ເມືອງຊະນະສົມບູນ ແຂວງຈຳປາສັກ ຈັດພິທີປາຖະກະຖາຫວນຄືນມູນເຊື້ອ ວັນສ້າງຕັ້ງກອງທັບ ປະຊາຊົນປະຕິວັດລາວ 20 ມັງກອນ 1949-20 ມັງກອນ 2023 ຄົບຮອບ 74 ປີ

ລາຍລະອຽດ

ສ້າງຂື້ນເມື່ອ ວັນຈັນ, 30 ມັງກອນ 2023 03:38

ຂຽນໂດຍ ptcps

     ໃນຕອນເຊົ້າ ຂອງວັນທີ 24 ມັງກອນ 2023 ທີ່ຜ່ານມາ, ເມືອງຊະນະສົມບູນ ແຂວງຈຳປາສັກ ຈັດພິທີປາຖະກະຖາ ຫວນຄືນມູນເຊື້ອ ວັນສ້າງຕັ້ງກອງທັບ ປະຊາຊົນປະຕິວັດລາວ 20 ມັງກອນ 1949-20 ມັງກອນ 2023 ທີ່ໝູນວຽນບັນຈົບຄົບຮອບ 74 ປີ, ພ້ອມທັງມອບໃບຍ້ອງຍໍ ແລະ ປະດັບຊັ້ນໃຫ້ນາຍ ແລະ ພົນທະຫານ ຂຶ້ນຢູ່ທີ່ສະໂມສອນຂອງເມືອງ. ໂດຍພາຍໃຕ້ການເປັນປະທານຂອງ ສະຫາຍ ສອນສະຫວັນ ສີວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງໆຊະນະສົມບູນ;

       ເຂົ້າຮ່ວມມີ ຫົວໜ້າຄະນະກຳມະການປ້ອງກັນຊາດ-ປ້ອງກັນຄວາມສະຫງົບຂັ້ນເມືອງ, ບັນດາສະຫາຍໃນຄະນະບໍລິຫານງານພັກ, ນາຍ ແລະ ພົນທະຫານ, ນາຍ ແລະ ພົນຕຳຫລວດ ຕະຫຼອດຮອດພະນັກງານລັດຖະກອນ ແຕ່ລະຫ້ອງການອອມຂ້າງເມືອງເຂົ້າຮ່ວມ ຈຳນວນພົນທັງໝົດ 151 ທ່ານ, ຍິງ 55 ທ່ານ, ສາມາຊິກພັກ 143 ສະຫາຍ, ຍິງ 34 ສະຫາຍ.

     ເພື່ອໂຄສະນາ-ສຶກສາອົບຮົມ ໃຫ້ພະນັກງານ, ສະມາຊິກພັກ ແລະ ປະຊາຊົນບັນດາເຜົ່າ ໄດ້ຮັບຮູ້, ເຂົ້າໃຈມູນເຊື້ອປະຕິວັດຂອງຊາດລາວເຮົາ, ມູນເຊື້ອຕໍ່ສູ້ພິລະອາດຫານ, ການເຕີບໃຫຍ່ເຂັ້ມແຂງຢ່າງບໍ່ຢຸດຢັ້ງ ຜົນງານອັນໃຫຍ່ຫຼວງຂອງກອງທັບວິລະຊົນ, ຊາດລາວວິລະຊົນ ທີ່ຍາດມາໄດ້ຕະຫຼອດໄລຍະ 74 ປີ ຜ່ານມາເຂົ້າໃນການປົກປັກຮັກສາ ແລະ ພັດທະນາປະເທດຊາດ ຢ່າງກວ້າງຂວາງ ແລະ ທົ່ວເຖິງທຸກເປົ້າຫມາຍ. ເພື່ອສຶກສາອົບຮົມ ບັນດາຊັ້ນຄົນຕ່າງໆໃນທົ່ວສັງຄົມ ສືບຕໍ່ເສີມຂະຫຍາຍມູນເຊື້ອຮັກຊາດ, ຮັກລະບອບປະຊາທິປະໄຕປະຊາຊົນ, ສ້າງຄວາມສາມັກຄີປອງດອງ, ມີສະຕິລະວັງຕົວຕໍ່ກົນອຸບາຍທໍາລາຍມ້າງເພຂອງອິດທິກໍາລັງປໍລະປັກ ແລະ ເປັນເຈົ້າການເຂົ້າຮ່ວມໃນການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ; ຖືເອົາໂອກາດນີ້ ເປັນການປັບປຸງກໍ່ສ້າງກອງທັບປະຊາຊົນລາວ ໃຫ້ຫນັກແຫນ້ນເຂັ້ມແຂງທາງດ້ານການເມືອງ - ແນວຄິດ, ທາງດ້ານເຕັກນິກວິຊາສະເພາະ ກາຍເປັນກອງທັບປະຕິວັດຢ່າງແທ້ຈິງ, ມີແບບແຜນ ແລະ ທັນສະໄຫມ. ພ້ອມນັ້ນ, ກໍ່ເພື່ອສະແດງຄວາມກະຕັນຍູ ຮູ້ບຸນຄຸນຕໍ່ຄອບຄົວ, ບຸກຄົນທີ່ໄດ້ເສຍສະຫຼະຊີວິດ, ຜູ້ເສຍອົງຄະ ແລະ ຜູ້ມີຜົນງານອັນໃຫຍ່ຫຼວງຕໍ່ປະເທດຊາດ ແລະ ປະຊາຊົນ.

• < ຕໍ່ໄປ
• ຕໍ່ໄປ >