ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 47 ປີ ຢ່າງສຸດໃຈ! ປະທານ ໄກສອນ ພົມວິຫານ ຍືນຍົງ ໃນພາລະກິດປະຕິວັດ ຂອງພັກປະຊາຊົນປະຕິວັດລາວ

  • ວິທະຍາໄລການເງີນພາກໃຕ້ ຈັດພິທີ ປາຖະ
  • ເມືອງຊະນະສົມບູນ ແຂວງຈຳປາສັກ ຈັດພິທ
  • ພະແນກແຜນການ ແລະ ການລົງທຶນແຂວງຈຳປາສ
  • ຄະນະໂຄສະນາອົບຮົມແຂວງຈໍາປາສັກ ຕ້ອນຮ
  • ໃນທົ່ວແຂວງຈຳປາສັກ ເອົາໃຈໃສຈັດພິທີປ
  • ພິທີປິດຊຸດຝືກອົບຮົມທິດສະດີ-ແນວທາງ
ພະແນກແຜນການ ແລະ ການລົງທຶນແຂວງຈຳປາສັກ ຈັດພິທີປາຖະກະຖາ ວັນສຳຄັນຂອງພັກຂອງຊາດ

ພະແນກແຜນການ ແລະ ການລົງທຶນແຂວງຈຳປາສັກ ຈັດພິທີປາຖະກະຖາ ວັນສຳຄັນຂອງພັກຂອງຊາດ

    ໃນຕອນເຊົ້າ ຂອງວັນທີ 25 ມັງກອນ 2023 ພະແນກແຜນການ ແລະ ການລົງທຶນ ແຂວງຈຳປາສັກ ຈັດ...
ໃນທົ່ວແຂວງຈຳປາສັກ ເອົາໃຈໃສຈັດພິທີປາຖະກະຖາ ວັນຊາດ 2 ທັນວາ ຄົບຮອບ 47 ປີ ແລະ ວັນເກີດຂອງປະທານ ໄກສອນ ພົມວິຫານ ຄົບຮອບ 102 ປີ

ໃນທົ່ວແຂວງຈຳປາສັກ ເອົາໃຈໃສຈັດພິທີປາຖະກະຖາ ວັນຊາດ 2 ທັນວາ ຄົບຮອບ 47 ປີ ແລະ ວັນເກີດຂອງປະທານ ໄກສອນ ພົມວິຫານ ຄົບຮອບ 102 ປີ

ໃນທົ່ວແຂວງຈຳປາສັກ ເອົາໃຈໃສຈັດພິທີປາຖະກະຖາ ວັນຊາດ 2 ທັນວາ ຄົບຮອບ 47 ປີ ແລະ ວັນເກີດຂອງປ...
 ພິທີປິດຊຸດຝືກອົບຮົມທິດສະດີ-ແນວທາງຂອງພັກໄລຍະສັ້ນ ຮຸ່ນທີ XII ປະຈຳປີ 2022 ຂອງນະຄອນປາກເຊ

ພິທີປິດຊຸດຝືກອົບຮົມທິດສະດີ-ແນວທາງຂອງພັກໄລຍະສັ້ນ ຮຸ່ນທີ XII ປະຈຳປີ 2022 ຂອງນະຄອນປາກເຊ

ພິທີປິດຊຸດຝືກອົບຮົມທິດສະດີ-ແນວທາງຂອງພັກ ໄລຍະສັ້ນ ຮຸ່ນທີ XII ປະຈຳປີ 2022 ຂອງນະຄອນປາກເຊ...
Previous
Next

ຂ່າວໃໝ່

ພິທີປິດຊຸດຝຶກອົບຮົມທິດສະດີ-ແນວທາງຂອງພັກ ໄລຍະສັ້ນ ຊຸດທີ I ແລະ ເປີດຊຸດທີ II ປະຈໍາປີ 2022 ທີ່ ກອງບັນຊາການ ປກສ ແຂວງຈໍາປາສັກ

ພິທີປິດຊຸດຝຶກອົບຮົມທິດສະດີ-ແນວທາງຂອງພັກ ໄລຍະສັ້ນ ຊຸດທີ I ແລະ ເປີດຊຸດທີ II ປະຈໍາປີ 2022 ທີ່ ກອງບັນຊາການ ປກສ ແຂວງຈໍາປາສັກ

        ໃນຕອນບ່າຍຂອງວັນທີ 22 ພະຈິກ 2022 ພິທີປິດຊຸດຝຶກອົບຮົມທິດສະດີ-ແນວທາງຂອງພັກ ໄລຍະສັ້ນ ຊຸດທີ I ແລະ ເປີດຊຸດທີ II ປະຈໍາປີ 2022 ທີ່ກອງບັນຊາການ ປກສ ແຂວງຈໍາປາສັກ ໄດ້ຈັດຂຶ້ນຢ່າງເປັນທາງການ. ພາຍໃຕ້ການໃຫ້ກຽດເປັນປະທານ ຂອງສະຫາຍ ປອ ສຸປານີ ສິລິປຸນໂຍ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ.

       ໂດຍມີ ສະຫາຍ ພັອ ສຸກພະຈັນ ສີລາເພັດ ກໍາມະການພັກແຂວງ, ຫົວໜ້າກອງບັນຊາການ ປກສ ແຂວງຈໍາປາສັກ ພ້ອມດ້ວຍຄະນະກອງບັນຊາການ, ບັນດາແຂກທີ່ຖືກເຊີນຈາກພະແນກການອ້ອມຂ້າງແຂວງ, ບັນດາຄູ-ອາຈານ ແລະ ນັກສຳມະນາກອນ ທັງຊຸດທີ I ແລະ ຊຸດທີ II ເຂົ້າຮ່ວມຢ່າງພ້ອມພຽງ.

        ໃນພິທີດັ່ງກ່າວໄດ້ແບ່ງເປັນສອງວາລະຄີື: ວາລະທໍາອິດ ແມ່ນໄດ້ຈັດພິທີປິດຊຸດຝຶກອົບຮົມທິດສະດີ-ແນວທາງ ຂອງພັກ ໄລຍະສັ້ນ ຊຸດທີ I ປະຈໍາປີ 2022, ເຊິ່ງໄດ້ມີການຜ່ານບົດສະຫຼຸບການຮຽນ-ການສອນ, ຜ່ານຂໍ້ຕົກລົງຍ້ອງຍໍ ແລະ ມອບໃບຢັ້ງຢືນ ໃຫ້ແກ່ນັກສໍາມະນາກອນທີ່ໄດ້ສໍາເລັດການຝຶກອົບຮົມທິດສະດີ-ແນວທາງຂອງພັກ ໄລຍະສັ້ນ ຊຸດທີ I ປະຈໍາປີ 2022 ມີຈໍານວນ 59 ສະ ຫາຍ, ຍິງ 5 ສະຫາຍ.

        ອີກວາລະໜຶ່ງ ແມ່ນສືບຕໍ່ເປີດຊຸດຝຶກອົບຮົມທິດສະດີ-ແນວທາງຂອງພັກ ໄລຍະສັ້ນ ຊຸດທີ II ປະຈໍາປີ 2022 ຂອງກອງບັນຊາການ ປກສ ແຂວງຈໍາປາສັກຂຶ້ນ, ເຊິ່ງມີຈໍານວນນັກສໍາມະນາກອນເຂົ້າຮັບການຝຶກອົບຮົມ ຈໍານວນ 60 ສະຫາຍ, ຍິງ 12 ສະຫາຍ.

       ໃນໂອກາດອັນມີຄວາມໝາຍຄວາມສໍາຄັນນີ້, ສະຫາຍ ປອ ສຸປານີ ສິລິປຸນໂຍ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ໂດຍຕາງໜ້າໃຫ້ຄະນະພັກ-ຄະນະນຳຂອງແຂວງ ກໍຄືໃນນາມຄະນະປະທານກອງປະຊຸມ ໄດ້ມີຄວາມເຫັນສະແດງຄວາມຍ້ອງຍໍຊົມເຊີຍ ຕໍ່ບັນດາສະ ຫາຍຄະນະພັກ-ຄະນະກອງບັນຊາການ ປກສ ແຂວງ, ຄະນະຮັບຜິດຊອບຊຸດອົບຮົມ, ນາຍ ແລະ ພົນຕໍ່ຫຼວດທັງໝົດ ທີ່ໄດ້ມີຄວາມພະຍາຍາມບຸກບືນເປີດຊຸດຝຶກອົບຮົມ ແລະ ພ້ອມກັນສູ້ຊົນຮໍ່າຮຽນ ຈົນມີຜົນສໍາເລັດຢ່າງຈົບງາມ ແລະ ສາມາດສືບຕໍ່ເປີດຊຸດໃໝ່ຕື່ມອີກ; ພ້ອມນັ້ນ, ຍັງໄດ້ເນັ້ນໜັກບາງບັນຫາທີ່ສໍາຄັນ ທີ່ຕ້ອງໄດ້ເອົາໃຈໃສເຊື່ອມຊືມ ແລະ ກໍາແໜ້ນຕື່ມ ຄື:

      1. ຜັນຂະຫຍາຍແນວທາງປ່ຽນແປງໃໝ່ຂອງພັກ ຢ່າງເລິກເຊິ່ງ: ເປັນການຢືນຢັນຕື່ມ ຄວາມຖືກຕ້ອງຂອງແນວທາງປ່ຽນແປງໃໝ່ ຜ່ານພຶດຕິກໍາ 45 ປີ ໃນຖານະພັກກໍາອໍານາດ ແລະ ໄລຍະ 35 ປີ ແຫ່ງການປ່ຽນແປງໃໝ່ ຊຶ່ງໄດ້ນອກຈາກ ຕ້ອງຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການຂອງພັກ ຢ່າງເດັດດ່ຽວໜຽວແໜ້ນແລ້ວ ຍັງຕ້ອງໄດ້ຜັນຂະຫຍາຍເຂົ້າສູ່ລວງເລິກ ໂດຍສືບຕໍ່ຜັນຂະຫຍາຍຄວາມຄິດປະດິດສ້າງ ບົນພື້ນຖານແຫ່ງການຢຶດໝັ້ນຄວາມເປັນເອກະລາດແຫ່ງຊາດ ແລະ ຈຸດໝາຍສັງຄົມນິຍົມ, ໝູນໃຊ້ ແລະ ຂະຫຍາຍທິດສະດີມາກ-ເລນິນ, ແນວຄິດ ໄກສອນ ພົມວິຫານ, ສືບທອດ ແລະ ເສີມຂະຫຍາຍມູນເຊື້ອອັນດີງາມຂອງຊາດ ສົມທົບກັບການຮັບເອົາສິ່ງຍອດຍິ່ງ ຂອງມວນມະນຸດ ເພື່ອຮັບປະກັນການພັດທະນາປະເທດຊາດ ດໍາເນີນໄປຖືກທິດ ແລະ ດ້ວຍຖ່ວງທ່າທີ່ໜັກແໜ້ນ.

       2. ຍົກສູງບົດບາດ, ຄວາມສາມາດນໍາພາ: ແມ່ນການສືບຕໍ່ຢືນຢັນຄວາມຈໍາເປັນ ແລະ ຄວາມຮຽກຮ້ອງຕ້ອງການ ໃນການຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍໜ້າຂອງພັກເຮົາ ໃນເງື່ອນໄຂໃໝ່ຂອງການປະຕິວັດ ຊຶ່ງແມ່ນບັນຫາພື້ນຖານ, ທັງເປັນບັນຫາຮີບດ່ວນຂອງການປັບປຸງ, ກໍ່ສ້າງພັກເຮົາ, ແມ່ນປັດໃຈຕັດສິນການກ້າວຂຶ້ນ ຂອງພາລະກິດປະຕິວັດຢູ່ແຂວງຂອງພວກເຮົາ; ຍົກສູງຄວາມສາມາດນໍາພາຂອງພັກ ສະແດງອອກໃນ 5 ດ້ານຄື: (1) ຄວາມອາດສາມາດໃນການກໍານົດແນວທາງ ບົນພື້ນຖານກໍາແໜ້ນທິດສະດີມາກ-ເລນິນ, ແນວຄິດໄກສອນ ພົມວິຫານ ແລະທິດສະດີກ້າວໜ້າອື່ນໆ, ຮັບຮູ້ບັນດາກົດເກນ ແລະໝູນໃຊ້ຢ່າງສອດຄ່ອງ, ເພີ່ມທະວີການຄົ້ນຄວ້າທິດສະດີ, ສະຫຼຸບພຶດຈິກໍາ ແລະ ໃຫ້ຄໍາຕອບຢ່າງທັນການ ຕໍ່ກັບບັນຫາທີ່ຕັ້ງຂຶ້ນ; (2) ຄວາມສາມາດໃນການຫັນແນວທາງ, ແຜນນະໂຍບາຍຂອງພັກ ໃຫ້ກາຍເປັນທິດທາງ, ແຜນການ ແລະ ກົດໝາຍຕ່າງໆ ທີ່ສ່ອງແສງອອກຢ່າງຖືກຕ້ອງ ແລະ ຄົບຖ້ວນ ເຖິງຜົນປະໂຫຍດ, ເຈດຕະນາລົມ ແລະ ຄວາມມຸ່ງມາດປາດຖະໜາຂອງປະຊາຊົນ, ທັງຊີ້ນໍາການຈັດຕັງປະຕິບັດໃຫ້ເກີດຜົນເປັນຈິງ; (3) ຄວາມສາມາດນໍາພາ-ຊີ້ນໍາ ການຈັດຕັ້ງປະຕິບັດແນວທາງ, ແຜນນະໂຍບາຍຂອງພັກ ໃຫ້ເກີດຜົນເປັນຈິງ, ນໍາເອົາຜົນປະໂຫຍດສູງສຸດ ມາໃຫ້ປະເທດຊາດ ແລະ ປະຊາຊົນ; (4) ຄວາມສາມາດໃນການຕິດຕາມ, ກວດກາ, ຊຸກຍູ້ການເຄື່ອນໄຫວຂອງທົ່ວລະບົບການເມືອງ ໃນການຈັດຕັ້ງປະຕິບັດແນວທາງຂອງພັກ; ແລະ (5) ຄວາມສາມາດໃນການຄົ້ນເຫັນ ແລະ ຕໍ່ສູ້, ຕ້ານ, ກໍາຈັດປັດເປົ່າປະກົດການຫຍໍ້ທໍ້ພາຍໃນພັກຢ່າງທັນການ ແລະ ຕ້ານກົນອຸບາຍຫັນປ່ຽນໂດຍສັນຕິ ຂອງອິດທິກໍາລັງປໍລະປັກ.

      3. ຄວາມເປັນແບບຢ່າງນໍາໜ້າຂອງຄະນະພັກແຕ່ລະຂັ້ນ: ສະມາຊິກພັກ ແມ່ນເປັນຜູ້ທີ່ມີຄວາມຕື່ນຕົວ, ຫ້າວຫັນປະຕິວັດ, ດີເດັ່ນກວ່າໝູ່ ແລະໄດ້ຮັບຄວາມໄວ້ວາງໃຈສູງກວ່າໝູ່ໃນຊົນຊັ້ນກໍາມະກອນ, ຊາວກະສິກອນ, ຊັ້ນຄົນປັນຍາຊົນ ແລະ ຊາວຜູ້ອອກແຮງງານອື່ນໃນເຜົ່າຕ່າງໆ ຊຶ່ງໄດ້ຜ່ານການທົດສອບ ໃນຂະບວນການປົກປັກຮັກສາ ແລະ ພັດທະນາປະເທດຊາດ, ມີຄວາມສະໝັກໃຈເຂົ້າໃນອົງການຈັດຕັ້ງຂອງພັກ ເພື່ອສູ້ຊົນປະຕິບັດວັດຖຸປະສົງ ແລະ ອຸດົມການຂອງພັກຢ່າງສຸດກົກສຸດປາຍ.

     4. ຄຸ້ມຄອງບໍລິຫານລັດດ້ວຍກົດໝາຍຢ່າງເຂັ້ມງວດ ແລະ ເດັດຂາດ: ພັກເຮົາໄດ້ນໍາພາຜັນຂະຫຍາຍແນວທາງປ່ຽນແປງໃໝ່ຢ່າງຮອບດ້ານ ທີ່ມີຫຼັກການຂອງພັກ ໃຫ້ເປັນກົດໝາຍ, ນິຕິກໍາໃຕ້ກົດໝາຍ, ເພີ່ມທະວີການສຶກສາອົບຮົມສະຕິເຄົາລົບ ແລະ ປະຕິບັດກົດໝາຍທົ່ວສັງຄົມ, ອົງການອໍານາດລັດຂັ້ນຕ່າງໆ ໄດ້ຮັບການປັບປຸງດ້ານບົດບາດ, ສິດໜ້າທີ່ ແລະ ໂຄງປະກອບກົງຈັກການຈັດຕັ້ງໃຫ້ສອດຄ່ອງຕາມລັດຖະທໍາມະນູນ ແລະ ກົດໝາຍ, ຖັນແຖວພະນັກງານ, ລັດຖະກອນນັກກົດໝາຍ ໄດ້ຮັບການເພີ່ມຂຶ້ນດ້ານປະລິມານ ແລະ ພັດທະນາຄຸນນະພາບເປັນກ້າວໆ, ການແກ້ໄຂຂໍ້ຂັດແຍ່ງ ແລະ ປະກົດການຫຍໍ້ທໍ້ໃນສັງຄົມ ໄດ້ປະຕິບັດຢ່າງເຂັ້ມງວດຕາມກົດໝາຍຫຼາຍຂຶ້ນ ສິດເປັນເຈົ້າຂອງປະເທດຊາດ ຂອງປະຊາຊົນບັນດາເຜົ່າ ໄດ້ຮັບການປົກປ້ອງ ແລະ ເສີມຂະຫຍາຍດ້ວຍກົດໝາຍ.

     5. ຮັບປະກັນສະຖຽນລະພາບທາງດ້ານການເມືອງ, ຄວາມສະຫງົບ ແລະ ເປັນລະບຽບ ຮຽບຮ້ອຍທາງດ້ານສັງຄົມຢ່າງໜັກແໜ້ນ: ພັກເຮົາຍາມໃດ ກໍຢືນຢັນວ່າ ສະຖຽນລະພາບທາງດ້ານການເມືອງ ແມ່ນປັດໃຈພື້ນຖານທີ່ຕັດສິນຜົນສໍາເລັດ ໃນການປະຕິບັດແນວທາງປ່ຽນແປງໃໝ່ຮອບດ້ານ ແລະ ມີຫຼັກການຂອງພັກເຮົາ. ຢາກພັດທະນາ ສ້າງສາປະເທດຊາດຢ່າງແຂງແຮງ ແລະ ຕໍ່ເນື່ອງ ກໍຕໍ່ເມື່ອການເມືອງ ມີສະຖຽນລະພາບທີ່ໜັກແໜ້ນ, ຕ້ອງເຮັດໃຫ້ການພັດທະນາເສດຖະ ກິດ-ສັງຄົມ ມີການສົມທົບແໜ້ນກັບວຽກງານ ປກສ-ປກຊ, ຮັບປະກັນໃຫ້ປະເທດຊາດ ມີຄວາມສະຫງົບ ໝັ້ນຄົງ, ຮາກຖານການເມືອງ ມີຄວາມເຂັ້ມແຂງ, ສັງຄົມມີຄວາມເປັນລະບຽບຮຽບຮ້ອຍ ແລະ ປະຊາຊົນ ມີຄວາມປອດໄພທາງດ້ານຊີວິດ ແລະຊັບສິນ, ພາຍໃນພັກ-ລັດ ມີຄວາມສາມັກຄີເປັນເອກະພາບ, ກໍາລັງປະກອບອາວຸດມີຄວາມເຂັ້ມແຂງ ແລະ ຢູ່ໃນທ່າກຽມພ້ອມປະຕິບັດໜ້າທີ່, ສາມາດຕອບຕ້ານກັບທຸກກໍລະນີທໍາລາຍມ້າງເພ ທີ່ອາດຈະເກີດຂຶ້ນ.

   6. ສ້າງການຫັນປ່ຽນຢ່າງແຂງແຮງໃນການພັດທະນາຮອບດ້ານ: ໝາຍເຖິງການສ້າງການຫັນປ່ຽນໃໝ່ອັນຈະແຈ້ງ ແລະ ແຂງແຮງຂອງການພັດທະນາເສດຖະກິດ ຈາກການອີງໃສ່ການຂຸດຄົ້ນ ແລະ ຂາຍຊັບພະຍາກອນທໍາມະຊາດ (ວັດຖຸດິບ) ເປັນຕົ້ນຕໍ ທີ່ພາໃຫ້ຖານການຜະລິດ-ການບໍລິການ, ວິສາຫະກິດປິ່ນອ້ອມ ກໍຄືການເຕີບໂຕທາງດ້ານເສດຖະກິດ,... ຂາດພື້ນຖານອັນໜັກແໜ້ນ ແລະ ໝັ້ນຄົງ, ບໍ່ຮັບປະກັນການພັດທະນາຕາມທິດສີຂຽວ ແລະ ຍືນຍົງ ສູ່ການພັດທະນາທີ່ອີງໃສ່ການເສີມຂະຫຍາຍທຸກທ່າແຮງບົ່ມຊ້ອນຂອງຊາດ ຕິດພັນກັບການສ້າງຄວາມເຂັ້ມແຂງ ຂອງກົນໄກຄຸ້ມຄອງເສດຖະກິດ ທີ່ສອດຄ່ອງກັບກົດເກນຂອງຕະຫຼາດ ແລະການສົ່ງເສີມການພັດທະນາຄວາມເຂັ້ມແຂງຂອງວິສາຫະກິດ ແລະ ຜູ້ປະກອບການຢູ່ພາຍໃນ; ໝາຍຄວາມວ່າ ໄດ້ເນັ້ນເຖິງການສົ່ງເສີມພັດທະນາບັນດາທ່າແຮງຕົ້ນຕໍ ໃຫ້ເປັນຂະແໜງເສດຖະກິດປາຍແຫຼມ ແລະ ສົ່ງເສີມພັດທະນາວິສາຫະກິດພາຍໃນໃຫ້ເຂັ້ມແຂງ ຊຶ່ງຖືເປັນປັດໃຈສໍາຄັນພື້ນຖານ ຂອງການສ້າງຖານ ແລະ ລະບອບເສດຖະກິດໃຫ້ເຂັ້ມແຂງ, ກ້າວເຖິງຄວາມເປັນເຈົ້າ, ການເຊື່ອມໂຍງ ແລະ ຖືຜົນປະໂຫຍດສູງສຸດຂອງການພັດທະນາ ໂດຍຖືເອົາການຜະລິດເປັນພື້ນຖານທາງດ້ານເສດຖະກິດ, ຍົກສູງຄຸນນະພາບການພັດທະນາຄົນ ເປັນໃຈກາງທາງດ້ານສັງຄົມ, ລະດົມການປົກປັກຮັກສາປ່າໄມ້ ແລະ ທໍາມະຊາດ ເປັນແຖວໜ້າວຽກດ້ານສິ່ງແວດລ້ອມ.

             ສິ່ງສໍາຄັນທີ່ກອງບັນຊາການ ປກສ ແຂວງຈໍາປາສັກ ຕ້ອງໄດ້ສຶບຕໍ່ເຄື່ອນໄຫວຕົ້ນຕໍແມ່ນ:

ພາຍຫຼງັສໍາເລັດການຝຶກອົບຮົມຄັ້ງນີ້, ຫວັງຢ່າງຍິ່ງວ່າບັນດາສະຫາຍນັກສຳມະກອນ, ຈະໄດ້ນໍາໄປໝູນໃຊ້ ຈາກບົດຮຽນດ້ານທິດສະດີໂດຍເຍືອງໃສ່ພຶດຕິກຳຕົວຈິງໃນການຈັດຕັ້ງປະຕິບັດຜ່ານມາມີອັນສອດຄ່ອງ ແລະ ແທດເໝາະຕົວຈິງ ເພື່ອສືບຕໍ່ເຮັດການນໍາພາຢູ່ຂອບເຂດຄວາມຮັບຜິດຊອບຂອງພວກສະຫາຍ ມີຄວາມໜັກແໜ້ນເຂັ້ມແຂງທາງດ້ານແນວຄິດການເມືອງ, ຄວາມມີສະຕິຕໍ່ການຈັດຕັ້ງ, ການຂະຫຍາຍພັກ-ພະນັກງານໃຫ້ໄດ້ທັງປະລິມານ ແລະ ຄຸນນະພາບ, ສືບທອດຕໍ່ເນື່ອງທີ່ໜັກແໜ້ນ ແລະ ຮັບປະກັນ, ຮູ້ຂຸດຄົ້ນທ່າແຮງບົ່ມຊ້ອນ (ຄວາມຮູ້, ກໍາລັງແຮງ, ຊັບພະຍາກອນທີ່ມີຢູ່) ເຂົ້າໃສ່ການພັດທະນາເສດຖະກິດ-ສັງຄົມ ໃຫ້ບ້ານ, ຂະແໜງການ ຢູ່ເມືອງເຮົາມີການພັດທະນາຢ່າງບໍ່ຢຸດຢັ້ງ.

 

 

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 45 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195

ລົດກູ້ໄພ:       1623
ໄຟຟ້າ:         1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 9  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

137201
ມື້ນີ້ມື້ນີ້196
ມື້ວານນີ້ມື້ວານນີ້123
ອາທິດນີ້ອາທິດນີ້654
ເດືອນນີ້ເດືອນນີ້319
ທັງໝົດທັງໝົດ137201

ບົດຄວາມທີ່ໄດ້ຮັບຄວາມສົນໃຈ

ສາລະໜ້າຮູ້

ກິດຈະກຳ