ຄະນະໂຄສະນາອົບຮົມສູນກາງພັກ ພ້ອມດວ້ຍນັກສຳມະນາກອນຄະນະໂຄສະນາອາອົບຮົມ 5 ແຂວງພາກໃຕ້ ລົງເຄື່ອນໄຫວທັດສະນາສຶກສາ

ລາຍລະອຽດ

ສ້າງຂື້ນເມື່ອ ວັນພຸດ, 15 ມີນາ 2023 03:35

ຂຽນໂດຍ ptcps

ຄະນະໂຄສະນາອົບຮົມສູນກາງພັກ ແລະ ນັກສຳມະນາກອນທັງໝົດ 5 ແຂວງພາກໃຕ້ ລົງທັດສະນາສຶກສາ ທ່ຽວຊົມການຜະລິດທີ່ເປັນສິນຄ້າພາຍໃນແຂວງຈຳປາສັກໃນຕອນບ່າຍ ຂອງວັນທີ 6 ມີນາ 2023; ເຊິ່ງນຳພາໂດຍຄະນະຮັບຜິດຊອບຊຸດຝຶກອົບຮົມ ໄດ້ລົງເຄື່ອນໄຫວຢູ່ 3 ຈຸດຄື:

ຈຸດທີ1: ຢ້ຽມຊົມ ບໍລິສັດກາເຟດາວ ຫຼັກ 21 ໃຫ້ກຽດຕ້ອນຮັບ ໂດຍທ່ານ ວັນນະດາ ພົມມະສະຖິດ ຜູ້ອຳນວຍການໃຫຍ່ ບໍລິສັດ ກາເຟດາວ ເຊິ່ງທ່ານ ໄດ້ບັນຍາຍຂໍ້ມູນບາງສ່ວນໂດຍຫຍໍ້ຂອງບໍລິສັດ ໂດຍນໍາໃຊ້ເຄື່ອງຈັກອຸດສາຫະກຳທີ່ທັນສະໄໝ ນຳເຂົ້າຈາກປະເທດເອີຣົບ, ກາເຟທີ່ສົ່ງອອກພາຍໃນ ແລະ ຕ່າງປະເທດ ລວມມີ ກະເຟດິບ ແລະ ກະເຟສຳເລັດຮູບ.

ຈຸດທີ2: ແມ່ນໄດ້ຢ້ຽມຊົມ ສະຫະກອນຜູ້ຜະລິດກະເຟເຂດພູພຽງບໍລິເວນ ທີ່ເປັນອົງການຈັດຕັ້ງຂອງຊາວສວນກາເຟ ເພື່ອປັບປຸງດ້ານເງື່ອນໄຂຊີວິດການເປັນຢູ່ໃຫ້ດີຂຶ້ນຂອງປະຊາຊົນໃນເຂດທ້ອງຖິ່ນ; ໃຫ້ກຽດຕ້ອນຮັບຂອງທ່ານ ຄຳພັນ ແກ້ວທະວີ ຮອງຜູ້ຈັດການສະຫະກອນ ໂດຍທ່ານ ໄດ້ອະທິບາຍໂດຍລວມ ກ່ຽວກັບການຜະລິດ ແລະ ການຕະຫຼາດ, ເປັນສະຫາກອນ ທີ່ໄດ້ຮັບການຍອມຮັບຂອງຕະຫຼາດໂລກ, ທັງເປັນກະເຟປອດສານພິດ, ເຊີ່ງມີຊາວກະສີກອນທີ່ຜະລິດ ຢູ່ທັງໝົດ 928 ຄອບຄົວ, ກວມເອົາສາມແຂວງໆຈຳປາສັກ, ສາລະວັນ, ເຊກອງ.

ຫຼັງຈາກນັ້ນກໍ່ໄດ້ທ່ຽວຊົມສວນຢ່າງພາລານິຄົມ 1 ເຊິ່ງເປັນຈຸດສຸດທ້າຍຂອງການລົງທັດສະນະເພື່ອແລກປ່ຽນຄວາມຮູ້ ໃຫ້ແກ່ນັກສຳມະນາກອນທັງ 5 ແຂວງພາກໃຕ້; ໂດຍການຕ້ອນຮັບຂອງປະທານບໍລິສັດ ໃຫ້ກຽດພາທຽ່ວຊົມສວນຢາງພາລາ ແລະ ທ່ຽວຊົມໂຮງງານ ພ້ອມທັງອະທິບາຍແຕ່ລະຂັ້ນຕອນ ໃນການຜິດລິດຢາງພາລາສຳເລັດຮູບ.

• < ຕໍ່ໄປ
• ຕໍ່ໄປ >