວຍເອກະສານ 12 ບົດ, ໃນນັ້ນຂຶ້ນຫ້ອງບັນຍາຍເອກະສານ 39 ຊົ່ວໂມງ ຈາກຄູ-ອາຈານຄະນະໂຄສະນາອົບຮົມສູນກາງພັກ ແລະ ເຮັດທົດລອງປາຖະກະຖາ, ທົດລອງຫົວຂໍ້ຂ່າວ ໂດຍຄັດເລືອກເອົານັກຝຶກອົບຮົມແຕ່ລະແຂວງ ຂຶ້ນທົດລອງ; ຜ່ານການທົດລອງເຫັນວ່າແຕ່ລະທ່ານ ໄດ້ເອົາໃຈໃສ່ກະກຽມເນື້ອໃນ ແລະ ຂຶ້ນສະເໜີໄດ້ດີສົມຄວນ ຈຸດປະສົງໃນການຈັດຊຸດຝຶກອົບຮົມໃນຄັ້ງນີ້ແມ່ນປະຕິບັດຍຸດທະສາດການພັດທະນາວຽກງານໂຄສະນາອົບຮົມສູນກາງພັກ ໄປສູ່ຄຸນນະພາບໃໝ່, ມີການຫັນເປັນທັນສະໄໝໃນວຽກງານໂຄສະນາອົບຮົມ, ປະຕິບັດຕາມມະຕິກອງປະຊຸມວຽກງານ ການເມືອງ-ແນວຄິດທົ່ວປະເທດ ຄັ້ງທີ V. ການເປີດຊຸດຝຶກອົບຮົມຄັ້ງນີ້ ກໍ່ເພື່ອປັບປຸງທັດສະນະ ແລະ ຍົກລະດັບຄວາມຮູ້-ຄວາມສາມມາດ ໃຫ້ແກ່ຜູ້ເຂົ້າຮ່ວມຝຶກອົບຮົມກຳໄດ້ຄວາມຮູ້ກ່ຽວກັບວຽກງານ ການເມືອງ-ແນວຄິດ, ວຽກງານໂຄສະນາປາຖະກະຖາ, ວຽກງານອົບຮົມ, ວຽກງານຄົ້ນຄ້ວາ-ສັງລວມຫາງສຽງສັງຄົມ, ວຽກງານໂຄສະນາຜ່ານສື່ ການນຳໃຊ້ເຕັກໂນໂລຊີ ແລະ ການຂຽນບົດຂ່າວສານຕ່າງໆໃຫ້ເລິກເຊິ່ງກ່ວາເກົ່າ.

     ໃນຕອນທ້າຍພິທີ ທ່ານປະທານກໍໃຫ້ກຽດໂອ້ລົມເຊິ່ງກ່ອນອື່ນ ທ່ານໄດ້ສະແດງຄວາມຍ້ອງຍໍຊົມເຊີຍພ້ອມທັງເນັ້ນໜັກຕໍ່ນັກສໍາມະນາກອນທຸກທ່ານ ຈົ່ງພ້ອມກັນເອົາໃຈໃສ່ນໍາເອົາບົດຮຽນທີ່ຖອດຖ້ອນໄດ້ເພື່ອນໍາໄປສືບຕໍ່ຄົ້ນຄ້ວາເຊື່ອມຊືມກຳແໜ໊ນບັນດາເນື້ອໃນຈິດໃຈເພື່ອນໍາໄປຜັນຂະຫຍາຍເຂົ້າໃນການຈັດຕັ້ງປະຕີບັດໜ້າທີ່ວຽກງານຕົວຈິງຂອງຕົນໃຫ້ມີປະສິດທິຜົນສູງສຸດ.

• ຕໍ່ໄປ >