ເມືອງມຸນລະປາໂມກຈັດພິທີ ປາຖະກະຖາວັນສຳຄັນຂອງຊາດ,ຂອງພັກ

ລາຍລະອຽດ

ສ້າງຂື້ນເມື່ອ ວັນສຸກ, 21 ຕຸລາ 2022 04:57

ຂຽນໂດຍ adminchanpasak

ເມືອງມຸນລະປາໂມກ ຈັດພິທີປາຖະກະຖາວັນສຳຄັນ ຂອງຊາດ, ຂອງພັກ

        ໃນວັນທີ 21 ຕຸລາ 2022 ເມືອງມຸນລະປາໂມກ ຈັດພິທີປາຖະກະຖາວັນສຳຄັນ ຂອງຊາດ-ຂອງພັກ, ພິທີໄດ້ຈັດຂື້ນຢູ່ທີ່ສະໂມສອນຂອງເມືອງ ພາຍໃຕ້ການໃຫ້ກຽດເປັນປະທານ ຂອງ ສະ ຫາຍ ທອງພູນ ເພັງສະຫັວນ ຮອງເລຂາພັກເມືອງ ຜູ້ຊີ້ນຳວຽກງານການເມືອງແນວຄິດ, ພັກ-ພະນັກ ງານ ແລະ ອົງການຈັດຕັ້ງມະຫາຊົນ. 

    ເຂົ້າຮ່ວມມີ ສະຫາຍໃນຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຄະນະຫ້ອງການ-ກົມກອງອອ້ມຂ້າງເມືອງ, ປະທານຊີ້ນຳກຸ່ມບ້ານ, ພະນັກງານ-ລັດຖະກອນ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ, ພະນັກງານອາວຸໂສ-ບຳນານ, ນາຍບ້ານໆໃຫ່ຍເວີນແຄນ, ນາຍບ້ານໆໃຫ່ຍປາໂມກເຂົ້າຮ່ວມບ້ານລະ 3 ທ່ານ, ເຊິ່ງມີຜູ້ເຂົ້າຮ່ວມຮັບຟັງທັງໝົດ 210 ຄົນ, ຍິງ 74 ຄົນ, ສະມາຊິກພັກ 185 ສະຫາຍ, ຍິງ 60 ສະຫາຍ.

    ໃນພິທີ ໄດ້ຮັບຟັງຜ່ານເອກະສານວັນສ້າງຕັ້ງການທູດລາວຄົບຮອບ 77 ປີ (12 ຕຸລາ1945-12 ຕຸລາ 2022) ນຳສະເໜີໂດຍ ສະຫາຍ ທອງພູນ ເພັງສະຫັວນ ຮອງເລຂາພັກເມືອງ, ເອກະສານວັນປະກາດເອກະລາດຄົບຮອບ 77 ປີ (12 ຕຸລາ 1945-12 ຕຸລາ 2022) ນຳສະເໜີໂດຍ ສະຫາຍ ສີສະຫັວດ ພົມມະລິວັນ ຄະນະປະຈຳພັກເມືອງ ຮອງເຈົ້າເມືຶອງໆມຸນລະປາໂມກ, ເອກະສານລະນືກເຖີງວັນສາກົນເພື່ອລຶບລ້າງຄວາມທຸກຍາກ ຄົບຮອບ 35 ປີ (17 ຕຸລາ 1987-10 ຕຸລາ 2022) ແລະ ວັນສັບປະດາແຫ່ງຊາດເພື່ອລືບລ້າງຄວາມຸທຸກຍາກຂອງ ສປປລາວ ຄົບ ຮອບ 19 ປີ (17-24 ຕຸລາ 2003-17-24 ຕຸລາ 2022 ນຳສະເໜີໂດຍ ສະຫາຍ ຄຳເຟືອນ ວົງຂຳ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ. ພ້ອມກັນນັ້ນ; ຍັງໄດ້ຮັບຟັງເຜີຍແຜ່ບົດສະຫຼຸບການເຄື່ອນໄຫວວຽກງານກວດກາແຕ່ປີ 2016 ເຖີງປັດຈຸບັນ ແລະ ບາງເນື້ອໃນຕົ້ນຕໍສຳລັບການເຄື່ອນໄຫວແຕ່ນີ້ຮອດປີ 2026 ນຳສະເໜີໂດຍ ສະຫາຍ ບັນໄທ ພີມພັກດີ ຮອງປະທານກວດກາພັກເມືອງ.

• < ຕໍ່ໄປ
• ຕໍ່ໄປ >